Ugu yaraan 26 qof oo ku dhintay Dagaalka Muqdisho, waxaana ku dhaawacmay 70
qof iyo Sheikh Shariif oo u safray Ethiopia..
Dagaalada ka socda magaalada Muqdisho ayaa geystey khasaare ba'an, ayadoo
shacabka ay khasaaro ka soo gaareen madaafiic iyo rasaas xooggan oo la isu
adeegsadey (VIDEO HOOS KA DAAWO)
Madaxweynaha DFKMG ayaa maanta (Axad 4 July 2010) waxa uu u dhoofay magaalada
Addis Ababa ee dalka Ethiopia, ayadoo la sheegay in uu halkaas kaga qayb gelayo
shir ay leeyihiin IGAD. Waxaana shalay Ethiopia aadey wasiirka loo magacaabay
Arrimaha Dibadda ayadoo aanu weli ansixin baarlamaanka DFKMG ee uu guddoomiyaha
ka yahay Shariif Xasan.
Shariif Xasan, guddoomiyaha baarlamaanka FKMG, waxa uu hore guddoomiye uga
noqday Baarlamaanka xilligaas oo uu ansixiyey in ciidanka Ethiopia soo galaan
dalka Soomaaliya.
Maalintii khamiista madfac kusoo dhacay guri magaalada Muqdisho ayaa waxaa ku geeriyooday 11 qof oo
gurigaas gabbaad ka dhiganayey. Dhimashada shacabka ka soo gaaraysa
dagaalka ayaa sii kordheysa.
Video-ga hoos ka Daawo
DFKMG: ku dhawaaqid gole wasiiro gaaraya 39
Sheekh Adan Madoobe iyo Dalxa oo lagu daray Golaha Wasiirada
Cusub iyo Yuusuf Dheeg oo markii la magacaabay durbadiiba u duulay
Addis Ababa ka hor inta aan baarlamaanka DFKMG ansixin….
Isku shaandheyn uu sameeyey Ra’iisul wasaaraha DFKMG Cumar
Cabdirshiid Cali Sharma’arke ka dib ayuu soo saaray liis dheer oo ay
ku qoran yihiin 39 wasaaradood oo uu wasiiro u magacaabay
Afhayeenka Xafiiska Raiisal wasaraha Cabduqaadir Maxamuud Walaayo
ayaa saxaarfada u akhriyey liiska Wasiirada cusub ee uu soo
magacaabay degreeto ka soo baxday xafiika ra’iisal wasaare Cumar
Cabdirashiid Cali Shar’ma’arke.
Durbadiiba waxaa war ka soo baxay xafiiska madaxtooyada DFKMG
ayaa sheegay in madaxweynaha DFKMG uu isla maanta ansixiyay
magacaabida Yuusuf Ibraahim Xasan (Yuusuf Dheeg) in
uu noqdo Wasiirka arrimaha dibada. Waxaana warka madaxtooyadu intaas
ku daray “Wasiirka arrimaha dibada ee cusub ayaa ansixintiisa kadib
u duulay magaalada addiss-ababa ee caasimada
dalka Ethiopia si ugu matalo Soomaaliya kulanka soo socda
ee IGAD.” Laakiin warku ma caddayn xilliga wasiirada la horgeynayo
baarlamaanka si uu u ansixiyo.
Waxaana markaas la soo bandhigay magacyada 39ka wasiir oo ah
sidan:
Waxaana liiska Wasiirada ka mid ah 5 wasiir oo la sheegay inay ka
oo galeen dhinaca Ahlu Sunna Waljmaaca, kuwaas oo kala ah Axmed
C/salaam Xaaji Aadan ( Wasiirka amniga qaranka), Mustaf Sheekh Cali
dhuxulow (wasiirka Qorsheynta iyo xiriirka caalamiga ah), wasiirka
Waxbarashada C/nuur Macalin Maxamuud, Wasiirka dib u heshiisiinta
dib u heshiisiinta, Xuseen Warsame samatar iyo Wasiirka hubka
dhigista iyo jiheynta maleeshiyaadka Cumar Cali Rooble, hase ahaatee
waxaa si cad uga horyimid xubnahan saraakiisha sarsare ee Ahlu
Sunna, kuwaas oo sheegay in ragga lamagacaabay aysan iyaga ka
tirsaneyn sida ay yiraahdeen.
Afhayeenka Xafiiska Raiisal wasaraha DFKMG, Walaayo, ayaa sheegay
in Ra’isal wasaaraha xukuumada FKMG markii uu eegay Qodobka 46aad,
48aad iyo 52aad ee Axdiga FKMG ah ee dowladda KMG ah ee Soomaaliya,
markuu Wadatashi la yeeshay Qeybaha kala duwan ee Bulshada iyo
Xildhibaanada Baarlamaanka dowladda FKMG ah, markuu u kuurgalay
Xaaladda Amni iyo mid Siyaasadeed ee uu dalku ku sugan yahay, markuu
tixgeliyay Masuuliyada xukuumada ka saran fulinta Heshiiskii ay
Dowladdu la gashay Culumaa’udiinka Ahlu Suna Waljamaaca, ayaa wuxuu
Madaxweynaha Soomaaliya u gudbiyay Isku-shaandheyn uu ku sameeyay
Xubnaha xukuumada KMG ah, taasoo uu Madaxweynuhu aqbalay, wuxuuna
Madaxweynuhu ka soo saaray Isku-shaandheymta Xeer Madaxweyne oo
tirsigiisu yahay 01 04 , kuna taariikhaysan 30-kii June
2010-ka.
Qoraal ka soo baxay xafiiska ra'iisul wasaaraha DFKMG maalin kaddib markii Cumar
C/rashiid uu magacaabay golaha wasiirada ee cusub ayaa u qornaa sidan:“Kadib
markii la sammeeyey kabaaraandegid iyo latashiyo badan ayaan waxan soo dhisnay
gole wasiirro sidii hore ka adag islamarkaana dib loo cusbooneysiiyay. Arrinka
dibuhabaynta waxaa loo hawlgeliyey si loo meelmariyo xukuumad hufan oo leh tamar
cusub oo ay ku hogaamiso laamaheeda. Waxaa iyadana xusid mudan shanta wasiir ee
ku cusub golaha wasiirada oo nooga soo biiray kuwa jaalka la ah dowladda, ee
Ahlu-sunna Wal-jamaa. Tani waxay tilmaan cad u tahay ka mirodhalinta iyo xoogga
uu leeyahay isgaashaanbuursiga inna dhex maray oo aynu wadajir xididdada ugu
siibeyno xagjirka, iyada oo la dardargelinayno nabad kusoo dabaalidda Soomaaliya
oo barwaaqo ah. Waxaan idiin xaqiijin karaa in madaxweynuhu ogalaadaay,
qalinkana ku duugay isbadelkii lagu sameeyay wasiiradda, waana ku faraxsanahay
in xukuumaddu u jahaysatay hogaan waxtar leh oo u qabta shacabkeeda wax la
taaban karo.”