|
Xaflada furitaanka dalada (YOU Umbrella) oo ay ku
bahoobeen ururada dhalinyarada Boorama.
Munaasibad aad u balaadhan oo lagu maamuusayay furitaanka dalad cusub oo ay
ku bahoobeen 10 urur dhalinyaro oo ka jira magaalda Boorama, toban kan oo
kala ah SOHURA(Somaliland Human Rights Association), AYODA, SAYS, DHYMON,
UDUG, MOON LIGHT, BAXNAANO, ASC (Awdal Sports Club), AYOH, MTV, ayaa
xadhiga lagaga jaray hoolka shirarka ee Hutel Rays oo ku yaala magaalada
boorama.
xafladan lagu xusayay furitaanka dalada ururada dhalinyaradu ku bahoobeen oo
loo yaqaan YOU UMBRELLA oo ahayd mid aad loo soo agaasimay dhalinyaraduna
ay aad ugu faraxsanaayeen in ay arkaan u jeedada ay ku midoobeen oo la
xusayo , waxaa ka soo qayb galay aqoon yahano, salaadiin, culamaa u diin
,ururdada haween ka, maamulka gobolka iyo kan dagmada, taliyaha saldhiga ,
hayadaha samofalka bulshada , ku wa caalamiga iyo ku wa wadaniga ah ba, iyo
dadwaynekale oo ka tirsan bulshada reer Boorama.
waxa ugu horayn hadal kooban ka jeediyay xafladas gudoomiyaha dallada YOU
umbrella mr. siyaad cumar cali, oo ugu horayn tilmaamay muuhiimada ay
munaasabadani maanta u leedahay gobolka iyo guud ahaan cariga somaliland
ba, waxa ay noo leedahay qiimo aad u wayn sababtoo ah waxaa midoobay maskaxo
badan oo kala duwan , oo leh kartiyo kala duwan oo awal ku kala baahsanaa
bulshada dhexdeeda. sida la ogsoonyahay na aad ayay u adagtahay in dad intaa
le eg ay isku yimaadaan oo ay fikir kaliya lahaadaan amaba shaqa kaliya wada
fuliyaan, hadayse dhacday waxaa cad maanta amaba hubaal ah in hawsha ay ku
midoobaan in siwada jir ah u gudan doonaan kuna guulaysan doonaan in bulsho
badan hogaamiyaan
dhalin yaradu waxay tahay laf dhabarta bulsha kasta oo dunida guudkeeda ku
nool , waxaana laga sawiran karaa horumarka dhalinta wadan kaasi gaadhay ,
waxaan balan qaadaynaa anaga oo ah dhilinta ku bahawday dalada YOU.
in aan ka soo dhalaali doono kaalintayada aaan bulshada ku leenahay ,
Gudoomiyaha dalada waxa kale oo uu hadalkiisa ku daray "in hawlaha ilaa hada
aan dhaqaajinay kuna guulaysanay ay ka mid yihiin isu keenida kooxaha
ciyaartooyga dagmada dhamaantood,
waxan u jihaynay in aan u qabano tartano kubadaha kala duwan ah , anaga oo
ku guulaysanay in aan dhamaantayo isla afgaranay sidii aan dib ugu soo
noolayn lahayn sport tigii gobolka iyo dib u habaynta garoomada kala duwan
ee ay dhalintasi ku ciyaari doonto , waxaan ka wacyi galinay khilaafaaadkii
faraha badnaa ee mudo dhexdooda yaalay , waxanan isu afgaranay sidii aan dib
ugu dhisilahayn mustaqbalkooda
iyo aayahooda danbe . qorshahayaga wax qabad ee dallada YOU , waxa aanu ku
tala jirnaa inaan xooga saarno lana shaqayndoono dadka samaha iyo
horumarka gobolka danaynaya,
waxaanu ka shaqayn doonaa wacyi galinta cudurka halista ah ee HIV AIDS,
horumarinta waxbarashada, nadaafada bulshada, iyo dhawrista iyo habsami ula
dhaqanka xuquuqda aadamiga,
waxa kale oo aan, ka qaadanay ololaha balaadhan ee lagu qaaday qashin gubka
magaalada Boorama oo dhan.waxaan bulsha waynta gobolkan iyo guud ahaan dalka
aan si wayn uga codsanaynaa in ay nala garab
taagnaadaan taageeradooda anaguna dhalin yaro ahaan waxii xooga yaga ah
waxba ka hagran mayno.waxa kale oo isaguna ka hadlay xubin ka tirsan dalada
YOU isla makaana ah Gudoomiyaha ururka dhalinyarada ee Sportska Mr. Maxamed
Sh.Farax (Lakers)oo sheegay in ay isku habeeyeen 60 kooxoood oo ka tirsan
kooxaha kubada cagta koox walbana ay ka kooban tahay in ka badan 22 marka
laysku geeyana tiradoodu dhan tahay 1320 ciyaartoy oo ay ku xukumeen in
Ciyaartoykastaa keeno
shan xabo oo jaajuur ah hawshaasna ay bilaw wanaagsan u tahaydhismaha cusub
ee stadium ka kubada cagta ee magaalada Boorama , hadaba waxa is waydiin
mudan siduu ugu filaanayo hal garoon dhalinyarta tiradoodu 3000 gaadhayso
dhalinyarada intaa le eg hal garoon kaliya ayay lahaayeen waxaan se
jecelahay in aan abuurno garooma kale.
Duqa magaalada Boorama mudane ,C/raxmaan Sh.Cumar Daahir , oo isaguna
munaasabadaas hadal ka jeediyay waxa uu sheegay in uu aad ugu faraxsanyahay
fikirka ay ku bahoobeen dhalinyarada ka tirsan dalladan YOU, bulsha kasta
waxaa ka dhexmuuqda dhalinyaradeeda waana lafdhabarta bulsha kasta , waxaan
ku faraxsanahay in uu fikirkani yahay mid aan anigu ku dhaliyay markii
hore,waaxanan la garab taaganahay taageero wayn ,ugu horayna waxaan ka
caawin doonaa oo aan balan qaadayaa qalab ka xafiiska ay ku furanayaan.
Bulshadana waxaan ka codsanayaa in ay taageero buuxda siiyaan
dhalinyaradaas, oo runtii aan u arko in ay ku guulaysan karaan xalinta hawlo
fara badan oo bulshada dhexdeeda ah , waxa kale oo C/raxmaan sheegay hawlaha
kala duwan ee bishan ba dawlada hoose ka wado magaalada boorama , inay gacan
wayn naga siiyeen dhalinyaradaasi, sida ololaha nadaafada iyo banaynta
jidadka magaalada mahad balaadhana waan uga soo jeedinaynaa arinkaas isaga
ah .
waxa kale oo isaga maaanta munaasabadaas hadal ka jeediyay ergey ka socda
hay ada samo falka caalamiga ah eee ICD, mr maheesh, oo ah maareeyaha
mashaariicda hayadaas , waxa uu tilmaamay qimaha wayn ee ay xafladani u
leedahay iyaga iyo bulshada somaliland," waxaan aad ugu faraxsanahay
in aan kasoo qayb galo furitaanka dalladan, waxaaanan gacmo furan ku soo
dhawaynayaa sidii aan idinka caawin lahaa qaybaha kala duwan ee ay
dalladiinani ku shaqaleedahay sida wacyi galinta HIV AIDS,nadaaffad, kor u
qaadista waxbarashada iyo dhawrista xuquuqda aadamaha, waxaan inaydaan
shaqooyin kiina ku koobin Gobolkan ee aad gaadhsiisaan dhamaan dalka
Soomaaliland,
waxaanu balan qaaday in uu dhinacyo badan kala shaqayn doono daladan ay ku
bahoobeen ururada dhalinyarada ee Youth Organization Umbrella (YOU)
waxaa kalee oo munaasibadaas lagaga yaboohay deeqo kala heer heera oo isugu
jira lacag iyo alaabo kale oo uu u baahan yahay dhismaha cusub ee loo
diyaarinayo garoonka kubada cagta ee magaalada Boorame qaybo kale oo ka
tirsan dadkii kasoo qayb galey xafladaasina waxay balan qaadeen inay iyaguna
ka qayb qaadan doonaan taageeradaasi lagu dhisayo garoonka kubada cagta ee
magaalada Boorama. waxa kale oo maanta munaasibadaas hadalo koob kooban ka
jeediyay Gud.maxkamada degmada, C/raxmaan Cilmi Xuseen,X.Axmed
Miisaan,X.Ibraahim magan ,X.maxamad badar,Suldaan Ibraahim Jaamac Samatar.
Waxa ay dhamaantood tilmaameen muhiimada ay leedahay midawga dhalin
yartan ku bahoobay daladan waana arin marag ma doonta ah in ay is badal ku
keeni donaan dibu dhiska qaybaha kala duwan ee ka qabyada ah bulshadeena
waxaanay xuseen in dhalin yartan ku bahoobay dalada YOU ay hanan karaan
hawlaha horyaala maanta iyo bariba waanan idin taageersanahay waxaanan
idinla garb taaganahay taageero wayn.
Xasan
Axmed Caynaan
hasanjacayl@hotmail.com
Faafin: SomaliTalk.com | Feb 25, 2005
»Jaammacadda
Cammuud oo Waddo cusub loo Sameeyey
»Cisbitaalkii u
Horeeyay ee Dhimirka oo Boorama laga Furay
Kulaabo bogga www.SomaliTalk.com
|
Daabaco
Boggan | Print
