Gudi Soo Qeymeeyo Burburka Baaxada leh ee Soo gaaray 23
Buundo oo ku Yaal Inta u dhaxeysa Baladweyne Ilaa Garisaani oo
ku taliyay in si deg deg ah wax loga qabto ka hor xili Roobedka
Sawirada Buundooyinka burbursan ka daawo halkan
Gudigan
Qeymeynta ku soo sameyay Buundooyinka ugu daran ee uu Burburka
soo gaaray ayaa waxaa hogaaminayay Ugaas Cabdiraxmaan Ugaask
Khaliif Ugaas Rooble waxaana ka Mid ah Ganaacsato Duqow
dhaqameed Iyo Injinerka aqoontiisa ugu deeqay dhismaha
wadooyinka iyo Buudooyinka Burbursan ee Gobalka Hiiran Cali
Xaaji Shirwac .
Buundooyinka la soo qeymeyay ee 23 ka ayaa ah kuwa ugu daran ee
burburka uu soo gaaray kuwaas oo xiliyada qaar sababa in ay
gaadiidka xamuulka qaaday ay ka dhacaan dadna ay ku dhintaan.
Waxaana ku jira buundooyin ay si aad ah u burburiyeen Tangiyada
Ciidamada Ethiopia xiligii ay soo galayeen dalka 2006-da
dabayaaqadeeda, Buundooyinkaan ayaa mkuwo si aad ah ugu baahan
in lagu sameeyo dayir balaaran, si wax looga qabto burburkaasi
ayay gudigaan isku xilsaareen dayactir in loo helo wadooyinkaan.
Waxaa ay sidoo kale Gudiga uu horkacayay Ugaas Cabdiraxmaan ay
la kulmeen Odayaasha Tuuloyinka ku teedsan wadada laamiga sida
Baar dheere Beer Xaano Teri Janto Nuur Fanax Iyo Garasiyaani
waxaana dhamaan ay ka Codsaneed in ay ka qeyb qaataan dhismaha
wadada halbowlaha u ah Isu socodka Gobalada Waqooyi Iyo
Koonfurta Somaliya waxaana ay u balanqaadeen in ay Ugaaska iyo
Ekhyaartii kale ee la socotay ay la garab istaagayaan hiil iyo
hooba .
Safarka Qeymeynta ah oo lagu soo ogaanayay baaxada uu la egyahay
burburka soo gaaray Buundooyinka faraha badan eek u yaal wadada
dhexmarta Gobalka Hiiran ayaa ku soo aadeysa xili laba cisho ka
hor xariga laga jaray qeybtii u horeysay wado dherirkeedu
dhanyahay 400 Mitir oo ay dayactireen gudiga gaadiidleyda
Gobalka Hiiran.
Darawalada Gaadiidka ku safra wadooyinkaasi ayaa sheegay inay
talaabadaan tahay mid si weyn ay u soo dhaweynayaan, waxeyna
carabka ku adkeeyeen in loo baahan yahay Bulshada kuwada dhaqan
Gobolka Hiiraan ay u guntadaan sidii wadooyinkaasi loo samayn
lahaay.
Howlahaan dayirka loogu samaynaayo wadooyinkaan ayay Bulshada ku
dhaqan Gobolkaasi si weyn us oo dhaweeyeen, waxeyna amaan u soo
jeediyeen gudigii isku howlay in wax laga qabto dhisida
wadadaasi oo ay sheegeen inay qabteen howlo baaxad leh oo raali
laga wada yahay.
Dhinaca kale waa markii ugu horaysay howshaan oo kale laga qabto
wadooyinka bur bursa nee Gobolka Hiiraan, waxeyna dadka ku safra
wadadaasi cadeeyeen in halkaasi ay ku rogmadeen gawaari fara
badan oo sababay inay ka soo gaarto qasaare baaxad leh oo isugu
jira dhimasho iyo dhaawac.
Laba Booqol iyo sideetan ruux oo ku nool Degmadda
shangaani oo maanta loo qeybiyay deeq lacageed oo dhan 1000. US$
Doolar.
Sawirada deeqda halkan ka daawo...
Deeq Lacageed oo ay soo direen Jaaliyadaha Banaadiriga ah ee
Soomaaliyeed ee ku dhaqan dalalka Imaaraadka Carabta, Ingiriiska
iyo Swiserland oo ay ka wakiil ahaayeen Muxsiniinta kala ah
shariif Axmed shiinno, Cabdulqaadir Shiiqay iyo Axmed Shaamoow
ayaa maanta loo qeeybiyay dad gaaraaya laba boqol iyo sideetan
ruux oo ku nool Degmadda shangaani ee Magaaladda Muqdisho
kuwaasi oo isugu jiray qoysas faqiir ah iyo kuwo ay xaaladoodda
caafimaad ay aheyd mid liidato.
Xubnahaan soo gaarsiiyay Qooysaskaas ku nool degmadda shangaani
ayaa waxay u soo wakiisheen Xildhibaan Caamir Axmed Maxamed
Shakeyti, ayaa waxaa loogu qaybiyay si cadaalad ku jirto, iyadoo
qooskasta ay u gaartay lacag u dhiganta 4$ doolar qooskiiba.
Munaasbadaan oo ka dhacday Xarunta dugsiga shariif Qulateeyn ee
degmadda Shangaani ee magaaladda Muqdisho ayaa waxaa ka soo qeyb
galay xubno isugu jiray Odoyaasha Dhaqanka ee Beesha Banaadiriga
iyo Qaar ka mid ah Haweeynka iyo Dhalinyaradda Degmadaasi.
Xildhibaan Caamir Jakeeti oo ka hadlay Munaasabadaasi lagu
gudoonsiinaayay deeqdaasi lacageed ayaa u sheegay qooysaskii ka
soo qeyb galay in ay lacagtaan u soo direen walalahoodda Reer
Shangaani eek u dhaqan dalalka Imaaraadka, Ingiriiska iyo
Swaserland wuxuuna sheegay in loogu talagalay in qoys kasta ay
gaarto oo ku nool degmadda Shangaani, waayo ayuu yiri Reer
Shangaani Dawladi wax ma siiso, Hay’addo sidoo kale wax
masiiyaan waxay wax ka sugaan Ilaah, ka sukow waa walalahoodda
reer Banaadiriga ee ka soo jeedda degmadaasi Shangaani .
Xildhibaanku waxa kale oo uu ka hadlay dhibaatooyinka ka jira
degmadaasi sida caafimaadka, waxbarashadda iyo guud ahaan
arimaha bulshadda oo uu sheegay in aysan jiin wax cusbitaal ah
oo ka furan degmadaasi marka laga reebo hal MCH oo ay Dawladda
federalka ah ka furtay, balse aanan wax daawo ah aaneysan oolin,
sidaas darted dadka ma waxaa lagu daaweynayaa waa la furay oo
kaliya, taasi suurtagal ma noqomeyso ayuu yiri Xildhibaan Caamir
Waxaa kale oo uu sheegay in degmadaasi uu ka jiro hal School oo
kaliya oo ay hergeliyeen jaaliyaddasi Soomaaliyeed ee ku
abtirsadda Banaadirga kuna dhaqan dalka dibadiisa, kaas oo ay
dhigtaan 400. oo Arday ah kuwaasi oo aan wax lacag ahi laga
qaadir.
Sidoo kale Xildhibaanku waxa uu intaasi ku daray in loogaga
baahan yahay jaaliyadda ka soo jeedda beelaha Banaadiriga ee ku
dhaqan dalaka dibadiisa in ay wax u qabtaan walaalahoodda reer
Shangaani oo ah dad aanu cidna u maqneyn oo ah Ceelna uma qodna
Cidina uma maqnna.
Deeqdani lacageed ee maanta loo qeybiyay dadka ku dhaqan
degmadda shangaani ayaa soo dhaweeyay deeqdaasi iyagoo si weyn
uga mahad cveliyay dadkii soo diray oo ay sheegeen in aysan
weligood iloobi doonin.
Maxamuud Axmed Xasan ( Xuurshe)
xuurshe114@hotmail.com
Muqdisho-Somalia
Tel:002521-5573321
0025250-995088