SomaliTalk

Daabaco Boggan | Print

:::MURTIDA MAANTA:::

Meles Zenawi: Anigaa Imanaya Muqdisho, Gaar ahaan Xeebta Liido:::

Askarta Itoobiyaanka oo Ka Argagaxay Guuxa Mawjadaha Badweynta Hindiya:::

:::SHIRKII HAYB-SOOCA:::

Shirkii Lafa-Gurka Hayb Sooca ee Lagu Qabtay Minneapolis, oo lagu magacaabay guddi... Akhri

Dr. Cali Nuur oo warqad qoraal ah u diray shirkii Hayb-sooca iyo ka qayb galayaashii shirka.. Akhri

DAAWO: Video: Meles Zenawi oo Afkiisa ka Qirtay in uu Weeraray Qaranka Soomaaliya

:::FILIM:: XORAYNTII 77:::

Daawo Filim laga duubay: Xorayntii Soomaali Galbeed & Soomaali Abow ee 77.. Daawo

Kornayl Sheegtay in uu Soomaali yahay oo Hadallo La Yaab Leh Ku Hadlay isagoo difaacaya gumeysiga Itoobiya... daawo

"Waxaan Rabnaa in aan Soomaaliya Ka Asaasno Dowlad aan wax Diin ah Shaqo Ku Lahayn
Maxkamaduhuna Waxay rabaan in ay Soomaaliya ka Asaasaan Dowlad Islaami ah" kuxigeenka wakiilka DFKMG ee UN Akhri...

Duullimaadyadii Diyaaradaha Qaadka ee La joojiyey oo khasaare ba’an ku haya Kenya Qaadka laga joojiyey Soomaaliya waxa uu hoos u dhac ku keenay... Akhri...

Caddayn: Shirkadda Consort oo ka Diiwaan Gashan Maldives
Wasaaradda Ganacsiga ee Dalka Maldives ayaa dhowaan si rasmi ah shaaca uga qaaday in shirkadda... Akhri...

Soomaaliya: Halista HIV/AIDS iyo Xudduudaha Laga Tallaabo
Warbixin: Berbera oo noqotay meesha ugu AIDS-ka badan Dhulka Soomaaliyeed... Akhri..

.Kismaayo oo Si Weyn Looga Ciidey
.Kacdoon ka soo Cusboonaaday Muqdisho
.Madaxweynaha DFKMG oo Dib ugu Baqoolay Magaalada Baydhabo .
.Garowe: Afhayeenka Xisbiga Ramaas ee England oo la magacaabay.
.Xisbiga Ramaas oo ugu baaqay somaliada in ay xabada joojiyaan ciida fadligeeda.
.Sidee Looga Ciiday Magaalada Qardho
.Madaxweynaha Dowlada Federaalka KMG oo Saaka Markiisii Ugu horaysay kasoo degey Afgooye.

Kismaayo oo Si Weyn Looga Ciidey
Waxaana Dadweynaha la hadlay Sheekh Shariif Axmed

Dec 30, 2006: Magaalada Kismaayo ee Gobolka Jubbada Hoose ayaa maanta si weyn looga ciidey, waxaana dad kunanaan gaaraya ay isugu soo baxeen fagaaraha garoonka kubbada ee Kismaayo.

Dadweynihii ciida ka soo qayb galay waxaa la hadlay Sh. Shariif Sh. Axmed oo halkaas ciida kula tukadey, isagoo sheegay in aan mowqifkoodii waxba iska bedelin oo ay diyaar u yihiin in Itoobiya ka saaraan dalka Soomaaliya, guushuuna ay Soomaalida ku dambayn doonto. Ummadda Soomaaliyeedna waxa uu ugu baaqay in ay midoobaan, diyaarna u noqdaan difaacidda Diinta, Dalka iyo Dalka.

Sabti: Dec 30, 2006: Maanta oo ah Ciid Al-Adxaa ayaa waxaa magaalada Muqdisho laga dareemin ciid, Ayadoo aan meelo badan oo magaalada ah laga oogin salaadii ciida. Waxaa dadku taas ku macneeyeen in magaalada ay haystaan Itoobiyaan, shacabkuna ay arrintaas aad uga caraysan yihiin.

Dec 30, 2006: Wararka Hada naga soo gaaraya degamada afgooye ayaa sheegaya inuu madaxweynuha DFKMG uu dib ugu boqoolay magaalada baydhabo ,kadib markii uu kulamo la qaatay waxgaradka ,Odayaasha iyo shacabka degamada afgooye, islamarkaana uga soo gudbay isla xaruntii hore ee jaamacada lafoole oo uu Halkaas ay isku arkeen Odayaal ka tegey Magaalada muqdisho ,xildhinaano ka tirsan dowlada oo iyaguna ka tegey magaalada muqdisho iyo wax garad kale.

Waxaan khadka telefoonka kula xiriiray masuulka xog haynta gaarka u ah madaxweynaha mud; Xuseen Cali ayaa ii xaqiijiyey inuu madaxweynuhu kulamo kula qaatay xaruntii hore ee Lafoole masuulyiin kamida Odayaal ,Ugaasyo ,waxgarad iyo mudanayaasha baarlamanka dfkmg ah oo uu kamid yahay Kadare ,xildhibaan Dhuxuloow iyo kuwo kale ,sidoo kalena waxuu cagta soo mariyey magaalada afgooye oo uu salaada kadib uu socod booqasho ah kusameeyey magalada afgooye islamrkana uu madaxweynuhu dib noqonayo magaalada baydhabo.

''waxuu madax weynuhu Booqasho ku samaynayey magaalada afgooye oo uu saaka salaada ciidda kula tukaday ,sidoo kalena waxuu kulamo la qaatay Odayaal ,waxgaradka iyo shacabka reer afgooye islamrkana waxuu hore aanu tagnay xaruntii jaamacada lafoole halkaas oo ay isku arkeen madaxweynaha kulamona ku wada qaateen Odayaal iyo waxgarad ka socday Magaalada muqdisho oo uu hogaminayey Cali Ugaas cali iyo Odayaal dhaqameedyo kale ,sidoo kale waxay isku arkeen lafoole masuuliyiin kamida mudanayaasha baarlaamaanka oo uu kamid yahay xildhibaan kadare ,dhuxuloow iyo kuwa kale sidoo kalena madaxweynaha waxay halkas isku arkeen wax garadka iyo aqoon yahaniinta ku sugan Lafoole'' ayuu yiri mud; xuseen cali .

Mar aan waydiiyey maxaa sababay Madaxweynuhu inuu iyadoo Villa soomaali shacabku reer muqdisho ku sugayaan inuu dib ugu laabto Lafoole ayuu waxuu iigu jawaabay '' waxaa jirta madaxweynuhu Marnaba uguma jirin safarkiisa inuu Maanta ku tago Magaalada Muqdisho ,islamarkaana waxaa uu muqdisho ku imaan doonaa Dhowaan safar la shaaciyey Hadii alle idmo '' ayuu yiri mud; xuseen cali .

Si kastaba ha ahaatee Madaxweynaha ayaa saacadihii nasoo dhaafay ka duulay magaalada Afgooye isagoo kusii jeeda xarunta Gobolka baay ee baydhabo oo ay waday Diyaaradaha Qumaatiga u kaca ee dalka itoobiya.

Madaxweynaha Dowlada Federaalka KMG oo Saaka Markiisii Ugu horaysay kasoo degey Afgooye.

Waxaa saaka Goor hore si lama filaana Uga soo degey garoonka diyaradaha ee magalada afgooye madaxweynaha dowlada dfkmg soomaaliyeed cabdlillaahi yuusuf axmed oo ay waday diyaaradaha qumaatiga u kaca ee itoobiya islamarkaana ay weheliyaan wafuud kale iyo ciidamadiisa ilaalada ee dowlada.

C/Laahi Yuusuf waxaa Afgooye keentay diyaarad Helikopter ah oo ay leeyihiin ciidamada Militeriga Itoobiya, taas oo ka soo qaaday Baydhabo.

Madaxweyne c/laahi yuusuf ayaa maalintii shalay kulan kula yeeshay xaruntiisa madaxtooyada ee Magaalada baydhabo wasiirka arimaha dibada ee xukuumada itoobiya asiyas muzfin islamrkana ay ka wada hadleen sida la sheegay sidii uu dalka ugu casuumi lahaa hogamiyayaal ka socda caalamka oo uu kamid yahay Hogaamiyaha itoobiya melez zanawi .

Sidoo kale Madaxweyne yuusuf ayaa wararka qaar sheegayaan inuu doonayo maanta inuu usoo gudbo magaalada muqdisho islamarkaana dadka kala hadlo xaruntii villa somali ee magaalada muqdisho . [waa intii aysan soo bixin wararka sheegaya dib ugu laabashadiisa Baydhabo]

Arintan ayaa kusoo beegmaysa maanta oo ay tahay ciida barakaysan ee ciidul udxaa oo ka duwan ciidihii Hore ee ka dhici jiray Magaalooyinka afgooye iyo muqdisho islamrkana aysan jirin wax dad ah oo maanta ku tukaday masaajidka weyn ee isabaahaysiga islaamka ee ku yaala magaalada muqdisho iyadoo loo aanaynayo ciidamada Tigreega oo ku Hareeraysan xarumaha u dhow dhow masajidka darteed aysan jirin dad ku tukatay halkaasi.

Si kastaba ha ahaatee ma jiraan wax sidoo kale farxadii ciiduhu lahaan jireen oo maanta ka muuqanaya magaalada afgooye iyo muqdisho iyadoo ay jiraana meelo dadku ay durba ka bilaabeen banaan baxyo yar yar oo laga yaabo inay weynaadaan oo ay kaga soo hor jeedaan ciidamada tigreega ee ku jira gudaha dalka soomaaliya gaar ahaan magaalada muqdisho.

Garowe: Afhayeenka Xisbiga Ramaas ee England oo la magacaabay.

warqad ka soobaxday xafiiska Xisbiga mucaaradka ah ee ka jira Puntand oo loo yaqaano Ramaas political Part/ RPP ayaa lagu magacaabay afhayeenka xisbiga dalka England kaasi oo loo magacaabay sida ku cad warqada ka soo baxday xafiiska ramaas ee Garowe Sharmaake C/llaahi sidan ayayna u qornayn warqadasi.

Puntland state of somalia
Ramaas Political Party

Rpp/179/06 Garowe: 30/12/06

Ku: Sharmaake Cabdilaahi Leicester UK,

Ujeedo: Magacaabis afhayeenka xibiga Ramaas eedalka Engalnd

Gudoomiyaha Xisbiga Ramaas
Markuu arkay barnaamijka guud ee xisbiga
Markuu arkay xeerka xisbiga
markuu arkay dastuurka DGPL
Markuu ogaaday jaaliyada ku nool England ee reer Puntland in ay danaynayaan afhayeen xisbgia Ramaas ee wadankooda.
Markuu la tashaday Gudiga fulinta ee xisbiga.

Waxaa lamagacaabay Mudane Sharmaake C/laahi oo loo magacaabay afhayeenka xisbiga Ramaas ee England.

Mudane waxaa lagaa codsnayaa in aad dhawrto qawaanmiinta xisbiga iyo rabitaanka shacab waynaha puntland.

Gudoomiyaha Xisbiga Ramaas

Daahir C/qaadir muuse
Email: daahirciiro@hotmail.com Mobile: 002525747090
Xafiiska Xisbiga Ramaas ee Garowe

Garowe: Xisbiga Ramaas oo ugu baaqay somaliada in ay xabada joojiyaan ciida fadligeeda.

Puntland state Of Somalia
Ramaas Political Party
RPP:180/06 Garowe: 30/12/06

Ku: saxaafada madaxa banaan ee Somlia
Ku: shacabwaynaha Puntland
Ku: Guud ahaan shacabka Somaliyeed
Ujeedo: Ciid wanaagsan

Mudanayaal iyo marwooyin waxaan idin leenahay ciid wanaagsan waxaana ilaahay idiin ka baryaynaa ciidan ciideeda in aad ku gaadhaan nabad waarta iyo hiigsi horumarineed.

Waxaan umada somaliyeed ugu baaqaynaa meel kasta oo ay joogaan in ay xabada dhigaan wixii ka dhexeeyana ay ku dhamaystaan wadahadal.

Waxaan illaahay uga baryaynaa umda somaliyeed in ilaahay bogadooda isku mariyo burcad.
Waxaan kaloo idin kula talinaynaa meel kasta oo aad joogtaan in aad ku dayataan shacabwaynaha puntland oo meel iska dhigay xumaanta shacabwaynaha Somaliyeed una soo jeensaday hormarka Dalka.

Golaha xukuumada Federalka waxaan ugu baaqaynaa kooxaha ka soo horjeeda in ay leheshiiyaan wadahadalna wax lagu doono xabadana la joojiyo si loo gaaro nabad iyo horumar dhan walbaba leh.

Gudoomiyaha Xisbiga Ramaas daahir C/qaadi muuse
Email: Daahirciiro@hotmail.com mobile 002525747090

C/weli Xasan Cabdi (gooni)
gooni2@hotmail.com
Qardho,Puntland Somalia
002525747061

Sabti: Dec 30, 2006:: Dadweyne aad u badan ayna ka muuqatay farxad iyo bilicsanaan sare ayaa maanta iskugu soo baxay wadooyinka waaweyn ee xarunta Gobolka karkaar ee Qardho si salaadda CIIDAL ADXAA ay ugu tukadaan goobtaas.

Dadkii salaadda ciida iskugu yimid ayaa iskugu hambalyaynayay sanadka cusub ee islaamka inuu noqdo mid horumar iyo nabad Soomaaliya u keena,waxa uuna imaamka ugu duceeyay wadamada islaamka ee dhibka ka jiro in ALLE ka saaro ayna helaan amaan iyo maamul wanaagsan oo ay kaga baxaan dhibaatooyinka.

Wadooyinka ayaa camirnaa oo iyadoo badankood shacabka ay muujinayeen ku faraxsanaanta maalinta ciidda.

Sabti: Dec 30, 2006: Maanta oo ah Ciid Al-Adxaa ayaa waxaa magaalada Muqdisho laga dareemayaa kacdoon looga soo horjeedo ciidamada Itoobiya ee xoogga ku soo galay dalka Soomaaliya. Waxaana meelo badan oo magaalada ah ka socda mudaharaadyo kacdoonkaas la xiriira. Waxaa taas dheer in aan qaybo badan oo magaalada ah maanta laga ciidin.

Waxaa wararku sheegayaan in maanta ay dhaceen bannaanbaxyo rabshado wata ay oo dadku ay tuurayeen dhagxaan ay shalay 29/12/2006 ka dheceen, iyagoo ku dhawaaqaya erayo ka dhan ah ciidanka Itoobiya ee ku sugan dalka Soomaaliya. Waxaana meelaha qaarkood lagaga soo waramay in la gubey calanka Itoobiya.

Marka la eego dareenka shacabka Soomaaliyeed iyo colaada soo jireenka ah ee gumeystaha Itoobiya, waxay xaaladda u muuqatey mid u eg in dalka oo dhan ay ka dhici doonaan kacdoon ballaaran, gaar ahaan magaalada Muqdisho oo ay hadda ciidamada Itoobiya ee ugu xoogga badani ku sugan yihiin. Waxaana warbaahinta qaar ka mid ah weriyeen in la arkayey dumar Soomaaliyeed oo mudaharaadka ka qayb qaadanaya kuwaas oo cunayey Hilib Ceeriin iyagoo ula jeeday in xabashida xilli sii horeysey sidaas loo baday in ay hilibka ceeriin cunaan.

Qof weydiistey in aan la magacaabin ayaa yiri: "Waxaa soo dhow ERYAAY ERYAAY, XABASHIDA ERYAAY, oo markaas ay dalka Soomaaliya caga caddaan uga bixi doonaan, jidka dheerna laga ugaarsan doono, inta ka hartaana iyagoo xiiqsan ku laaban doonaan guryohoodii".

Magaalada Muqdisho oo markii ay la wareegeen Maxaakiimta Islaamiga ah muddo lix bilood ah noqotay meel xasilan oo ammaankii, bilicdii iyo kala dambayntii kusoo laabatay ayaa maanta oo Maxaakiimtii ka maqan yihiin u muuqata meel faraha ka sii bexeysa.

Dec 29: Banaan baxyo Rabshado wata oo Lagu diidan yahay ciidamada Tigreega ka dhacay Magaalada muqdisho.

Banaan baxyadan ayaa lagaga soo hor jeedaa ciidamada itoobiyaanka ee la socda kuwa dowlada federaalka KMG ee soomaaliya islamrkaana iyadoo banaanbaxayaashu ku dhawaaqayey doonimayno amxaaro ,doonimayno itoobiyaan iyo erayo oo ka dhan ah ciidamada iyo xukuumada Tigreega ee melez zanawi .

Sidoo kale banaanbaxayasha ayaa dhagxaan ku tuurayey baabuurta tiknikada ee dabaabadka ay wataan ciidamad itoobiyaanka islamrkaana dhawacyo yaryar u gaystay askarta waloow aan wax jawaab ah aysan ka bixin ciidamadasi ,sidoo kalena waxaa xirmay qaar kamida wadooyinka magaalada muqdisho oo lagu gubey taayiro iyadoo ay istaageen baabuurta gadiidka ee isaga kala goosha xaafadaha magaalada Muqdisho.

Banaanbaxayaasha oo aad u caraysnaa ayaa ku gubayey wadooyinka Magaalada muqdisho taayiro islamarkaana kasoo hor jeeda ciidamada itoobiyaanka ee jooga magaalada muqdisho ,ma jiraan wax masuul ah oo dfkmg ah oo ka hadlay banaan baxyadan,waloow ay banaan baxayashu ku habeensadeen islamrkaana markii gabalku dhacay ay kala dareereen .

Si kastaba ha ahaatee xiisada Nacaybka ee loo qabo ciidamada itoobiyaanka ee ku sugan caasimada iyo meelo kamida gudaha dalka soomaaliya ayaa maalinba maalinta kasii dambaysa sii xoogaysanaysa islamrkaana keeni karta rabshado iyo ammaan xumo ka dhalata magalada muqdisho iyo guud ahaanba dalka soomaaliya.

KISMAAYO: Dec 29, 2006: Sida ay werisey hay'adda wararka ee AP, hoggaamiyaha Islaamiga ah waxa uu Jimcadii wacad ku maray in ay sii wadayaan dagaalka ay kaga soo horjeedaan Itoobiya.

"Kama bixi doono Soomaaliya", sida uu Sheikh SHariif Sheikh Axmed, hoggaamiyaha sare ee Midowga Maxaakiimta Islaamiga, u sheegay hay'adda AP. Waxana uu intaas ku daray "Kama carari doono cadowga. Weligana kama bixi doono Soomaaliya. Waxaan joogi doonaa dhulkayaga".

Sh. Shariif Sh. Axmed waxa uu hay'adda AP la hadlay isagoo jooga magaalada Kismaayo ee Koonfurta Soomaaliya, halkaas oo uu tegey markii xoogaggiisu dib ugu gurteen kaddib markii ay iskaga baxeen Muqdisho oo ay joogeen lix bilood, ayey tiri AP.

Waxaa warku intaas ku daray in ra'iisul wasaaraha Itoobiya, Meles Zenawi uu ballan qaaday in uu burburinayo dagaalyahanada uu ugu yeeray xagjirka dhaqdhaqaaq Islaamiga ah iyo jaalkooda ajnebiga, isagoo sheegay in ay ku qaadaneyso dhawr toddobaad oo dheeraad ah.

Hay'adda waxa ay tiri: Dhaqdhaqaaq Shariif Axmed waxa ay ballan qaadeen in ay Soomaaliya ku maamuli doonaan Sharciga Qur'aanka.

Wararka ka imanaya magaalada Muqdisho ayaa sheegay in Jimcadii madfac lala beegsaday dekedda weyn ee magaalada Muqdisho. Tan oo markii koowaad ka dhigeysa in madfac lala beegsado dekadda ilaa markii ay ka baxeen maxaakiimtu. Waxaa wararku intaas ku darayeen in madfacaas oo laga soo ridey Woqooyiga Muqdisho in ay ku dhimatey gabar yar oo reerkoodu degganyihiin meel u dhow dekedda.