Madaxwaynaha Soomaaliya Mudane Cabdulaahi Yuusuf iyo Wafdi uu Hogaaminayo ayaa maanta ka dhoofay Nairobi iyagoo ku sii jeeda Suudaan

• Axmed Muuse Cabdulle(Idaawaqaca)
  Kenya, Nairobi Somalitalk
  axmeddheere65@hotmail.com

  ---

Nairobi (SomaliTalk.com) Madaxwaynaha Soomaaliya Mudane Cabdulaahi Yuusuf Axmed &Wafdi uu hogaaminayo ayaa maanta ka dhoofay magaalada Nairobi ee dalka Kenya iyaga oo ku sii jeeda wadanka Suudaan.

Booqashada Madaxwaynaha Soomaaliya ee wadanka Suudaan waxa ay ku saabsantahay Casuumaada uu usameyay madaxwaynaha Suudaan Al Bashiir Dhigiisa Soomaaliya Mudane Cabdulaahi Yuusuf Axmed.

Ujeedada Safarkan waxaa sharaxaad ka bixiyay Daahir Mire Jabriil oo ka mid ah Kaaliyaasha Madaxwaynaha Soomaaliya isagoo sheegay in looga hadli doono shirkaas Arimaha Soomaaliya iyo guud ahaan Gobolka waxaana imaan Doona Buu yir Daahir shirka Raysulwasaraha Itoobiya Milesanawi  iyo Madaxwaynaha Yaman Cali Cabdalla Saalix.

Intii aysan wafdiga Madaxwaynu Gaarin Garoonka waxaa jiray shir albaabada loo xiray oo dhaxmara Madaxwayaha Soomaaliya Yusuf iyo Raysulwasaare Prof Cali Maxamed Geedi, Gudoomiyaha Baarlamaanka Soomaaliya Sh Xasan Sh Adan iyo Kuxigeenada Koowaad iyo Labaad Prof Dalxa iyo Boqore iyo Xubno ka tirsan Baarlamaanka Soomaalida.

Waa markii Sadaxeed ee Madaxwaynaha Soomaaliya Mudane Cabdulaahi Yuusuf Axmed ka dhoofo Magaalada Nairobi ilaa iyo intii loo Doortay Madaxwaynaha Soomaaliya 10/10/2004.

Waxa boqasho Madaxwaynuhu ku soo maray wadamo ay ka mid ahaayeen Itoobiya, Ugaandha, Sacuudiga, Masar, Imaaraadka Carabta Jabuuti, yaman iyo Goobo kalle.

Wafdga Madaxwaynaha ee Galabta 5.30 ka anbabaxay Nairobi waxa ay kalla ahaayeen :

Xidhibaan Cabdulaahi Sh Ismaaciil,
Xidhibaan Ibraahin Xusseen Cali
Daahir Mire Jibriil
C/casiis Faarax Guuleed
C/rixmaan Xasan Nuur
C/laahi Rashiid
Cali Cabdi Guuleed
Khadiija C/laahi Yuusuf

Wafdiga Madaxwaynaha waa Garoonka ku sii sagootiyay Raysul Wasaaraha Soomaaliya Prof Cali Maxamed Geedi, Gudoomiyaha Baarlamaanka Sh Xasan iyo ku xigeenadiisa Dalxa iyo Boqore iyo Xubno ka tirsan Baarlamaanka Soomaalida.

• BAAQ NABADEED AYAA KU  DHEX MARAY BEELAHA SACAD IYO SALEEBAAN MAGAALADDA NAIROBI EE DALKA KENYA. 

Axmed Muuse Cabdulle(Idaawaqaca)
Kenya, Nairobi Somalitalk
axmeddheere65@hotmail.com