---

Jubbada Hoose iyo Jubbada Dhexe: Sadex qof ayaa u dhimatay cudurka shuban biyoodka, tiro intaasi ka badana way la il-daranyahiin

• Cabdi qadar nuur maxamed (filipiin)
  Kismaayo soomaaliya

Cudurkaan shuban biyoodka ayaa waxa uu dhawaantan ka dilaacay tuulooyin ka tirsan gobolada Jubada Hoose iyo Jubada Dhexe oo ay ka midyahiin tuulooyinka Muqo kuri, Mugaanbo Komon, Buulo Gaduud iyo waliba deegaano kale oo fara badan ayadoo ilaa iyo hada ay cudurkaan u dhinteen sida lagu soo waramayo sadex qof  oo labo ka mid ah ay ahayeen caruur halka uu qofka kalena ahaa haweeney islamarkaana ay hada cudurkaan shuban biyoodka ah la ildaranyahiin dad kor u dhaafaya ilaa toban qof. 

Cudurkan asiibay dadka ku dhaqan tuulooyinka aan soo sheegnay ayaa waxa uu yahay cudur had iyo goor soo noq noqda islamarkaana ay yartahay la tacaalida cudurkaan iyo waliba ka hortagiisa ayadoo aysan  jirin dhaqaatiir iyo waliba hay’ado ka howl gala tulooyinka uu cudurka ka dilaacay. Dadka uu soo ritay cudurkaan yaa haatan lasoo gaarsiinayaa magaalada kismaayo oo haatan lafteda aan lahayn isbitaal si fiican ula tacaala cudurada haleela dadka  la keeno isbitaalka sababo dawa yari iyo dhaqaalo xumo  owadeed .

Cudurkaan shubanka ayaa haatan dadka ugu badan uu haleelay waxaa ay yahiin dumar iyo caruur ayadoo uu cudurkaan dillaaco xiliyada kulaylaha ah islamarkaana aysan jirin goobo lagu fuuq celiyo dadka la ildaan taasina ay keento in uu si sahal ah u diloodo qofka cudurkaan . 

Waxaa sidoo kale cudurkaan saameyentiisa laga dareemay magaalada kismaayo ayadoo haatan xeryaha qaxootiga ay ka jiraan feejignaan xoogan kadib markii tiro dad ah laga dareemay calamadaha cudurkaan shubanka ah waxaana jira baraarujin xoogan oo ay wadaan ururada maxaliga ah ee ka jira magaalada kisaayo.iyo waliba dhaqaatiirta tasoo ay ku baraarujinayaan dadka ku jira xeryaha in ay ilaaliyaan nadaafada kuna dadaalaan sidii ay durba u gayen lahayeen dadka ay ka dareemaan calaamadaha cudurka shuban biyoodka oo qofka ka taqalusa hadaanan lagu sameyen fuuq celin dagdag ah . 

Cabdi qadar nuur maxamed (filipiin)
Kismaayo soomaaliya
cabdiqadar84@hotmail.com
cabdiqadar@somalitalk.com

---

Qaar kamid ah Soomaalida Britain oo Talooyin u jeediyay Dawladda Soomaaliyeed ee wali fadhigeedu yahay Nairobi. 

Ridwaan Xaaji C/wali.
25/3/2005,London. 
ridwanhaji@yahoo.com

Waxaa xalay Magaaladda London lagu qabtay kulan ay ka soo qaybgaleen Waxgaradka ku nool dalkan ee ka murugsan xaaladda uu hada ku sugan yahay Baarlamaanka iyo dowladda FKMG ah ee wali ku sugan Nairobi. 

Shirkan oo ahaa mid si weyn loo soo agaasimay ayaa ugu horeyntii waxaa halkaas ka hadlay Axmed Sheel oo sheegay in maanta kulankan uu yahay in talooyin aanu u gudbino xildhibaanada iyo dowladda oo aan la wada socono sida ay hada xaaladu tahay. 

Kulankan ayaa waxaa marti ku ahaa Ibrahim Cali Xasan oo ah Wakiilka Xiriiriyaha Soomaaliya iyo Jarmalka oo fadhigiisu yahay Magaaladda Nayroobi, waxaa uu Ibraahim Cali  uu ka sheekeeyay xiriirka wadamada deeq bixiyayaasha iyo dowladda, isagoo sidoo kale ka hadlay istunkii dhawaantan ka dhacay Magaalada Nayroobi ee ay xildhibaanadu is dileen ayaa uu yiri in ay taasi aheyd midla filan karayay marka la eego sida ay wax u socdeen. 

Shirkan ayaa sidoo kale waxaa ka hadlay Enj.Cusmaan kalluun oo hore jagooyin sarsare uga soo qabtay dowladdii Carta hadana bilow ilaa dhamaad ka qeybqaatay Shirkii dib u heshiisiinta Soomaalida ee Kenya. Enj Cusmaan Kalluun ayaa ka hadlay in Khilaafka xoogan ee soo kala dhexgalay Baarlamaanka iyo xukumadda in ay tahay mid dimiqraadiyadu ay ka soo ifbaxayso, waxaa kale oo uu sheegay in Soomaalidu aysan ka wal walin in baarlamaanka iyo dowladu lagu kala dareero, waxaana taasi uu daliil uga’ga dhigtay shirkii muda’da labadda sano lays horfadhiyay ayaa lagu kala tagi lahaa hadii wax lagu kala tagayo. 

Shirkan ayaa sidoo kale waxaa ka soo qeybgalay odayaal caan ku ah siyaasada Soomaaliya oo ay ka mid yihiin Cali Jarmal iyo Sheekh Muuday oo iyagana ka waramay waxyaabihii ay goobjooga u ahaayeen shirarkii siyaasada Soomaalida. 

Shirkan waxaa ugu dambeyntii laysku raacay in dowladda iyo baarlamaanka ay u u hogaansamaan Axdigii ay ku heshiiyeen si xaloogu helo xaalada guud ee colaadeed ee Soomaaliya. 

Jawiga shirka ayaa ahaa mid si wacan loo soo agaasimay, waxaana qof walba uu soo dhiibanayay fikradiisa ee uu xalka u arko iyadoo dadkii halkaasi isugu yimid ay u badnaayeen aqoonyahanada Soomaalida ee sida weyn looga’ga yaqaan dalkan Britain iyo Soomaaliya 

Shir ay Gaalkacyo Ku Yeesheen Beelaha Cayr iyo Saleebaan