• War Saxaafadeed ku saabsan qaraxii Bamka ee Muqdisho
• SHIR BALAARAN OO LOOGA HADLAYAY ARIMAHA AMMAANKA EE GOBOLKA SOOL OO MAANTA LAGU QABTAY GURIGA MADAXTOOYADA EE MAGAALADA LAASCAANO.
• HAY'AD CUSUB OO MAANTA LAGA DHISAY MAGAALADA GAROOWE OO UU DHISAY MADAXWAYNE KUXIGEENKA PUNTLAND.
• QAAR KAMIDA XILDHIBAANADA PUNTLAND OO MAANTA BOOQDAY GAROONKA DIYAARADAHA MAGAALADA GALKACYO.

War Saxaafadeed ku saabsan qaraxii Bamka ee Muqdisho

War...4 May... War ka soo baxay xafiiska ra'iisul Wasaaraha Dowladda Federaalka ee KMG ayaa daboolka ka qaaday in Qaraxii Bam ee shalay ka dhacay Garoonka Stadiyum Muqdisho aanu aheyn mid isaga loogu talagalay ee uu ahaa mid si kadis ah uga baxsaday Ciidamadii Maleeshiyaadka ahaa ee joogay garoonkaasi.

Warku wuxuu intaa ku daray in aanay jirin Wararka ay qaar ka mid ah Warbaahinta ay fidiyeen oo sheegayay in falkaasi uu ahaa mid isku day ah.

Warkaasi ka soo baxay Xafiiska Ra'iisul wasaaraha wuxuu intaa raaciyay in kadib markii la xaqiijiyay Dadkii ku geeriyooday Qaraxaasi in tiradoodu dhan tahay 8 ruux iyadoo ay ku dhaawacmeen 28 qof, oo 6 qof oo ka mid ah dadkaasi ay qabaan Dhaawacyo culus, halka ay tobaneeyo kalana isaga baxeen Cusbitaaladii la dhigay.

Afhayeenka Dowladda
Cabdiraxmaan Diinaari

Geedi oo Soo Booqday Dadkii Dhaawacu kasoo gaarey Qaraxii Muqdisho

Geedi oo ka khudbaynayey garoonka ciyaaraha Muqdisho May 3, 2005, wax yar ka hor intii aan qaraxu ka dhicin | Sawirka AP Dhaawac ama dhimasho Qaraxii  garoonka ciyaaraha, May 3, 2005 | Sawirka AP Nin ku u qaylinaya in la ccaawino, wax yar ak db qaraxii May 3, 2005 ee muqdisho | Sawirka AP

War2... May 4... Raiisul Wasaaraha Dowladda Federaalka KMG ee Soomaaliya Prof Cali Maxamed Geedi ayaa maanta soo booqday Dadkii shalay ku dhaawacmay Qaraxii bam ee ka dahacay garoonka weyn ee Istaadiyo Muqdisho.

Raiisul Wasaare Geedi, waxa uu tagay Cusbitaalada Medina,iyo Hayaat, wuxuuna ku soo wareegay qeybihii la dhigay Dadkaasi Dhaawaca ah, isagoo ugu duceeyay dhaawacaasi in uu Alle Bogsiiyo, wuxuuna sidoo kale uu Tacsi u diray Dhamaan dadkii Geeriyooday.

Raiisul Wasaaraha wuxuu intii uu marayay Cusbitaaladasi uu warbixino la xiriira sidii wax loogu qabtay Bukaankaasi uu kaga dhageystay Agaasimayaasha Cusbitaalada Medina iyo Hayaat Dr.Shiikhdoon Salaad Cilmi,Dr.Maxamed Maxamud oo caddeeyay in Dadkii Dhaawacmay shalayto aanay u baahneyn in Dibadda loo qaado oo ay iyagu ku filan yihiin.

Mudane Geedi waxauu Dhaqaatiirta Cusbitaaladaasi ku amaanay dadaalka wax ku oolka ah ee ay u fidiyeen Walaalahood, isagoo halkaasi ka fidiyay Balanqaad la xiriira in Dowladu ay gacan balaaran sii doonto Cusbitaaladasi,wuxuu isla maanta ugu deeqay Bukaanada Cusbitaaladaasi in Min 2 Neef oo Geel ah loo qalo Bukaanada ku jira Halkaasi.

Raiisul Wasaaraha Dowladda Federaalka KMG Mudane Prof Cali Maxamed Geedi wuxuu kaloo kormeer Howleed ku tagay Cusbitaalka iyo xarunta Caruurta ee SOS ee Magaaladan Muqdisho wuxuuna ku soo wareegay qeybaha ay ka kooban tahay isagoo u kuurgalay Howlaha Caafimad ee halkaasi ka socdo, wuxuuna kula dardaarmay Dhaqaatirta iyo Shaqaalaha Cusbitaalkaasi inay sii labanlaabaan Waxqabadkood.

Mudane Geedi oo kormerkiisa uu ku wehliyay Wasiir ku-Xigeenka Caafimaadka Dr.Cusmaan Maxamed Dufle oo warbixin ku siinaayay Raiisul Wasaaraha ayaa u sheegay inay u baahan yihiin Cusbitaalada Dowlad wax u qabata.

Xafiiska Afhayeenka Dawlada
Muqdisho, Soomaaliya | May 3

Bombaano Lagu Qarxiyey Garoonka Ciyaaraha Muqdisho oo uu Ka Khudbaynayey Geedi

---

SHIR BALAARAN OO LOOGA HADLAYAY ARIMAHA AMMAANKA EE GOBOLKA SOOL OO MAANTA LAGU QABTAY GURIGA MADAXTOOYADA EE MAGAALADA LAASCAANO.

Wednesday, May 04, 2005.

Laascaano: (Somalitalk)

Waxaa xalay kadhacay Xarunta Madaxtooyada ee magaalada Laascaanood kulan balaaran oo looga hadlayay arimaha Amaanka  Gobolka Sool,

kulankan oo ay xalay kasoo qayb galeen dhinacyo badan oo ka kala socday bulshada reer Sool, Waxaana kamid ahaa dadkii kasoo qaybgalay, Maamulka Gobolka Sool,Taliska ciidanka booliska Maamulka Degmada Ganacsatada Isimada.

Dhamaan xubnahan ayaa isla meeldhigay in laxasiliyo amaanka magaalada Laascaano, waxay sidoo kale kahadleen sidii laga yeeli lahaa gacan kudhiiglayaasha oo kol hore dilka gaystay ayagoo waxkudilay gudaha magaalada.

Isimadii Gobolka ee ka soo qayb gashay ayaa waxaa kamid ahaa Garaas Saleebaan, Shirkan ayaa waxaa isla markiiba looga hadlay sidii laga yeeli lahaa gacn kushiiglayaasha waxaana la,isla afgartay in lamariyo sharciga islaanka gacantana loosoogaliyo Maamulka Goblka Sool. Waxaa kaloo kamid ahaa masuuliyiintii halkaa isugu timid, Taliyaha boolliska PL, Nuur Salaad waxa uuna shaaca kaqaaday in dhinacooda ay kashaqayndoonaan ayna muhiimtahay in ay wax kaqabtaan sugida amaanka magaalada Laascaanood ayadoo laisku afagartay arimahaas ayaa lasheegay hadii aan lasugin amaanka magaalada ay kafaaiidaysan karaan cadowga maadaama aytahay meeel furin,ah. 

HAY'AD CUSUB OO MAANTA LAGA DHISAY MAGAALADA GAROOWE OO UU DHISAY MADAXWAYNE KUXIGEENKA PUNTLAND.

Garoowe: (Somalitalk).

Wednesday, May 04, 2005

Waxaa maanta laga hirgaliyay Caasimada maamul goboleeda Puntland eeMagaalada garoowe, Hay'ad cusub oo uu maanta dhisay Madaxwayne kuxigeenka Pl Xassan Daahir afqurac, Hay'adan oo lagu magacaabo Hay'addan Nabadsugidda Puntland, (PSS).waxaana Hay'addan dhismaheeda qalinka kujiiday Madaxwayne kuxigeenka PL, ahna siihayaha xilka Madaxwaynaha.

Madaxwayne kuxigenka ayaa hay'addan utiigsaday dhismaheeda dastuurka PLisla markaana xeeriyay baahida looqabo hay'adda Nabadsugida PL, (PUNTLAND SECURITY SERVICE).

Madaxwayne kuxigeenka ayaa waxa uu sidoo kale xeeriyay in ay noqoto xarunta hay'addan magaalada Garoowe asagoo sheegay in ay Goboladana yeelandoonaan xarumo ama laamo, Madaxwayne kuxigeenka ayaa sheegay in hay'addu aytahay hay'ad dowli ah ayna hay'adda Nabadsugidu hoos imaandoonto Madaxtooyada Maamulka PL.

          MASUULIYADA HAY'ADDAN AYAA WAXAY KALA TAHAY:-

  1. Maaraynta hawlaha nabad sugineed ee Puntland.
  2. Ururinta, habaynta iyo weliba u hawl gelidda xogta nabad sugineed.
  3. Tayaynta iyo tababarridda shaqaalaha hay'adda.
  4. Ururinta Xogta.
  5. Adeegsiyga tiknoolojiyadda casriga ah ee ku aaddan hawlaha nabad sugidda.
  6. Hay'addani waxay wada shaqayn la yeelan doontaa dhamaan hay'adaha     amaanka Puntland.
  7. Hay'addu waxay toos u hawl geleysaa marka uu qaab dhismeedkeedu  dhamaystimayo.
  8. Hay'addu iyada ayaa samaysaneysa xeer hoosaadyadeeda.

QAAR KAMIDA XILDHIBAANADA PUNTLAND OO MAANTA BOOQDAY GAROONKA DIYAARADAHA MAGAALADA GALKACYO.

Galkacyo:(Somalitalk)

Wednesday, May 04, 2005

Qaar kamida golayaasha baarlamanka PL ayaa saak booqasho kutagay eera boorka magaalada galkacyo, waxaana xubnahan horkacayay gudoomiye kuxigeenka 2,aad ee baarlamanka DGPL, Xuseen Maxamed Cigaal, waxaana kamid ahaa xubnahan booqashada kutagay garoonka diyaaradaha ee magaalada, Gudoomiyaha Maxkamadda Sare' ee Pl, C/qaadir Sh, Axmed.

Xubnahan ayaa sheegay in ay kamidtahay booqashadan kulan ay shalay kuyeesheen xubnahan iyo qaar kamida golayaasha wasiirada xarunta goblka iyo D/hoose, ayay kutilmaameen in ay xubnahan katirsan baarlamanka gaar ahaanna kuwa laga soo doortay gobolka mudug in ay kufuranayeen xafiis ay kuyeeshaan magaalada galkacyo gudaheeda.

wali waxaa kusugan magaalada galkacyo wasiiro iyo qaarka kale ee kasocda golaha baarlamanka PL.

Sahro Sheikh | sahrosiglan@yahoo.com