-
Xaflad lagu Maamuusayay
Maalinta Dhirta Adduunka oo lagu Qabtay Boosaaso
-
MAALINTA DHIRTA ADUUNKA OO
MAANTA LAGA XUSAY GOBOLADA PUNTLAND
Xaflad lagu Maamuusayay Maalinta
Dhirta Adduunka oo lagu Qabtay Boosaaso
SAWIRADA KA EEG HALKAN... GUJI...
Waxaa Maanta lagu Qabta Xarunta
Wasaarada Xanaanada Xoolaha Dhirta iyo Degaanka DGPL Xaflad lagu
Xusaayay Maalinta Dhirta Adduunka Xafladaa ayaa waxaa ka soo Qayb
galay Wasiirka Wasaarada Xanaanada Xoolaha Dhirta iyo Degaanka DGPL
Ibraahin Xareed Cali (Dacar), Wasiirka Diinta iyo Awqaafta DGPL
Barqada Cali Saalax, Wasiir Kuxigeenka Wasaarada Xanaanada Xoolaha
Dhirta iyo Degaanka DGPL, Wasiir kuxigeenka Wasaarada Ganacsiga DGPL,
Gudoomiyaha Gobolka Bari Yusuf Wacees Dhado, Gudoomiyaha Degmada
Boosaaso ahna Duqa Degmada Boosaaso Rooble Cumur Gudcur iyo Madax ka
socotay Hay,adaha Caalamigaa iyo Kuwa Gudaha.
Waxaa Xafladaa ugu horeentii ka
hadlay Xiriiriyaa Xaflada oo ku soo Dhaweeyey Agaasimaha Guud ee
Wasaarada Dhirta iyo Degaanka DGPL Cabdirisaaq Aadan Maxamed oo ka
hadlay Dhir lagu Beerayo Boosaaso oo Dhan 8000 oo Geed oo hada 2000
oo ka mida ay Gudoonsiiyeen Hay,adaha CEFA. RMSN, SWS, iyo Lacag
dhan $100 Doolar oo ay Gudoosiisay UNICEF iyo $100 Doolar oo ay
Gudoonsiisay WAWA, Agaasimaha ayaa ka warbixiyay sida ay
damacsanyihiin Wasaarada ahaan in ay u qorsheeyaan iyagoo la
kaashanaya Maamulka Dowlada Hoose Boosaaso iyo Maamulka Gobolka Bari.
Agaasiaha ayaa sheegay in ay ka ka bilaabi Doonaan Xaafada Baalade
kadibna ay Cida ay siinayaan Farsamo ahaan ula Shaqeyndoonaan lakiin
ay ku kormeeri doonaan.
Waxaa isagana ka hadlay Gudoomiyaha
Gobolka Bari Yuusuf Waceys Dhado oo ka warbixiya Dhirta iyo
Faa,iidada ay u leedahay Degaanka iyo Noolaha Gudoomiyaha ayaa Xusay
Xiligii uu ahaa Duqa Degmada Boosaaso in ay Beereen Dhir laga soo
Bilaabay Wadad Airporka Boosaaso tagta oo dhirtaa ay Dhameeyd 550
Geed hada maalin dhaweydna mar aan eegay waxa ka noolaa 34 Geed
intii kale waa Dayacmeeyn oo Cid daryeesha ayay waydeyd ayuu yiri
Gudoomiyahu waxaa kaloo oo uu xusay Dhibka ay ku hayaan Ariga ku
nool Magaalada dhirta soo baxaysa madaama Ariga uu meelkasta oo
Boosaaso ka mida maraayo aadna uu u tiro Batay Cidna aanay Habeenkii
xareyn Dibad Joog uu yahay Maalintii hadii cidi ka celin lahayd
Habeenkii ayuu Cunayaa ayuu Yiri Gudoomiyahu, Waxaa isagana ka
hadlay Wsaiirka Diinta iyo Awqaafta Barqada Cali Saalax oo ka
warbixiyay Geedaha hada ku yaal Boosaaso xiligii la beeray oo uu
Joogay iyo hada Faa,iidad laga helay, Waxaa ugu Dambeyntii ka hadlay
Wasiirka Xanaanada Xoolaha Dhirta iyo Degaanka Ibraahim Xareed Cali
(Dacar) oo Farsamo ahaan uga hadlay Dhirta iyo sida ay u nooshahay
iyo sida dadku ugu baahan yahay waxyaabaha ay kadifaacdo, in ay
wasaaradu isku qaybisay kuwo Dhirta Beera iyo kuwo ku wacyi galiya
Dadka inagoo la kaashanayna Dowlaha hoose ee Degmooyinka DGPL ayuu
yiri Wasiirku.
Waxaan kaloo jirta Shabakada
Soomaaliyeed ee Maareynta Qayraadka oo ku howlan sidii ay uga qayb
qadan lahayeen Kahortaga Xaalufinta Degaanka Bad iyo Beriba oo
Wasaarada Dhirta iyo Degaanka DGPL Agaasimaheeda Gudoonsiiyay Dhir,
Shabakada ayaa waxa ay Dhisantahay Mudo 8 Sano ah waxaana Isugu
tagay 14 Urur oo Soomaliyeed iyagoo si wada Jira uga Qayb qaata
Ilaalinta Degaanka lana kaashada Maamulka meelaha ay ka jiraan
Soomaaliya Gudaheeda sida uu ii sheegay Sarkaal ka mida Xubnaha
Sarsare ee Shabakada isagoo hadalka sii wata Sarkaalka ayaa sheegay
in ay Wacyigalin iyo Shaqo u raadin u sameeyaan kuwa ku howlan
Xaalufka Degaanka ee Dhirta jara.
SAWIRADA KA EEG HALKAN... GUJI...
C/fatax Jamac | SomaliTalk | Bosaso
Email:
somalitalkpl@yahoo.com | April 17, 2005
MAALINTA DHIRTA ADUUNKA OO MAANTA LAGA
XUSAY GOBOLADA PUNTLAND
Galkacyo. (Somalitalk)
| Sahro Sheikh
| sahrosiglan@hotmail.com
Axad: 17/04/05.
Waxaa maanta oo bishu kubeegnayd 17,April laga xusay gobolada PL
maalinta dhirta aduunka.
Magaalada Galkacyo ayaa maanta waxaa
kamid ahaa dadkii ka qaybqaatay munaasabadda dhirta lagu xusayay Ururka
Horumarinta Gabdhaha Soomaaliyeed ee marka magacooda la soo gaabiyo
looyaqaano SOFEYDO ay dhir ugu deeqeen qaar kamida iskuulada iyo goobaha
caafimaadka ee magaalada galkacyo dhirtan oo dhamayd 20, xabbo oo
noocyadeedu kaladuwanyihiin.
Ururka ayaa sheegay in ay halkudhiga
sanadkan ku magacaabeen Inta aad dhirta jarilahayd Dhulkaaga Unax.
Ururka ayaa ugu baaqay dhalinyarada iyo
shacabka Soomaaliyeed in ay ka qaybqaataan sidii looga hortagilahaa
jaridda dhirta ayna tahay lagama maarmaan ayadoo ay ubaahanyihiin dadka
iyo duunyadaba.
kulankan oo ay kahadashay midkamid
xubnaha ururka oo lagu magacaabo Yurub Muxiyadiin Sheikh Cali ayaa sidoo
kale sheegatay in ay maanta sameeyeen dhalinyaro lamagac baxday dhalinta
ka hortagga xaalufinta iyo jaridda dhitra.
Sidoo kale waxaa munaasabadan mid lamid
qabaty Xarunta Waxbarashada Nabadda iyo Horumarinta Galkacyo.
Sahro Sheikh
| sahrosiglan@hotmail.com
Daabaco
Boggan | Print
Fadeexada
Paltalkga: iyo Dulmiga Walaasha Muslimada ah....... GUJI....