- Boosaaso: Maamulaha
Macdan-Baarista Puntland Liibaan Muuse Boqor oo lagu wado in xilka
laga Qaado...
- Garoowe: Daahir Ciiro oo eeday
Kulul u jeediyey Cadde Muuse...
Boosaaso: Maamulaha Macdan-Baarista
Puntland Liibaan Muuse Boqor oo lagu wado in xilka qaadis lagu sameeyo,
Booskiisana loo magacaabayo Eng. Cabdi Madoobe
- Isha warka: Wargal jooga
Boosaaso oo weydiistey in aan la magacaabin | Faafin: SomaliTalk.com
| Feb 17, 2007
Liibaan Muuse Boqor |
Sida ay sheegayaan warar laga helay ilo
wargal ah oo kasoo baxaaya xarunta madaxtooyada ee magaalada Boosaaso oo
dhawaanahaanba uu ka taagnaa muran u dhexeeya madaxweyne Cadde Muuse iyo
maamulaha shirkadaha baara macdanta Puntland ayaa sheegaya in uu
madaxweynu wado dadaal uu ku doonaayo inuu xilka kaga xayuubiyo
maamuliha hore ugu xilsaarnaa shirkadaha khayraadka ka baaraya Puntland,
Liibaan Muuse Boqor, islamarkaasina iminka ladoonaaya in lagu badalo
Eng. Cabdi Siciid Jaamac oo la sheegay in uu yahay khabiir ku xeel dheer
shaqadaasi, uuna doonaayo madaxweyne Cadde Muuse inuu u magacaabo
jagadaasi, kadib markii la sheegay in uu hanan waayey Liibaan Muuse
Boqor oo ah nin ay isku dhowyihiin madaxweyne Cadde Muuse.
Liibaan ayaa lagu eedaynayaa inuu sidii
loogu talo galay u maareyn waayey lacago badan oo ay bixiyeen shirkadaha
tartanka ugu jira lasoo bixida khayraadka Puntland oo in badan uu muran
kataagnaa balse iminka si toos ah ay ugu soo xirmeen shirkado ajnabi ah
oo ay kamid tahay shirkada sida xoogan lacagta ugu bixisa sida ay u heli
lahayd fursaddaasi oo ah kii ugu wayna oo aabid soomara maamulka
Puntland tan iyo intii uu gacanta ku dhigey hogaaminstiisa madaxweyne
Cadde Muuse.
Shirkadda Range Resources oo ka mid ah
shirkadaha heshiiska la galay Puntland ayaa qoraal ka soo baxay
25kii May 2006 waxay agaasimayaasheeda ku
dartay Liibaan Muuse Boqor.
Eng. Cabdi Siciid Jaamac (Madoobe) oo
ah nin qurbo jooga ah islamarkaasina dhawaan yimid Puntland ayaa laga
soo xigtey in uu sheegey inuu wadanka dibadiisa kayimid kadib markii
isaga iyo madaxweynaha Puntland uu wada hadal dhex marey ku saabsan
qabashada shaqadaani islamarkaasina uu madaxweynaha hadalkiisa ku yimid
wadanka.
Waxaana ilo xog ogaal ah tibaaxayaan in
imminka uu Eng. Madoobe dadaal ugu jiro sidii uu ula wareegi lahaa
shaqadani uu horey u hayey Liibaan Muuse Boqor oo ay madaxweyaha isku
dhowyihiin islamarkaasina lagu tilmaamay in uusan Khibrad u lahayn
howlaha ku saabsan soo saarista macdanta iyo shidaalka oo uu
madaxweynuhu dadaal ugu jirey sidii uu usoo saari lahaa, balse lawaayey
dhaqaale aad u fara badan oo maamulka Puntland ay ku kaabeen shirkadahaan
sheegay in ay soo saarayaan khayraadka, taas oo la sheegay in ilaa iyo
hadda lawaayey meel uu marey kharashkaasi, waxaana wararku tibaaxeen in
lagu rajo weyn yahay inuu arrintaas wax kaba dalo Eng. Cabdi Siciid
Jaamac "Madoobe" magacaabista kadib.
Faafin: SomaliTalk.com | Feb 17, 2007
Garoowe: Shir Saxaafadeed uu Qabtay
Xisbiga Ramaas RPP
- "....waxaa nasiib daro ah
Mas'uul ku fashilmay beekhaaminta Qorsha-hawleedka Dhulka korkiisa
in uu yiraahdo waxaan soo sarayaa khayraadka dhulka hoostiisa ku
jira oo aan doonaya in aan u beekhaamiya Soomaali oo dhan, isaga oo
kufashilmay Beekhaaminta 7-Gobal ee Puntland mas'uulkaas oo ah
Madaxweyne Cadde Muuse...." sidaas waxaa yiri Gudoomiyaha
Xisbiga(RPP), Daahir ciiro. Qormada shirsaxaafadeedka hoos ka akhri....
Puntland Somalia
Ramaas Political Part(RPP)
RPP/01/G/07 Date: 18/02/07
Ku: Saxaafada Madaxa Banaan Ee Somalia
Og: Shacab waynaha Puntland
 Mudanayaal
iyo marwooyin waxan idinku salaamaya salaanta islaamka, salaan kaddib
waxaan idinka mahad celinayaa sida qaaliga ah oo aad u soo ajiibteen
warsaxafadeedkaan aan ugu talagalnay inaan shacabka ugu muujino
dhaliilaha maamulka sidaadba horey nooga barteen.
Mudanyaal iyo Marwooyin waxaa nasiib
daro ah Mas'uul ku fashilmay beekhaaminta Qorsha-hawleedka Dhulka
korkiisa in uu yiraahdo waxaan soo sarayaa khayraadka dhulka hoostiisa
ku jira oo aan doonaya in aan u beekhaamiya Soomaali oo dhan, isaga oo
kufashilmay Beekhaaminta 7-Gobal ee Puntland mas'uulkaas oo ah
Madaxweyne Cadde Muuse.
Mudanayaal iyo marwooyin waxaa wax laga
xishooda ah in had iyo goor laysla soo taago saxaafada wax aan sal iyo
raad toona lahayn iyo indho adayg lagu burburinayo Dastuurka Dawlad
Gobleedka Puntland, Meeshii laga sugayey inuu u horseedo ummadda hormar
lagu faani karo Taariikhna unoqon karta isaga .
Waxaa nasiib daro ah in shaqaalaha
danyarta ah inuu ula dhaqmo sida in ay ka shaqeeyaan gurigiisa oo uu
lataagan yahay Xaqoodii aniga ayaad igu leedihiin mar walbana u
qaadanayana sahay safar si uu ugu ilaaliyo caafimaadkisa.
Waxaad ogtihiin walaalayaal in marba
marka danbeysa uu si bareero ah ugu dhar dhiganayo burburinta Dastuurka
Dawlad Goboleedka Puntland isaga oo u diyaarinaya Dhaxaltooyo aan sharci
ahayn Wiilkiisa oo ku daba wada Dawada.
Walaalyaal sida aad lasocotaan anaga
xisbi ahaan waxaanu diyaar idiinla nahay wax alla wixii fududaynaya
hormarka dalka, waxana diyaar idinka nahay inaan helno afkaarihina kala
duwan oo aad lashaqysaan mas'uuliyiinta kala duwan ee ku kala nool dalka
gudihiisa iyo daafihiisa kana turjumaysa hormarka dalka, waxaan idin
leenahay guul eebe.
Gudoomiyaha Xisbiga(RPP)
Daahir ciiro
daahirciiro@hotmail.com
Faafin: SomaliTalk.com | Feb 18, 2007
Kenya ma Badda
Soomaaliyeed ayey Shidaal Ka Qodaneysaa?
Dawladda Kenya ayaa dardar
gelisey baaritanka batroolka ay ka wado xeebta, waxaana soo baxay warar
tibaaxaya.
Akhri
| 
Daabaco
Boggan | Print
