Gobanimo:
Wixii Hore Ka Soo Gudub
Inj.
C/Qani Qorane Maxamed
Aarhus Denmark
abdiqanim@hotmail.com
Maansadan waxay soo baxday
27.11.2006 waxaana curiyay Inj. C/qani
Qorane Maxamed oo deggan magaalada
Aarhus ee dalka Denmark, ahna arday
cilmiga (Constructing architect) ka
barta jaamacadda Vitusbering
University ee magaalada Horsens ee
isla dalkaas Denmark.
Arar ku saabsan inay maansadan
guubaabo u tahay inta heeganka u ah
soo celinta sharafta ummadda, iyo
digniin ku wajahan inta dabadhilifka
u ah cadowga kadib, waxay maansadu
tilmaan kooban ka bixineysaa,
kacdoonka jira in uu yahay camal
Alle loogu dhowaanayo, laguna soo
af-jarayo xasillooni darradii ay
sababeen dagaalladii sokeeye ee
halakeeyay dalka muddada 15ka sano
ah.
Waxay maansadu ka jawaabeysaa
shub-hooyinka ay kamid yihiin,
shubhada oraneysa, “qabiil baa
shaati diineed noo soo gashaday oo
doonaya inay na qabsadaan” iyo tan
oraneysa, “koofurta Soomaaliya is
beddelka nabadeed ee ka dhacay waa
wax wanaagsan, laakiin meeshiisa
yuusan soo dhaafin oo annaga noo
iman”. Maansadu waxay shubhooyinkaas
ku tilmaameysaa inay yihiin garasho
yari iyo kuwo salka ku haya reer
necbeysigii iyo qabyaaladdii na
gaarsiisay heerka liita ee ay
ummaddeennu gaadhay, waayo wixi aynu
raadineynay waa xasillooni ku
timaada isku xukunka kitaabka Alle ,
haddii la heleyna yeysan isoo
gaadhin oo ii iman waa uun iska maan
li’i.
Maansadu waxay xusi doontaa qaar
kamid ah dhibaatooyinkii
qabqalayaashii arxanka darnaa ee
muddada 15ka sano ah dadka iyo
dalkaba u diiday nasiinada, iyadoo
ka tala bixin doonta sida mudan in
laga yeelo qabqablayaashaas meel ay
joogaan, darajadey doonaan ha
sheegteene.
Intaa kadib maansadu waxay wax ka
sheegi doontaa sida ku habboon in
loola macaamilo gaalada waddankeenna
xoogga ku joogta, iyadoo sheegeysa
xabashida timid inaysan aheyn,wax
weyn oo aad loola walwalo, iyo in
loo fahmo qalabkey wataan in uu
yahay gurmad aan laga maarmin oo
Ilaahay noo soo dhoweeyay, una
baahan in bisinka loo qabto
Ilaahayna la talo saarto, isla
markaana xoogaa dadaal ah lala
yimaado si loogala wareego.
Taana waxaa kuu caddeynaya, kadib
Markii ay midowga maxaakimta
islaamiga ee Soomaaliyeed magaalada
Muqdisho ka kiciyeen calooshood u
noolayaashii ka ganacsan jiray
hilbaha culimada,waxaa la
saadaalinayay, dowladihii soo maal
gelin jiray is-beheysigaas sheydaan
oo uu Mareykan u weyn yahay inay
dagaal u soo xeyd-xeydan doonaan,ama
ugu yaraan dagaalka u wakiilan
doonaan dowlado Itoobiya itaal
dhaama. Hadaba marka la eego wixii
laga filayay gaalo maqashaydad
muslimiin ah baa islaamnimo isku
xukumaya, xabashida isa soo
miidaamisay waxay ka dhigan tahay
bey maansadu tilmaameysaa, sidii
Sagaarkii isku sirqiyay dabinkii
Goodirka loo dhigtay oo kale.
Maansadu waxaa kale oo ay
tilmaameysaa, inay jiraan dad
walaalaheen ah oo wax ay haba
yaraatee nooga duwan yihiin uusan
jirin oo kibir iyo is yeel-yeel si
xaqdarro ah loogu dhejiyay naaneyso
aanan u qalmin oo lagu durayo
nasabkooda iyo sharafkooda.
Maanta marxaladdan taariikhiga ah ee
lagu jiro waa middii ugu
munaasabsaneyd ee lagu kala sooci
lahaa “yaa gob ah, yaase gun ah?”,
iyadoo iftiimin doonta, hadiiba ay
gunnimo jirto inay xaq u leeyihiin
dadka gaalada hoos ordaya har iyo
habeen, xagna ku faana reer hebel
baan ka dhalanna. Maansadu waxay
ishaari doontaa sharafta gobannimada
iyo gunnimadu inay yihiin dhaqan ee
aysan aheyn wax loo dhasho oo la
kala dhaxlo.
Maadaama ay maansadu xustay
xabashida xoogga ku heysata qeybo
kamid ah dalkeenna, waxaa iyadana ay
wax ka sheegi doontaa haddii Alle
idmo waxa laga yeelayo kooxda markii
xabashi la maqlo inta badan lasoo
xasuusto ee soori qaaddayga ah, ee
aaminsan in arsaaqdooda ay ku jirto
inay waddanka xabashi u gacan
geliyaan.
Gabagabadii maansadu waxay la
dardaarmeysaa dadkaas magaca iyo
diirka Soomaalida uga eg, qalbigana
dugaagga ka ah ee caadeystay
hagardaamada ummadda, waxayna ugu
baaqeysaa ineysan dusha u ridan
dambi aysan taariikhdu ka cafin
doonin iyo fursaddan inay tahay tii
ugu dambeysay ee ay isku dabaqaban
lahaayeen.
- Gabaygaan ujeedada
- Gun
dhiggiisu wuxu yahay
- Shacabkaan gadoodaye
- Ka
gilgishay xumaatada
- Halgankay galaayaan
- Sharaf geesigii wada
- Guubaabo inuu faro
- Kii
kaalintiis gabay
- Geestiis banneeyayna
- Intey goori goor tahay
- Geeddigu intuu tegin
- Ku
yiraahdo soo gaar
- Gabaygaan ujeedada
- Gun
dhiggiisu wuxu yahay
- Inta aan samuhu gelin
- Sheydaan guruubkiis
- Gaaggii kasoo haray
- Inta mici gamaar ehe
- Ashadaad giriifka ah
- Gumeysiga u dirirka ah
- Garwadeenka xabashida
- Xaalufiyay geyigoo
- Sun
ku duugay gobollada
- Goob kastoo ay joogaan
- Gardarraday wadaan baan
- Gumac lagu ridaayiyo
- Madfac guba ka yeeliye
- Guulle inu hagaajoon
- Ula
jeedka gaarnoo
- Garnaqsigeyga toosiyo
- Aamiin ku garab gala
- Hadal lala gabbado iyo
- Guryan aan waxtarahayn
- Sheekadu ka gudo weyn
- Waa
waajib gudashoo
- Waxa loo gol leeyahay
- Oo
geeddi loo yahay
- Raalli gelinta Eebbiyo
- Garsoorkii shareecada
- Guud ahaan dalkeennii
- Inay gaadho daafaha
- In
la helo guddoon dhaba
- Garanaayo baahida
- Oon
aheyn ku meel gaar
- Gar
Ilaahay shacabkeen
- U
horseeda gobonimo
- U
gargaara maatada
- Gumeysiga shisheeyaha
- Gayigeynu leenahay
- Gardarrada ku soo galay
- Ka
xoreeya gaalada
- Adna ruux garaad low
- Islaam loo gargaaraa
- Marti soo galootiyo
- Ha
ka noqon nin gooniya
- Geestaada ka adkee
- Daad yuu ka soo gelin
- Geesinimo amaanteed
- Giddi aynu jecel nahay
- Deeqsinimo ka daba gee
- Shacab gadooday idilkii
- Shareecada guddoonsaday
- Ninna guulitaan iyo
- Gaangiistar baan ahay
- Geesh lasoo kireystiyo
- Gaalo kuma cabsiin karo
- Waa
hebel guntaday oo
- Shaati kale gashaday iyo
- Gumeysi bey rabaaniba
- Goortan aynu joognaa
- Ma
galeyso maankee
- Haddii uu garaad jiro
- U
garrama si uun kale
- Gar
kalaa wuxuu yiri
- Maxaakimtu guul iyo
- Sharaf inay gardaadsheen
- Looga marag garruudnimo
- Ha
yeeshee ha gaabsheen
- Dadaalkey godlaayaan
- Yuusan gaarin meel kale
- Caku fiiro gaabnida
- Caqli gudhan hadaaqii
- Maskax goroftayoo maran
- Hadalkeed is galay iyo
- Geesaasin aan jirin
- Kasoo qaad geddoodii
- Bal
nin kheyrka garan oo
- Goor hore ogaadoo
- Ku
leh yuu isoo gelin
- Ama
nin oon u go’ayoo
- Xooluhu ka guran yiin
- Ka
xumaaday guga da’ay
- Gabadhuu calmaday iyo
- Nimay gacalo haa tiri
- Guurkeedna aan rabin
- Midka gabanku dhalayee
- Hilibkiis ka soo go’ay
- Ku
leh garac xun baad tahay
- Ummad gabi ahaanteed
- Ogsoon ruuxii gubay oo
- Gurbaannada u sii tumi
- Googaale weeyee
- Soomaaliyeey garo?
- Guuldarrada na haysiyo
- Waxa sidatan noo galay
- Markaan waayo gooboon
- Hadba gees ka fiiriyay
- Garashadu waxay tiri
- Garaadkeynu suufniyo
- Maqalkaan gedaafnoon
- Ku
gufeynay reer hebel
- Araggaan gab ina yiri
- Diintaan la garab maray
- Ciqaabkii la galabsaday
- Godolkoodi weeyaan
- Geedkii colaadaha
- Laga beeray gasariir
- Gunuus lagu waraabshee
- Jirri aan giriirixin
- Duqow wada gardiid oo
- Jahli uu ku gaamuray
- Qalbigoodu galayaxay
- Naxariis ka golongolay
- Mirey gaasa-bixiyeen
- Dalaggaan ka guranniyo
- Wixi nooga soo go’ay
- Cudurkay na geliyeen
- kasoo qaad geddiisii
- Ruuxii garaad leen
- Caqligiisu gurinow
- Gadaal u fiiri waayaha
- Gondahaaga hoostood
- Geestaada midig iyo
- Garabkaaga bidix eeg
- Oo
gorfee timaaddada
- Gobolleysigaan baas
- Gelgelinteynu naalliyo
- Gaala raac midiidina
- Godkey nagu rideeniyo
- Sidey noo galeen eeg
- Waayeel gu ’weynoo
- Araggii gab yahay iyo
- Waxa gurbood la laayiyo
- Ama
geesi la daldalay
- Gabar lagu kufsaday meel
- Sharaf guurka dhacay eeg
- Guyaalkii lasoo maray
- Gulufkii colaadeed
- Tolla’aydii la garabsaday
- Goobtuu na dhigey eeg
- Garaad laaweyaashii
- Ganacsigooda uu galay
- Inay maata gawiyaan
- Culimada garaacaan
- Indheergaradka gaabshaan
- Arligey gubeen eeg
- Gobolladii dalkeennana
- Googo’a ku yimid iyo
- Laba degmoo is garab taal
- Aan
laysaga gudbeynoo
- Lama galaay dhexdooda ah
- Dantu ruuxay geysaa
- Geeri lagu xisaabshiyo
- Kala guurka dhacay eeg
- Ehelkeys gumaadiyo
- Darisyada is gaadiyo
- Geeridaan tirsamin eeg
- Goonyaha adduunyada
- Geeskaad istaagtaba
- Kuwa tuban gidaarkoo
- Gaweetada ku tuugsada
- Geeddigaan dhamaan eeg
- Galayuuska maatada
- Dhallaankeey gadeen ee
- Loo
iib geeyay dibadaha
- Gaaladu aruursatay
- Gobolladada dalkeennaa
- Iyagaa ka gura oo
- Giniyaal ku ibshee
- Godobtey galeen eeg
- Gaalleef mindiya iyo
- Gamuunnada mariidka leh
- Waxay nagu ganeen iyo
- Gumaadkey dhigeen iyo
- Dumar wada garoobba ah
- Waayeel gablamay iyo
- Intey gowraceen iyo
- Ummaddaan gam tiri eeg
- Goor ay habeen tahay
- Goobtu koofur ay tahay
- Dadku gama’san yahayoy
- Gogoshooda jiifaan
- Hillaac galalac soo yiri
- Gugac uu u dheer yahay
- Oon
aheyn gu’ iyo dayr
- Madfac weeye gabaxsaday
- Xawli ba’an ku soo guday
- Soo
gamuuman oo yimid
- Oonan gaalo timid iyo
- Gardarraale loo wadin
- Xaafadaha ku soo ganan
- Oo
mar qura gab soo yiri
- Gurigaaga soo galay
- Gurboodkiyo dhallaankii
- Gudaha aqalka jiifaan
- Ubadkaas la gubay ee
- Dhiiggood la galay ee
- Goobtaas ku baaba’ay
- Haddaan cidi u gubaneyn
- Bal
garaaddo lagu helo
- Baarlamaanka lagu galo
- Xaajadaa garowsada
- Goob kaloo halkeeto ah
- Gurigaan lahaynee
- Guulle nagu barbaarshee
- Gogoshuna inoo tiil
- Gaaraayacuun baa
- Geyigeenni iib geyn
- Markay guudkii laasteen
- Dhul guntiis wixii jiray
- Hantideen ma guurta’a
- Maafiya ka gada oo
- Ugu
gura maraakiib
- Geesna may hambeynine
- Godadkey qodeen ee
- Ka
gurteen barwaaqada
- Sun
geeri iyo halisley
- Geliyeen salkoodee
- Dambigey galeen eeg
- Siduu geyiga leeyahay
- Gafuurraxun Tigree baa
- Hadba goortey doonaan
- Iska soo galoo baxa
- Markii ay gigilashiyo
- Gaashaandhig celiyiyo
- Rag
guntada ay waayeen
- Intuu gudaha soo degay
- Guutooyinkiisii
- Iska gaardisiistoo
- Gumaadaaya culimada
- U
gudbiya Imriikaan
- Goobahay ka taliyaan
- Kutubtey gubeen eeg
-
- Soomaali gibilkeed
- Magac xumada gaadhiyo
- Fool dhaca na galay iyo
- Waji gabaxa jira eeg
- Mooryaan gadoodsani
- Inta ay gumaadeen
- Geesiyaal tagsiiyeen
- Rasaas ugu gabraarteen
- Ka
badan laanta geedaha
- Godobtaa raggii dhigaye
- Gumeystuhu rakuubsado
- Caga gubad ka dhowroo
- Garbaha iyo dushoodii
- Ka
sameystay guradiyo
- Meel gabbaada iyo hoos
- Laga galo dabeylaha
- Inta guluf ku naaxa ah
- Inta gacan ku dhiigle ah
- Waagii guduutaba
- Dambi ugub ah naga gala
- La
jarmaada geerida
- Ka
dul geeya reer dhaqan
- Soomaali guudkeed
- God
inay u hoyataa
- Go’aankoodu uu yahay
- Intay gudaha joogaan
- Una
guurin dibadaha
- In
la gaaro weeyaan
- Wixi ay galeen shalay
- Waa
in aan ka goynaa
- Si
loo gooni baaraa
- Ha
loo galo dadaal adag
- Gobol waliba kii dhibay
- Ha
geeyeen maxkamadaha
- Garsoorkii islaamkiyo
- Nabsigey guraayeen
- Godolkiis ha maaleen
- Haku fulo ganaax adag
- Ha
gareysto uunkuna
- Haddii weyl la gowracay
- In
uu dibi wedkii galay
- Raggan gubay dalkeennee
- Noo
keenay gaalada
- Garab yaanan loo noqon
- Gurbaan yaanan loo tumin
- Gogol casaana loo dhigin
- Gambarkooda loo deyn
- Gujo hoos dhirbaaxa ah
- Gacan duuban iyo feedh
- Garka xiiranee mudan
- Gig
intaad ka siisaan
- Galalaati kaga dhiga
- Kor
u gana sidoodaba
- Wixi hore kasoo gudub
- Waxa haatan jira gaar
- Danta guud usoo dega
- Geeddi baa la sahansaday
- Waxa loo gol leeyahay
- Gu’
aaranliyo reys
- Ha
u noqon gadaal iyo
- Gudcurkii lasoo maray
- Goob waliba xeer lehe
- Goortay dagaal tahay
- Guusha loo tartamayaa
- Guulle ruuxu siiyaa
- Gurigiisa ula hoyan
- Go’aan loo dhanyahay oo
- Laysu garabsanaayiyo
- Calooshoo la giijiyo
- Gegsi lagu abaadiyo
- Gargaar Eebe kiisa’aa
- Libin lagu guddoomaa
- Geeridana loo siman
- Dib
u guradku waa ceeb
- Dambi guun ah weeyaan
- Hor
usocodku waa guul
- Gobanimana lagu helo
- Daasado ku gabashada
- Giirku uu ku muuqdaa
- Waa
xaajo gorayaad
- Ninkii giijay dabinkee
- Is
yiri goodir baad heli
- Madax gaab sagaarkii
- Jeenyaha gahsaday ee
- Goobta loogu yimid bey
- Tigrahan gudboon yihiin
- Fursadaha ku soo gala
- Haddii aanan goor hore
- Gacan adag an lagu hanan
- Mar
ay kaa gaddoomeen
- Duul kale u guureen
- Gunuunucu itaal ma leh
- Gocashana sideedaba
- Guul ku dhaaftay waa hore
- Laguma gaaro sharafkeed
- Guutooyinkaan yimid
- Geyigeenna soomaal
- Xaq
darrada ku soo galay
- Belaayo fiid gudeysiyo
- Ciqaab soo galbaday iyo
- Biriq maahan soo ganan
- Gawaarida dagaalkiyo
- Hubkan ay galbinayaan
- Nin
gartaa yaqaanna’e
- Gallad nalala maagiyo
- Gurmad weeye noo yimid
- Gadaal yeysan ula tegin
- Guryahooda ula noqon
- Goosan weeye fakad oo
- Gudcur dumay ambadayoo
- Usoo habaabay geeriye
- Ha
gobo’leeyo dhiiggood
- Geysh qafaal ku yimid iyo
- Soo
galooti mirir liyo
- Galti weeye indhoxiran
- Gaadaaya meel dagan
- Caqligiyo garaadkaba
- Ay
ka galeen caloolaha
- Nafta meeshey geeyeen
- Halisteeda aan garan
- Qalbigoodu waa gubad
- Guul kuma haminayaan
- Gaajo-keentay weeyaan
- Gacan culeys qaarkii
- Yoolka laguma gaaree
- Geedaha intayn baran
- Gobolladey dhex joogaan
- Ku
garaaddo goyn wali
- ``O’’ intaad dhex gelisaan
- Go’doon aad ka yeeshaan
- Gees kastaba ka weerara
- Hayska gubina qalabkoo
- Hadiyad gaar ah weeyee
- Gaalada ugaarsada
- Gardarrada ha eedeen
- Soomaali ruux galay
- Inuu godol ka maaleyn
- Caano geel ka dhamaheyn
- Adduunyadu ha garatee
- Noo
dhaliya goolkaas
- Muslim gadooday oo kacay
- Waxay sharaf gayaan iyo
- Maamuuskey gudaaniba
- Adduunyadu ha garatee
- Noo
dhaliya goolkaas
- Guullow Allahayoow
- Madluum laga gardaran yahay
- Garabkiis adaa ehe
- Eebbow gargaariyo
- Galladdaada soo deji
- Gaaladaan inoo timid
- Nasri gaar ah naga sii
- Garabkeenna sare mari
- Diinta ay giriifeen
- Darteed noo galaayaan
- Gaashaankeenna ku adkee
- Iyagana guhaadkiyo
- Magligey galaayaan
- Waa
galabsigoodee
- Gacmeheenna ku cadaab
- Guul darrana ka raacsii
- Garaad xumaha liitiyo
- Midaan garan ujeedkoo
- Na
gaaf meerayaa badan
- Hoos u guuxayana abid
- Gorgorinaayo jaaheen
- Gaalo-madow ka ganacsada
- U
gudaayo fiidkoo
- Habeen guura-bahalleyn
- Garaabada aruursada
- Gabal haasha ii dhiib
- Ku
garrama dharaartii
- Reer muskii gandoodoo
- Hunguri goobayoon helin
- Sharafkaan gaboobeyn
- Xaraash geynayaa jira
- Haddii uu gesiin heli
- Wax
an maanka gelinoon
- Mareeg goynin beeceed
- Magaceen ku iib geyn
- Go’aankuna wuxuu yahay
- Gunnimada mid qaayibay
- Laabtuna gawaan tahay
- Inuusan na gabawarin
- Gaar inaan ka heynoo
- Gadhka ciidda noo darin
- Good iyo abees laba
- Iyo
gool yaxaaseed
- Lama laaco giirkoo
- Guudkiyo sankoodii
- Lama taabto goonyaha
- Gacantaada wow halis
- Inay kaa gaw siiyaan
- Mici kugu gumaadaan
- Sababteeda lama galo
- Inay kaa gagabiyaan
- Ruuxdaada gooyaan
- Leysuma geliyo halis
- Lafahaaga lama gabo
- Tab
haddaadan garaneyn
- Lama doonto geerida
- Malaggaa hadduu galay
- Ha
galaafan qeyrkaa
- Murti guun ah baa tiri
- Aar
libaax nin ganay iyo
- Ruuxii galladay iyo
- Kala garay nin gees maray
- Gisi maahin xoolo ah
- Godobteennu waa qaan
- Ruux waliba tuu galay
- Waa
laga abaal gudi
- Gooryaan sidiisii
- Kuwa uurka noo galay
- Inta guufanneysya ah
- Gaalada indhaha u ah
- Sirta teenna gaarka ah
- U
gudbiya shisheeyaha
- Geesiyaal dadkeenna ah
- U
iib geeya bahallada
- Kool bokis geddiisii (call box)
- Hadba shilinka kii gelin
- Ka
gudbisto farriimaha
- Goor ay ahaataba
- Waa
gar-adag xaajadu
- Goleheeda wey tegi
- Gefkan ay sameeyeen
- Ganaaxiisa oo milan
- Geydhashana u dheer tahay
- Wey
guddoomi doonaan
- Sidii gaal riddoobiyo
- Ruux gacan ku dhiigle ah
- Giirka laga bireeyaa
- Ama
xabis la geliyaa
- Basaas gude godkiisey
- Biyo ugu galaayaan
- Taana galabta iga qora.
- Ha
is dhihin gumaadiyo
- Kala gaabis weeyaan
- Xaq
u dirir gartiisiyo
- Guubaabo weeyaan
- Sharaf geesigii wada
- Ku
gargaarid weeyaan
- Gardaraansho kii wada
- Iga
gaabso weeyaan
- Waa
la gaari yoolkee
- Haysku deyin dariiq goyn
- Haddii kalena geerida
- Waa
gunaanadkaadee
- Gogosheeda sii dhigo
-
- Gacal wada walaala ah
- Gardarriyo is yeel yeel
- Kibir loo gumeeyaa
- Geyigeen ku tiro badan
- Xaq
darraana laga galay
- Ma
aheyn gar taasuye
- Maantey gudboon tahay
- Shareecada nin garab galay
- Iyo
kii ka gudo baxa
- Nin
waliba wuxuu gudo
- Hala guddoonsho maantaba
- Ninka gaala raaca ah
- Yaan la dhihin gob baad tahay
- Midkey diintu gar u tahay
- Yaan la dhihin gun baad tahay
- Qabiil gooniyaan nahay
- Gobannimaannu leenahay
- Gaar ayey inoo tahay
- Laga gudub waswaaskaas
- Xujuraad gadaasheed
- Diiwaanka waxa galay
- Dadku midab guduudiyo
- Kii
uu madow galay
- U
gudboon insaannimo
- Ninna geedo kama dhalan
- Giddigeen abtiriskeen
- Nebi Aadam buu geli (C.S)
- Sharaf gaara waxa helay
- Qalbigiis nimay gashay
- Taqwo aan gureynoo
- Gudihiis ku weyn tahay
- Inta sharafka aan geyin
- Maalin gelin ku nooloow
- Garaadkoodu uu yahay
- Oon
garan wixii tegay
- Mugdi gab´a habeenkii
- U
guureeya xabashida
- Ka
wargeeya ehelkiis
- Gaalada ku soo haga
- Gowdiida surinada
- Guranaayo laaluush
- Ku
gumaada gacalkiis
- Saqda dhexe gudaayoow
- Guulle weyne idankii
- Gugu waa inoo di'i
- Haddey gaarto noloshuna
- Waynu gaari hadafkeen
- Gaajaduna wey bi’i
- Raggi goomanaan jiray
- Gammaantoodu way curan
- Intayn gaarin kala guur
- Sidii googo´ lacageed
- Sarrif aan la kala gelin
- Guruubaad la kala noqon
- Gacalku uusan kala tegin
- Godobtaad dhigteeniyo
- Waxad galabsateenaad
- Godolkiisa dhiiqsanin
- Nabsigaad
gurteeniyo
- Godkan ad qodeysaan
- Gunta hoose ugu dhicin
- Ceebtu dhuuxa ay gelin
- Sharaf inaad u guuxdaan
- Shalay bey gudbooneyd
- Maanta waa gabaabsiye
- Guullahiin ka yaaboo
- Ka
gaabsada dhibaatada
- Dantiinnii garowsada
- Xaqa yaan la gees marin
- Ama
inaad gumowdeen
- Gobonimo ka dhimateen
- Ha
la geliyo diiwaan
- Taariikhda guunka ah
- Giraan weeye socotee
- Godob yaanan laga gelin
- Yaan la galabsan ceebaal
- Waxaan kaa go’eyn abid
- Guudka yaanan loo dhigan
- Geeraarka maansadan
- Haddaan soo gunaanado
- Gabal dhacay habeenkiis
- Ajal gashiyo ruuxeed
- Haddii ay gaddoomaan
- Gadaal noqod ma yeelaan
- Gocashiyo dadaal xumo
- Gumeysi kaama kiciyaan
- Haddey nala gudboon tahay
- Oo
la gaari karayaa
- Ceeb gaamurtaa iyo
- Sharaf xumida gabalkeed
- Shallay kaama goyn karo
- Garowshiinyo iyo maan
- Gundhigguna damiir yahaa
- La
garwaaqsan karayaa
- Waa
hadduu garaad jiro
- Gobanimadu dhaqan tahay
- Nabad gelyo iyo ammaan, nabigeennii
Muxammad ahaa dushiisa ha ahaato.
DHAMMAAD
Inj.
Cabdulqani Qorane Muxammad
abdiqanim@hotmail.com
Qoraaladii hore
ee Inj. Cabduqani Qorane... Akhri...
Afeef: Aragtida Gabaygan
waxaa leh qoraaga ku saxiixan
Faafin: SomaliTalk.com |
Dec 3, 2006
| 
Daabaco
Boggan | Print
Tallaabada
la filan karo in uu Golaha Ammaanku ee Qaraamada
Midoobey uu ka qaato Soomaliya.. 
