Maamulka Islaamiga ee Gacanta Ku Haya Gobolka
Geddo Oo Sheegay Inay Iska Difaaci Doonaan Ciidamada
Huwanta
Xoogaga islaamiyiinta ee ku sugan gobolka geddo gaar
ahaan magaalada baar dheere ayaa shaaca qaaday inay iska
difaaci doonaan ciidamada huwanta ah ee shalay soo galay
qaar ka tirsan gobolka geddo .
Madaxa amniga maamulka islaamiyiinta ee gobolka geddo
Barre Qooje ayaa saxaafada u uga war bixiyey sida ay ugu
diyaar garoobeen ciidamada isku jirka ah ee Ethiopianka
iyo soomaalida ah islamarkaana ay doonayaan inay iska
difaacaan inta ay soo gaarin degmada baardheere isagoo
tilmaamay inay difaaca mujaahidiintu durba ka sii
sareeyo deegaanada baar dheere .
Sidoo kale Qooje ayaa intaasi ku daray inay u diyaar
garoobeen sidii ay ula dagaalami lahaayeen ethiopianka
iyo kuwa soomaalida ah ee is wata islamrkaana uga saari
lahaayeen guud ahaan gobolka geddo .
Dhinaca kale sarkaalka wata milayshiyada soomaalida ah
ee ka amar qaata xildhibaan barre aadan shire (barre
hiiraale ) Warfaa Sheekh Aadan ayaa tilmamay in ay la
dagaalamayaan xoogaga islaamiyiinta ee gacanta ku haya
qeybo ka mid ah gobolka Gedo isagoo sheegay inay iska
kashanayaan dagaalka ay kula jiraan kuwa uu ku sheegay
nabad diidayaasha oo ula jeeday xoogaga islaamiyiinta
kooxda la baxday ehlu sunna .
Si kastaba ha ahaatee dagaalada kasoo cusboonaaday
gobolka geddo ayaa kusoo beegmaya xili ay shalay soo
qabsadeen ciidamada huwanta ah ee isugu jira Ethiopianka
iyo soomaalida oo uu hogaaminayo xildhibaan barre
hiiraale degmooyinka beled xaawo ,garbahaarey iyo
buurdhuubo islamrkaana aysan jirin wax dagaal ah oo ka
dhacay halkaasi
Ciidamada Ethiopia Oo Kala Cayriyey Ciidamo Dowlada
KMG ah Oo Fariisin Ku Lahaa Ex Kantarool Afgooye
Ciidamada Ethiopia ee saldhiga ku leh degmada afgooye
ayaa saaka ciidamadii soomaalida ahaa ee ku sugnaa
degmadaasi afgooye kala wareegay bar kantarool oo loogu
magac daray baar ismaaciil oo xiligii dowladii hore ee
maxamed siyaad ku ooli jiray halkaasi kadib markii
shalay qarax miino oo ka dhacay halkaasi .
Ciidamada Ethiopianka ah oo halkaasi lug kusoo gaaray
ayaa saaka goor hore isku fidiyey goobtaasi barta
kantarool ahayd iyo weliba gudaha degmada afgooye iyo
deegaanada ay degan yihiin dadka soo barakacy ee
carbiska iyo lafoole taasoo la sheegay inay miino
baaritaano ka samaynayeen .
Sidoo kale Ciidamadii dowlada KMG ahaa ee ku sugnaa
goobta barta kantaroolka ahayd ee ay la wareegeen
ciidamada Ethiopia ayaan la ogayn halka ay jaan iyo
ciirin dhigeen islamrkaana saaka waaberigii ku kala
cararay goobtaasi kadib markii ay ciidamada Ethiopia
kala wareegeen .
Mid kamid ah saraakiisha ka tirsan ciidamada dowlada KMG
ah ee joogay cantaroolka ex afgooye oo diidey in
magaciisa la shaaciyo ayaa sheegay inay ciidamada
Ethiopia ku amreen inay baneeyaan kantaroolka tan iyo
inta laga sugayo amaanka goobaha uu shalay qaraxu ka
dhacay .
Dhinaca kale Gaadiidka dadweynaha iskaga kala goosha
gobolada ee isticmaala wadada afgooye iyo muqdisho ayaa
soo dhoweeyey arintan islamrkaana aysan jirin wax lacag
ah oo saaka laga qaaday kadib markii ciidamadii dowlada
KMG ah ee lacagta baada ah ka qaadi jiray oo ka baxay
halkaasi .
Maxaakiimta Islaamka Oo Sheegay Inay Aad Uga
Xumaadeen Sida Loo Turjumey Degista Saldhigayada
Booliska .
Midowga maxaakiimta islaamka ayaa shaaciyey inay aad uga
xumaadeen sida looga waramay saldhigyadii ay dhowaan
dejiyeen ciidamadooda islamrkaana ku tilmaameen nasiib
darro in waxyeelo loo arko degista ciidamada maxaakiimta
saldhigyada booliska .
Afhayeenka dhinaca howlagalada ciidamada maxaakiimta
islaamka Sh,C/raxiin Ciise Cadoow ayaa nasiib daro ku
tilmaamay war dhawaan ka soo yeeray afhayeenka Ururka Al
-Shabaab iyo qeybo ka mid ah Bulshada inay maxaakiimta
islaamku isku mashquulioyeen qabsashada gobo cusub .
Sidoo kale cabdiraxiin ayaa gaashaanka u daruuray
inuusan wararka laga sheegayo maxakiimta aysan ahayn
kuwo ay u qalmaan islamrkaana aan wanaagsanayn isagoo
xusay in qaar ka tirsan xoogaga islaamiyiinta ay duulaan
ku qaadeen deegaano nabdoon oo sharciga islaamku ka jiro
waa sdiuu hadalka u dhigaye oo ay bur buriyeen maamulkii
xiligaas ka jiray halkaasi .
Sh, Cabdi -Raxiin Ciise Cadoow ayaa intaasi sii raaciyey
inay muhiim tahay midnimada Mujaadidiinta islamrkaana
maxaakiimta islaamku ay yihiin hooyada muqaawimada oo ay
mudan yihiin ixtiraam laakiin aan laga been sheegin
howlaha iyo dadaalka ay ugu jiraan dalkooda iyo dadkooda
.
Dhinaca kale Afhayeen cabdiraxiin ciise cadoow ayaa
carabka ku adkeeyey inaysan mar kala u dulqaadan doonin
in dhibaato gayasto maxaakiimta islaamka af iyo adinba
oo ay jawaab ka bixin doonaan waxii iminka ka dambeeya .
Hadalka kazoo yeeray afhayeenka maxaakiimta islaamka
ayaa kusoo beegmay xili ay hore ugu eedeeyeen qaar ka
tirsan bulshada qaybaheeda kala duwani inay abuurayaan
kala qayabsan muwaawimada ah oo keeni kara colaad hor
leh
yaasiin maxamed faytin
yaasiinfaytin@hotmail.com
Faafin: SomaliTalk.com | Jan 6, 2009
|