- Malaaqyada beelaha digil
iyo mirifle oo laga digay inaysan tegin magaalada xudur ee
gobolka bakool
- Kullan dhexmaray
saraakiisha ciidamada qalabka sida iyo xildhibaanada baarmanka
ee ku sugan muqdisho
- Xildhibaanada ku sugan
muqdisho ayaa nasiibdarro ku tilmaamay hadalkii xasan abshir
faarax ee uu ku eedeeyay afhayeenka baarlamaanka shariif xasan
sheekh aadan
Hasan dhaaleey
Dheel10@hotmail.com
Mogadishu, somalia
April 2, 2005
Malaaqyada beelaha digil iyo
mirifle oo laga digay inaysan tegin magaalada xudur ee gobolka
bakool
Malaaqyaddaan ayaa socodkooda la
sheegayaa inuu la xiriiro dibu heshiisiinta maleeshiyaadkii ku
dagaalamay magaalada Baydhabo dhowaantan.
Guddiga malaaqyada digil iyo
mirifle oo tiradeedu ay gaareeyso 12xubnood ayaa sida muuqata dheg
jalaq aan u siinin hadalada ka soo baxaya qaar ka mida RRAda oo
sheegaya in xabsiga la dhigi doono haddii ay tagaan magaalada xudur
ee g/bakool, waa sida wararku sheegayaane.
Digniintaan ayaa waxaa u soo
jeediyay malaaqyada Shiikh Muqtaar Maxamad oo isagu ka mid ah
hogaanka sare ee RRAda ee ku sugan magaalada xuddur.
Ninkaan ayaa ka mid ah
meliishiyadii Shaarguduud ee laga saaray magaalada baydhabo dagaal
ku dhexmaray iyaga iyo kuwa Xaabsade uu hogaamiyo todobaadkii aanu
soo dhaafnay.
Shiikh Muqtaar ayaa ku tilmaamay
dhexdhexaadinta Malaaqyadu ay doonayaan mid shirqool ah isagoo xusay
in haddii ay yimaadaan degmada xuddur ay taasi tahay shirqool 2aad
oo markale loo maleegayo,wuxuuna si cad u sheegay inuu xabsiga dhigi
doono waa sida uu hadalka u dhigaye.
Si kastaba ha ahaatee malaaqyadaan
iyo culima`udiinka Bay iyo Bakool ayaan waxba ka soo qaadaynin
hanjabaadaha ka imaanaya qaar ka mid RRAda waxaana lagu wadaa in ay
gaaraan waqtiyada soo socda xuddur oo ah xarunta G/Bakool
Kullan
dhexmaray saraakiisha ciidamada qalabka sida iyo xildhibaanada
baarmanka ee ku sugan muqdisho
Kulankaan ayaa
maanta waxaa uu ka dhacay hoteelka saxafi,iyadoo ay kulankaasi ka
qeybgaleen saraakiisha s/xigeenada iyo dableeyda ciidanka qalabka
sida waxayna isla soo qaadeen sidii loo howlgelin lahaa ciidanka iyo
sidii loo dardar gelin lahaa howlaha lagu sugayo amaanka magaalada
muqdisho
Kulankii maanta
dhexmaray saraakiisha iyo xildhibaanada baalmanka ayaa la isla
gartay in lagama maarmaan ay tahay in saraakiishu ay tababr siiyaay
dableeyda bacdamaa iyagu ay yihiin kuwa aqoon u leh howlaha ciidanka
Saraakiisha ayaa
ballanqaaday in ay qeybta kaga aadan ay ka qaadan doonaan in alle
iyo intii karaankooda ah.
Kulankii maanta
xildhibaanad iyo saraakiisha ayaa sida muuqata waxaa uu ku dhamaaday
is afgarad.
Dhinaca kale
xildhibaanada ayaa la kulmay qaar ka tirsan beelaha
Banaadiriga,iyagoo ugu hambalyeeyay doorka banaadirigu ay ka qaateen
soo dhoweyntooda iyadoo beelaha banaadiriguna ay sheegeen in iyagu
ay mar walba garabtaagan yihiin dowladda islamarkaadna aan loo
laaban Karin dhibaatadii dowlad la`aanta.
Kulankaan ayaa
waxaa labada dhinac ay sheegeen in ay iska kaashanayaan wax waliba
oo daruuri u ah soo celinta amaanka caasimadda muqdisho
Xildhibaanada ku sugan muqdisho
ayaa nasiibdarro ku tilmaamay hadalkii xasan abshir faarax ee uu ku
eedeeyay afhayeenka baarlamaanka shariif xasan sheekh aadan
Xildhibanaada ku sugan caasimada
muqdisho oo tiradadoodu ka badantahay 10 xubnood oo in muddaaba ku
sugnaa ayaa sheegay inay nasiib darro tahay hadalka ka soo yeeray
xasan abshir faarax oo wasiir ka ah dowladda KMG soomaaliya ee lagu
dhidbay Kenya kaasoo uu ku dhaliilay go`aankii baarlamaanka ee 17kii
bishii maarso Ku diiday cod aqlibiyad ah keenista soomaliya ciidamo
ay leeyihiin dowladaha xudduuda la leh soomaaliya ee loo yaqaano
FRONT LINE STATES ama safka hore.
Xasan abshir ayaa sharci darro ku
tilmaamay go`aanka baarlamaanka,isagoo gudoomiyaha baarlamaankana ku
eedeeyay inuu mas`uul ka ahaa gacan ka hadalkii xubno baarlamaanka
ka tirsan dhexmaray,kaasoo xubno mudanayaasha ka mid ahna uu dhaawac
ka soo gaaray.
Xubnaha baarlamanka ee ku sugan
muqdisho oo saxaafada la hadlayay ayaa sheegay in hadalka Xasan
Abshir uu ahaa mid aan loo meel dayin islamarkaasina ah meel ka
dhac,xildhibaanada ayaa sidoo kale sheegay in go`aanka labada gole
qaarkood ay gaareen shalay uu yahay mid dhabarjab ku ah howlihii
dibuheshiisiinta ee laga soo shaqeeynayay mudadii labada sano aheyd.
Xildhibaan Jamaal Xasan Ismaaciil
oo isagu ka mid ah xildhibaanada ku sugan m/muqdisho ayaa sheegay in
ragga sidaas ku dhawaaqay ay yihiin kuwo doonaya in ay iibsadaan
dalka welibana ka iibsadaan kuwa umadda u haya dhagar soo taxneyd
qarniyaal farabadan.
Xildhibaan Jamaal ayaa sheegay in
iyagoo jooga xamar ay si weyn ula socdaan waxyaabaha ka dhacaya
Kenya,isagoo sheegay in iminka aan meel loo haynin cidda dooneysa in
ay iibsato dalka iyo dadka,wuxuuna xusay in go`aankii baarlamaanku
uu ahaa mid ansax ah.
Mudanayaasha baarlamaanka ee ku
sugan muqdisho ayaa maalmihii la soo dhaafay waxaa ay la kulmayeen
qeybaha kala gedisan ee bulshada ku dhaqan muqdisho iyo weliba
siyaasiyiinta ku nool isla magaalada.iyadoo isla markaasina si xweyn
loogu soo dhoweeyay markii ay imaanayeen
Hadaladaan is qilaafsan ee ay ku
kala hadlayaan madaxda dowladda ayaa u muuqda kuwo keeni kara burbur
ku yimaada dibuheshiisiintii soomaalida ee socotay inkadan labada
sanadood
Hasan dhaaleey
Dheel10@hotmail.com
Mogadishu, somalia
Xubno ka
tirsan Labada Gole ee Xukuumada Soomaaliya ayaa manta baaq kaa soo
saaray Nairobi
Faafin: SomaliTalk.com |
April 2, 2005
Odayaal
Dhexdhexaadin ah oo Maanta Gaarey Hobyo
Odayaashaan oo saakay kasoo ambabaxay
magaalada gaalkacyo ayaa waxaa ay soo mareen...
Guji...
April 1
Warbixin:
Soomaalida Deggan Dalka Jarmalka
Socdaalkii Hassan Cookaar(Salahuddin)...
Guji...
Apr 1
Koobka
Ciyaaraha ee Soomaalida Norway::
Waxaa baryahan magaalada Oslo ee dalka
Norway ka socday koob loogu magac daray..
Guji
Apr 1
Shirkii
Soomaalida Oslo Oo Guul Ku Dhammaaday
Dad tiradooda lagu
qiyaasay (1700) oo soomali ah ayaa soo gaba-gabeeyey shir islaami ah oo...
Guji...
Daabaco
Boggan | Print