Maaha wax layaab ku noqon kara dhegaha Soomaalida markii lagu yiraaho laba
beelood oo soomaaliya ayaa meel hebla isku dilaya, weliba waxaa laga bixiyaa
jawaabo kala gedisan oo u badan kuwo aan wax micno ah samaynayn haba
yaraatee, tusaale ahaan markii uu qofkii loo sheego khabarkaasi ka jawaabo
waxaa uu yiraahaa haa labadaas beelood horeba waxaa ugu horeysey colaad iyo
aano qabiil, halkii uu damiir ahaan dareemi lahaa mushkilada dhacday
weynideeda.
Waxaa laga yaabaa dadkaasi jawaabaha ka bixinaya mushkilada iyo colaadaasi
sokeeye ee sababtay dhimasho, dhaawac iyo barakacba inaanu ku su'aalinba
maxay isku laynayaan amaba aanuba kusu'aalin khasaare intee le'eg ayay
dadkiiaasi isu geysteen, taasi oo tilmaan cad u ah inaanay jawaabayaasha wax
mushkilo ah ula muuqan waxa dhacay.
Waa mushkilad balaaran oo inta badan laga dhaxlay is dirirkii hab beeleedka
kusalaysnaa ee 14ka sanaba aanu la ildarayn,waxaase wax laga naxo ah in aanu
weli faham iyo daruus ku qaadan weyno wixii nasoo maray ee waqtigu
nabaray,weli waxaanu laabta ku haynaa maxay reer hebel naga damceen iyo
fikrad hoose oo kasii liita oraahdaan.
Marka aan intaasi ararta hadalayga ku dhaafo, waxaan baaqaan colaad joojinta
ujeedinayaa dhamaanba Duubabka dhaqanka ,Waxgaradka, Ganacsatada,Culumaa'u
Diinka,Aqoonyahanka,Dhalinyarada,Saxaafada,dadka nabada daneeya gabdhaha
Soomaaliyeed meel waliba oo ay dadkaasi joogaan gaar ahaan kuwa kusugan
gobolada ay dirirta beelaha soomaaliyed kasoo cusboonaadeen ee goobo kamida
Mudug iyo galgaduud inay u guntadaan joojinta colaadahaasi aan haba yaraatee
faa'iidada lahayn in dhalinyaradii ubaxa dadka iyo dalka ay ku dhamaadaan
mooyee.
(Saxaafada) waxaan baaqayga colaad joojinta ugu baaqayaa khaas ahaan bahda
Saxaafadu inaanay buun buunin dagaalkaasi sokeeye, saxafiga soomaaliyeedow
waxaa kuu baanaan oo kaliya inaad dirirta soomaaliyeed ka qaadatid dhanka
nabadaynta oo kaliya, saxafiga soomaaliyeedow taariikhda ayaa kuxusi doonta
hadii aadan nabada iyo dhexdhexaadinta door ahaan qaadanayn qalinkaaga furka
gadho, kana gaabso hurinta colaadaha, markii aan intaasi iraaho
saxafiyiinta.
Waxaan isku si ula hadlayaa Duubabka dhaqanka ,Waxgaradka,
Ganacsatada,Culumaa'u Diinka,Aqoonyahanka,Dhalinyarada,gabdhaha
soomaaliyeed,waxaa waajib idinka saaran yahay in aad si Islaamnimo
,soomaalinimo iyo Binu'aadminimaba leh aad ugu guntataan joojinta colaadaha
haatan kasoo cusboonaaday Soomaaliya goobo kamida,iyadoo aan wax baahi ah
loo qabin curadiyo yaraan walaalo ah ii sidila.
Si gaara waxa aan baaqaan ugaarsiinayaa dadka aan soo tiriyey ee ku
abtirsada gobolada iyo dadka is dilaya inay nabada qaataan, sidoo kalana
waxaan baaqaan u dirayaa dhalinyarada dibadaha jira ee ku abtirsada beelaha
is dilaya, walaalayaal dadkiina shilinkiina ha ku laynina, qori iyo rassaas
toona ha u gadina dadkiina walaalayaal dhaqaalihiina iyo naftiinaba u
hibeeya joojinta colaadaha.
Aan markale baaqaan udiro kuwa hubka isla hor fadhiya walaalayaal dersi
idinku filan waxaad kasoo qaadateen waqtiga hadii aydan magudbayaal ahayn,
imisaa idinka hoosaysa maanta wax ay ku dhinteena aan mirahooda la guran, ha
u hanqal taaginina kalimada (MUJAAHID) oo la idinku adeegsanayo inaad is
dishaan oo kaliya, waxaa la joogaa xiligii aad waqtigiina ka faa'iidaysan
lahaydeen, waana lasoo dhaafay xiligii mugdiga ahaa ee hurdada ka kaca
colaada sokeeyana ka kala jeesta.
Waxaan qoraalkayga kusoo koobayaa qofkasta oo aan qoraalkan kula hadlayow
(dhegahaagu ha noqdeen kuwo laabta u daloola ee yaanay noqon kuwo layrta u
daloola).
xassan mataan
Nairobi Kenya.
Daabaco
Boggan | Print
