Ciidamo bolice ah oo tababar Muqdisho loogu soo xirey
May 30, 2010: 380-askari oo Ciidan Booliis ah, ayna ka mid yihiin 54 haween
ah kuwaasoo tababarro ku qaadanayay muddo sagaal bilood ah halkaasi, waxaana
xafladdii xiritaanka ka qeybgalay Wasiirro ka tirsan Dowladda KMG ah.
Ciidamada Booliska ee tababarka loo soo xiray oo isugu jiray wiilal iyo gabdho
ayaa la sheegay inay horay tababar ugu soo qaateen xerada Carmo ee Gobolka Bari,
ayna Muqdisho ku dhameysteen tababarkooda, iyadoo loo qaybiyay dhar cusub oo ay
ciidamadaasi qaadanayaan waxaana dharkaan cusub bixisay hay'adda qaramada
midoobey ee UN ka .
Halkan ka daawo sawirada
 Gen. Cali Maxamed Xasan Looyaan (
Cali Madoobe )Taliyaha Booliiska Soomaaliya ayaa halkaasi ka hadlay, wuxuuna
sheegay in ciidamadan ay yihiin kuwo la baray sidii ay dadka ugu adeegi
lahaayeen, isagoo sheegay inay gudan karaan howlaha loo xilsaaray Ciidamadaasi.
Taliyaha Booliiska Soomaaliya ayaa sheegay in Wixii maanta ka dambeeya
ciidamadaasi qaadan doonaan dharka ciidanka Booliiska Afrika ay isitcmaalaan oo
ah Shaati Buluug ah iyo Surweel Madow ah, kaasoo ka duwan dharkii lagu yaqaannay
ciidamada Booliiska, wuxuuna sheegay inay qaateen Ciidamadaasi tababar
wanaagsan.
Xirtaanka xafladaasi tababarka ayaa waxaa ka hadlay Wasiirka Arrimaha Gudaha
Sheekh C/qaadir Cali Cumar isagoo ku boorriyay ciidamada tababarka soo
dhameystay inay si wanaagsan shacabka ugu shaqeeyaan, ayna noqdaan kuwo ay dadku
ku soo hirtaan.
Sidoo kale waxaa halkaasi ka hadlay Wasiirka Owqaafta iyo Arrimaha Diinta Sheekh
Nuur Cali Aadan oo ciidamada tababarka dhameystay ka dalbaday in hubka la siiyo
aysan iibsan, isagoo sheegay in taasi ay tahay mas'uuliyad-darro.
Dhanka kale Ciidamadaasi tababarka loo soo dhameeyay ayaa waxaa lagu
hordhaariyay Wasiirrada Dowladda Soomaaliya, iyagoo
Muuse Maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666
Faafin: SomaliTalk.com / June 1, 2010
|
Daabaco
Boggan | Print
