WARARKII Feb 19, 2006
-
Isbahaysi loogu
Magacdarey La dagaalanka Argagixisada oo looga dhawaaqy Muqdisho ..
-
Shariif Xasan oo ku sii
jeeda Magaalada Jowhar ee..
-
Xubnaha
labada Gole ee Muqdisho oo maanta u amababaxaya Baydhabo…
-
Cismaan
Caato oo u soo jeediyay kooxaha ku Dagaalaamaya …
-
Baaqyo soo
gaaraya kooxaha ku dagaalamaya Muqdisho
-
Dalladda SAFE oo ka
war-bixisay sida ay u socdaan.
-
Wararkii ugu dambeeyay
dagaal shaley ka bilowdey Muqdisho..
Isbahaysi loogu Magacdarey
La dagaalanka Argagixisada oo looga dhawaaqy Muqdisho ..
Kulan shalay ay ku yeesheen
deegaanka dayniile ee duleedka galbeed ee magaalada muqdisho rag isugu jira
hogaamiye kooxeedyo iyo ganacsato ayaa looga dhawaaqay isbahaysi dagaal oo ay
sheegeen inuu la dagaalamayo waxa ay ugu yeereen kooxaha xag jirka ee ajnabiga
ku daaban.
Ragaan ku dhawaaqay ishahasiga
oo ay ugu cad cad yihiin hogamiye kooxeedyada wasiirada ka noqday dowladda FKMG
ah ayaa waxaa ka mid Muuse Suudi Yalaxow oo ah Wasiirka ganacsiga, Maxamed
Qanyare Afrax oo ah Wasiirka Amniga, Bootaan Ciise Caalin oo ah Wasiirka hub ka
dhigista maleeshi yooyinka, Cumar Maxamed Maxamuud (Cumaar Finish) oo ah
Wasiirka awqaafta iyo arrimaha Diinta, Ganacsade Bashiir Raage Shiraar, C/rashiid
Shire Ilqeyte, Cabdi Nuure Siyaad (Cabdi Waal), Cabdi Shukri Cali Xirsi, Cabdi
Ciise iyo rag kale ayaa shalay ku dhawaaqista ay ku dhawaaqeen isbahaysigaan
waxay ku soo beegan tahay uu dagaal u dhexeeya kooxo maleeshiyo ah oo ka amar
qaata Max’ed Qanyare Afrax iyo maleeshiyo taabacsan Maxkamadaha Islaamka.
Max’ed Qanyare, Muuse Suudi,
Bootaan Ciise, Cumar Finish iyo Il-Qeyte oo kulanka Deyniile kaddib saxaafadda
la hadlay ayaa sheegay in ujeedada loo aasaasay isbahaysigaan uu yahay siday ula
dagaalami lahaayeen waxa ay ugu yeereen kooxaha xakjirka ah ee dhibaatada ka
wada dalka gaar ahaan Magaaalada Muqdisho, waxayna sheegeen in ay la gali
doonaan meel kasta oo ay galaan.
Waxa soo dedejiyay
isbahaysigaan ayaa ilaa iyo haatan la garaneyn, hase yeeshee dadka Siyaasadda
odorosa ayaa waxay leeyihiin waa boor isku qaris ay ku doonayaan in ay caqabad
ku noqdaan shirka 26-ka bishan ka furamaya Magaalada Baydhabo oo ay isugu
imaanayaan xubnaha Baarlamaanka ee Dowladda Federaalka.
Shariif Xasan oo ku sii
jeeda Magaalada Jowhar ee..
Iyadoo la filayo in 26-ka
bishan uu qabsoomo kulankii ugu horeeyay ee Baarlamaanka ee lagu qabto dalka
gudihiisa, waxaana Magaalada Baydhabo ka socda qaban-qaabada soo dhaweynta
xildhibaanada waxaana arrintaasi horkacayay Shariif Xasan Shiikh Aadan oo ah
gudoomiyaha Baarlamaanka, hase yeeshee warar aanu helnay ayaa waxay sheegayaan
in inta uusan qabsoomin shirkaasi lagu wado in Guddoomiyaha Baarlamaanku uu
gaaro Magaalada Jowhar si uu mar kale kulamo latishi ah ula yeesho Madaxweyne C/llaahi
Yuusuf Axmed iyo Ra’isul Wasaare Cali Max’ed Geedi , iyadoo sidoo kale
Guddoomiyaha Baarlamaanka uu kulamo kula yeelan doono Magaalada Jowhar
mas’uuliyiin ka socota dalka deeqda bixiya, iyagoo isla meel dhigi doona wixii
qarashaad ah ee looga baahan yahay kulanka ugu horeeya ee Baarlamaanka, maadaama
uu Guddoomiyuhu uu soo ogaaday waxyaabaha looga baahan yahay kulankaasi. Warar
kale ayaa waxay sheegayaan in saddex mas’uul ee ugu sareysa Dowladda iyagoo wada
socda ama wadajira ay gaari doonaan Magaalada Baydhabo si ay uga qaybgalaan
kulanka ugu horeeya ee Baarlamaanka. Guddoomiyaha Baarlamaanka waxa uu dhawaan
la kulmay wafdi ka socday Hay’adda UNDP waxa uuna u gudbiyay waxyaabaha looga
baahan yahay kulanka ugu horeeya ee Baarlamaanka ha noqoto dhinaca jiifka,
dayactirka Hoolka shirka iyo goobaha la dejin doono saddexda mas’uul ee ugu
sareysa Dowladda Federaalka. Guddoomiyaha Baarlamaaka ayaa waxa uu Madaxweyne C/llaahi
Yuusuf Axmed iyo Cali Max’ed Geedi kala hadli doonaa waxa laga yeelayo
nabadgelyada kulanka ugu horeeya ee Baarlamaanka ee Magaalada Baydhabo iyo
qaabka loo uruurin karo ciidamada.
Xubnaha labada
Gole ee Muqdisho oo maanta u amababaxaya Baydhabo…
Maalintii shalay
ahayd ayaa halka ay degan yihiini xubnaha labada Gole ee Magaalada Muqdish ayaa
waxaa loogu qaybiyay warqado qoraal ah oo loogu sheegayo qaabka ay u baxayaan oo
ay kaga qaybgalayaan shirka Baarla-maanka ee 26-ka bishan ka dhacaya Magaalada
Baydhabo.
Ilaa iyo 44
xildhibaan ayaa lagu wargeliyay in ay u diyaar-garoobaan safar dhinaca dhulka
ah, iyadoo la sheegay in ay raacdi doonaan dhowr bas oo loo diyaariyay.
Maanta ayaa la
filayaa in xildhibaanadaasi u dhaqaaqaan dhinaca Magaaalada Baydhabo maadaama
Guddoomiyaha uu ku wargeliyay dhamaan xildhibaanada ku sugan dalka gudihiisa iyo
dibaddiisa in ay ugu dabeyn ku soo xaroodaan 20-ka bishan.
Dhinaca kale
waxaa Magaalada Baydhabo ku sii qulqulaya xildhibaano iyo wasiiro ka tirsan
Dowladda Federaalka, iyadoo Magaalada Baydhabo la sheegay in ay ka socoto howl
loogu diyaar-garoobayo kulan-kaasi, waxaana maalintii shalay xarunta uu ka
dhacayo shirka ka bilowday howl dayactir ah iyo waliba mid nadaafeed, waxana
subax walba halkaasi taga guddi loo xil saaray arrintaas.
Cismaan Caato
oo u soo jeediyay kooxaha ku Dagaalaamaya …
Cismaan Xasan
Cali Caato oo haatan ku sugan Magaalada Gaalkacyo ayaa u soo jeediyay kooxaha ku
dagaalamaya Magaalada Muqdisho in ay joojiyaan dagaalka oo wixii khilaaf ah ku
xaliyaan wada hadal iyo is afgarad.
Cismaan Caato
waxa uu sheegay in waqtigaan aan loo baahneyn in dagaal kale lag abaabulo
Magaalada Muqdisho isagoo si gaar ah ugu soo jeediyay Bashiir Raage iyo Abuukar
Cumar Caddaani in ay u guntadaan sidii loo joojin lahaa dagaalkasai.
Hadalka ka soo
yeeray Cismaan Caato ayaa waxa uu ku soo beegmay xili raggii ay xulufada
ahaayeen ay Magaalada Muqdisho kaga dhawaaqeen isbahaysi la magac baxay
isbahaysiga la dagaalanka Argagixisada, sidoo kale waxa u u soo jeediyay beelaha
ku dagaalamaya Deegaanka Yaamaarugle in ay dagaalka joojiyaan oo khilaafkooda ku
xaliyaan wada hadal iyo is afgarad.
Baaqyo soo
gaaraya kooxaha ku dagaalamaya Muqdisho
Waxaa na soo
gaaraya baaqyo nabadeed oo loo jeedinayo kooxaha ku dagaalamaya duleedka
Kulyaddii hore ee Ciidamada ee Jaale Siyaad waxa uuna baaqyadii ugu dambeeyay ka
yimaadeen Hay’adda xaquuqda aadanaha ee Dr. Ismaaciil Jimcaale oo sheegtay in
shacabka Soomaaliyeed aysan u baahneyn dagaal dambe oo bulshada dhexdeeda la
abaabulo, waxayna u soo jeedisay kooxaha is haya in khilaafkooda ku xaliyaan
wada hadal iyo is afgarad,sidoo kale bulshada rayidka ah ayaa waxay ka
codsaneysaa kooxaha ku dagalaamaya Magaalada Muqdisho in ay u turaan shacbkooda
oo ay sheegeen in mudo 15 sano ah ay ku jireen dagaal sokeeye.
Sidoo kale
hay’adda Xaquuqda Aadanaha ee Wanalweyn Human Right ayaa u soo jeedineysa
kooxahaasi in aysan ku dhex dagaalamin bulshada dhexdeeda loona baahan yahay in
khilaafka lagu xaliyo wada hadal.
Dalladda SAFE oo ka war-bixisay
sida ay u socdaan.
Waxbarashada Dugsiyadooda
Dalladda
waxbarashada ahliga ee SAFE ayaa ka warbixisay shalay howlaha waxbarahada
Dugsiyada hoos yimaada Dalladda, Xoghayaha Wartfaafinta iyo Isboortiga ee
Dalladda SAFE C/alaahi Xasan Maxamed (C/laahi Biikolo) oo Wargeyska ugu
warameyey xafiiska Dalladda ee Magaalada Muqdisho ayaa sheegay in Dalladdu ay
wali ku mashquulsan tahay howlihii loo aasasay ee ahaa hourmarinta Caruurta
Soomaliyed ee waxbaranaya.
Xogahayuhu waxa uu sheegay inaysan jirin wax kala
jab ah oo ku yimid Dalladda SAFE waxa uuna intaas raaciyey in Dastuurkii iyo
Nidaamkii Dalladda ay sidoodii yihiin, balse waxa uu sheegay inay jiraan
4-Iskuul oo ka mid ahaa 78-Dugsi in laga saaray Dalladda ka dib markii sida uu
sheegay ay jabiyeen Xeerkii iyo Nidaamkii u degsanaa Dalladda isagoo xusay in
taasi aysan ahayn mid uu ku dhaqaaqay shaqsi gaar ah ee ay ku timid codka Gudiga
fulinta Dalladda SAFE oo fadhi ka yeeshay arintaas.
C/laahi Biikolo waxa uu ka waramay qaladaadka ay
galeen Iskuulada Dalladda laga saaray waxa uuna sheegay inay ugu wayn tahay
Sanad-Dugsiyeedkii Dalladda u dhignaa oo ay diideen, xiligii fasaxa la gali
jiray oo ay khilaafeen, Shahaadooyin been abuur ah oo ay soo samaysyeen iyo
tixgalin la’aan dhinaca kala saraynta madaxda Dalladda ah oo ay ku dhaqaaqeen,
Mr. Biikolo mar uu ka hadlayey sida ay u arkaan Dalladda ay samaysteen
Iskuuladii Safe laga saaray waxa uu yiri “anagu waan soo dhaweynaynaa Dallad
kasta oo waxbarasho ee qayb ka qaadanaysa horumarinta Tacliinta ubadka
Soomaaliyeed.
ugu dambayntii Dalladda SAFE waxay sheegtay inay
aad uga xuntahay weerarada loo gaysanayo Ardada Soomaaliyeed ee waxbarashada ku
howlan oo ay
sheegtay inay yihiin madaxdii mustaqablka dalka
iyo dadka
Wararkii ugu dambeeyay
dagaal shaley ka bilowdey Muqdisho..
Dadweynaha ku nool Magaalada
Muqdisho ayaa shalay ku waabareystay daryanta rasaasta culus iyo kuwa fudud oo
ay is weydaarsanayeen kooxo maleeshiyo ah oo kala taabacsan hogaamaya
kooxeedyada qaarkood iyo Maxkamadaha Islaamiga ah, waxaana dagaalkaani uu ka
bilowday agagaarka Kulyadii hore ee Jaale Siyaad, waxaana ilaa iyo haatan la
xaqiijiyay in dagaalkaasi ay ku dhinteen sagaal qof oo ay u badnaayeen dad rayid
ah oo ka dhawaa halka uu dagaalku ka dhacay.
Dagaalkaan oo leh wajiyo badan
ayaa waxa uu cabsi ku beeray dadweynaha Magaalada Muqdisho oo iyagu mudo 15 sano
ah ku jiray dagaal sokeeye, waxayna dib u soo xasuusteen waqtiyadii
sagaashameeyadii oo ay socdeen daagaladii ugu xooga badnaa ee sokeeye.
Dagaalkii u dhexeeyay
Beelaha Mareexaan iyo Baciidyahan oo sii Xoogeystey
Waxaa deegaanka Yamaarugle ee
soonka Shanaad ee Itoobiya ee ay soomaalidu degto waxaa ka socda dagaal u
dhexeeya beelaha Mareexaan iyo Biciidyahan, waxaana dagaalkaan la isku
adeegsaday hubka culus iyo midka fudud.
Dagaalkaan ayaa haatan la
sheegay in ay ku dhinteen dad kor u dhaafaya boqol qof, waxaana Magaalada
Cabud-Waaq la keenay ilaa iyo konton qof oo ku soo dhaawacan tahay dagaalkaasi.
Labada Beelood ayaa midba
midka kale waxa uu ku eedeenayaa in ay iyada mas’uul ka tahay dagalkaasi, hase
yeeshee Odoyaal ka tirsan Beesha Mareexaan ayaa waxay ku eedeeyeen maamulka
Puntland in ay hub iyo ciidmo ku soo biirayeen dagaalkaasi, sidoo kale beesha
Biciidyahan ayaa iyana ku eedeeysay beesha Mareexaan in ay dagaalka soo galisay
ciidmo iyo hub laga keenay gobalo kale
W/D Amiin
Yuusuf Khasaaro
E-Mail
amiinkhasaaro@hotmail.com
Faafin: SomaliTalk.com | Feb
19, 2006
Warqad furan
oo ka soo baxday Maxwell (Isuduwaha Gargaarka ee Soomaaliya) Akhri
[pdf]
Mid ka mid
ah Masaajidda waaweyn ee Muqdisho oo an lagu tukan Salaadii Jimcada
»60
qof oo ku geeriyoodey dagaalo Beeleed..
iyo Warar GooGoos ah ka akhri
halkan.. Guji... Feb
18
70,000 oo Qof
oo Mudaharaad ku dhigay Pakistan
iyo Baarlamaanka Norway oo soosaaray xeer mamnuucaya aflagaadada
Diimaha iyo Xildhibaanad
reer Australia ah oo Raali gelin ka bixisay hadalkeed "Qaranka
Islaamka"
Guji..
Kismaayo:
Maleeshiyo si Nabad ah looga saaray Xaafadda Guulwade
»Cali
Max’ed Geedi oo la filayo in uu gaaro Adis –Ababa
»C/llaahi
Yuusuf iyo Geeddi oo dib ugu soo laabtay Jowhar
iyo Warar
Ku Saabsan Abaaraha Soomaaliya .. Akhri Feb 16
»Duq
Ibliis Copenhagen bay Daash ku leedahaye
»Gefka
loo geystey Nabiga (NNKH) waa Xaniinya taabadkii ugu.. »Denmark
oo muslimiinta ku dhex nool ku eedeyneysa.. »Fikirkiisa
Guracan baa dunida dab ka dhaliyey!! »OGAAN IYO ULAKAC | Inj. Nabaddoon
»HADDII NABIGII ALLE
LOO GAFEY MAXAA KULA GUDBOON? |