Qaab Dhismeed Golaha Xukuumada Federaalka ee cusub oo la sheegey in ay ku heshiiyeen TFG
iyo ARS iyo Sheekh Shariif oo 30 Xubnood 4.5 ah Ku Soo Qanciyey
Muqaawamada Muqdisho
Wafdi balaaran oo uu hogaaminayo Sheekh Shariif ayaa dib ugu soo laabtey
Caasimada dalka Jabuuti 20/01/2009; kadib markii safar aan hore loo sii shaacin
ay ku tageen Magaalada Muqdisho Sheekh Shariif iyo xubno badan oo ka soo jeeda
Beelaha Hawiye; islamarkaana xubin ka ah Is-bahaysiga Dibu-xoreynta Soomaaliya.
Xubnaha soo gaarey Jabuuti oo tiradoodu ay gaareyso ugu yaraan 29 xubnood ayaa
waxaa ka mid ahaa Xog-hayaha Warfaafinta Is-bahaysiga Dibu-xoreynta Soomaaliya
Axmed Cabdullaahi Sheekh, Daahir Maxamuud Geele, Xog-hayaha Dibu-heshiisiinta
ARS Sh.Axmed Cabdullaahi Fanax; Macallin Axmed Macallin Yuusuf, Maxamed Cali
Xagaa iyo xubno kale oo badan.
Mid ka mid ah xubnihii la socdey wofdigan oo aan wax ka weydiiyey waxa ka soo
baxay safarkii uu ku tagey Sheekh Shariif Magaalada Muqdisho ayaa waxa uu iigu
sheegey “ sheikh shariif waxaa uu la kulmey hogaanka Muqaawada, Gudiga culimada,
Odayaasha Hawiye, Maamulka Gobolka Banaadir dhamaan qaybahaan waxaa loo sharxay
halka ay marayan hawlaha dibu-heshiisiinta, waxaana laysla gartey in 30 xubnood
oo xildhibaanada cusub ah, islamarkaana qayb ka ah dhamaan beelaha Soomaaliyeed
la dhex dhigo, xub nihii muqaawamada waxay soo jeediyeen in ay iyaga dib isugu
noqonayaan, ayna la tashiyo la soo sameynayaan gudiyada culimada muqaawamada”
ayuu yiri xubnitan la socotey wafdiga sheikh shariif.
Sidoo kale waxa uu ii sheegey xubintan wafdiga la socotey “in gudigii amniga
Is-bahaysiga Dibu-xoreynta Soomaaliya ay dalka ku soo hareen maalmaha soo
socdana ay imaandoonaan caasimada dalka Jabuuti, si ay uga qaybgalaan doorashada
ka dhaceysa Caasimada dalka Jabuuti”.
Dhinaca kale waxaa la filayaa shirkii dhinacyada siyaasada TFG iyo ARS uga
socdey oo maalmahaan hakad uu soo galey ayaa la filyaa 24-ka bishan in uu dib
uga furmo hoolka shirarka Hoteel Kempinski ee Caasimada dalka Jabuuti, sida aan
ku heleyno ilo wareedyo kala duwan,.
Sidoo kale warar aan helney waxay sheegayaan in TFG iyo ARS ay qaybsadeen qaab
dhismeedka Xukuumada cusub ee labada Sano soo socota oo aan wali la dooran
Madaxweynaheeda, laakiin marka laysku soo duubo arimahaan ayaa waxaad moodaa in
faragelintii dowlada Ethopia ee dhinaca TFG ay soo gebageboobeyso, iyadoo aan
wax faah faahin laga bixin, kadib markii hadalo is dabajooga ah oo ka soo yeeray
siihayaha xilka Madaxweyanaha DKMG ahna gudoomiyaha Baarlamaanka KMG Sheekh
Aadan Madoobe ay ku cadaadiyeen in uu ka baaqsado, bedelkeeduna shirka hada uga
furmey labada dhinac Jabuuti lagu doorto oo keliya Madaxweynaha Dowlada cusub,
balse la arkidoonee halka ay saldhigtaan hawlahan is guraya oo aan wali guntooda
la gaarin.
Maxamed Macallin Cismaan (All-man) Somalitalk Jabuuti
fatxumaalik@hotmail.com