-
Liis lagu
aruurinayo Saraakiishi Xoogga Dalka
Soomaaliyeed oo ka socda Magaalada
Nairobi.
-
Dil ka dhacay Magaalada
Mogadishu oo ay
ku dhinteen laba qofood kuwa
kalena ku dhaawacmeen.
-
Wasiiro &
Xidhibaano uu hogaaminayo Al Xaaj Muusse Suudi
Yalaxow oo shir saacado badan socday ka dib
Baaq Colaad Joojin ah u soo jeediyay Beelaha
Sacad & Sulayman
Liis lagu
aruurinayo Saraakiishi Xoogga Dalka
Soomaaliyeed oo ka socda Magaalada
Nairobi.
Canab
Mumtaz | SomaliTalk.com | Nairobi
Email:
canabmumtaz@hotmail.com | Jan 27,
2005
Wasaaradda
Gaashaan dhigga DFKMG ah ee soomaaliya
ayaa liis ka furtay Hotelka 680 ee
magaalada Nairobi lagu aruurinayo
saraakiishi ciidanka xoogga dalka
soomaaliyeed intooda ku sugan shirka iyo
kuwii horay u joogay magaalada Nairobi
iyo meelaha ku dhawdhaw.
Qaar ka
mid ah saraakiishan is diiwaan galinayay
oo aan kula kulamay hotelkaas ayaa ii
xaqiijiyay in ay socoto howshan ay wado
wasaarada gaashaan dhiga iyadoo hal meel
iskugu keeni doonta intii ku howlaneyd
adeegyada Nabadgalyada Dalka iyo
Difaacida shacabka si xiligan ay
dowladda uga caawiyaan dhinaca amniga
iyo tabarida ciidan cusub oo soomaaliya
ay leedahay kana qayb qaata amaanka
soomaaliya taas oo wax badan ka badali
karta dhinaca amaanka dhalinyaro badan
oo hadda hubaysana ay u noqon lahaayeen
kuwo hubkooda ugu adeegga bulshada ay ka
dhasheen ee soomaaliyeed.
Saraakiishan oo liiskoodda uu aad u
badan yahay sida uu igu waramay sarkaal
diiday in uu magaciisa sheego waxaa kale
oo ay dowladda ka gacan siin doonaan
aruurinta hubka qatar ah ee ku jira
gacanta shacabka iyagoo ka dhigi doona
mid ay dowladda maamusho iyadoo
hay'addaha gaarka ahna loo sharciyayn
doono hubkoodaas iyadoo aan lagu
xadgudbin kan shaqsiyaadkana laga iibsan
doono si loogu adeego danaha qaranka
soomaaliyeed iyo kan shacabkaba.
Saraakiishan is diiwaan galiyay ayay
wasaaraddu ugu tala gashay qorshe gooni
ah iyagoo wafdiyada ugu horeeya ee tagga
caasimadda ay noqon doonaan kadibna
waxaa loo kala diri doonaa gobolada
Dalka si ay maliishaadki siyaasiyiinta
hoos imaanayay u siiyaan tababar sida uu
iigu waramayay sarkaalkaas oo aan kula
kulmay hotelka 680 xili uu is diiwaan
galinayay.
Saraakiishka ciidan ee dal uu leeyahay
sharciyan marka laga hadlo waa kuwo aan
cidna ku tiirsanayn ee marwalba ay tahay
in ay difaacaan danta shacabka ay
matalaan iyo ilaalinta xuquuqdooda,balse
soomaaliya waxaa nasiib daro noqotay in
laba waayay meel ay galeen ciidankii
dalku lahaa iyo waliba saraakiishoodi,waxaana
hubaal ah hadii ay joogi lahaayeen in
wax badani is badali lahaayeen laakiin
waxaa meesha ka saartay maamul xumo oo
keentay in ay kala firdhadaan ciidankaas
iyo waliba saraakiishoodi iyagoo noqday
wax ku dhintay dagaaladii sokeeye,kuwo
fal cad lagu dilay iyo wax kale oo hadda
howl gab noqday.
Diiwaan
galintan waa mid rajo wanaag ku abuuri
karta saraakiishi ciidan iyo waliba
shacbka soomaaliyeed ee og qiimaha
amaanka iyo mudnaanta uu leeyahay
askariga ay afyaqaaneen ee xaqooda
ilaalinaya kuna salaynaya shaqadiisa
cadaalad iyo is xaq dhowr muwaadiniinta
u siman yihiin.
Dil ka dhacay Magaalada Mogadishu oo ay
ku dhinteen laba qofood kuwa
kalena ku dhaawacmeen.
Mid ka mid ah maliishaadka
iskood u hubaysan ayaa saakay
(Jan 27)
rasaas ooda kaga qaaday dad
weyne saarnaa gaari meel u dhaw
xaafadda SIISII ee magaalada
Mogadisho waxaana ku dhintay
laba ka mid ah dadkaas halka
sadex kalena uu dhaawac ka soo
gaaray meelo kala duwan.
Ninkan oo Da'ahaan lagu sheegay
18 jir waxa uu ku jiray qaybta
dhaqan celinta ee mid ka mida ah
Maxaakimta Magaalada Mogadisho
kana baxsay sida ay wararka
sheegayaan waxa uu ninkan horay
dhaawac ugu gaystay Haween ka
badan Afar kadib markiii Bam-ka
Gacanta ku tuuray Goob ay kaga
gacansanayeen Qaad.
Gacan ku dhiiglaha ayaa baxsaday
kadib markii fal dambiyeedkan uu
gaystay mana jirto cid meel ku
sheegta illaa hadda dadka
dhintay ayaa ahaa dadweyne u
kala socday goobo ganacsi iyo
meelo kale.
Illaa hadda lama ogga sababta
keentay in ninkani dilo dadkan
rakaabka ah,balse caadiyan waa
mid dhacda in dad badani la
kulmaan dhacdadan oo kale iyagoo
aan hadana waxba ka qaban karin
mar hadii uusan jirin sharci si
buuxda u ilaaliya xaqqa
muwaadinka.
Dilalka noocan ah ayaa noqday kuwo
aan macna ku dhisnayn xitaa
hadii loo jeedo kan dambiilaha
ee xiligaas ku jira fal
dambiyeedka,waxana uuna dilkani
iska noqday mid ka mid ah
nolosha caadiga ah ee dadka
Soomaaliyeed taas oo ay ugu
wacan tahay Hubka oo noqday mid
gacanta ugu jira dadka shacabka
oo qof walba uu si sahal ah u
adeegsan karo.
Canab Mumtaz
| SomaliTalk.com | Nairobi
Email:
canabmumtaz@hotmail.com | Jan 27, 2005
Wasiiro &
Xidhibaano uu hogaaminayo Al Xaaj Muusse Suudi
Yalaxow oo shir saacado badan socday ka dib
Baaq Colaad Joojin ah u soo jeediyay Beelaha
Sacad & Sulayman
Qore:
axmeddeere65@hotmail.com
Axmed Muusse Cabdulle(Idaawaqaca) Kenya,Nairobi
![](boaa2.jpg)
wasiirada
Baaqqan soo saaray
![](boaa1.jpg)
al xaaj muuse suudi oo shirka
gudoominaya
![](boaa4.jpg)
Furux, Caydiid, Caato, Gacmodhewere
![](boaa3.jpg)
Xidhibaan Cali oo Aqrinaya
Heshiiskii Beelaha Hiraab |
Waxaa maanta
Magaalada Nairobi ee Dalka Kenya ka dhacay shir
la doonayay in lagu soo Afjaro Colaadihii
udhaxeeyay Beelaha Sacad iyoReer Xaaji Sulaymaan.
Shirka oo ka dhacay Hotelka Jikaranda ee Nairobi
waxa uu Biloowday Koowdii Duhurnimo, Saacada
Afrikada Bari, waxaana gudoominayay Wasiirka
Ganacsiga Soomaaliya Al XaajMuusse Suudi
Yalaxoow oo isagu, Gogoshan Fidiyay.
Dhamaadkii shirka waxaa Xubnihii Shirka Fadhiyay
soo Sareen Qoraal ay ugu talo galeen Saxaafada
oo ka koobnaa qodobadan.
1-In Xidhiaanada& Wasiirada Halkaan ku shiray
la wareegeen, Joojinta Colaadihii u dhaxeeyay
Beelaha Sacad&Reer Xaaji Sulaymaan, ee Gobolada
Dhaxe,
2- Waxaan ku baaqaynaa in si dagdaga loo joojiyo
Colaadaha iyo Dirirta dadka Walaalaha ah, ee
Sacad iyo Sulaymaan
3-in la joojiyo
Gurmadka Colaad hurinta ah ee laga Dirayo
Caasimada Soomaaliya ee Muqdisho iyo Meelaha
kalle ee sii hurinaya Colaadaha,
4-In Xidhibaanada iyo Wasiiradaeesha Beelaha
Hiraab 5 Cisho gudahood ku aadaan Caasimada
Soomaaliya iyo Gobolada Dhaxe,
5-Wasiirada& Xidhiaanadu Waxa ay Balan qaadayaan
Xalinta Colaadaha Gobolada kalle Sida Juooyinka,
6-Waxaa kaloo ay balan qaadayaan in ay nabad
galyo ka dhigaan Caasimada Soomaaliya ee
Muqdisho kuna soo dhaweeyaan Doowlada oo ay u
sii gogol xaarayaan Diyarna uyihiin soo
dhawaynta Doowlada Soomaaliyed,
7-In beeshii biloowda Colaad Danbe lagaqaadi
doono tilaabo wada jira ayna iyadu mas uul ka
noqon doonto Cawaaqib Xumadii ka Soo noqota,
Shirkan waxaa abaabulay Wasiirka Ganacsiga
Soomaaliya Al Xaaj Muusse Suudi Yalaxoow waxaana
lagu
soo Afjarayay Colaadihii beelaha Saxad&
Saleebaan,
Shirkan waxaa ka soo qay galay Xuno ka Tirsan
Golaha Wasiirada Soomaaliya, Xidhibaano &
Masuuliyiin ka socday Beelaha Hiraab & Xawaadle.
Wasiirada Kalla Ah Al Xaaj Muusse Suudi Yalaxoow
,Eng Xussen Maxamed Faarax Caydii, Osmaan Xasan
Cali CaatoMaxamed Maxamuud Gacmo Dheere,Maxamed
Salaad Tarabi,Xirsi Adan Roole,Bootaan
Ciise,Caalin, Maxamed Jaamac Furux, Ibraahin SH
Cali Jeebo& Xuno kalle Waxaa kaloo Joogay Xubno
ka Tirsan Baarlamaanka Axmed Ducaalle Geele
Xaaf,Xasan Dhinbil Warsame,Cali Calas Qaareey,
Maxamed
Sh Jaamac Nageeye,Yusuf Mire Seeraar, ,Dr Cali
Baashi Cumar Rooraaye, Bashiir Maxamed Adan
Axmed Diiriye Maxamed,Farxaan Cali
Maxamed,,Cumar xaashi Adan,Maxamed
Xuseen,Raage,Abuukar Maxamed Guure,Eng Xussen
Cabdi Walde,C/laahi Geedi Shadoor
Abuukaato,Gabyoow, iyo Xubno Kalle Beelaha Sacad
iyo Reer Xaaji Sulaymaan waxa dhaxeeyay Colaado
Mudooyinkan Dane iyagoo ku diriray Magaalooyinka
kalla ah, Gaalkacyo,Hobyo,Galin Soor, Wargalo,
Dhaad, Ximawaare,Qaydaro, Aricad, Xinlai,Dudumo
Cade,Mircowlo&Meelo Kalle.
Waxaa la sheegayaa in ay ku dhinteen Dagaaladan
ku dhawaad 500 oo Qofood ayna ku dhaawacmeen
Tiro kaloo badan,Beelaha Baaqaan soo saaray waxa
ay kalla ahaayeen Beelahan, Xawaadle,Mudulood
Hiraan, Madarkicis Hiraab, Martiile
Hiraab,Maxamuud Hiraab.
Waxaa Gogosha Fidiyay Wasiirka Ganacsiga Al Xaaj
Muusse Suudi Yalaxoow.
Qore:
axmeddeere65@hotmail.com
Axmed Muusse Cabdulle(Idaawaqaca) Kenya,Nairobi
Kulaabo bogga www.SomaliTalk.com
|