2824 13th Ave S.Minneapolis, MN 55407 Website:
www.imaams.com
Tel: 612-644-5570. Fax: 612-436-0259 E-mail:
somimams@yahoo.com
Shirkii Golaha Imaamyada waqooyiga America oo ku soo dhamaaday Guul
Jan2-Jan 4, 2009
Golaha imaamyada ee masaajida waqooyiga Maraykanka oo la aasaasay
sanadkii 2001 waxaa ku midoobay in ka badan 15 masaajid oo ku yaala
gobolada kala duwan ee wadankan mareykanka iyadoo looga gol lahaa inay
iska kaalmaystaan khidmada ay u hayaan bulshada Soomaaliyeed ee ku
dhaqan wadankan Mareykanka. Iyadoo ay kuu guulaysteen inay dhisaan
masaajido iyo xarumo badan oo Islaami ah taas oo ah mid ka mid ah
ujeedooyinkii ugu waaweynaa ee loo aasaasay golaha isutaga masaajida.
Kulankan oo sanadkan ka dhacay magaalada Columbus ee gobolka Ohio
ayaa waxaa martigeliyey masaajidka Ibnu taymiyah oo si diiran usoo
dhaweeyey culimadii iyo xubnihii ka kala socday maamulada Masaajida kala
duwan iyadoo ay shirka garab socotey muxaadaraat iyo baraarujin diini ah
oo ay ku diirsadeen muslimiinta ku nool gobolka.
Golaha ayaa falnqayn dheer kadib soo saaray qodobadan:
Goluhu wuxuu isku raacay in dardar lageliyo korna loo qaado dacwada
lana adeegsado habab kala duwan sida in lafuro macaahid cilmi ah, in la
soo saaro manshuuraat, in la dhiso website-yo laga baran karo manhajka
saxda ah iyo in la adeegsado luqadaha kala duwan. Sidoo kale waxaa la
dhiiri geliyey in barnaamij dacwo loo sameeyo dadka aan muslimka ahayn.
In lahaqab tiro baahiyaha kala duwan ee ka jira gobolada qaarkood
sida in loo helo imaamyo iyo in la dhameystiro maraakizta qabyada ah ee
u baahan dhameystirka. Iyo in maraakizta ay xoojiyaan xiriirka ay la
leeyihiin qeybaha kala duwan ee bulsho weynta maraykanka.
In la sameeyo barnaamijyo dacwo oo ku aadan dhalinta da’da yar si loo
hubiyo inay kabadbaadaan dhibaatooyinka bulsho ee ku soo wajaha wadankan
sida barashada daroogada, ku biirida kooxaha xumaanta iyo xadgudubka
“Gangs” iyo waliba in laga ilaaliyo qaadashada afkaaraha khaldan ee
diinta loo tiiriyo.
Goluhu wuxuu si buuxda u cadeynayaa in isqarxinta iyo falalka
argagixisadu ay ku tahay xaaraam diinta Islaamka. Sidoo kale wuxuu
goluhu kasoo horjeedaa fikradaha iyo falalka xag jireenka ah taas oo wax
u dhimaysa magaca iyo sharafta diinta Islaamka islamarkaana saamayn weyn
ku yeelan karta bulshada muslimka ah.
Goluhu wuxuu sidoo kale ugu baaqayaa bulshada muslimka ah ee
Soomaaliyeed inay sii wadaan la qabsashada degaankooda cusub ee wadankan
mareykanka iyagoo ku dadaalaya dhaqan wanaaga iyo darisnimada ay
boorisay diinta Islaamku. Goluhu wuxuu utaagan yahay u adeegida bulshada
Soomaaliyeed iyo horumarinta danaha bulshada Soomaliyeed ee muslimka ah.
Goluhu wuxuu ugu dambeyntii u dardaarmayaa bulshada soomaaliyeed inay
ilaahay u soo noqdaan kuna toosnaadaan wadada toosan ee islaamka, kana
fogaadaan wax kasta oo wax udhimaya midnimadooda dhaawacayana magacooda
iyo jiritaankooda sida qabyaalada iyo danaysiga shakhsiyadeed anagoo
xasuusanayna hadalkii suubanaha nabadgelyo iyo naxariis korkiisa Alle ha
yeelee
“ Ninkuu camalkiisu dib dhigo, nasabkiisu ma hormariyo.”
Xoghaya Guud ee Golaha Imaamyada/ Sh. Abdullahi Abulfadli
Tel: 612-644-5570. Fax: 612-436-0259 E-mail:
somimams@yahoo.com