Barnaamijkii Radio Xoriyo
12 December 2006
Dagaallo lagu jabiyey
ciidamada cadowga Itoobiya.
Ciidamada Itoobiya oo la soo
dhoobey Xuduudka G/ Hiiraan
Guddoomiyaha
JWXO oo shir wayn kaga qayb galay magaalada London
Shir balaadhan oo ay
qabatay Jaaliyada Ogadenya ee K/afrika.
Barnaamijka Dareenka
dadweynaha.
======================
Wariyaha RX uga soo
warrama xarunta dhexe ee Jabhadda Waddaniga Xoreynta
Ogaadeenya ayaa noo soo sheegay dagaallo ay iskaga
horyimaadeena ciidammada xoreynta Ogaadeenya iyo kua
saama la-luudka ah ee gumaysiga Itoobiya, waxayna
dagaalladaasi ka dheceen meelo kala duwan oo Ogaadeenya
ka mid ah.
Markii ay taariikhdu ahayd
06/11/06 dagaal ka dhacay La-helow waxaa ciidammada
cadowga lagaga dilay 6 askari, 9 kalana waa lagaga
dhaawacay.
25/11/06 waxay ciidammada
xoreynta Ogaadeenya waddada u galeen kolonyo ciidammada
cadowga ah oo marayasay meesha lagu agacaabo Mara-koor,
oo ka tirsan degmada Qallaafe, waxayna halkaas ku gubeen
hal baabuur, oo ayna waxba ka bixin wixii saarnaa oo
dhan. Waxay sidoo kale khasaare ba¢an oon faahfaahinta
la haynin gaadhsiiyeen ciidammadii saarnaa baabuurta
kale.
26/11/06 dagaal sidoo kale
ka dhacay Laamu, oo ka tirsan Qabridaharre, waxaa
ciidammada gumaysiga Itoobiya lagaga dilay 8 askari,
waxaa sidoo kale lagaga dhaawacay 10 askari.
28/11/06 dagaal ka dhacay
Antoomi, oo ka tirsan degmada Dhagaxmadow, waxaa
ciidammada gumaysiga Itoobiya lagaga dilay 3 askari, 5
kalana waa lagaga dhaawacay.
29/11/06 dagaal ka dhacay
Carmaale waxaa ciidammada caga-jiidka ah ee gumaysiga
Itoobiya lagaga dilay 10 askari, 11 kalana waa lagaga
dhaawacay.
09/12/06 waxay ciidammada
xoreynta Ogaadeenya jidka ku heleen ciidammo Itoobiyaan
ah oo wada koox ka mid ah dad laga soo ururiyay gobolka
Qorrexey oo loogu talagalay inay cadowga la shaqeeyaan.
Ciidammadan iyo dadkan isku dhafan waxaa lagu helay
duleedka Maraacaato iyagoo lugaynaya oo meel magaalada
aad uga fog kaga yimid seddex baabuur oo ay wateen.
Kooxdan ayaa meelo kala duwan u kala firxaday.
Dhinaca kale markii ay
taariikhdu ahayd 26/11/06 waxay ciidammada nacabka ah ee
gumaysiga Itoobiya ku dileen meesha lagu magacaabo
Walaa-goo, oo ka tirsan degmada Dhanaan, nin shacab ah
oo magiciisa aanaan haynin.
Sidoo kale 27/11/06 waxay
ciidammada cadowgu degmada Dhanaan ku dileen nin shacab
oo magiciisa aanaan helin.
Magaalada Gunagado waxaa
muddo lix bilood ah ku xidhan dadwayne rayad ah oo isugu
jira kuwa maamul ku-sheegga degmada ka tirsanaa iyo qaar
kale oo rayad ah.
Xubnaha maamul ku-sheegga
ka tirsanaa ee lixda bilood ku xidhnaa degmada Gunagado
waxay kala yihiin;
1- Maxamuud Xasan Cali
(Indheeye)
2- C/llaahi Yuusuf
Cali Aar (C/llaahi Dheere)
3- Maxamed Cabdi
Geelle (Dhagawayne)
4- Nuur Mxamuud Xasan
(Illow)
Dadka kale ee iyaguna
Gunagado ku xidhxidhan waxaa mid ah labo nin oo loo
haystey inay taageeraan JWXO, waxayna labadaas nin kala
yihiin;
1- Sh Maxamed Cali
Siyaad
2- Axmed Cabdi Mahdi
Waxaa kaloo magaalada
Gunagado ku xidhxidhan shan qof oo rayad oo loo haysto
baabuur badhtamaha sannadkan lagu gubay meel aan ka
fogayn Gunagado. Dadkan shanta ah waxaan magacyadooda
kowaad ore oo kaliya haynaa labo ka mid ah, waxayna kala
yihiin;
1- Fannaase iyo
2- C/samad
Dadkan ayaa la sheegayaa
in jidhdil ba¢an loo gaystay intii ay halkaas ku
xidhxidhnaayeen.
Ciidamada
Itoobiya oo la soo dhoobey Xuduudka G/ Hiiraan
Wararka laga helayo
xuduuda Gobolka Hiiraan la wadaago Ogadeniya ayaa
sheegaya in askarta Ciidamada Itoobiya ay soo gaareen
halkaas iyadoo fariisamo ka sameystey deegaanka War
Qumayo oo dhinaca waqooyi kaga beegan Far Libaax ee
Gobolka Hiiraan
Ciidamadan oo wata ilaa 80
baabuurta dagaalka ayaa waxa ay dhaq dhaqaaqyo ciidan ka
wadaan tuulooyinkaWar qumayo, Sariile iyo meel 40 Km
dhinaca Waqooyi kaga beegan tuulada Far Libaax ee
gobolka Hiiraan.
Ciidamadan Wayaanaha ah
ayaa waxaa la sheegay in ay wehliyaan maleeshiyaad
taabacsan Hogaamiye Kooxeedka Max'ed Cumar Xabeeb Max'ed
Dheere oo ka mid ahaa Isbaheysigii lagaga taagta
roonaaday dagaaladii ay la galeen Maxkamadaha Islaamka.
Dhica kale, Mudanayaasha
Baarlamaanka KMG ka ah ee Soomaaliya kuwooda ku sugan
Magaalada Muqdisho ayaa Dowlada Zenawi ee Itobiya ku
Cambaareeyay in ay wado qorshe ay iskugu balaarineyso
Dalka Soomaaliya.
Shir jaraa'id oo ay
maantii Axada ku qabteen Xildhibaanadan Baarlamaanku
Hotel Ambassador ee Magaalada Muqdisho ayey ku sheegeen
in Xafiiska Ra'iisul Wasaare Cali Maxamed Geedi ay si
sir ah uga heleen khariirad cusub oo ah Afrika ah, taasi
oo laga saaray Dalka Soomaaliya.
C/lle Xaaji oo kamid ah
Xildhibaanada Muqdisho oo Shirkaasi jaraa'id ka hadlay
ayaa sheegay in Qariiradan ay ku jiraan dhamaan Wadamada
Afrika, marka laga reebo Dalka Soomaaliya Wuxuuna
Xildhibaanku sheegay in halkii ay Soomaaliya kaga tiilay
Qaarada Afrika lagu qoray Itooobiya, waa sida uu hadalka
u dhigaye.
Warar iyaguna ka soo
baxaya Magaalada Baydhabo ayaa sheegaya in Ciidamadii
Itoobiyaanka ee ku sugnaa xerooyinka Deynuunay iyo
Lug-Habar ay halkaasi ka soo baxeen oo ay u soo guureen
dhinaca Gudaha Magaalaad baydhabo. Warku wuxuu intaas ku
daryaa in ay cabsi la soo daristey Ciidmada Itoobiya,
iyaga oo ka cabsi qaba in ay Xerooyinkaas ku go'doomaan
hadii dagaal ka qarxo Magalaada Baydho, halka warar
kalena ay sheegayaan in Ciidadmada Itoobiya loo soo
rarey si ay u difaacaan xarunta Madaxtooyada ee DFKM ee
Soomaliya.
Guddoomiyaha
JWXO oo shir wayn kaga qayb galay magaalada London
Maalintii axadda
ahayd ee taarikhdu ku beegnayd 10/12/06 waxaa magaalada
London ee dalka Britain lagu qabtay shir wayn oo lagaga
hadlayay arrimaha Ogaadeenya, kaasoo ay soo
qabanqaabisay Jaaliyada Ogaadeenya ee waddanka Britain.
Shirkan waxaa ka soo qayb galay guddoomiyaha JWXO iyo
madax kale oo Jabhadda ka tirsan iyo dadwayne aad u fara
badan oo isaga yimid gobollada kala duwan ee dalka
Britain.
Shirkan waxaa warbixin
dheer oo dhinacyo badan taabanaysa ka soo jeediyay
guddoomiyaha JWXO Admiraal Maxamed Cumar Cismaan, oo
dhawaan ka soo laabtay dalka Ogaadeenya oo uu muddo
dheer ku sugnaa. Guddoomiyuhu wuxuu ka warramay
horumarka lagu dhaadan karo ee uu sameeyay halganka
Ogaadeenya ee JWXO hormudka ka tahay. Wuxuu sidoo kale
ka warramay guulaha is-dabajoogga ah ee cidammada
xoreynta Ogaadeenya ka soo hoyiyaan dagaallada ay kula
jiraan ciidamada maxaysatada ah ee gudmaysiga Itoobiya
ku soo ururiyay dalka Ogaadeenya.
 Afhayeenka RPP oo
Digniin Kulul u diray Zenawi:
Afhayeenka xisbiga Ramaas Political Party[RPP] ee midoowga Yurub C/Naasir
Guure Faarax [jeer] ayaa war saxaafadeed uu soo saaray ku canbaareeyay
go'aankii ay golaha barlamaanka maamul Gobaleedka Puntland ay kusoo
dhaweeyeen cuno qabataynta hubka ee laga qaaday Soomaaliya.
Akhri... |
Markii uu guddoomiyuhu
dhammeeyay warbixintiisii waxaa dadwaynaha fursad loo
siiyay inay waydiiyaan wixii su’aalo ah ee ay qabaan,
iyadoo guddoomiyaha la waydiiyay su’aalo aad u fara
badan oo uu dhammaantoodba uga jawaabay si ay ku qanceen
dadwaynihii madashaas isugu yimid.
Shirkan, oo ahaa mid in
muddo ahba la sugayay, waxaa sidoo kale ka soo qayb
galay guddoomiyaha hooggaanka arriamaha dibada iyo
jaaliyadaha mudane C/raxmaan Sh Mahdi iyo guddoomiyaha
hay’adda kormeerka iyo hanti dhawrka mudane Maxamed
Cabdi Yaasiin (Diirrane).
Shirkan, oo uu
daadihinayay guddoomiyaha Jaaliyada Ogaadeenya ee
Britain Sh Xuseen, ayaa u dhacay sidii loogu talagalay,
iyadoo laga gaadhay ujeeddadii loo qabtay oo ahayd in
dadwynaha Britain looga warbixiyo halganka Ogaadeenya
iyo marxaadda uu marayo.
Shir balaadhan oo ay
qabatay Jaaliyada Ogadenya ee K/afrika.
Dec 10, 2006
Maanta oo maalin Axad ah taariikhduna ay tahay 10 kii
December waxa uu shir ka dhacay magaalada xarunta u ah
jaaliyadda Ogaadeenya ee Koonfur Afrika, Uitenhage ee
Gobolka eastern Cape.
Shirka noocan oo kale ah waxay jaaliyaddu qabataa
sanadkii labo Jeer,kaasoo dadku ay dhaqaale gurmad ah
ugu deeqaan jabhadda.
Shirkan maanta dhacay ayaa waxaa kasoo qayb galay
dadwayne aad u badan oo si run ah utaageera halganka.
Shirkaasi waxaa dadka dhiiggiisa dhaqaajiyo wacdi diini
ahoo dhow sheekh oo hadlay ay jeediyeen,waxaa kale oo
halkaas qudbad dheer ka jeediyay gudoomiya jaaliyadda.
Gudoomiyuhu waxa uu xusay Xaaladda deegaan ee
Ogaadeenya,halganka Ogaadeenya iyo meesha uu maanta
taagan yahay iyo isbadalada Kosaoo muuqda Geeska Afrika
Saamaynta ay kuleedahay dadka Ogaadeenya.
Kadib dadkii shirka fadhiyay ayaa waxay si hagar la'aan
ah ugu yabooheen cid kastaba wixii dhaqaale ah ee ay
awooday.
Waxaa la kala boobay qoritaanka yaboohii
dhaqaalaha,iyadoo dadka ay aad uga muuqatay qiiro
wadanimo oo ay gaws dambeedka ku haystaan taageerada
halgankooda lagu raadinayo Aayo-katalinta dulka
Ogaadeenya.
Kadib dadwaynihii ayaa aaraadoodii jeedsaday,waxa uuna
shirku gabagaboobay iyaoo dadku ay sacabinayaan,ilama
markaana ay ad ugu sii xiiso qabaan in shirku sii socdo.
Sidoo
kale unugta jwxo ee wadanka Sweden ayaa iyaguna shir
isugu yimid,shirkaas ayaa lagu doortay gudi cusub oo
maamulka sii haya labada sano ee soosocota.
Waxay
kasooqayb galayaashii shirkaas balan qaadeen inay hiil
iyo hooba la garab taagan yihiin halganka hubaysan ee
loogu jiro xoraynta Ogadenya.
12
December 2006.
Axmed
Xidig
Radio Xoriyo waxaad ka dhegaysan kartaa Mawjadda 31 MB
ee dhererkeedu yahay 9445 KHZ,iyo internetka
Radioxoriyo.com,Ogaden.com
Maalinta Talaadada ah 7:00PM – 8:00 waqtiga Afrikada
Bari
Faafin: SomaliTalk.com | Dec 13, 2006
 Soomaaliya:
Halista HIV/AIDS iyo Xudduudaha Laga Tallaabo
Warbixin: Berbera oo noqotay meesha ugu AIDS-ka
badan Dhulka Soomaaliyeed...
Akhri...
 Xildhibaannada
Muqdisho ku sugan oo soo Bandhigay Khariidad Muujinaysa
in Ethiopia ay Soomaaliya Dalkeeda ku Darsatay. Waxana ay xildhibaanadu
cambaareeyeen Qaraarkii UN ee...
Akhri...
| 
Daabaco
Boggan | Print
