Dhakhtarada aan Xuduuda Lahayn: Soomaaliyaa dunida ugu liidata!
Telefishinka Pbs (Public broad cast service)ee xaruntiisu tahay
magaalada Washington ,barnaamijka uu daadihiyo Jim Lehrer , ee la yidhaa
‘News Hour’Ayaaa waxa uu soo daayey waraysi dhiilo iyo mururgo badan
xambaarsan.
Waraysigaas waxa lala yeeshey, galabnimadii isniinta ee taariikhdu ku
beegnayd 22/12/2008 Nicholas De Torrente, oo ah gudoomiyaha uruka
Dhakhtarada aan Xuduuda(soohdinta) lahayn.
(
Halkan ka daawo)
ama(
halkan ka akhri... )
![](02jan11.jpg)
Halkan ka daawo.....
Nicholas,waxa uu soo bandhigey,warbixin sanadeedkii Dhakhtarada aan Xuduuda
lahayn,ee ku saabsanayd,tobanka wadan ama gobol ee aduunka ugu liitey ama u
darnaa darnaa sanadkii 2008,dhinacyada xasiloonada,caafimaadka,cunada iyo guud
ahaan nololeedba.
Qiimayntaas,oo ay sanad walba soo saaraan,kuna sheegaan,dalalka xaaladaha ugu
xumi ama qalafsani ka jireen sanadkaas.
Hadaba,qiimayntoodii sanadkan galbadey 2008,waxaa kaalinta koobaad
galay,Soomaaliya iyo degaanada Soomaaliyeed ee Itoobiya gumaysato.Sidaa
awgeed,degaanada Soomaaliyeed, waxay noqdeen,meelaha ay ka jiraan; duruufaha
caafimaad iyo nololeed ee ugu saxariirta iyo silica badan, dunida oo dhan!
Inkastoo aaney soo jiidan ama laga jeediyayba indhaha warbaahinta caalamka!
Hadaba,waxaan jeclaystey inaan ku ladho warbixintaas, dhacdooyin kale,oo si toos
ah xidhiidh u leh,mida aynu kor ku xusany,isla markaasna,inoo fududeynaya
,arkida muuqaalka guud, ee sababaha dhibaatooyibkani u dhacayaan iyo halka salka
ku hayaan.
Badhtamihii sanadkii 2oo8,waxa warbixin fajac iyo amakaag leh,ka
diyaariyey,xaaladaha dhulka Soomaaliyeed ee Itoobiya guumaysato(Soomaaliya oo
dhan ayay wada guumaysataa maanta!),wariye ka socda janal 4aad ee Ingiriiska.
(Halkan ka daawo warbixintaas argagaxa badan)
Warbixintaas oo daaha ka rogtey,tacadiyada iyo gabood falka dawlada Itoobiya
kula kacdo,Soomaalida ku nool Degamaamadaas.
Waxaanu si gaar liishaanka u saaray, macaluulinta qorshaysan ee Itoobiya, ku
hayso dadkaas iyo sida ay uga hor istaagto,gaadhsiinta raashinka deeqda ah,ee ay
waliba magacooda kaga soo dawarsato dunida.
Waa raashinkii oo ay u isticmaalayso hub ahaan,si ay u gaajo iyo haraad ugu
le’daan,dadkaas Soomaaliyeed.
Warayihu,waxa uu daboolka ka rogaya,dhagarta iyo cadawnimada gaamurtey ee
dadkaas lagu hayo.
Waxa uu ina dul joojinayaa,Cadaab wadareed huursan iyo xabsi nacabeed dusha ka
furan,oo ka kooban kumanaan kun oo mayl.
Degaanadaas oo uu ka socdo Xasuuq wadareed,lagula kacayo, Xoolo dhaqato iyo reer
guuraa Soomaaliyeed,laga dumiyay ceelashii biyaha iyo baraagihi,laga laayey
xoolihii noolaa,ee ahaa lafdhabarta dhaqaalaha iyo jiritaanka dadkaas,Gaar ahaan
geela;
Isagaa wax daaqaba ugu, nolol danbeeye
Geela markuu daranyahay,laba nin duugtaaye (maanso)
Isir gumaadkaas wadarysan,waxa si toos ah,u filinaya ciidamada qalabka sida ee
dalka Itoobiya.
Gumaadka Muqdisho;
Hadaynu jaleecno dhinacaas iyo caasimadii ayaanka daran ee Muqdisho.Waxa duurka
wadhan oo, xasuuq,macaluul,dhaxan kulansadey,ugu 800,000 rayid Soomaaliyeed ah.
Gumaadkaas iyo dhiiladaas,waxa gaysanaya ciidanka Itoobiya,
ee maanta ku sugan, xarumihii ciidanka qalabka sidey iyo wasaaradii gaashan
dhiga qaranka Soomaaliyeed!
Akhristow, dhamaan dhacdooyinka dhiilada iyo murugada xambaarsan, ee kaga
ilmaysiiyey dhakaahtiirta aan xuduuda lahayn,ee halakeeyey dadka iyo degaanada
Soomaaliyeed.
Waxay wadaagaan,sabab kali,waxaaney ka soo burqadaan ama ka shidaal qaataan meel
kali ah(oo aanay warbixinta Dhakhaatiirta aan Xuduuda Lahayni tibaaxin).
Waa qorshaha guumaysi doon,duulaanka iyo damaca waalan ee dalka Itoobiya!Mise
maaha?
Waa hadii aynu wax ku eegayno,indho ka fiyow cudurka dhimirka
Soomaaliyeed(Qabyaalada).
Waa halkaas nabarka bogsan waayey, ee Soomaalidu u jiiftaa.Waa meesha ay ka
shidaal qaadato dhamaan xasarada iyo qalalaasaha aan dhamaadka lahayn,ee
Soomaalida jiif iyo joogba u diidey.
Duulaankaa Xabashidu,oo 48kii sanadood ee ka soo wareegay qaranimada
Soomaalida.Waxa uu lahaa muuqaalo kala gedisan,isla markaasna adeegsanayey
xeelado kala duwan,balse lahaa yool kaliya ah;guumaysiga Soomaalida iyo
qabsashada gayigooda.
Sidaa daraadeed,waxa la odhan karaa;
Waa Itoobiya, gujiska dajiyey qarankii Soomaaliyeed.
Waxaana xusid mudan,inaanu qorshaha Itoobiya,qabiil ama gobol gooni nabad
galinayn ,shoolada la wada saaranyahay,dilkana lagu wada xukumanyahay;waase la
kala horeeyaa kali ah.
Hadaba Soomaaliyey” hadynaan ka waantoobin,xinka,xafiiltanka, hibashada
colaadihii sokeeye,garab istaaga iyo u dhimashada nin dan gaar ah leh,oo aynaan
isku duubni,isaga caabiyin uguna jilib dhigin duulaanka Itoobiya;waxaynu noqon
doonaa Falastiin cusub,oo ku soo biirtey dunida,iyo ummad talo xumadooda
taariikhdu wariso.
Qalinkii; C/raxmaan.M.Muuse
cgurmad@yahoo.com
Faafin: SomaliTalk.com | Jan 2, 2009