Barnamujka caawa Radio Xoriyo ka
baxaya waxuu ka kooban yahay.
-
Cadowga Itoobiya
oo dad ku laayay gobolka Doollo
-
Kililkii Soomaalida oo shaqadii
laga joojiyay
-
Maraykanka oo Itoobiya ka
codsaday inay shuruud la’aan
fuliso go’aankii xaduuda
-
Reer guuraanka
adduunka oo Itoobiya ku kulmaya
-
Soomaaliya oo Jaamacadda Carabta
taageero ka dalbatay
Iyo
waraysi aan la yeelanay guddoomiye
ku xigeenka Jabhadda Waddaniga
Xoreynta Ogadenya.
===============================
Cadowga Itoobiya oo dad ku laayay
gobolka Doollo
Wararka naga soo gaadhaya gobolka
Doollo ee dalka Ogadenya ayaa
sheegaya in ciidamada gumaysiga
Itoobiya ay nawaaxiga magaalada
Qorile ku dileen nin lagu magacaabo
Yuusuf Xasan Nuur oo ka tirsanaa
dadwaynaha rayadka ah ee ku nool
deegaanka Qorile.
Wararku waxay kaloo intaas ku
darayaan in ciidamada gumaysiga
Itoobiya ay dad aad u titara badan
ka qaqabteen nawaaxiga Qorile iyo
Dannood. Dadkaas oo dhamaantood
rayad ahaa waxaa loo taxaabay
xabsiyada gumaysiga, iyadoo ayna
jirin wax denbi ah oo ay galeen.
Dadkan
la xidhxidhay, oon tiradooda dhabta
ah la haynin, hase yeeshee wararka
qaarkood ay 100 gaadhsiinayaan, ayaa
qaar ka mid ah loo qaaday degmada
Nus-dariiqa, ka dib markii si wayn
loo jidhdilay. Ciidamada gumaysiga
Itoobiya ayaa dilkan iyo xidhaygan
cusub ka billaabay deegaankaas, ka
dib markii dhawaan gaadhi ay ciidamo
Wayaane ahi saarnaayeen lagu gubay
meel u dhaxaysa magaalooyinka Qorile
iyo Dannood, halkaasoo ay ku
dhinteen 30 askari oo Wayaane ah.
Kililkii Soomaalida oo shaqadii laga
joojiyay
Xukuumadda Itoobiya ayaa Kililka
Soomaalida amar ku siisay inuu
joojiyo guud ahaanba hawlihii uu
hayay, iyadoo xafiisyada Kililka
hoos yimaada oo dhan aan la furi
karin inta amar kale ka soo baxayo.
Tan
iyo markii amarkaasi ka soo baxay
dawlada dhexe ee gumaysiga Itoobiya
waxaa hawlgab ahaa dhamaan
xafiisayda Kililka Soomaalida ee
magaalada Jigjiga. Shaqaale badan oo
Kililka u shaqayn jiray ayaa loo
sheegay inay guryohooda iska joogaan
inta amar denbe ka soo baxayo.
Arrintan ayaa lagu macneeyay inay
hordhac u tahay tallaabo ay dawlada
dhexe ee gumaysiga Itoobiya qaadi
doonto oo ah inay la wareegto talada
Kililka Soomaalida. Waxaa jira warar
kale oo sheegay inay jiraan odayaal
soomaali ah ay maamulka Kililka ku
dacawaeeyay keligii taiye Meles
Zenawi, kuwaasoo sheegay in Kililku
uuna qabsanin shaqooyinkii loogu
talagalay.
Maraykanka oo Itoobiya ka codsaday
inay shuruud la’aan fuliso go’aankii
xaduuda
Madaxweyne dalka Eritereya Isaias
Afwerki ayaa kulan magaalada Casmara
kula yeeshay wafti Maraykan oo uu
hogaaminayo ku xigeenka hogaanka
millatariga Lt. General Lance
Smith.. Kulan waxay laba dhinac kaga
wada-hadleen waxyaabihii ku soo
kordhay qorshaha nabadda ee Itoobiya
iyo Eritereya iyo xaaladda gobolka
Geeska Arfrika.
Madax
eyne Afwerki ayaa muujiyay sida uu
wadankiisu u doonayo inuu
wada-sahqayn la yeesho wadanka
Maraykanka, isla markaanau uu ugu
dadaalayo iskaahsiga labada dhinac
dhex-mara..
Wuxuu
madax waynuhu xusuusiyay waftiga in
arrinta xuduuda ee wadankiisa iyo
Itoobiya ay wali tahay mid aan la
xallin, sababtuna ay tahay maamulka
Itoobiya ka jira oo si joogta ah u
diidan hirgalinta goa’aamadii gudiga
xuddada.
Wuxuu
kaloo intaas raaciay in dhibaatada
xuduuda oo la xalliyo ay xoojin
karto xidhiidhka wadnkiisa iyo
wadanka Maraykanka, iyo waliba
saamaynta uu Maraykanku ku leeyahay
gobolka Geeska Afrika.
Lt.
General Lance Smith ayaa isna
dhinaciisa sheegay in dawlada
Maraykanku ay ku dadaashay siday u
wanaajin lahay xidhiidhka Eritereya
la leedahay.
Wuxuu
kaloo jannaraalku ku nuux-nuuxsaday
in dawlada Maraykanku ay rumaysan
tahay in la dhameeyo khilaafka
xuduudeed ee Itobiya iyo Eritereya,
taasoo ku iman karta buu yidhi in
Itoobiya ay fuliso goa’aamadii ka
soo baxay guddiga xduuda iyadoo haba
yaraatee aan wax shuruud ah ku
xidhin. Wuxuu kaloo intaas raaciyay
in dawlada Maraykanku ay si joogta
ah xukuumada Itoobiya ugu sheegto
inay go’aamadaas u hooggaansanto.
Reer
guuraanka adduunka oo Itoobiya ku
kulmaya
Dalka
Itoobiya waxaa barri oo bisha
Janwari 29 tahay ka furmaya
shirwayne ay isugu imanayaan wafuud
ka kala socda dadyowga reer guuraaga
ah ee 23 waddan oo dunida ka tirsan,
sidaas waxaa daboolka ka qaaday
Xafiiska Qaramada Midoobey u
qaabilsan Isku Xidhka Arrimaha
Aadanaha (OCHA).
Shirwaynahan oo socon doono muddo
shan maalmood ah, waxaa lagu
qabanayaa xadka ay Itoobiya la
wadaagto dalka Kenya, waxaana ka soo
qayb geli doona in ka badan 200 oo
qof oo reer guuraa ah, waxaana
lagaga hadli doonaa sidii loo
hormarin lahaa nolosha reer guuraaga
adduunka, isla markaana dawladaha
adduunka loogu dhiirri gelin lahaa
inay kaalmad ay u baahan yihiin u
fidiyaan dadka reer guuraaga ah.
Dadka
reer guuraaga ah ee adduunka ku
dhaqan ayaa la sheegay inay
gaadhayaa 50 milyan oo qof.
Qiyaastii 8 milyan oo ka mid ahi
waxay ku nool yihiin dalka Itoobiya,
kuwaasoo 20 qowmiyadood oo kala
duwan ku kala abtirsada,
noolashooduna ay ku xidhan tahay
xoolaha nool.
Xukuumadda Itoobiya ayaa caalamka
isu tusaysa inay danaynayso nolosha
dadka reer guraaga ah ee ay masuulka
ka tahay, hase yeeshee waxay dunida
oo dhami wada ogtahay in reer
guuraaga Itoobiya ku dhaqan ay
yihiin ugu adduunka ugu nolol xun,
iyadoo ay ugu wacan tahay xilksanimo
la’aanta xukuumadda gumaysiga ah ee
Addis Ababa.
Soomaaliya oo Jaamacadda Carabta
taageero ka dalbatay
Wasiirka arrimaha Dibadda ee
Soomaaliya Cabdullaahi Sheekh
Ismaaciil ayaa wareysi dheer uu
siiyey wargeyska Sharq-Alwsad ku
sheegay in xukuumaddiisu dooneyso
sidii ay Jaamacada Carabtu kaalin
muuqata uga qaadan lahayd dib u
dhiska dalka Soomaaliya.
Wuxuuna sheegay inay jiraan
xidhriidho lugu doonayo sidii ay
Jaamacadda Carabtu dib ugu
cusboonaysiin lahayd arrimaha
Soomaaliya, waxayna xidhiidhada
noocan ahi la xidhaan shirka
Jaamacadda Carabtu ku yeelanayso
magaalada Aljeris ee xarrunta
dalkaasi Aljeeriya bisha maarso ee
foodda inugu soo heysa. Waxaana
shirkaas la soo hordhigi doonaa
sunduuqa dhaqaale ee dalalka carabtu
Soomaaliya ugu talagaleen, kaasoo
lau billaabay lacag gaadhaysa
qiyaastii 3 malyan oo doolarka
Maraykanka ah.
Wuxuu kaloo wasiirku sheegay in
xukuumaddiisu ay meel madhan wax ka
billaabeyso, isla markaana loo
baahan yahay in la dhiso dhamaan
adeegyadii bulshada iyo kaabayaashii
dhaqaale ee burburka ku dhacay
markii la riday dawladii Soomaaliya
ee ugu denbaysay dhawr iyo toban
sano ka hor.
Wuxuu
kaloo sheegay sida ay muhiimka u
tahay in Soomaaliya la keeno ciidamo
hubka ka dhiga malleeshiyooyinka
kala duwan, wuxuuna Jaamacadda
Carabta ka codsaday inay la shaqeyso
ciidamadda caalamiga ah ee
Soomaaliya la keeni doono, si ay
xukuumadda ugu suuragasho inay dalka
dib ugu laabato iyadoo nabadgelyo
jirto.
28.01.2005
Axmed
Gaal-eri
raadioxoriyo@yahoo.com
Radio
Xoriyo waxaad ka dhegaysan kartaa
Mawjadda 31 MB ee dhererkeedu yahay
9820 KHZ, Maalmaha Talaadada iyo
Jimcaha 7: 30PM waqtiga Afrikada.
Afeef: Aragtida qoraalkan waxaa leh
qoraaga ku saxiisan
Faafin: SomaliTalk.com | Jan 28,
2005