Muwaadhin Soomaaliyeed oo bada cape Town lagu la’yahay, iyo labbo
kale oo siyaabo kala duwan loo diley.
Muwaadhin Soomaaliyeed ayaa lagu la’yahay badda Cape Town, halka labbo
kale ay u geeriyoodeen siyaabo kala duwan, midkood ayaa lagu diley Port
Elisaberth, halka midka kalana uu u dhintey dhaawacyo kazoo gaaray
tacshiirad daraad lagu dileey labbo kale oo Soomalai ah.
Sida ay sheegeen kooxaha badbaadinta dadka badda ku harqada, waxaa
maalintii labaad la la’yahay muwaadhin Soomaaliyeed oo ku jirrey xerro
qaxooti oo ku taala duleedka Cape Town halkaas oo ay ku jiraan boqolaal
Soomaali ah oo dalkani ku barro kacay, waxaa la sheegey in ninkani uu
galay badda, balse la waayay markii dambe, kooxaha badbaada ayaa
maalintii labbaad goobaya ninkani oo aanan magaciisa la shaacin.
Dhanka kale xalayto waxaa magaalada Portelizabeth lagu dilley muwaadhin
Soomaaliyeed oo ku sugnaa goobtiisa ganacsiga, sida uu ii sheegey wariye
Cabdiraxmaan Nuur oo goobta gaaray, rag hubeysan ayaa tacshiirad huwiyey
xilli habeen ah dukaanka uu ninkani ka ganacsananayay oo ku yiiley meel
tuulo ah, ninkani magaciisa waxaa lagu soo koobay Abuukar.
Waxaa sidoo kale isbitaalka ku geeriyoodey wiil kale oo Soomaaliyeed oo
maalin sedexaad kooxo hubeysan ay dhaawaceen, xabadaasi ayaa waxay sidoo
kale dishey labbo kale oo Soomaaliyeed, wiilka dhaawac u dhintey waxaa
lagu magacaabaa Cabdullaahi Geele , wali waxaa jirra wiil kale oo isla
dhacdadaasi ku dhaawacmay oo isbitaalka yaala, laakiin xaalkiisa waa mid
wanaagsan sida uu kusoo waramayo wariye Maxamed Pakistaan oo ku sugan
magaalada East London .
Dhimashadani ugu dambeysey tirade waxay ka dhigeysaa 13 tirada
soomaalida la diley illaa bishii juun ee sanadkan.
Cabdinaasir saxansoxo. Email: saxansoxo1@hotmail.com
Somalitalk.com, Johannesburg