Munaasabad si wayn loo soo agaasimay oo
Abaalmarino Lagu Gudoonsiinayay arday wax ka barata
schoolka Aflax .
Munaasabad si wayn loo soo agaasimay oo ka dhacday schoolka hoose dhexe ee
Aflax oo ay soo qabanqaabiyeen Dallada Horumarinta dhalinyarada Gobolka karkaar
ee KAYDNET ayaa waxaa ay ku aadanayd Abaalmarino la gudoonsiinayay Ardayda
kaalmaha hore gashay ee fasalada kala duwan.
Ugu horayntii waxa halkaasi ka hadlay maamulaha schoolka Aflax maryan faarax
Gaacashe oo si aada uga sheekaysay taariikhdii schoolka iyo hab barnaamijeedka
schoolku leeyahay iyadoo maamuluhu si aada ugu dheeraatay taariikhda schoolka
Aflax ee Magaalada qardho isla markaana tilmaantay duruufaha haysta schoolka iyo
hanaankii ay manta heerkan usoo gaarsiiyeen schoolka aflax oo ay hada ka
qalinjabinayaan ardaydii ugu horaysay dugsiga dhexe ee heerka waxbarasho
Maamulaha schoolka Aflax waxay baaq ujeedisay Hayadaha caalamiga ah iyo maamulka
cusub ee puntland waxay sheegtay in schoolka ay macalimiin ka yihiin Dhalinyaro
iskood isu xilqaantay kuwaasoo heerkooda aqooneed Secondry gaarsiisanyahay si ay
u kaalmeeyaan walaalahooda waxbarshada u dadaalaya iyagoo ku shaqeeya si
Tabaruca oo iskaa wax u qabso ah iyadoo sheegtay inay maamulka Gobolka iyo kan
Degmadu ka gaabiyeen kaalintoodi kaga aadanayd gargaarka waxbarasho iyadoo
sheegtay inay codsi ujeedinayaan Jaaliyaha RE karkaar ee Dibadda ku nool.
Waxaa sidoo kale halkaasi ka hadlay Gudoomiye ku xigeenka Gobolka karkaar Yoonis
cali faarax oo isagu si Qiiro leh u muujiyay Dareenka waxbarsho ee ardaydan
Yoonis waxaa uu sheegay inay ka maamul ahaan Hiil iyo HOO la garabtaaganyihiin
taageerada Waxbarasho ee schoolka aflax isagoo sheegay in schoolkan schoolada
kale kaga duwan yahay lacag la.aanta iyadoo aan wax FEE ah laga qaadin ardayda
dhigata schoolka
Yoonis waxaa uu intaasi ku daray inuu isagu ku cusubyahay maamulka gobolka isla
markaana uu xilka hayay muddo bil iyo toban habeen ah balse uu isku xiri doono
wasarada waxbarashada puntland iyo schoolka aflax walaw ay arintaas hada ku guda
jiraan waxaa kaloo uu sheegay inuu gacan ka gaysanayo sidii uu isugu xiri lahaa
Jaaliyada reer karkaar iyo schoolkan waxaana uu sheegay in shakhsiyadiisu uu ku
deeqayo 50 buug oo ay wax ku bartaan ardayda wax kabarata schoolka aflax.
Sidoo kale waxaa halkaasi ka hadlay Gudoomiyaha Dallada dhalinyarada Gobolka
karkaar Cabdiraxiim warsame diiriye gudoomiyaha ayaa waxaa uu tilmaamay inay
iyagu si aada isugu hawleen sidii ay u qabanlahaayeen xafladaan galabta dhacaysa
isagoo sidoo kale gudoomiyuhu xusay sida ay uga go,antahay inay taageeraan
hanaanka horumarinta waxbarashada jiilka hoose iyo dhalinyaradaba ayna intii
tabartooda ah ka gaysan doonaan gudoomiha Dallada dhalinyarada Gobolka karkaar
C/raxiim warsame diiriye ayaa sidoo kale sheegay ka urur ahaan inaanay wax
taageero ah ka helin maamulka Degmada qardho iyo kan Gobolka balse ay marar
badan iyagu Jeebkooda isticmaaleen waxaana uu sheegay inay taas u gudbinayaan
Mr.Yoonis oo ka socday Heerka Gobol waxaana uu sheegay inuu rajaynayo inuu kala
kaashado baahiyaha faraha badan ee Dallada ayna tahay dalada kaliya ee sharciga
ah ee Gobolka ka jirta.
Si kastaba ha ahaatee schoolka Aflax waxaa la furay sanadkii 2004 waxaana lagu
furay arday soo barakacayaal ah oo waxyeelo kazoo gaartay Roobabkii loo yaqaan
;Baraflaha; waxaana daladda dhalinyarada ee gobolka karkaar ay balan qaaday inay
Gudoonsiin doonto 100 xabo oo buugaag ah si ay wax ugu bartaan ardaydaan
waxbarashadooduna ay u kobocdo iyo 2box oo qalmaan ah waxaana maamulaha schoolka
ee Aflax la gudoonsiiyay Bilad ay gudoonsiiyeen Dallada dhalinayarada EE KAYDNET
waxaana ay u marxabaysay sida wanaagsan ee daladdu uga qaybqaadato hanaanka
waxbarasho ee schoolka Aflax primary.
Ugu dambayntii xaflada ayaa kusoo gabagabowday jawi aad u wanaagsan iyadoo
ardaydii gashay kaalmaha 1aad 2aad 3aad ee fasal kasta la gudoonsiiayay abaal
marina ma (jaa'isooyin) iyadoo uu gudoonsiinayay Gudoomiyaha daladda cabdiraxiim
warsame diiriye waxaana ardayda wajiyadooda aad ka dheehan kartay jawi farxadeed
oo aad u wanaagsan.
C/rashiid maxamed daahir(Haykal)
Email: Lacle1004@gmail.com
Faafin: SomaliTalk.com | Jan 28, 2009