Wasarada Amniga Puntland oo howshedi amniga ku
kobtey 4 Guri oo bosaso kuyaal
Iyadoo ay puntland ku jirto xiliyadii ugu xumaa ee soo
mara xag amni iyo xag dhaqaalaba, ayaa mudooyinkii danbe
waxaa soo shaac baxaysay in maamulka puntland uu faraha
ka qaadey wax ka qabashada amniga gobolada puntland,
maamulkuna uu awoodii isugu geeyay magaalada bosaso,
haatan oo waqtigiii maamulku sii gababsi yahayna oo ayba
ka harsantahay wax yar hal asbuuc ayaa waxaa soo baxaysa
in howshii maamulka oo dhan kusoo ururtey guryo bosaso
kuyaala
Waa maalin isniin ah waxaana kasoo dagey air-portiga
magaalada bosaso oo ay iigu danbeysay mudo 1 sano kahor
ah daqiiqado kadib markaan usoo dhaadhacey dhanka
magaalada ayaan waxaan ku arkey isbaarooyin yaala guryo
xiga dhanka air-portiga bosaso, kolkaas ayaan waydiiyey
tagsiilihii aan lasocday waxa ay yihiin isbaarooynkan
iyo inay yaalaan magaalada oo dhan, wuxuuna iigu
jawaabey
Maya maya guryahan waxaa iska leh wasiirka aminiga
puntland iyo ilma adeertiis sidaas ayaa waardiyaha
khaaskaa loo saarey magaadada inteeda kalana waa iska
caadi oo wax isbaaro ah mayaalaan amnigeduna waa
wanagsan yahay
Waxaan ku dagey hotel kuyaala magaalada bartamaheeda
mudo laba asbuuc ah ayaan bosaso kusugnaa mudadas aan
joogay bosaso kumaan arag wax isbaro ah oo yaala
magaalada inteeda kale
Kolkaan mudo ku dhex waregay magaalada aana arki waayey
wax isbaaro ah ayaan waxaan kala sheekaystey dadwaynaha
bosaso waxa ay yihiin isbaarooyinka yaala qaar kamida
wadooyinka magaalada oo marka aad aragto soo xasusaneyso
isbaarooyinkii muqdisho laga sheegi jirey,
Runtii waxaaa iisoo baxdey inay tahay arin ay dadka
bosaso ula yaaban yihiin sida aan ula yaabey,
Oo qofka ugu roon uu ku dhahaayo wasiirka amniga oo
waqti yar uu u harey ayaa guryihiisa iyo kuwa tolkiis
amaankooda ku sugaya,
Waxaan dadkii waydiiyey wasaarada amniga ee puntland
waxa ay amniga ka qabatey maadaama lagalaayo xili kala
guur ah, oo doorashooyin ay puntland kusoo fool
leeyihiin
Waxay dadwaynuhu ii sheegeen in dadka reer puntland ay
yihiin dad nabad jecel oo ay iyagu nabadooda ilaal
sadaan laakiin dowlada iyo wasarada amniga qaabilsan
midna aysan arimaha amniga wax ka qaban, ayna ku
mashquulsan yihiin dano sahqsiyadeed iyo ilaalinta
guryahooda
Aadan Mahamed Aadan
Aadan bililiqo
London UK
adenbililiqo@yahoo.com
Faafin: SomaliTalk.com | Jan 8, 2009
|