SOMALITALK.COM XAYAYSII
w w w . S o m a l i T a l k . c o m
SOMALITALK - PL


  • Garowe: Gudoomiyaha Xisbiga Ramaas Daahir ciiro oo shirjaraaid oo uu qabtay kaga hadlay arimo badan.
  • Garowe: Kulan loogu magacdaray wax is waydaarsiga dhalinyarada Maanta oo ka dhacay Garowe.
  • Bosaso: Ganacsato kakala socota Gobalada puntland oo shir ku yeeshay Hotel Karaama ee magaalada Bosaso.

Garowe: Gudoomiyaha Xisbiga Ramaas Daahir ciiro oo shirjaraaid oo uu qabtay kaga hadlay arimo badan.

May 18, 007: Gudoomiyaha Mucaaradka ah ee Xisbiga Ramaas Daahir Ciiro oo maanta shirjaraaid ku qabtay magaalada Garowe ayaa shirkiisa Jartaaid kaga hadlay arimo badan oo isugu jira Siyaasada, Dhaqaalaha, Ganacsiga, Khilaafka Golayaasha Dawlada, Siyaasada Gudaha iyo Dibeda ee Puntland iyo arimo kale.

Ramaas CiiroGudoomiyaha oo ka hadlayay shirkaasi Jaraaid ayaa sheegay ugu horaynba in baryahaan danbe ay wajiyo nooc kale ah oo aan wax lagu sheegaa jirin ay la soo baxday siyaasadii Puntland waxana uu shegay in ay arintaasi sabab uu' u yahay Madaxwaynaha Puntland oo aan ka soo bixin waajibaadkii loo igmaday, Dayacayna Masiirkii umada Puntland.

Waxa uu sheegay Gudoomiyuhu in Marka uu Madaxweynuhu uu u anbabaxo dalka dibadiisa gaar ahaan halka safaradiisa inta badan ay khuseeyaan ee Dubai uu ku galo Passapor Canadian ah oo uusan marka horeba matalin Puntland isaga oo goostay Visa dalku gal ah isla markaana ah muwaadin Canadian ah oo uusan matalin mushtamaca Puntland taasina ay dhaxal siisay madaxwaynaha in uu Hotel iska dago kana fakaro caafimaadkiisa maadaama uusan ahayn siyaasi Puntland ma tali kara oo ah Canadian.

Godoomiyaha ayaa intaas ku daray in Madaxwaynuhu sheegay markii uu Bosaso ka soo dagay in ay puntland horumar marba marka ka danbaysa ay ku sii tilaabsanayso hadalkaas oo run ahaantii xaqiiqada ka fog waayo buuyiri gudoomiyaha Xibiga Ramaas Daahir ciiro oo shirkiisa jaraaid kaga hadlaya arintaas oo uu madaxwaynuhu ka dhawaajiyay, ma aragno horumarka Madaxwaynuhu sheegayo umada yaan been loo sheegin oo waxaan jirin laga dhaadhicin mustaqbalkoodana yaan lagu ciyarin.

Sidoo kale gudoomiyuhu waxa uu ku dheeray arimaha dhaliyay khilaafka ka jira Gudaha puntland oo maalmihii ugu danbeeyay si wayn u soo shaacbaxay waxana uu arintaas sabab uga dhigay Musuqmaasuqa baahsan ee ka jira Golayaasha xukuumada waxana uu sheegay in aritna sida wayn u kicisay khilaafka ay tahay maqnaanshaha Madaxwaynaha uu ka maqan yahay dalka oo ah mid fara badan isaga oo aan dib u soo eegayn xaalka dalka uu maryo islamarkaana Daga Hotel oo uusan nina ka warqabin halkaas oo markaasi si wayn uga fakaro Caafimaadkiisa iyo wixii uu kula tacaali lahaa sidii uu u sii kobcin lahaa Caafimaadkiisa oo in badan ka fakaro Caafimaadkiisa oo kalia oo uusan ka fakarin xaalka Dalku uu marayo.

waxakale oo sabab looga dhigayaa ayuu yiri Gudoomiyaha Ramaas Maxjarka sida wayn la isugu khilaafsan yahay oo laga wado dhismihiisa meel ka mid ah Gobalka Bari, Maxjarkaas oo qandaraas ahaan la siiyay Nin Sucuudiyaan ah oo sida la shegay 100% qaatay halka ay ganacsatadii Puntlandna aysan arintas gabi ahaanba aysan ku qanacsanayn oo ay si wayn uga soo horjedo sida uu sheegay gudoomiyuhu, Arinkaas oo dhaxal siisay Siyaasadii Puntland mid kala faquuqmatay iyada oo arintaas darteedna isku casilay Wasiirkii Xoolaha Beeraha iyo deegaanka Siciid Jaamac Qoorsheel,

Sidoo kale khilaafka siyaasada ah waxaa ka mid ah Dhagaxanta laga rarayo Dekeda Bosaso taasi ooWasiirka Maaliyada Gaagaab oo si wayn uga horyimid kuna tilmaamay khiyaano qaran hadalkaas oo si wayn uga caraysiiyay Madaxwaynaha Puntland keenayna in gaagaab shaqadii laga joojiyo Wasiirnimo iyada oo ay hada miiska madaxwaynha ay saarantahay warqadii Ruqsada ahayd ee Gaagaab shaqada Wasiirnimo looga joojinlahaa Sida uu sheegay gudoomiyuhu, Waxana uu shegay in ay arintaas ay ka soo baxday Agaasimaha Madaxtooyada Caydaruus islamarkaana ay haatan saaran tahay Miiska Madaxwaynaha iyana waan sugayna wixii ka soo baxa ayuu yiri Gudoomiyaha Xisbiga Ramaas Daahir Ciiro.

Gudoomiyuhu waxa kale oo uu sheegay in ay gabi ahaanba burburtay Siyaasadii, dhaqaalihii dalka.

Isaga oo arimaha dhaqaalaha ka hadlayana waxa uu Xaalka dhaqaalaha puntland halka uu maanta marayo waa meel aad u hoosaysa inaga oo filaynay markii aynu maamulka dhisanaynay ee ahayd 1998dii ay wax wayn iska badali doonaan dhaqaalaha puntland fikirkaas oo ay dad badani qabeen ayaan hadana wax ka soo naasacadaaday aysan jirin iska daa horumar dhaqaale la gaaree intii la haystay ayaaba sii bur buraysa, Falaartii cirka loo tuurow Nin Walow Filo.

Shirkada Neesha ayuu gudoomiyuhu ku tilmaamay in aysan ahayn shirkad Qaran oo ay tahay Shirkad Dad gaara ay iska leeyihiin iyada oo ay shirkadaasi qaban wayday Hawlihii loo igmaday waxana uu gudoomiyuhu shegay in waajibaadka shaqo ee shirkadaas loo dhisay ay ahad in ay waxbadan ka qabato Jidadka, Garoonada, wadooyinka waawayn ee ah halbowlaha dhaqaale ee Puntland dhisida wadooyin Cusub, Banaynta jidadka, Dayac tirka wadooyinkii burburay iyo arima kale, waxana uuu shegay gudoomiyuhu iska daa in intas wax laga qabtee ku wii markii hore la haystay ayaa gabi ahaanba ah kuwo burburay oo aan maanta la isku halayn karin, ay gabi ahaanba gabtay shirkadii loo dhisay ee Neesha oo noqotay mid hawlgab ah.

Gudiimiyaha Xisbiga Ramaas waxa uu shirkiisa Jaraaid ku shegay in ay isu soo taagayaan Doorashada soosocota ayna kaga qayb galayaan Xisbi ahaan isla markaana waxa uu mushtamaca Puntland ugu baaqay in ay u codeeyaan cida ay rabaan oo aysan marna ka ogalaan Koox yar ah ooo baarlamaan ku shegay in ay wax doortaan islamarkaana ay ku duudsiiyaan masiirkooda iyaga oo ka gadanaya hadba cida ay lacag ka helayaan halkaasina lagu waayayo Hogaankii hagi Lahaa puntland.

Gudoomiyuhu waxa uu shegay in ay haboontahay in la qabto doorasho xiligeeda oo aan laga dibdhigin waxana uu yiri sida muuqata ma muuqato in ay xukuumadu ka go'an tahay in ay qabato dorasho waayo looma jeedo sansaan doorasho oo xukuumada ka Go'an sidaa darteed waxaan dadwaynaha Puntland ugu baaqaynaa in ay u is taagaan sidii ay u badbaadin lahaayeen dadnimadooda iyo dalkooda oo aysan ka ogalaan in afduub lagu haysto oo kooxo yar oo danaystayaal ah ah dalka iyo dadkaba ay afduub ku haystaan.

Ugu danbayntii gudoomiyuhu waxa uu ugu baaqay mushtamaca Puntland in ay indhaha ku hayaan wixii dantooda ah isla markaana ay si wayn ula Xisaabtamaan Cida Xilka u haysta oo aysan ka warwareegin ay si kafool kafool ah ula xisaabtamaan.

Garowe: Kulan loogu magacdaray wax is waydaarsiga dhalinyarada Maanta oo ka dhacay Garowe.

Kulan ay isugu yimadaeen dhalinyaro tiradooda ay gaarayso 50 meeyo loogana hadlayay Jiilka soo koraya iyo SIyaasada ayaa waxaa halkaasi hadalo ka soo jeediyay dhalinyaro fara badan oo ay si wayn isula la fa gureen Xaalka jiilka soo koraya ee Umada Soomaaliyeed Gaar ahaana kuwa Puntland waxana ay dhalintaasi shegay in mushtamac soo koraya ama kobcaya laga fiiriyo sida ama qaabka ay u fikiraan dhalinta wadankaasi ee aanay ahayn halka laga fiiriyo madaxda dalkaasi.

waxay shegay in jiilka Somaliyeed ay dayaceen Kaalintoodii waajibaadka ku ahayd ee ka saarnayd dalkooda isla mar ahaantaasna ay yeelan waayeen fikir midaysan oo wax ku ool ah.

Dhalinyaradaan ayaa sidoo kale si wayn u dhaliilay qaabka iyo siyaasada Puntland ee ka saaran dhalinta waxayna sheegan in aysanba jirin xirii u dheexa madaxda puntland iyo dhalinyarada isla markaana ay masuuliyiinta puntland gabeen kaalintoodii ka saarnayd dhalainta.

Waxay sidoo kale ugu baaqeen waxgaradka iyo siyaasiyiinta puntland in ay wax badan ka qabtaan xaalka uu dalku haatan marayo silamarkaana ay arimaha dhalinyarada siwayn looga hadlo loogana doodo islamrkaana dhalinta laga siiyo ama laga qayb galiyo siyaasada, fikirka.

ugu danbayntii shirkii ay yeesheen dhalinyarada oo loogu magacdaray wax is waydaarsiga dhalinta maanta ayaa waxaa laga soo saaray qodobo badan oo ay ka mid ahaayeen.

1- in la joogteeyo kulamada noocaan o kale ah

2- in la badiyo xiriirka siyaasiyiinta iyo dhalinta

3- in la sameeyo doodo looga qaybqaadanayo is bedelka dalka iyo qodobo kale oo badan

Bosaso: Ganacsato kakala socota Gobalada puntland oo shir ku yeeshay Hotel Karaama ee magaalada Bosaso.

Ganacsato kakala yimid Gobalada Puntland ayaa habeenkii xalay ahayd isugu timid shir ay ku yeesheen Hotel Karaama oo ku yaala Magaalada Bosaso.

Ganacsatadaan ayaaa waxa la sheegay in ay ka shirayeen Maxjarka sida wayn la isugu khilaafsan yahay oo la shegay in laga dhisayo meel ka mid ah Gobalka Bari.

Waxana ay shegeen in ay si wayn u canbaaraynayaa Ganacsato la shegay in ay taageereen dhismaha Maxjarkaan oo ku sugan Dubai.

waxay sidoo kale aad u dhaliileen canbaarayna ay u soo jeediyeen Xukuumada Cade Muuse ee ku aadan dhisamaha Maxjarkaan waxay ugu baaqeen Cade Muuse in uu faraha kala baxo arimaha Ganacsiga Puntland oo uu maal mahaan danbe ku wareeray kadib markii la soo xaalufiyay dalkii intiisii kale ayaya yiraahdeen ganacsatadaan ku shirtay Hotel karaaama ee magaalada Bosaso.

Waxay shegeen in xiligaan la hormariyay Ganacsiga gaarka loo leeyahay ee maahan in jalfis loo dhigto oo markaas la cuna qabteeyo Ganacsigii umada ay sida gaarka u lahayd.

Si kastaba ha ahaatee Xaalka Siyaasada, Dhaqaalaha Puntland ayaa baryahaan danbe ah mid sii xumaanaya oo ay dadbadani ka qayliyeen iayda oo aan lagaranayn halka uu ka imaanayo is bedel xumida dhaqaale iyo tan Siyaasadeed oo aan ka ahayd eedaynta loo tirinyo Madaxwayne cade muuse ee hurdada Badan.

A/rizak koronto

Garowe Puntland.

Faafin: SomaliTalk.com | May 18, 2007
 

 

Kulaabo bogga  www.SomaliTalk.com 
© www.SomaliTalk.com

BAARID | SEARCH

 



HTML CD