Muwaadinkii ugu horeeyey ee Soomaali ah oo Sanadkaan Cusub Lagu Diley Dalka
Koonfur Afrika.
Kooxo burcad ah oo kasoo jeeda dalka Koonfur Afrika ayaa dil u geystay mid kamid
ah Dhalinyarada Soomaaliyeed ee ka ganacsada Dalkaani Koonfurta Afrika.
Saaaka abaarihii Saacada Johannesbrug Markay ahayd 7:30 ka ayaa kooxo burcad ahi
ay toogasho ku dileen Muwaadin Soomaaliyeed oo kusugan goobtii uu ku
ganacsanaayey oo ku taala Xaafad ka mid ah Xaafadaha Magaalada Johannesbrug .
Marxuumkan ayaa la oran jirey Kaad Cabdi Samad oo ahaa dhalin yarro Soomaaliyeed
ayaa caawo meydkiisa lagu aasay magaalada Johannesburg kadib markii koox burcad
ah ay tacshiiradeeyeen taasoo uusan naf dhul la dhicin.
Marxuumka ayaa dilkiisa la sheegay in ay ka danbeeyeen koox ku hubeysnaa
bistoolada kuwaasi oo aanan waxba ka qaadanin dukaanka guud ahaan wixii yiilay
isagoo xiligaasi ku sugnaa goobtii uu ku ganacsanaayey oo ku taala Xaafad ka mid
ah Xaafadaha Magaalada Johannesbrug .
Sida uu xaqiijiyey mid ka mid ehelada ninka dhintey oo joogey aaskiisa ayaa ii
sheegey in kooxda ninka Soomaaliga ah dishay ayanan wax hanti ah ka qaadan
tukaanka, oo inta eey dhibka geysteen isaga cararay goobtii shilku ka dhacay,
sidoo kale waxaa uu intaas raaciyey in kooxdani tuugada ah ee dhawaanahanba
qalqal galineysay dadka soomaalida ah ee Xafadaani dagan , wuxuu sheegey in
tukaamo dhowr ah oo aaga ku yaala eey u dhaceen bilihii dhawaa, oo eey dad jir
dil ku sameeyeen kadibna lacago iyo hanti kale kala baxsadeen.
Ururka Al-Bayaan oo ah kan u xilsaaran aaska marxuumiinta dhintey ayaa
marxuumkani uu noqanayaa midkii ugu horeyey sanadan Cusub ee 2009 uuna ka mid
noqonayo boqolaalka Soomaalida sidani oo kale loo diley ee ay aaseen sanadadii
hore.
Salaadii Casar kadib ayaa dad ku dhaw Boqolaal qof oo soomaali ah ay kasoo qayb
galeen aaska Kaad Cabdi Samad oo ah nin dhalin yaro Soomaaliyeed oo saaka koox
hubeysan eey ku dileen Xaafad ka mid ah Xaafada Magaalatan Johannesbrug ee
Koonfur Afrika, ka dibna ay kula tukadeen salaadii janaasada meydka marxuumka,
kadibna u wehliyeen qabriga oo 10km u jirra xaafada Mayfair iyagoo gawaari ku
jooga.
Si kastaba ha ahaatee dilkani waxa kusoo aadayaa xilli la galay sanad cusub oo
inta baddan la islahaa sanadkaani waa uu dhaami doonaa kii hore balse ay noqotey
mid u bilow ah dilkaani soomaalida ku nool dalka koonfur afrika, sidoo kale
dalka Koonfurta Afrika ayaa noqdey gawaan lagu gawraco Soomaalida u nolol
raadsadey Dalkaas. arintan ayaa u muuqata mid aysan waxba ka qabanin falalka
noocaan oo kale ah dawladuna waxay u muuqataa mid ay faraha ka laabatay dhibta
lagu hayo dadka qaxootiga ah ee ku nool Koonfur Afrika.
Mohamed Ismail
mismacil@Live.co.za
johannesbrug
South Africa