Talo u Soo Jeedin :-Maamulka Cusub ee P/LandWaxaan Salaamayaa Madax waynaha iyo Madaxwayne ku Xigeenka loo Doortay Hogaanka
P/Lannd 08/01/2009 Waxaan Idin Leeyahay Waxaad Qaadeen Mas,uuliyad Wayn Waxaad
Qaadeen Ammaano Cirka iyo Dhulkuba Diideen Alle Agtiisana Kuwayn Ogaadana inay
Xisaab Aakhiro idinka Dambayso.
Mudane Madaxwayne iyo Madaxwayne ku Xigeen Bulshadu way oomantahay Waxayna u
oomantahay Isbadal,Waxaa Lumay Kalsoonidii Shacabka P/Land uhayay Maamulka Waxaa
Dhimatay Himiladii Shacabku Ku Hammiyayay in Deegaanka P/Land uu ka Hanaqaado
Maamul Gundhig u Noqda Qaran Soomaaliyeed ,Waxaan Idinkula Talinayaa inaad
Bulshadiina Qiimaysaan oo aad Talada Umadda u Dhiibtaan Dad Uqalma oo aad ku soo
Xulataan Karti,Aqoon,Ammaano iyo Alle kacabsi oo aad Kawaantawdaan Qof Qabiil
wato iyo Nin Jeclaysi aan laga Fiirsan aadna ku waana qaadataan Dhaxalkii
Xukuumadihii idinka horreeyay Laga Dhaxlay.
Mudane Madaxwayne iyo Madaxwayne kuxigeen Waxaan Talo Idiin kusoo Jeedinayaa
Waxa ugu Horreeya ee aad wax kaqabataan inuu noqdo Garsoorka sida lawada og
yahay Garsoorka P/Land Dadka ka Sheqeeya Badankoodu Waa kuwo Aqoontooda iyo
Ammaanadooduba Hoosayso Taasoolaga Akhrisankaro Maxkamadaha P/Land oo Dhan
Iyadoo la heli karoArday Kasoo Qalin jabisay Jaamacadaha Shareecada iyo
Qaanuunka Shahaadooyinna haysta Waxaa Shacabku u oomanyahay Garsoor ku Dhisan
Caddaalad, Aqoon iyo Amaano iyo inla Helo Sharci iyo kala Danbayn.
Waxaan kaloo Idin kula talinayaa Inaad Gobolada iyo Dagmooyinka usoo Dhistaan
Maamul ay Hogaanka u Hayaan Dadyaqaan Maamulka Horumarna u Horseedi Kara
Bulshada lehna Aqoon iyo Karti ay wax ku Qabtaan Daacadna ah.
Waxaan kaloo Idin kula Talinayaa inaad wax ka qabataan Marin Habaabintii lagu
Sameeyay, Dhaqaalaha Sida lawada ogyahay Meel Walba oo Canshuur Lagu Qaado
Hadday tahay Dakad,ama Airport ama Kantarool ama Dawlad Hoose Dadka ka Sheqeeya
Badankoodu wa kuwo aan aqoona lahayn Ammaanana lahayn Sidaas awgeed waxaa adag
inuu Dakhli soo Xeroodo Waxaana Suuqyada Shaqo la,aani ku haysaa Ardaydii ka
Baxday Dugsiyada Sare,Kuwii Bartay Maamulka iyo Xisaabaadka oo Aqoon ,Karti iyo
Ammaanaba laga Helikaro
Waxaan kaloo Talo Idiin kusoo Jeedinayaa Inaad ka Shaqaysiisaan Nidaamka Shaqada
iyo Shaqaalaha Lagu Sameeyo Raad raac Aqoonta Shaqaalaha waxay Qabtaan Waqtiga
ay Shaqada soo Galaan iyo Waqtiga ay kabaxaan Silooga Gudbo Dadka Musuqmaasuqa
lagu Shaqaaleeyay ee aan Wax Shaqo ah Qaban Lana arko Marka Mushaarka
laqaadanayo oo kaliya.
Waxaan kaloo Talo idiinku soo jeedinayaaInaad wax kaqabataan Amniga Gudaha inaad
Dhistaan Boolis ay Hogaaminayaan Saraakiishii iyo Saraakiil Xigeenkii Booliska
ee Sharciga Aqoonta ulahaa Amaan darrada P/Land Waxaa Saldhig u ah Waxaa
Gaboodfal lagu Sameeyay Ciidaka Booliska Waxaa madax looga Dhigay Booliska Dad
aan Dhaqan wanaagsanayn Shuruucda Booliska iyo Shaqada Booliskana aqoon
Taariikhdoodii horana Xumayd Taasoo Kalsoonidii Shacabka P/Land uhayay Booliska
Lumisay Burburisayna Ammaankii P/Land.
Waxaan kaloo Talo idiinku soo jeedinayaa Inaad wax kaqabataan Amniga Dibadda
Dhistaanna Ciidanka Daraawiishta P/Land oo ay Hogaaminayaan Saraakiishii iyo
Saraakiil Xigeenkii Xoogga Dalka Ciidankaas ooleh Lambar Ciidan, Tababaran,
Yaqaan Dishibiliinka Ciidanka Kusugan Xeryaha iyo Fariisimaha Ciidanka aadna
Baabi,isaan Malaysiyaan Beeleed iyo Ciidan la arko ookaliya marka Mushaarka
laqaadanayo ama Caaglayaal mushaar Been ah lagu Qaato Taasoo ah Dhaqan Xumo laga
Dhaxlay Xukuumadihii Idinka horreeyay iyadoo Maanta Baahi loo qabo Ciidan
Ilaaliya Xudduudaha P/Land ama Soo Celiya Gobolada Maqan ama ilaaliya Gobolada
Xudduudaha kuyaal ee amnigoodii Faraha ka baxay.
Waxaan kaloo Talo idiinku soo jeedinayaa Inaad Arrimaha Bulshada Xoogga saadhaan
Sida Waxbarashada, Caafimaadka Nadaafada Biyaha IWM Qorshe Dhaqaalana u
samaysaan kulana Xisaabtantaan Hay,adaha Shaqada ku leh.
Waxaan kaloo Talo idiin kusoo jeedinayaa Inaad taakulaysaan Xoolo Dhaqatada,
Beeraleyda, Xijiyaysatada,Kaluumaysatada iyo Ganacsatada yaryar aadna usamaysaan
Qorsheyaal lagu Horumarinayo Maadaama ay yihiin ilha Dhaqaalaha P/Land.
Waxaan kaloo idinkula Talinayaa inaad wax ka Qabataan Tahriibta oo ah Bar Madow
oo Ku Qoran Taariikhda P/Lan Magac Xumana u soo jiiday P/land Xukuumadihii
idinka horreeyayna aysan wax ka qaban.
Waxaan kaloo idinkula Talinayaa inaad wax kaqabataan Burcad Badeeda Fariisimaha
Kadhigatay Xeebaha P/Land Kuwaasoo Dhaqanxumoo Dhan ku Faafiyay Deegaanka
Khalkhalna Galiyay Isu socodkii Caalamka Sumcad Xumana usoo Jiiday P/Land Marar
badanna lagu eedeeyay Idinkoo Lakaashanaya Saraakiisha Ciidamada ee Daacadda ah
, Kalluumaysatada ay Dhibtoodu sida Gaarka ah utaabanayso,Ganacsatada,
Culumaauddiinka iyo Dhammaan Muwaadiniinta wax ka Qabankara
Waxaan kaloo idinkula Talinayaa Inaad Horumarisaan Dhiirina Galisaan Saxaafad
Tayo lel oo sare u Qaadda Wacyiga Bulshada.
Gabagabadii iyo Gunaanadkii Waxaa idin Sugaysa Hawl aad uwayn Shacabkuna wuxuu
idinka sugayaa Isbadal marka idinkoo alle la kaashanaya Shacabkiinana
Garabsanaya KaFiirsada Taariikhda Khaanadii aad Ka Galilahaydeen mid Madow iyo
Mid ifaysa Waxaan idiin Rajaynayaa inaad Noqotaan Kuwo lagu Illaawo Wixii
lasoomaray. Waad mahadsantihiin
Qore :- Maxamad Yuusuf Jaamac Tigey
Email:- Mayuja79@hotmail.com
Burtinle Nugaal Somalia