Sucaado Siciid Max’ed “Banaanka Iskuulka ayaan keligay ilmeeyaa Burada dhuuntayda ku taal darteed”

Sucaado Siciid Max’ed Cali waa 12 Jir mudo afar sano ah ay dhuuntada uga taalo Buro, waa Agoon qoyskeedu uusan waxba haysan, dhowr jeer ayaa la damcay in dhakhaatiiru ay ku sameeyaan qalliin hase yeeshee dhakhaatiirtu waa ay ka cabsadeen madaama aan laga heleyn wadanka qalabkii lagu qalli lahaa gabadhaasi.

Sucaado waa Gabar iska faraxsan Cuntadana si caadi ah u qaadataa, mar aan la kulmay ayaan weydiiyey dhowr su’aalood, iyadoo xishooneysa ayay igu tiri “Walaal dadka Soomaaliyeed ee ku nool dibadaha iga gaarsii si aan uga badbaado halista buradaan igu taal, oo aan u malaynayo ama noqon karta in ay ka sii cuslaato sida ay haatan tahay”.

Sucaado waxay dhigataa Dugsi Hoose/Dhexe, waxayna dugsiga aadaa iyada oo Dhuuntu u daboolan tahay, mararka qaarkood, marka ay mudo fadhido fasalka ayay dibadda uga soo baxdaa, waayo xiliyada qaar waxaa qabta xanuun, waxaana halkaasi ku dhaafa cashirada qaarkood. Sucaado oo arrintaa iiga warameysa ayaa sheegtay in ay iska ilmeyso marka uu xanuunka burada dibadda uga soo saaro fasalka, iyadoo ka tiiraanyeysan casharka dhaafaya, waxayna sidoo kale sheegtay in gabadha saaxiibadeed ah ay la murugoodaan markay arkaan Sucaad oo fasalka ka sii baxeysa, waxayna yiraahdaan “Abaayo iska dul qaado mar baa allaah kuu sahli doonaa cid kuu miciinta”.

Buradaan marka la fiiriyo waa Buro caadi ah, marinka cunta waa Caadi oo raashinka wax dhibaato ah oo ay ku qabto ma jiraan, waxaa keliya oo ay Sucaad sheegtay xanuun ka haysta burada iyo iyadoo ka cabsi qabta in ay buradu ku sii saa’iddo.

Hooyadeed oo lagu magacaabo Raxmo Max’ed Abiikar ayay waxay maalin walba la daalaa-dhacdaa sidii ay gabadheedu mar uun caafimaad u heli lahayd, dhowr jeer oo ayla xiriirtay dhakhaatiirta waxaa loo sheegay in qalliinku yahay mid sahlan marka loo fiiriyo dhinaca dibadda, balse aan Soomaaliya waxba looga qaban Karin, waxayna ka codsaneysaa bulshada Soomaaliyeed in ay gabadheeda Ka garab siiyaan sidii burada looga qali lahaa gabadheeda
Kala soo xiriir.

W/D Amiin Yuusuf Khasaaro
E-Mail amiinkhasaaro@hotmail.com ama
amiin@swacro.com

Tel 0025215532494