Waalidka wal-walsan ee Qurbaha jooga
Said Hashi (Abu Sami)
shwarsama@hotmail.com
Runtii intii muddo ahba waan
ka gaabsaday qoraaladii iyo daalacashadii website yada
Somalia wax ka qora . Shalay subax ayaa aniga oo ilma u wata
school qabow xuna u dhacayo ayaa baabuurkii aan watay
hortiisa waxaa si xun ugu kuftay hooyo soomaali ah oo afar
ciyaal ah iyana school geyneysa, malaha jilbaab weyn oo ay
qabtay baa jilaafeeyey amaba qoyaan baraf.
Runtii aad baan uga
tiiraanyooday mawqifkaas, isku jaho uma soocono, baabuurkuna
nama wada qaado, sideedana isma naqaan, waxaan hoos ka iri
war Ilaahow ummaddaan waddankeedii ku celi. Sidaas darted
baan is iri bal caawa waddankii akhbaartiisa iyo dawladda
cusub ka war doon, deedna waxaan daalacasho ugu dhaqaaqay
SOMALITALK oo aan oran karo waa websiteka ugu macquulsan
waxa wax ka qora somaliya, haddiiba waxaa iiga soo booday
maqaalka kolkaasaan ku boday
maadaama aan ka mid ahay waalidiinta uu
sheikhow la talinayo.
Hadaba in yar haddii aan ka
iraahdo arrintaas aniga oo ka codsanaya inuu shiekhow raali
iga noqdo, dulqaadna yeesho wixii meelka dhac ula ekaada.
Sheikh
Jabril waxyaalaha uu dul marey ee uu waliba ku raftay
waa wax jira runtii. Laakiin gunaanadkii ma siinin Fatuma
talo wanaagsan. Inkastoo aanan daalacan Fatuma qoraalkeeda
oo laga yaabo inuu ka ogyahay wax iga daahsoon. Talada
wanaagsan ee la rabay inuu siiyo fatuma waxay ahayd inay
isaga soo kacdo meesha haddii ay sahay heli karto. Ma arag
sheikh dad kula talinaya Yurub ilmo ku hay. Waxaan u
maleynayaa inuusan shiekhow arag Yurub ama Maraykan ee
dhibka waalidiintu ka sheegayso dhag ka maqal ku tahay,
Carabtuna waxay tiraahdaa : ((WALISA KHABARU KALMUCAAYANAH))
yacni aragti iyo maqal isku mid ma ahan.
....Talada sheikhow
wuxuu ku soo koobay ilmaha meesha u daa wax ha ka
barteene!!!Cajiib!!! wuxuu yiri Soomaaliya ha keenin
ciyaalka waayo gaajo iyo silic iyo saxariir iyo jiro
ayaa jira!! Cajiib!! Labadaas arimood ayaa aniga iga
dagi waayey... |
Talada sheikhow wuxuu ku soo
koobay ilmaha meesha u daa wax ha ka barteene!!!Cajiib!!!
wuxuu yiri Soomaaliya ha keenin ciyaalka waayo gaajo iyo
silic iyo saxariir iyo jiro ayaa jira!! Cajiib!! Labadaas
arimood ayaa aniga iga dagi waayey runtii waayo waa mare war
reer Yurub ilmo ka aflaxaya oo xitaa cilmi adduun baranaya
waa yar yahay, anigu ka hadli mahayo nin isaga oo 18 jir iyo
ka weyn soo galay.
Tan kale xitaa haddii uu cilmi
adduun barto diin iyo dhaqan akhlaaq iyo cisi lagu holi
mahayo, taas dabcan ugama jeedo dadkoo dhan baa xun laakiin
aqlibiyadda ayaan ka hadlaynaa ee waa jiraan ilmo cilmi
diineed iyo mid duniba ka bartay. Waxaase is weydiin leh
maxay ku taraysaa aqoontiisu hadduusan aqoon Ilaahiis amaba
uusan wax lagu tukado aqoon amaba ay u siman yihiin
waalidkiis iyo franjigu.
![](israa.jpg)
Ha dilina carruurtiina ka cabsi
Faqri (saboolnimo) anagaa Arsaaqayna iyaga iyo
idinkaba dilkooduna waa gaf wayn.. Suurat Al-Israa:
Aayadda 31aad.
|
Gaajada aad sheegtayna waxaan
ka leeyahay: War wixii maleeshiyaad diini ka idlaatay ay
hoobiye iyo gantaal dadka ku garaacayeen 14ka sano dadkii
waa kaas Soomaaliya wada nool oo barwaaqaysan, naftana ilaah
baa leh, irsaaqaddana Ilaah baa bixiya, waana weynaha
qurankiisa ku yiri: ((NAXNU NARSUQUHUM WA IYYAAKUM))
Suuratul Isra'aa aayadda (31). yacni annaga ayaa irsaaqayna
iyaga dhallaanka ah iyo idinka waalidkaaba.
Marka inay rabi
tallo saarato oo ay Fatuma iyo wixii la mid ahi ka soo galab
caraabaan weeye talada meesha ku habboon. Waayo ilmihii luma
maanta waa la is weydiin qiyaame, laakiin ilmihii gaajo u
dhinta waalidkii oo waayey wuxuu siiyo ama hoobiye ku
habsado la weydiin mahayo. Irsaaqaddana saan u sheegnay
weeye waa taas shinbirkuba asaagoo calool maran hiiraysta
deedna soo galab caraaba isagoo calooshu u buuxdo. Rabbi in
la isku xiro oo iimaanka la quweeyo kaliya baa loo baahan
yahay ee taas kula tali Fatuma. Ganacsiga aad sheegtayna ha
ka qabsato waddankeeda.
Tan kale ee sheekhow ku
celceliyey waa sacuudiga. Dalkaas wuxuu yahayba waa dal
khayraysan. Waxaan ka fahmay meesha in fatuma joogi jirtay
dalkaas intaysan qaban Yurub. Taas aniga ayey igala mid
tahay waayo anigu mudda aan laba sanno dhammeyn ayaan soo
moogahay sacuudiga oo aan deganaa in ka badan 25 sanno
haddana Yurub baan warka ka soo tabinayaa.
Markii sacuudiyeenta isla
kaftano oo aan ku niraahno hadalada sheikhow tibaaxay waxay
na oran jireen war idinku haddii aad soomaali tihiin ha
hadlinina waayo waddankiinii ayaad barqadii dab galiseen
idinka isku diin iyo isku mad-hab iyo isku luuqa ah. Marka
law isku dhufte isagaa u dhutiya. Khalad ma saari karno
nimankaas . Gurigaygii baan dab soo galinayaa ee gurigaaga
ii fasax aan degee. Caqli ma ahan. Meeshana sidaad u
sheegtay xaramkii Ilaah baa ku yaal sidaas oo ay tahay dee
xaramka laftigiisu maamul ayuu u baahan yahay iyo kala
dambeyn anagana soomaali ahaan arrimaahaas way nagu yaryihiin
baryahaan dambe, oo waxaaba laga yaaba haddii naloo fasaxo
in qolo oran lahayd waa goofkayagii Eebaheyaan ku dhaartaye
inaan qof dambe dawaafayn.
Sidaad sheikhow la socotidba
markii uu qofka xajka u socdo waa inuu isaga oo nadiif ah oo
aan dayn lagu lahayn soo socdaalo. Marka miyeysan fiicneyn
marka hore inaan anagu heshiino oo dilka iska dhaafno oo
hantida la bililiqaystay isku celin deedna anaga oo nadiif
ah xaramka inaan wax ka dagno codsano. Taasi sacuudi difaac
igama ah laakiin waa iga tusaaleyn.
Intaas waa intaan ka haleelay
ka jawaabidii maqalka
sheikha. wa billaahi tawfiiq.
Said Hashi (Abu Sami)
shwarsama@hotmail.com
Faafin: SomaliTalk.com | Dec 5, 2004
Afeef: Aragatida qoraalkan waxaa leh
qoraaga ku saxiixan
Faafin: SomaliTalk.com
![](/saxaabada/arrowright.gif)
![](/saxaabada/arrowleft.gif) |