Cabdi Nuur “Hayadda OSPAD waxay Siminaaradaan u qabataa in Bushada lagu wacyigeliyo khatarta Cudurka AIDS-KA”.

Cabdi Nuur “Hayadda OSPAD waxay Siminaaradaan u qabataa in Bushada lagu wacyigeliyo khatarta Cudurka AIDS-KA”.

Sawirada Siminaarka halkan ka daawo....

Waxaa xarunta Hayadda OSPAD ee Magaalada Muqdisho lagu soo gabagabeeyey siminaar ku saabsan sida looga hortago Cudurka HIV/AIDS iyo wayaabahaha keena wuxuuna siminaarkan socdey Muddo laba maalomood ah waxaana ka qaybgaley Dad gaaraya Boqol xubnood oo u badan dhalinyaro isugu jira gabdho iyo wiilal kuwaas oo ka mid ah dadka barakacay ee ku jira xeryaha Muqdsho.

44,000 oo qof ayaa lagu qiyaasey dadka la nool HIV/AIDS ee Soomaaliya
Soomaaliland (1.7%), Puntland (0.5%), iyo Bartamaha iyo Koonfurta Soomaaliya (0.3%)... Akhri..-pdf

Siminaarkan oo ay iska kaashadeen Haydaha Global Fund , Unicef ayaa waxaa fulinayey Hayadda Dhowrista iyo Horumarinta Soomaaliyeed ee OSPAD waxaa labadii maalmood ee siminaarka socdey casharo ka Bixinayey Ustaad Maxamed Cabdulle Maxamuud ooi si aad ugu faahfaahiyey ka qaybgalayaasha Cudurka AIDS-ka isagoo sheegay in cudurka lagu kala qaado Galmoodka Sharcidarada ah , dhiig aan la iska baarin iyo wixii la mid ah wuxuu kaloo sheegay Macalinka in dadka ugu badan ee uu ku dhacao cudurkaas uu yahay dhalinyarada oo ah xoog si aad loogu baahan yahay .

Ka qaybgalayaasha ayaa loo direy suaalo ku saabsan Cudurka AIDS-KA si wanaagsan yey ugu soo jawaabeen waxayna codsadeen in loo korshiyo maalmaha si ay waxyaalo kale ay uga faaiideystaan.

Sahro Cabdulaahi waa gabar ka mid ah ka qaybgalayaasha ayaa u mahadcelisey Hayadda OSPAD oo ay sheegtey in ay bulshada u hayso waxqabad muuqda oo ah sidii bulshada ugu baraarujin lahayd waxyeelada Cudurkaas oo ay sheegtey in yahay cudur aan dawo lahayn waxayna kula talisey dhaliyarada in ay ka digtoonmaadaan cudurkaas .

Muna oo iyana ka mid ah ka qaybgalayaasha ayaa tiri”Markii hore ma fahamsaneyn cudurka AIDS-ka maanta si wanaagsan baan u fahamey wixii maanta ka dambeeyana bulshada ayaa ku baarujinyaa si ay isga ilaaliyaan cudurkaas .

CabdiNuur Cismaan weheliye oo ah gudoomiyaha Hayada OSPAD oo ka hadlayey xiritaanka siminaarkaas ayaa u mahadceliyey Hayadiihii kala qaybqaatey taabagelinta siminaarka isagoo sheegay in siminaarada noocan ah ay Hayada wax badan qabatey isagoo sheegay in kuwa kale ay qaban doonto si bulshada Soomaaliyeed loo digo khatarka cudrkaas oo uu sheegay in uu fara baas ku hayo adduunka.

Gabagabadii waxaa siminaarkaa soo xirey Cabdulaahi Xaashi oo ka mid ah Saraakiisha hayadda SCAC wuxuuna ugu hareyntii u mahadceliyey Howlwadeennada Hayada OSPAD oo uu sheegay in ay yhiin dad u taagan sidii shacabka uga samatabixin lahaayeen khatarka cudrka AIDS-ka wuxuu kaloo sheegay in cudurkaas uu ku soo badanayo soomaaliya isagoo sheegay in Koofurta iyo Bartamaha Soomaaliya uu cudurkaas ka yahay Baqolkiiba 0.3 % Halka Soomaaliland uu ka yahay Boqolkiiba 1.7 % halka Pundland ay tahay 0.5 % wuxuuna u soo jeediyey ka qaybgalayaasha in ay wixii halkaan ka barteen u gudbiyaan kuwa aan fursadda u helin .

W/D AmiinYuusuf Khasaaro.

E-Mail amiinkhasaaro@hotmail.com