Wararkii: Aug 9, 2006
-
Shariif Xuseen Roobow
“Ra’isul Wasaare Geeddi uma suurageli doonto in saaxiibadeyn caddow
nooga dhigo”
-
Kulan ay xalay wada
yeesheen Cabdulaahi, Shariifka iyo Geedi..
-
Wasiirka arrimaha
Dibadda ee Kenya oo ku soo fool leh magaalada.
-
Sheekh Shariif “Waxaa
jira dad u adeegaya shisheeyaha oo doonaya in ay..”
-
Banaanbax looga soo
horjeedo in Maxaakiimtu Galaan Gaalkacyo oo shaley..
-
Garowe: ururka
counterparty international ayaa ugu deeqay ispitalka guud ee garowe
baabuurta curyaamiinta.
-
Dhoollatus uu sameeyay ciidanka xoreynta
ee Cirjiidh oo guul ku dhammaaday.
Shariif Xuseen Roobow “Ra’isul Wasaare Geeddi
uma suurageli doonto in saaxiibadeyn caddow nooga dhigo”
Shariif Xuseen Roobow oo ah Guddoomiye ku
xigeenka Golaha deegaanka ee Gobalka Banaadir, ayaa sheegay in Soomaaliya
intii ay soo jirtay ay lahayd saaxiibo wanaagsan oo ka soo jeeda wadamada
Carabta, kuwaas oo qaarakood tan iyo ilaa iyo xoriyaddii garab taagnaa
ummadda Soomaaliyeed.
Shariif Xuseen Roobow ayaa sheegay in
Dowladaha Masar iyo Liibiya ay ka mid yihiin wadamada sida dhabta ah saaxiib
ula ah dalka Soomaaliya. “War saxaafadeedkii uu soo saaray Ra’isul Wasaare
Geeddi ee uu ku eedeeynayay Dowladaha Masar iyo Liibiya in ay faraha kula
jiraan Arrimaha siyaasadda Soomaaliya isla markaasna ay gacan siinayaan
argagixisada, waa arrin uu ku doonayo in saaxiibadeena wadamada Carabta ah
uu noo tuso in ay yihiin Caddowgeena, halka uu mar waliba isugu dayayo in
Caddowgeena Itoobiya uu noo dareensiiyo in ay yiiin Saaxiibadeen, taasina
waa wax aan suuragaleyn” ayuu yiri Mr Roobow.
Shariif Xuseen oo hadalkiisa sii wata ayaa
waxa uu yiri “Ilama ahan qof mas’uul Soomaliyeed ah inoo kala garan waayo,
saaxiibada iyo caddowga Ummadda Soomaaliyeed, waxaana jeclaan lahaa in
Ra’isul Wasaaraheena xasuusiyo xiriirka qotada dheer ee wadamada Liibiya iyo
Masar la leeyihiin Shacabka Soomaaliyeed. Mr Roobow waxa uu tilmaamay in
Dowladda Masar ilaa iyo Boqol sano ay xiriir toos ah la lahayd shacabka
Soomaaliyeed, ayna gacanna ka siin jirtay dhinacyada Siyaasadda iyo
Waxbarashada, wuxuu kaloo tilmaamay in Dowlada Liibiya ay tahay dowlad mar
walba ka tirsan Shacabka Soomaaliyeed, waxaan qof kasta xasuusinayaa doorkii
ay ka qaadatay badbaadinta shacabka Soomaaliyeed, wixii ka dambeeyay
buruburkii Dowladdii dhexe ee Soomaaliy.
“Weli waxaan xasuustaa Markabkii Mucaawinada
ee ugu horeeyay ee xamar ku soo xirta burburkii Dowladdii Siyaad Barre
kaddib kaas oo siday mucaawinadii ugu horeysay ee dowladda Liibiya u soo
dirtay shacabka Soomaaliyeed, waxayna Liibiya noqotay Dowladda keliya ee
xiligii Burburka aan Safaaraddeeda Muqdisho maalinna la xirin” ayuu yiri
Shariif Xuseen Roobow oo intaa ku daray “Liibiya waxay ku caan baxday gacan
siinta Dowladihii la dhisay intii lagu jiray dagaaladii sokeeye, sida tii
Cali Mahdi, tii Cabdi Qaasim iyo Dowladda uu hadda Ra’isul Wasaare ka yahay
Cali Max’ed Geeddi laftiisa, waxaana tilmaami karaa in dhowr jeer ka badan
uu Madaxweynaha, Guddoomiyaha Baarlamaanka iyo Ra’isul Wasaaruhu ay booqasho
ku tageen Liibiya, iyagoo ka soo helay taageero siyaasdeed iyo mid
dhaqaalaba”.
Ugu dambeytnii Roobow waxa uu sheegay inay
haboon tahay in qof
kasta oo soomaaliyeed uu garto saaxiibada runta ah oo ay leeyihiin shacabka
Soomaaliyeed, iyagoo kuwaasi mar walba Shacabka Soomaaliyeed la qaybsada
dhibaatada ay ku jiraan gacanna ka gaystaan sidii ay uga bixi lahaayeen
dhibkaas.
Kulan ay xalay wada yeesheen Cabdulaahi,
Shariifka iyo Geedi..
Dhegeyso: "Cali
Maxamed Geeddi 7 cisho haku soo dhiso xukuumad cusub" C/Laahi Yuusuf
Wararka naga soo gaara Magaalada Baydhabo
waxay sheegayaan in xalay kulan wada yeesheen Madaxweyne C/llaahi Yuusuf
Axmed, Guddoomiye Shariif Xaan Sheekh Aadan iyo Ra’isul Wasaare Geeddi,
waxaana kulankaasi looga hadlay sida loo dhisayo dowladda iyo xubnaha ka mid
noqonaya Dowladda cusub ee uu dhisayo Cali Geeddi.
C/llaahi Yuusuf iyo Shariif Xasan ayaa waxa ay
talooyin u gudbiyeen Ra’isul Wasaare Geeddi oo ku aadan dhismaha Dowladda,
iyadoo Madaxweyne C/llaahi Yuusuf horey u sheegay in Dowladda la soo dhisayo
ay noqon doonto dowlad kooban oo xubnaha ka mid noqonayaa ay yihiin kuwo
aqoon duruqsan leh, Sidoo kale waxay ka wada hadleen sida beelaha loo
siinayo Wasiirada, maadaama wasiiradu ay kooban yihiin oo laga dhigay 31
wasiir.
Wasiirka arrimaha Dibadda ee Kenya oo ku soo
fool leh magaalada.
Waxaa saacadaha soo socda magaalada Baydhabo
soo gaari doona Wasiirka Arrimaha Dibadda ee Wadanka Kenya, waxaana la
filayaa in uu wada hadal la yeesho saddexda mas’uul ee ugu sareysa Dowladda
Federaalka oo iyagu dhawaan khilaafkooda uu dhameeyay Wasiirka Arrimaha
dibadda ee Itoobiya.
Wasiirka arrimaha dibadda ee Kenya ayaa la
sheegay in uu dowladda kala hadli doono arrimo la xiriira sidii Dowladda loo
gaarsiin lahaa guud ahaa dalka Soomaaliya, sidoo kalana waxa uu ka hadli
doonaan sidii ciidamo nabad ilaalin ah loo keeni lahaa gudah Dalka
Soomaaliya, maadaama wadamada IGAD dhawaan isku raaceen in Soomaaliya loo
diro ciidamo ka socda Midowga Afrika.
Sheekh Shariif “Waxaa jira dad u adeegaya
shisheeyaha oo doonaya in ay..”
Sheekh Shariif Sheekh Axmed oo ah Guddoomiyaha
Guddiga Fulinta Maxaakiimta ayaa sheegay inay jiraan dad u adeegaya
shisheeye oo doonaya in ay jilaafeeyaan howlaha ay wadaan Golaha Maxaakiimta,
waxa uuna shacabka Soomaaliyeed uga digay in dadkaasi ay ka digtoonadaa.
“Si gaar ah ayaan ula soconaa dadkaasi,
waxaana kula talineynaa in ay ka waantoobaan arrimahaasi” ayuu yiri Sheekh
Shariif oo sheegay in halganka ay wadaan Golaha Maxaakiimta uu gaari doono
dhamaan wadanka Soomaaliya oo dhan,
Sheekh Shariif wuxuu sheegay in dardar la
gelin doono howlaha laga wado Gobalka Banaadir ee dhinaca nabadgelyada iyo
Nadaafadda.
Banaanbax looga soo horjeedo in Maxaakiimtu
Galaan Gaalkacyo oo shaley..
Maalintii shalay ahayd ayaa
Magaalada Gaalkacyo ee Gobalka Mudug waxaa ka dhacay banaanbax rabshado
watay oo la sheegay inay looga soo horjeeday in Maxaakiimtu ay soo gaaraan
Gobal ka Mudug, waxa uuna banaanbaxaasi ka bilowday koonfurta, waxa uu
aaqirkii ku dhamaaday dhinaca Waqooyiga, waxayna dadku dhawaaqayeen ereyo ay
ka mid ahaayeen ”Dowlad diid dooni meyno” iyo ereyo kale oo la mid ah,
banaanbaxaan ayaa waxaa ka hadlay xubno ka tirsan maamulka Gobalka Mudug,
waxayna sheegeen in Gobalka aysan u dooneyn in uu dagaal ku dhex maro Golaha
Maxaakiimta iyo maamul Gobaleedka Puntland, waxayna ka dalbadeen Maxaakiimta
in ay dib uga laabtaan gobalkaasi, hase yeeshee dad taageersan Maxaakiimta
ayaa iyana ka codsaday Maxaakiimta in si dhaqsi leh maxkamad uga furaan
Gobalka Mudug.
W/D Amiin Yuusuf Khasaaro
E-Mail: amiinkhasaaro@hotmail.com
Garowe:
ururka counterparty international ayaa ugu deeqay ispitalka guud ee garowe
baabuurta curyaamiinta.
ururka counterparty international oo ka
jira dalka maraykanka ayaa ugu deeqay maalintii shalay ahyd isitaalka guud
ee magaalada garowe deeqadaan ayaa ahayd mid aad u muhiimsan waxayna ahyd
qalabka baabuurta curyaamiinta.
Qalabkan oo dhamaan loogu deeqay guud ahaan
deegaanada puntladn ayaa maalintii shalay ahayd waxa lagu doonsiiyay
maamulka iyo madaxda ispitaalka guud ee garowe iyag oo la filayo in lawada
gaarsiiyo guud ahaan deegaanada puntland.
Qalabkan oo loogu deeqay dhammaan gobolada
Puntland , ayaa Abshir Xasan oo wakiil ah Ururka ku deeqay ayaa maanta ku
wareejiyay Maamulka Isbataalka Garoowe oo ay hormuud ka ahaayeen Agaasimaha
Faysal Faarax (Dhukane) iyo Maamulka Isbataalka C/risaaq Jaamac Taraag iyo
Guddiga Isbataalka oo ay ka mid ahaayeen Dr.Axmed Abshir Waraabe io Yuusuf
Jaamac Dagal (Camba-cambe) waxaana halkaasi goobjoog ka ahaa Masuuliyiin ka
socotay Wasaaradda Caafimaadka Puntland.
Abshir Xassan Abshir oo Wakiil ka ah
Counterpart International oo iyadu qalabkan ku deeqday ayaa sheegay in uu
aad ugu faraxsan yahay in qalabkan uu ku wareejiyo masuuliyiinta Isbataalka
Guud ee xarunta Caasumada Puntland ee Garoowe , wuxuuna xusay in uu
quudaraynayo in qalabkan loo qaybiyo dhamaan deegaamada Puntland maadaama uu
yahay qalab aad u badan oo loogu deeqay Puntland.
Dr.Axmed Abshir oo ka mid ah Bord-ka
Isbataalka ayaa u mahadnaqay Ururka ku deeqay qalabkan e looyaqaano
counterparty international oo ka jira USA ayaa sheegay in ay u
hawlgali lahayeen sidii ay qalabkan u gaarsiin lahaayeen
dhamaandeegaanada puntladn.
Si kasba , waa markii 2- aad ee Ururka
Counterpart International uu qalab soo gaarsiiyo Isbataalka Guud ee
Garoowe sida uu ka cadeeyay goobtii lagu bixinayay deeqdan Abshir
Xassan oo ka mid ah Ururkan deeqda soo gaarsiiyaya deegaanada puntland
maalinimadii shalay ahaydna lagu guulaystay in deeqdaan si hufan loogu
wareejiyo ispitaalka garowe iyada oo lagu wado in dhamaan deegaanada
puntland la wada gaarsiiyo deeqdan dhawaan sida gobtiiiba laga
cadeeyay. A/rizak koronto
Garowe puntland
Kulan
caalami ah oo ku saabsan Kaalinta ay saxaafada ka qaadan karto
Dhibaatada Qaarada Afrika oo ka furmay Nairobi.
Canab
Mumtaz.
Ergooyin iskugu jira Tafaftirayaal iyo wariyayaal gaaraya 140 xubnood
kana kala socda qeybaha kala duwan ee Warbaahinta ka howlgasha wadamada
Qaarada Afrika ayaa maanta shir uga furmay Magaalada Nairobi ee Dalka
Kenya,
Shirkan ayaa looga hadlayaa doorka ay saxafada ka howgasha qaarada
afrika ka qaadan karto xal u helida khilafaadka ka dhex aloosan qaarada
waxaana xubnahan ku wehliyey shirkan xildhibaanada Baarlamaanada Qaarada
Afrika ee Fadhigoodu yahay Magaalada Arusha ee Dalka Tanzania.
Waxa
sidoo kale shirkani lagu casuumay hay’adaha aan dowliga aheyn ee ku
howlan hormarinta saxaafada. Lataliyaha gaarka ah ee Xoghaya qaramada
midoobe Maxamed sahnoun oo shirka si rasmi ah u furay ayaa waxa uu
sheegey in shirkan looga golleeyahay in lagu booriyo saxaafada inay kala
shaqayso masuliyiinta iyo hay’adaha ku howlan xal u helida khilafaadka
ka taagan waddamada qaarada Afrika.
Mr
Sahnoun waxa uu sheegey in saxafada ay door muhiim ah ka qadan karto soo
afrista dagaalada ka jira qaar kamid wadamada qaaradan Afrika.
canabmumtaz@hotmail.com
Wargelin
Muhiim Ah -
Waxa dadweynaha Jaaliyadda Somaliland ee UK la ogeysiinayaa in Xaflad
ballaadhan oo lagu sagootiyayo xubnihii weftida ahaa ee Guddida
Horumarinta Gobolka Togdheer ee u socday Tabaruca Biriijka Burco oo
beryahan ba ku sugnaa dalka Biritan, lagu qaban doono hoolka Odayaasha
Sooomaalida, maalinta Sabtida 12 August 2006 bariga magaallada London.
Xafladda waxa lagu gorfaynayaa halka uu marayo deeq-ururintii Biriijka
Burco iyo kale oo la xidhiidha horumarinta gobolka iyo guud ahaanba
Somaliland.
Waxa laga codsanayaa dhammaan dadweynaha Somaliland inay si weyn uga soo
qayb galaan xafladda, gaar ahaanna guddi hoosaadkii dhaqaale-ururinta
biriijka Burco ee magaalooyinka Biritan (Birmingham, Cardiff, Sheffield,
Liverpool, Bolton, Manchester, Leicester iwm) iyo degmooyinka magaallada
London, East, West, North and South London.
Taariikhda
Sabtida 12 August 2006
Wakhtiga
2:00pm - 6:00 pm
Cinwaanka
Somali Senior Citizens Club
37 St Mathews Row
Bethnal Green
London E2 6DT
Xidhiidhka
Suldaan – 07903802139
Axmed Waqaf 07949052332
Saleebaan Carablow – 07949244941
Ka soo qaybgal wanaagsan –
Allaa mahad leh
Laxiriir:
aftahanc@hotmail.com
Nigeria ayaa bilowday in ay kala baxdo
ciidamadeeda gobalka Bakassi.
Nigeria ayaa si rasmi ah u bilowday maanta in ay ciidamadeda kala baxdo
gobalka Bakassi peninsula sida uu dhigayo heshiiskii ay go aamisay
maxkamad caalami ah gobalkaasi oo qani ku ah saliida.
3,000 kun oo ciidamo nagirian ah aya ka
bixi doona gobalkaasi Bakassi maalinta bari ah sida ay sheegen sarakaal
u hadala ciidamada nigeria Gen: Brig Gen Felix Chukwuma.
June, President Olusegun Obasanjo ayaa
sheegay in uu aqbalay goaankii ka soo baxay maxkamada caalamiga ah.
inta badan gobalka Bakkasi ayaa gacanta
ugu jiray ciidamada nigeria iyaga oo gabi ahaana maamulayay gobalkaasi.
mid ka mid ah guruubada u dhaqdhaqaaqa
gobalkaasi Bakassi in ay tahay wax lagu farxo madaxbanaanida gobalka
islamar ahaantaana waxaan ka soo horjeedaa in gobalku uu hoostago
xukuumada camaroon ayuu yiri nin u hadlay (Movement for Self
Determination).
Shacabka ayaa ad ugu hadaaqayaya in ay
tahay lagamamaarmaan in gobalka laga hirgaliyo xukuumada looguna
magacdaro (Democratic Republic of Bakassi).
Sidoo kalena waxaa la rajaynayaa in ay
kala baxaan ciidamadooda wadamada Germany, united state, united kingdom,
frence oo iyana lashaacin doono marka ay labaxayaan ciidamadooda
dhawaana laga saari doono gobalkaasi.
Gobalkaasi Bakassi ayaa waxaa ka dhacay
dagaal dhexmaray ciidamada nigeria iyo kuwa camaroon sanadkii 1990 ka
hor int aysan labada dal ku heshiin in ay isula tagaan maxkamad caalami
ah taasi oo go'aan ka gaadhay arimihii ay isu hayeen labada dal
xalkeedana maanta a miro guranayo.
Mr Obasanjo ayaa ugu baaqay dadka dega
gobalkaasi in ay sii wataa xasiloonidooda iyo nabada ay haystaan xataa
hadii ay ka baxaan ciidamada nigeria.
Dadka dega gobalka Bakasii ayaa waxay
yihiin dad dhaqan ahaan ka soo eeda camaroon islamar ahaantaana waa
camarooniyaan dadkaasi, dhaqan, aff.
Bakassi waxa uu ku yaalaa gacan
biyoodka Guinea, halkasoo ay 10% la rumaysan yahay in ay qani ku tahay
saliida aduunka, sidoo kalna gobalkasi bakassi ayaa ku ah qani dhanka
kaluumaysiga.
Sanadkii 2002 ayay go'aan ka gaadhay
maxkamada caalamiga ah taasi oo sharci ahaa gobalkaasi bakassi raacisay
xuduuda camaroon uguna baqday dhamaanba gumaystashu in ay ka baxaan
gobal kaasi Bakassi, sanadkii 1913 ayaa waxaa gobalkaasi gacanta ku
dhigay germany iyo united kingdom kuwaasi oo ilaa hada ay ciidamo ka
joogaan balse ciidamada labadaa wadan ayaa waxaa aaada uga badan kuwa ay
nigeria soo dul dhigtay kuwaasi oo hantiyaya gobalkaas maantana dib uga
baxaya gobalka Bakasi oo sida la shegay hoos tagi doona xukuumada
camaroon.
A/rizak koronto
Garowe puntland
Faafin: SomaliTalk.com Aug 9, 2006
Barnaamijkii Radio Xoriyo
08 Aug 2006
Dhoollatus
uu sameeyay ciidanka xoreynta ee Cirjiidh oo guul ku dhammaaday.
Qabridaharre
oo bandow ku jirta.
Shir Kililka
loogu qabtay magaalada Jigjiga.
Dad badan
oo Diridhabo daad ku qaaday.
Dawladii ku
meelgaadhka ahayd ee Soomaaliya oo la kala diray.
Shir ka
dhacay Magaalada Bermingham ee U.K.
================================
Ciidan si gaar
ah loo tababaray oo ka tirsan ciidammada xoreynta Ogaadeenya oo lagu
magacaabo Ciidanka Cirjiidh ayaa toddobaadkii u denbeeyay dalka
Ogaadeenya ka fuliyay dhoollatus ciidan, ka dib markuu u dhammaaday
tababar in muddo ah u socday.
Ciidanka Cirjiidh ayaa dhoollatuskan ka fuliyay meelo ka mid ah dalka
Ogaadeenya, arrintaasoo khalkhal iyo cabsi lixaad leh ku abuurtay guud
ahaanba ciidammada gumaystada Itoobiya.
Ciidammada gumaysatada Itoobiya ayaa markii ay ka war-heleen
dhoollatuska uu samaynayay Ciidanka Cirjiidh waxay abaabuleen ciidammo
aad u fara badan oo ku hubaysan qalab tikniko ah oo kala duwan, isla
markaana ay caawinayaan diyaaradaha qummaatiga u kaca ee Helikobtarrada.
Ciidammada gumaysatada Itoobiya ee hawlgalkan ka qayb qaatay waxay ka
kala yimaadeen gobollada Qorraxey iyo Doollo iyo magaalooyinka Godey iyo
Harar, waxayna ujeeddadoodu ahayd inay fashiliyaan qorshaha dhoollatuska
ee Ciidanka Cirjiidh ku guda-jiray, hase yeeshee ciidammada gumaysatada
Itoobiya arrintaas way ku guul darraysteen, qorshihii dhoollatuskuna
wuxuu ku dhammaaday guul iyo sidii loo qorsheeyay.
Dadwaynaha reer Ogaadeenya waxay farxad iyo raynrayn aad u wayn ku soo
dhaweeyeen Ciidanka Cirjiidh ee dhoollatuskan fuliyay markuu tababarka
soo dhammaystay. Jabhadda Waddaniga Xoreynta Ogaadeenya waxay iyaduna
rajaynaysaa in Ciidanka Cirjiidh uu wax badan ka baddali doono
farsamooyinkii hawlgal ee ciidammada xoreynta Ogaadeenya ka wadeen dalka
Ogaadeenya, taasoo soo dadajin doonta guulaha halganka Ogaadeenya.
Qabridaharre
oo bandow ku jirta.
Wararka ka
imanaya magaalada Qabridaharre ayaa sheegaya in magaaladu bandow ku
jirto, isla markaana ay ciidamadii gumaysiga Itoobiya mamnuuceen in
magaalada laga baxo ama la soo galo. Waxaa la joojiyay guud ahaanba isu
socdkii, waxaana dadwaynaha iyo gaadiidkaba loo diiday inay magaalada ka
baxaan ama soo galaan.
Arrintan ayaa
ka denbaysay, ka dib markii ay ciidammada Wayaanuhu ka war-heleen
dhoollatuskii Ciidanka Cirjiidh oo toddobaadkii ina dhaafay oo dhan ka
socday dalka Ogaadeenya.
Waxay wararku
sheegayaan in magaalada Qabridaharre ay ka baxeen ciidammo fara badan oo
Wayaane ah, kuwaasoo u baxay dhinaca Goglo iyo Shilaabo.
Shir Kililka
loogu qabtay magaalada Jigjiga.
Maalintii
axadda ahayd waxaa magaalada Jigjiga shir degdeg ah loogu qabtay
maamulka maqaar-saarka ah ee Jigjiga, waxaana shirkaas isugu yeedhay nin
lagu magacaabo Tawalde oo u dhashay qowmiyadda Tigreega, kaasoo ka
socday xafiiska kaligii taliye Meles Zenawi.
Shirkan ayaa la
sheegayaa in lagu qiimaynayay hawlgalkii millarati ee ciidammada
gumaystada Itoobiya ka billaabeen dalka Ogaadeenya daba-yaaqadii bishii
Abriil ee sannadkan.
Qiimayntii lagu
sameeyay hawlgalkaas millatari waxay noqotay in hawlgalkaas lagu guul
darraystay oo xataa 20% ayna ka fulin sababihii loo qaaday, taasoo
keentay in Tawalde uu si wayn ugu hanjabo maamulka maqaar-saarka ah ee
Kililka, isla markaana eedda guul darrada iyaga dusha ka saaro.
Maamulka
daba-dhilifka ah ee Jigjiga, oo ay caado u tahay inay iyagu is
ashkateeyaan mar kastoo ay la kulmaan qof ka socda xukuumadda Itoobiya,
ayaa shirka dhexdiisii ka billaabay is xagxagasho iyo mid waliba uu kan
kale denbiyo ku soo oogo, taasoo keentay in qaar ka mid ah guddiga
fulinta ee Kilil ku sheegga halkii xilka lagaga qaado, sida ninka lagu
magacaabo Cali Kunaay.
Dad badan oo
Diridhabo daad ku qaaday.
In ka badan 200
qof ayaa ku geeriyooday daadad xoog leh oo ku soo rogmaday magaalada
Diridhaba maalintii axadda ahayd, iyadoo la sheegay in dadka daadadkan
ku dhintay ay carruur badan ku jireen.
Daadadkan ayaa magaalada ku soo rogmayday, ka dib markii ay roobab
lixaad ah ka da’een nawaaxiga magaalada Diridhaba, kuwaasoo keenay in
Wabi magaalada agteeda mara uu ku soo fataho.
Daadadkan
magaalada ku soo rogmaday waxay sidoo kale gaysteen khasaare badan oo
dhinaca hantida ah, iyadoo qiyaastii 200 oo guri ay dumiyeen. Waxay
wararku sheegayaan in daadadkani ay bara-kiciyeen qiyaastii 10,000 oo
qof.
Maydadka dadka
daadadkan ku geeriyooday waxaa intooda badan laga helay meesha lagu
magacaabo Harawa. Ilaa hadda ma jiraan wax gargaar ah oo la gaadhsiiyey
dadkaas masibadu ku habsatay.
Dawladii ku
meelgaadhka ahayd ee Soomaaliya oo la kala diray.
Dawladii ku
meelgaadhka ahayd ee Soomaaliya ayaa la kala diray, waxaana laga soo
reebay ra’iisal wasaare Cali Maxamed Geeddi oo kaliya, kaasoo laga
dalbay inuu toddobaad gudihii ku soo dhiso xukuumad kooban oo 31 wasiir
oo kaliya ka kooban.
Madaxwayne C/llaahi
Yuusuf Axmed ayaa hadal uu isniintii ka jeediyay xubnaha Baarlamaanka
hortooda wuxuu ku sheegay in la soo dhisi doono xukuumad kooban oo ku
salaysan qaabkii awood qaybsiga qabiilooyinka soomeeliyeed ee lagu soo
jideeyay shirkii dib u-heshiisiinta soomaalida ee dawlada ku meelgaadhka
ah lagu soo dhisay.
Madaxwaynuhu
wuxuu kaloo sheegay in xukuumaddii hadda jirtay ayna waxba qabanin intii
ay dhisnayd, wuxuuna sheegay in xukuumadda cusub marka ay seddexd bilood
jirto ay Baarlamaanka u soo gudbin doonto waxqabadkeeda, haddii ay wax
qaban waydana iyadana la kala diri doono.
Madaxwaynuhu
wuxuu xubnaha Baarlamaanka ku boorriyay inay xukuumadda la xisaabtamaan
oo wax ka ogaadaan dhaqaalaha dawlada soo gala iyo qaabka loo isticmaalo,
arrintaasoo uu axdiga qaranku u oggolaanayo.
Khilaaf in
muddo ahba u dhexeeyay madaxda sarsare ee dawlada ku meelgaadhka ah ee
Soomaaliya ayaa la sheegay in hadda la soo afjaray, hadda wixii ka
denbeeyana ay wadashaqayn fiican yeelan doonaan.
08 Aug
2006.
Axmed Gaal-Eri
Info@radioxoriyo.com
raadioxoriyo@yahoo.com
Radio Xoriyo waxaad ka
dhegaysan kartaa Mawjadda 25 MB ee dhererkeedu yahay 11865 KHZ,iyo
internetka Radioxoriyo.com,Ogaden.com Maalmaha Talaadada iyo Jimcaha 7:
30PM waqtiga Afrikada Bari
C/Laahi Yuusuf oo
Geedi u Qabtay 7 Cisho in uu kusoo dhiso Xukuumad Cusub
»Beelaha
Soomaaliyeed oo si weyn uga walwalsan Tirada..
»6-gaari
oo Tikniko ah oo lagala wareegey Muuse Suudi..
»Sheekh
Shariif oo amaray xariga Max’ed Xuseen Gudbaaye..
»Dowladdii
Cali Geeddi oo la kala diray loona soo jeediyey..
»Dowladda
Kasakhistaan oo si kulul u beenisay in Muqdisho
»Dad
Soomaali ah oo lagu xirxiray magaalada Juba, Sudan
»Hadalkii
C/laahi Yusuf ka jeediyey Baarlamaanka DFKMGS
Wararka oo dhan ka
akhri halkan... GUJI... Aug 8
»Sweden
oo dib ugu celisay qaxootiga Ciraaq dalkooda
Dood-Cilmiyeed:
Isbedelka Cusub ee Soomaaliya Aqoonyahanno ku sugan dalka Canada ayaa ka hadlay kacdoonka Soomaaliya iyo
raadka uu... Dhegeysi...
|