Xildhibaanad Caasha Cabdalla ayaa habeenidii Isniinta (July 5, 2010) la
hadashay jaaliyadda Soomaaliyeed ee reer Minnesota ayaa hadalkeedii waxaa ka mid
ahaa:
Aniga halkan waxaan u imid, waxaa na soo casumtey
Dawladda Maraykanka, waxaan Washington ku aragnay dad farabadan oo ka tirsan
Aqalada Congresska Maraykanka, Obama la taliyaashiisa, securitiga, hay'ado badan
oo kala duwan oo dawli ah. Ajandaha ugu weyn ee aan annagu u diyaarinay iyo wax
kasta oo ay naweydiiyaan waxa uu ahaa Reer Minnesota waa maskaxdii Soomaaliyeed
ee horta Soomaaliya baadi doonkeeda iyaga hala bilaabo.
Maraykanka waxaan iskula hadalay waxaa ka mid ahaa: Waxay (Maraykanku)
yiraahdeen dawladda Soomaaliyeed waa dawlad aan ammaano lahayn, oo tabar daran,
oo aan lahayn aragti xeel dheer iyo qiime toona (vision, mission and value)." ayey tiri Caasha oo intaas
raacisay "Waa is adkaynay oo waa isdifaacney, lakaiin xaqiiqadii waxaa ah in ay
ogyihiin waxa meesha ka socda, waxaanu niri wixii dhacay yeynaan ku noqon
laakiin mustqabalka aan ka wada hadallo. Waxay (Maraykanku) yiraahdeen anaga
(alternative) wax tan ka duwan ayaan rabnaa, waxayna magacaabeen dad dawladayada
(FKMG) kamid ah inta ay ku jiraan in aysan gacan siinayn. Waxaana (Maraykanku
intaas ku daray) wixii aanu u dirnay, wixii aan siinay iyo wixii aan Soomaali u
samaynay waa la lumiyey ayey yiraahdeen, kalsoonidayada waxaad ku heli kartaan
in idinka dhexdiina aad iska saxdaan, marka aad wax qabsataan anaga diyaar ayaan
idiin nahay. Waxaan ku niri anagana wax taas ka duwan ayaan haynaa ee ka warama
haddii aanu hawl gelino jaaliyadihii oo marka hore jaaliyadaha ay kamid yihiin
Minnesota, Virginia, Ohio, oo Minnesota ay kow ka tahay sababtoo ah waxaa idiin
doodayey Senataradiinii iyo Congaresyadiinii. Dib u heshiisiinta Soomaaliyeed
iyada ka bilaaba ayaan ku niri Soomaalida dhexdeeda.
Caasha waxay reer Minnesota u sheegtay: Aniga Madaxda Soomaaliyeed ma jecli,
waxa aanan u jeclayn waxa weeye waxaan ku arkay daacad la'aan, ammaano
la'aan ayaan ku arkay, Soomaali nacayb ayaan ku arkay, waxay yeesheen
dad-la-taliyaan xun, aniga qofna ma jecli waxaan jeclahay Soomaaliya, waxaan
idinka rabaa in aad Soomaaliya ila jeclaataan,waxaan idinka rabaa in aad Qareen
(Lawyer) Soomaaliya u qabataan, oo hantidii qaranka oo caalamka ku kala baahsan
oo rag Soomaaliyeed oo loo igmaday ee ninkii madax ah ee soomaraba ay guryo
qurxoon ku dhisteen oo bangiyada dhigteen, oo carruurtii Soomaaliyeed ay noqdeen
in dhimatay in dhaawac ah iyo in dariiqyada taal,
Waxaan nahay xildhibaano baarlamaanka dhexdiisa ka soo baxay oo la yiraahdo
Xildhibaanada Badbaadada Qaranka Soomaaliyeed, xoolo ma rabno, hanti aan meel
dhigano ma rabno, waxaan diyaar u nahay in aan u dhimano dalka Soomaaliyeed,
anaga waxaan rabnaa kuwa naga soo horjeeda oo u midoobay in ay dawladda ridaan
in aan la fariisano ayaan rabnaa, laakiin walaalahayaga kale oo baarlamaanka
dhinaca kale ah ma rabaan in ay la fariistaan, ayey tiri.
Waxaan dhehi jirney ciidamo dalalka deriska ah safka hore yaan la keenin,
laakiin hadda Brundi iyo Uganda ayaa ka daray, waxaan markaanti ka ahay nimankii
Yugandiiska ahaa qori aaka ah ayaa lagu soo ridayaa waxay ku jawaabayaan BM oo
loo ridayo 100 joog iyo 100 ballac ah , haddaba qiyaasa inta ummad guryahooda
fadhiya uu ku habsanayo, ayey tiri. Waxayna intaas raacisay "Ciidamada Uganda
intii Itoobiya geystay laba laabkeed iyo saddex laabkeed ayey geystayey,
lagamana hadlo."
Xildhibaan Caasha waxa kale oo ay tiri "Itoobiya dhexdhexaadinta ay Soomaali dhexdhexaadinayso oo soo samaynayso Ahlu
Sunna wal-jamaaca waa beenteed, wax run ah ma aha". Waxana shacabka Soomaaliyeed
xasuusisay Siyaasadda Itoobiya
ee ku wajahan Soomaaliya iyo in ay rabto xeebaha Soomaaliyeed yadoo hadda
hadal u socda Keny aiyo Itoobiy aku saabsan xeebaha Soomaaliyeed ee xiga Jubba
sidii loo qabsan lahaa.
June 29, 2010 ayey ahayd markii Aqalka Senate-ka Maraykanku uu soo saaray
Qaraar ku saabsan Soomaaliya.
Halkan ka akhri Qaraarkaas.
Daabaco
Boggan | Print
