Daabaco Boggan | Print Shir ay Minneapolis ku yeesheen Guddiga La Dagaalanka Hayb Sooca

Wararkii: Dec 10, 2006

• Kulan xasaasi ah oo ay yeesheen labada Gole ee Maxkamadaha Islaamiga
• Warbixin ku saabsan dagaal shalay ka dhacay deegaanka Iidaale..
• Ciidamada Maxaakiimta oo Qorsheynaya in ay Baydhabo ka Weeraraan...
• Guddoomiyihii Baay oo xilka laga qaaday..
• Jabhadda ONLF oo sheegtay in Ciidamada Itoobiy ay tacadiyo ka geysteen
• Maamulka Maxaakiimta ee Sh/dhexe oo mamnuucay duubista Cajaladah Heesaha..
• Wasiirka Cadaalada Puntland, Geesood, oo iska barraxey rabshadii Bosaso
• Garowe: Wasaaradda Waxbarashada DGPL oo tababar u furtay 22 qof oo la barayo Maamulka.

• ---

  Wasiirka Arrimaha Diinta  Dowlada GPL, C/risaaq Yaasiin Cabdule Geesood, ayaa sheegay in Culuma’udiinka PL ay xaq u leeyihiin in dacwada Islaamka ay sidii ay rabaan dadka u gaarsiiyaan, isla markasina falalkii Jimcadii ka dhacay Bosaso aysan waxba ka ogeyn wasaaradiisa. {warka oo dhan hoos ka akhri}

  ---

Kulan xasaasi ah oo ay yeesheen labada Gole ee Maxkamadaha Islaamiga..

Kulan albaabadu u xirnaayeen ayaa xarunta Midowga Maxaakiimta Islaamiga waxaa ku yeeshay labada Gole ee Maxaakiimta Islaamiga ah oo kala ah Golaha fulinta iyo Golaha shuurada, waxaana kulankaasi looga hadlay xaaladda ku soo korortay wadanka Soomaaliya, gaar ahaan colaadaha ka jira gobalada Baay.

Xubnihii ka qaybgalay kulankaasi ayaa waxay soo jeediyeen in loo diyaar garoobo sidii la isaga difaaci lahaa ciidamada Itoobiya iyo kuwa daba socda, maadaama ay burbureen wada hadaladii Khartuum iyo in loo hogaansami waayey rabitaanka Shacabka Soomaaliyeed ee ah ku dhaqanka Shareecadda Islaamiga ah iyo in aan la keeni ciidamo shisheeye dalka Soomaaliya.

Dood dheer iyo falanqeyn kaddib labada gole waxay isku raaceen in si wadajir ah looga hortago ciidamada Itoobiya ee ku sugan gudaha dalka Soomaaliya, lana fuliyo go’aanadii ay horey u soo saareen guddiga fulinta ee ahaa in lala jihaado ciidamada Itoobiya ee ku soo xadgudbay gudaha dalka Soomaaliya, waxaa kaloo kulankaasi looga hadlay sidii loo xoojin lahaa xiriirka Beesha Caalamka ay Maxaakiimtu la leeyihiin si looga dhaadhiciyo mowqifka Maxaakiimta Islaamiga ah ee ku wajahan Caalamka, labada gole waxay si aad ah u cambaareeyeen qaraarkii Golaha Ammaanka ee ahaa in Soomaaliya laga qaado cunaqabateynta hubka iyo keenista ciidamo Shisheeye, iyagoo ku tilmaamay in go’aankaasi uu ahaa mid dhinac ah oo aan dhex dhexaad ka aheyn arrimaha Soomaaliya, sidoo kale waxay labada gole sheegeen inay si wadajir ah uga hortagi doonaan ciidan kasta oo isku daya in uu soo galo Soomaaliya, waxayna u soo jeediyeen wadamada doonaya inay Soomaaliya u soo diraan ciidamo in ay ciidamadooda dib ula laabtaan maadaamaa Soomaaliya haatan tahay mid aad u xasiloon oo aan looga baahneyn ciidamo shisheeye, maadaama shacabka Soomaaliyeed soo arkeen wax ay galaan ciidamo shisheeye oo la keeno dalka Soomaaliya.

Warbixin ku saabsan dagaal shalay ka dhacay deegaanka Iidaale..

Wararka naga soo gaaraya gobalka Baay waxay sheegayaan in dagaalkii shalay ka dhacay deegaanka Iidaale ee ay isaga hor yimaadeen Maxaakiimta iyo Ciidamada Itoobiya oo garab siinaya kuwa Dowladda Federaalka ayaa waxaa la sheegay in dagaalkaasi khasaaro loogu gaystay ciidamadii Itoobiya iyo kuwii Dowladda Federaalka lagana gubay ilaa iyo lix gaari, balse wararkaasi wax xaqiijinaya ma jirto, balse mar aan la xiriirnay dadka deegaanka, waxay noo sheegeen in labo gaari laga gubay ciidamada Dowladda Federaalka.

Ciidamada Maxaakiimta ayaa la sheegay inay ku soo siqayaan Deegaanka Manaas, waxaana la sheegay inay shalay ka soo gudbeen deegaanka Iidaale.

Warar kale ayaa waxay sheegayaan in Madaxweyne C/llaahi Yuusuf Axmed uu kormeer qarsoodi ah ku tagay halka ay ku sugan yihiin Ciidamada Dowladda, waxa uuna warbixin ka dhegeystay Saraakiisha ciidamada, iyagoo uga waramay waxyaabaha ay u baahan yihiin, waxa uuna C/laahi Yuusuf isla shalay dib ugu soo laabtay Baydhabo, waxaana Baydhabo ka socda dhaqdhaqaaq aad u xoogan oo dhinaca Ciidamada.

Ciidamada Maxaakiimta oo Qorsheynaya in ay Baydhabo ka Weeraraan...

Iyadoo uu sii xoogeysanay dhaqdhaqaaqa ciidan ee u dhexeeya Maxaakiimta Islaamiga ah iyo kuwa Itoobiya ee aagagga Diinsoor iyo Buur-Hakaba ayaa haddana warar aanu helnay waxay sheegayaan in Ciidamada Maxaakiimtu qorsheynayaan in ay dhowr aag ka weeraraan Magaalada Baydhabo.

Inkastoo aan la carabaabin aagaggaasi ayaa haddana waxaa lagu waramay in Ciidamada Maxaakiimta ee ku sugan Diinsoor ay shalay gaareen ciidamo Xoojin ah oo ka yimid dhinaca Gobalka Hiiraan, waxaana laga cabsi qabaa in dagaal aad u qaraar uu ka dhaco Agagaarka Magaalada Baydhabo.

Ciidamada ku jira aaggagga hore ee isugu jira kuwa Maxaakiimta iyo ciidankii Xoogga Dalka Soomaaliyeed ayaa shalay loo qaybiyey mushaaraadkii, waxaana la siiyey dardaaran-koodii ugu dambeeyay, iyadoo aagagga hore ee Ciidamada ay gaareen saraakiil ka tirsan Maxaakiimta Islaamiga ah.

Guddoomiyihii Baay oo xilka laga qaaday..

Kulan ay isugu yimaadeen Golaha Deegaanka Gobalka Baay ayaa waxay daboolka kaga qaadeen in ay xilkii ka qaadeen Guddomiyihiin Degmada Baydhabo Axmed Maadeey Isaaq, kaddib markii Golaha Deegaanku ku eedeeyeen in ay gudan waayey xilkiisii, isla markaana uu xiriirin kari waayey in Dowladda Federaalka iyo Golaha Deegaanka.

Axmed Maadeey Isaaq ayaan wax war ah ka soo saareen xil ka qaadistiisa, sidoo kale Dowladda Federaalka ayaa iyana ka hadlin xilka laga qaaday Guddoomiyihii Baydhabo.

Khilaafkaan soo kala dhex galay Golaha Deegaanka iyo Guddoomiyaha Golaha Deegaanka ayaa waxa uu sababi karaa in khilaafkaasi uu sii weynaado, haddii aan Dowladda Federaalka aysan xal deg deg ah keenin, waxayna xil ka qaadistaani ku soo beegan tahay xili gobalka Baay ay ka jiraan dagaalo u dhexeeya Maxaakiimta iyo Dowladda Federaalka.

• Akhri qoraalkii: Baydhabooy Yaa Ku Leh? Xiligii aantegay Baydhabo

Jabhadda ONLF oo sheegtay in Ciidamada Itoobiy ay tacadiyo ka geysteen

War saxaafadeed ka soo baxay Xafiiska ONLF (Jabhadda Xoreynta Wadaniga Ogaadeenya) ayaa lagu sheegay in ciidamada Itoobiya ee xoogga ku haysta deegaano ka tirsan dhulka Soomaaliyeed ay maalmahan dambe tacadiyo ka gaysanayeen deegaanadaasi.

War saxaafadeedka ayaa lagu sheegay in shacabka ku nool Gobalada Ogaadeenya ay ka hor yimaadeen markii lagu wargeliyay in ay keenaan deegaankiiba boqol qof si ay uga qayb-qaataan difaaca waxa loogu yeeray dalka.

Waxyaabihii ugu dambeeyay ee ka dhaca dhulkaasi ayaa waxaa ka mid ah in gabar lagu magacaabo Muxibo Sheekh C/llaahi Axmed ayaa ciidamada Tigreega ku dhifteen 8 xabadood, isla markaana hilibkeedii dhulka ku kala firdhay lagana waayey wax laga aaso. Falkaan loo gaystay gabadhan ayaa waxaa sidoo kale loo xiray gabar iyana laga soo qabtay deeganka Salaxaad, sidoo kale oo lagu magacaabo Sahro Daahir.

Dad kale oo iyana lagu xiray Awaare ayaa waxay kala yihiin Naasir Cabdi Cali, Deeq C/llaahi Ciid, Max’ed Cabdi Quule, C/llaahi Cali Muuse iyo Shiino Xuseen Dhakad, sidoo kale Wardheer waxaa lagu xirxiray dad ay ka mid ahaayeen Soofe Cabdi Cawl, C/naasir Aw-Axmed Farsamo, Axmed Sheekh Yuusuf, Xirsi Axmed Siyaad, Max’ed Gaboobe Daahir, sidoo kale waxaa Dhagax-Buur lagu xir xiray Dad ay ka mid ahaayeen Laylo Macallin Dhabarlow, Ifraax Xaaji Cali, Fawsiyo Cali Raage, Suleyqa Sheekh Muuse, Nuura Max’ed Xaamud, Aagaan Siyaad, Xuseen Cabdi Faarax iyo Max’ed Cabdi Gaboobe. Jabhaddu waxay u soo jeedineysaa shacabka Soomaali-yeed in wixii khilaaf ah ee dhexdooda ah ku xaliyaan wada hadal, isla markaana ogaadaan in wax dibadda laga keenay uusan xal u keeneyn, inay ka digtoonadaan dibin-daabyada cadowga Tigreega, waxaana qoraalkaan ku saxiixanaa Wakiilka ONLF ee Soomaaliya Idiris Sheekh Axmed.

Maamulka Maxaakiimta ee Sh/dhexe oo mamnuucay duubista Cajaladah Heesaha..

Wareegto shalay ka soo baxday maamulka Gobalka Sh/dhexe ayaa gebi ahaanba lagu mamnuucay in xarumaha lagu duubo canjaladaha ay duubaan Heesaha Soomaalida iyo kuwa shisheeyaha, iyadoo ciddii lagu helanaya la sheegay inay la kulmi doonto ciqaab, waxaa kaloo maamulku mamnuuca in Idaacadaha ka jira gobalka Sh/dhexe laga dhageysto Heesaha.

Goobaha lagu duubo canjaladaha ayaa waxaa ka shaqeyn jiray dad fara badan, waxayna haatan u wareegteen duubista Canjaladaha Diiniga ah iyo kuwa kale ee Muxaadarooyinka ah, waxana Magaalada Jowhar haatan ka furan hal idaacad oo lagu magacaabo Radio Jowhar oo ah mid dhexdhexaad ka ah arrimaha Siyadda.

W/D Amiin Yuusuf Khasaaro
E-Mail amiinkhasaaro@hotmail.com

Wasiirka Cadaalada Puntland

Dec 9, 2006: C/risaaq Yaasiin Cabdule Geesood Wasiirka Arrimaha Diinta  Dowlada GPL ayaa maanta sheegay inuusan waxba kala socon shaqaaqadii shalay ka dhacday magaalada Bosaso ee dhexmartay ciidamada Puntland iyo Culuma’udiinka, taasoo ka dambeysay kadib markii Booliiska lagu amray iney la socdaan waxyaabaha looga hadlayo Khudbadaha Salaada Jimcaha.

Wareegto maanta ka soo baxday xafiiska Wasiirka Diinta PL ayuu ku sheegay in isaga iyo ku-xigeenkiisa aysan waxba kala socon, arinta ku aadan in xukuumada ay ogaato khudbadaha Salaadaha Jimcaha balse uu sheegay in arinataasi uu ka dambeeyay Agaasimaha guud ee wasaradiisa kaas oo uu sheegay in arintaasi ay ku amreen saraakiil ka tirsan Puntland oo amar ka haysata gudiga nabadgalyada Bosaso.

Wasiirka ayaa sheegay in Culuma’udiinka PL ay xaq u leeyihiin in dacwada Islaamka ay sidii ay rabaan dadka u gaarsiiyaan, isla markasina falalkii shalay (Jimce Dec 8) ka dhacay Bosaso aysan waxba ka ogeyn wasaaradiisa.

Hadalka wasiirka ayaa dhabar jab ku ah guddiga nabadgalyda Bosaso kuwaas oo wayadaan bixiya go'aamada lagu cadaadinayo shacabka Puntland.

Guddiganaa ayaa waxaa madax u ah wasiirka Maaliyada DGPL isla markaana ay xubno ka yihiin Cabdulahi Siciid Samatar oo ah la taliyaha xaga nabad-galyada u qabilsan Cadde Muse iyo Diyaana oo ah madaxa sirdoonka "PIS"  isla markaana dadka Reer PL u yaqaano Ashahaado la dirir.

Isha/xigasho: GO

 Wareegtada wasiirka Diinta iyo Awqaafta ayaa u qoreyd sidaan:

 KU-DHAMAAN CULUMADA DAWLAD GOBOLEEDKA PUNTLAN
OG.-MADAXTOOYADDA DGPL UJEEDDO.- FIDINTA DACWADA & DllNTA ISLAAMKA

Wasaaradda Arimaha Diinta iyo Aw-qaata ee Dowlad Goboleedka Puntland waxay halkan ugu soo gudbinaysaa culumada iyo dadwaynaha reer puntland nidaamka fidinta dacwada iyo diinta islaamka.

1- Waxaa lagu wargelinayaa Dhamaan culumada diinta islaamka ee dowlad goboleedka Puntland In ey xor u yihiin fidinta diinta islaamka , farida samaha iyo reebida xumaha ee dadwaynaha islaamka ah ,taasoo ah waajib Muqadas ah 00 laga rabo qofkasta 00 aqoonteeda diineed leh.

2- Waxaa reeban wax kasta oo keeni kara amni daro iyo xasi loone la'aan saamaysa dhamaan gobolada puntland.

3- Dhamaan dadwaynaha reer Puntland waxaa xil kasaa-ranyahay iney kawada shaqeeyaan amniga iyo xasiloonida, cidii ku xad gudubtana iska qabtaan.

Fiiro gaar ah: Waxaa wasaaradu burinaysaa wixii warar ah ee ku saabsanaa arimahaan ee ka horeeyey wareegtadaan.

WADA SHAQAYN WACAN

• Faallada Maanta: Xukuumada Puntland ma mid Gaalada u adeegtabaa mise waa mid Muslim | C/Risaaq Aadan

Garowe: Wasaaradda Waxbarashada DGPL oo tababar u furtay 22 qof oo la barayo Maamulka.

Wasaarada waxbarashada DGPL ayaa u furtay tababar 22 qof oo ka mid ah shaqalaha wasaarada kuwaasoo la barayo maamulka waxbarashada.

Dhamaan dadkan tababarku u furmay maanta ayaa kawada tirsan wasaarada waxbarashada oo ay ka wada shaqeeyaan.

Tababarkaan ayaa lagu baranayaa qaabka wax loo kormeero iyo sida loo baaro hawlaha shaqo iyo nooca ay tahay sida uu cadeeyay macalinka bixinaya tababarkan Mr: Siciid shanlo oo ah bixiyaha tababarkaan waxna ka dhiga jaamacada puntland state university ee magaalada Garowe oo marka magaceeda la soo gaabiyo loo yaqaano (PSU).

Tababarkaan ayaa waxaa maalgalisay Hay'ada ADRA islamarkaana socondoona mudo 6 bari ah.

Dhamaan madaxdii ka soo qaybgashay furitaanka tababarkaani ayaa ku boorisay ka faa iidaystayaasha in ay sida ay tahay uga faaiidaystaan tababarkaan ay fursada u heleen islamarkaana ay ku tabakhaan waxa ay halkaan ka baranayana shaqadooda mushtamacana ay uga faa iideeyaan wixii ay halkaan kala kulmaan.

Waa tababarkii ugu horeeyay ee loo qabto shaqaalaha wasaarada waxbarashada tan iyo intii la asaasay wasaarada waxbarashada DGPL taasina waxay ku tusinaysaa in ay wasaaraduhu ay ka buuxaan dad aan aqoon buuxda u lahayn hawlaha shaqo ee ay ka qabanayaan wasaaradaha kuwaasoo lagu geeyo garab iyo nin jeclaysi oo aan ku dhisnayn maxaa taqaan.

A/rizak koronto
Garowe Puntland

• Xukuumada Puntland ma mid Gaalada u adeegtabaa mise waa mid Muslim | Faalladii C/Risaaq Aadan

Gabar yar oo la xanuunsan Biyo Caloosha uga buuxa

Akhri: Gabar yar oo la xanuunsan Biyo Caloosha uga buuxa

Faafin: SomaliTalk.com | Dec 10, 2006

"Maamulka Puntland oo ka Shaqaynaya isku Dhac kadhaca Degaanka Nugaal"
Sidaas waxaa yiri afhayeenka xisbiga Ramaas... Akhri...

»Gabar yar oo la xanuunsan Biyo Caloosha uga buuxa

DGPL: Culimada haddii laga maqlo kelmeda Jihaad waxay mutasanayaan xabsi
Maamulka Soomaliland oo lagu eedeeyey in uu gacanta ugu jiro Xukuumada Ethiopia.. Akhri... Dec 8

Kongo, Tansania & USA: Qaraarka Qabyada ah
Golaha Ammaanka: Isagoo xasuusanaya qaraarradiisii hore ee quseeyey xaaladda Soomaaliya...AKhri....

Midowga Maxkamadaha oo Ganafka ku Dhiftay Go'aankii Golaha Ammaanka..
»C/llaahi Yuusuf oo Ka Walwalsan Xiriirka Geeddi & Zenawi
»Xeeladaha Qaadka lagu soo geliyo Muqdisho...
»Ciidamadii Itoobiya ee joogey Bandiiradleey oo laga soo..
»Dowladda Kenya oo la filayo in ay xayirada ka qaado...
»Suudaan oo uu ka socdo Shir looga arrimaha soomaaliaya..
»Xarunta Ismaaciil Jimcaale oo siminaar u soo gabagabeysey..
Wararkii oo dhan ka akhri halkan... Guji... Dec 7

BAARID | SEARCH