::: Wasiirada Soomaaliya:::::

Golaha Wasiirada cusub oo maanta loo Qaaday Goob ka baxsan Nairobi. iyo Wasaaradaha qaar oo uu wali ka jiro khilaaf.

Canab Mumtaz | SomaliTalk | Naiorbi | Dec 2

Golaha Wasiirada oo laga Fogeeyey Nairobi
Xuseen caydiid oo la sheegay in uu dalbaday in la isugu daro Ra'iisul wasaare ku xigeenka koowaad iyo W/arrimaha gudaha
Maxamad Qanyare oo l asheegay in uu dalbaday in la siiyo wasiirka arimaha Gudaha

Wasiiradda illaa hadda loo dhaariyay wasaaradaha loo magacaabay oo gaaraya 27 wasiir oo afar ka mid ah wali aan la dhaarinin soona xaadirin goobtii lagu magacaabay ayaa loo qaaday saakay magaalada Naivasha oo ee ku taala duleedka magaalada Nairobi si loo siiyo sadax maalmood oo tababar iyo wadahadal dhexdooda ah.

Madaxweynaha Soomaaliya: Abdullahi Yuusuf Ahmed
Beesha: Daarood

Ra'iisul wasaaraha Soomaaliya:
Prof. Ali Mohamed Ghedi
Beesha: Hawiye

Afhayeenka Baarlamaanka Som.
Sharif Hassan Sh. Adan
Beesha: Digil-Mirifle

Waxaa jira warar sheegaya wali ay jiraan warar sheegaya in aan lagu wada qancin qaabka soo xulida wasiirada, taas oo wararka qaar sheegeen in ay tahay Ujeedada siminaarka iyo ka fogaynta magaalada Nairobi, si aan khilaafaadku u usii badan.

Wasaaradaha maqan oo ay ka mid yihiin, W/gudaha, W/Amaanka, W/Macdanta iyo biyahaha, W/dakadaha iyo sadaxda Ra'iisul wasaare ku xigeen ayaa waxaa ka jira khilaaf siyaasadeed waxaana ugu wayn wasaaradaha arrimaha Gudaha oo laba siyaasi oo kala ah Xuseen Maxamad Caydiid iyo Maxamad Qanyare Afrax lagu waday in uu midkood noqdo.

Xuseen maxamad caydiid warar ku dhawdhaw ayaa sheegaya in uu si cad u diiday in loo magacaabo wasaarada arrimaha gudaha waxa uuna sheegay in horay loogu balan qaaday in la siinayo Ra'iisul wasaare ku xigeenka koowaad iyo W/arrimaha gudaha, loogana baxay sidaasna uu ku diidan yahay hadaan la iskugu darin, waxa uuna warka intaas ku darayaa in xuseen caydiid horay looga baxay balan qaad ahaa in la siinayo Ra'iisul wasaaraha dowlada FKMG ah ee Soomaaliya.

Halka Maxamad Qanyare Afrax ilo ku dhaw ay ii xajiiyeen in uu diidan yahay wasiirka dakadaha oo loo qorshaynayay in la siiyo, waxa uuna dalbaday in la siiyo wasiirka arimaha Gudaha, ilaa haddana ma jirto labadooda mid ka soo dagay halkii uu joogay ee ahayd diidmada wasaaradaha loo qorsheeyay.

Wasiirka koowaad oo ay maanta oo kaliya uga harsanayd mudadii uu u haystay magacaabista golaha wasiirada ayaa ku mashquulsan in uu dhameeyo Khilaafka ka taagan wasaaradaha kale ee dhiman iyo ku xigeenadiisaba waxaana la filayaa in uu magacaabo maalmaha soo socda xubnahaas.

Wasiirada ilaa hadda la magcaabay iyo Qabiiladooda

Waxaa isku soo dubaridey