Ayax
Teg Eelna Reeb
Gabaygan oo ay
taariikhdiisa iyo sababtii loo tireyba ay la socoto gabaygii hore ee Guudhsi
Diid ayaa waxaa isna tiriyey Halyey Ayax Mohamed Dhowre dagaal. Ayax markii
uu guuray ee uu Ceel Mareexaan aaday ayaa waxaa loosoo diray nin ay aad
saaxiibo u ahaayeen oo la oran jirey Cigaal Caymo. Waxaa la soo weriyey in
markii lagu xadgudbayey Ayax uusan Cigaal joogin degaankaas oo uu ka maqnaa.
Cigaal oo aad uga xun guuritaanka saaxiibkiis Ayax ayaa wuxuu u baqoolay
Goboladaas Galgaduud iyo carro Mareexaan si uu ula soo hadlo Ayax una soo
celiyo. Ayax tolnimada iyo la degida Beesha Reer Khalaf ka sokow wuxuu ahaa
nin Dagaal yahan ah, Deeqsi ah oo aftahan ah. Wuxuu Ayax ahaa ninka keliya
ee haddii Beeshaa Reer Khalaf gabay loosoo mariyo ka jawaaba oo gabayo
jawaab celin ah oo uu ku difaacayo Beeshaas tiriya. Wuxuu ahaa nin kaalin
lama ilaawaan ah kaga jirey Beeshaas iyo Deegaankeeda. Waxaa jirtay in niman
ka mid ah Beesha Reer Hagar ee Dhulbahante ay gabay usoo tirisay Beesha Reer
Khalf oo markaa wax ka jawaaba la waayey. Sidaa daraadeed waxaa laga fursan
waayey in Ayax Dhowre lasoo sasabo si loosoo celiyo iyo weliba in gefkii
laga galay laga xaalsiiyo oo ay Beeshu ceebtii ay gashay iska maydho.
Markii uu Cigaal Caymo la
kulmay Ayax Dhowre ee uu u sheegay ujeedadii uu u socday ayuu Ayax
bareerihiisii cadaystay:” Saaxiib Cigaal nin qaali ah oo aan qaderiyo ayaad
tahay, laakiin waa habeenkii xalay ahaa inaan dib danbe ugu noqdo meeshii
laygu dulmiyey”. Cabasho, mana sheegasho iyo catow badan ka dib Cigaal
isagoo fara maran ayuu tolkii ku soo noqday. Markii la weydiiyey Ayax Dhowre
iyo waxay ku soo wada xaajoodeen wuxuu hadalkii kusoo gabagabeeyey oraahda
maahmaahda noqotay ee ah: “ Ayax teg Eelna reeb”. Maahmaahdan oo Soomaali
badani u adeegsadaan Ayaxa Xasharaadka ah iyo dhibaatada uu ka tago marka uu
meel ku habsado ayaa waxaa loo adeegsaday Minguurinta lagu sameeyo
Suugaantii, Gabayadii iyo Maansooyinkii ay lahaayeen dadkan la gumeystay ee
la takooray. Waa quudhi waa ku jirta maskaxda Isla Weynta in uu Yibir ama
Midgaan wax macna leh tiraabi karo!
Haddaba diidmadii uu
Ayax diiday inuu dib ugu noqdo Beeshii uu ka soo qaxay ee Reer Hussein
samatar ayaa wuxuu halkaa ka tiriyey Gabay dheer oo uu bareerihiisa ku
cadeynayo. Gabaygaas maanta waxaa laga hayaa inyar oo aan sidaa u badnayn.
Maadaama Maansooyinkan iyo Suugaantan ay leeyihiin dad ay Soomaalidu u
taqaano Dad u eke ayaan wax xil ah oo badan layska saarin, haddii la doonana
Abwaan kale ayaaba la siiyaa magaciisa. Gabaygii uu ku diiday Cigaal
raacidiisa iyo ku noqoshada Beeshaas intii laga helayna waa kan.
Wuxuu yidhi Abwaan Ayax
Dhowre:
-
Jirkey I duubmay
diiftiyo cirada deebta ka cadaatay
-
Wax digniin ka
badani waa da’daan ahye
-
Cigaalow dadkii
wada ogaa saad ka damacdeene
-
Waa kaa gudboon
yahay nafluhu Dir iyo Daaroode
-
Dirham niman aan
kuu quurahayn dahab haddaad siiso
-
Deriskooda nacay
Reerihii damaca waalnaaye
-
-
Aniguna dulmiga
wow arkaa daahir iyo sharefe
-
Nin la duubay
hadalkiisii waa duug aan hareyne
-
Waa dowgii uu
Yusuf Cali iiga soo digaye
-
Debec iyo wanaag
baan ka helay deris Mareexaane
-
Reer Diini oo
idili waa ii dabaaldegaye
-
Dirham niman aan
kuu quurahayn dahab haddaad siiso
-
Deriskooda nacay
Reerihii damaca waalnaaye
-
-
Duufaani hadday
idin gashoo laydin degel duugo
-
Dumarkiyo
carruurtaha haddaan ruuxna laga deymin
-
Dubku uma naxo
nimaan gacal iiga duxahayne
-
Ana diidey weligey
inaan dow lasoo maro-e
-
Caawana waxaad
iigu dudi waan duur garane
-
Wax dhan baan
dagaal iyo afxumo dirir ku taagnaaye
-
Wax dhan baan
waxaan ii dan hayn daf soo idhiye
-
Iska diidey Reer
Hagar haddaad cid u direysaane
-
Dabeylahakan
cellka ah waxaan loogu dacasoobin
-
War dantaa raaco
goortaan damcaan qolo ku duufaaye
Waxaa tiryey Abwaan
Ayax Dhowre Dagaal
Waxaa soo gudbiyey
C/Rahman Eelaay
eediran@yahoo.com
Afeef: Aragtida qoraalkan waxaa leh
qoraaga ku saxiixan
QORAALADII HORE EE EELAY...
Faafin: SomaliTalk.com |
April 4, 2005
LINK:
www.somalitalk.com/quursi
Kulaabo bogga www.SomaliTalk.com
Daabaco
Boggan | Print
