Warsaxaafadeed: Ka soo baxay xaafiiska warfaafinta ARS ee Asmara. 
 

Waxaa maanta Ka Soo baxay warsaxaafadeed ku aadan Iscasilaada Cabdulaahi Yuusuf iyo Burburka Soo Wajahay Kooxda Imbaghati, Bixitaanka La Hadal Hayo Ciidamada Gumaysiga Iyo Dagaalada Gobalada Dhexe. 
 

Mahad oo dhan waxaa leh Allaah (SW), nabadgeliyo iyo naxariisina ha ahaato Rasuulka (SCW) 
 

Ugu horayn waxaan ummadda Soomaaliyeed uga tacsiyaynaynaa dhibaatooyinka isugu jira dilka, barakaca iyo xasuuqa joogtada ah ee ay ku hayaan cadowga ku soo duulay Dalka, Dadka iyo Diinta iyo kuwa daba dhilifka u ah oo ay ugu danbaysay kuwii shalay ka dhacay Magaalada Muqdisho. 
 

Marka xiga, waxaan doonaynaa inaan maanta halkaan ugu  cadayno ummada Soomaaliyeed meel walba ay joogto oon ka codasanayanaa inaysan marnaba kala qaadin 275 u shaqaynaynay gumaysiga iyo kuwa wasiir ku sheega u ah oo wax la qabanayay oon ayaga ku jirin tiradaa balse shaqada qayb ka ahaa anaga ka Isbahaysi ahaan anagoo matalayna Ummada Soomaaliyeed waxaan u aragnaa inay isku mid yihiin intoodaba oo aysan wax u bedelayn umada Soomaaliyeed hadii mid ka tago iyo hadii uu mid joogaba balse waxaan ka codsanayanaa una sheegaynaa inay intuusan gumaystaha cararin ay iska baxaan Allena uga towbad keenaan dunuubta ay ka galeen ummada Soomaaliyeed. 
 

Waxaan cadaynaynaa una sheegaynaa inay fahmaan danaha gumaysataha kaas oo ah inuusan marnaba u danaynayn shacabka Soomaaliyeed ayagana kala jaclayn waxaan tusaale ugu filan halka ay maanta ku danbeeyaan kuwoodii ugu sareeyay. 
 

Waxaan anaga mar walba noo cad oo noo muuqda inaysan jirin wax cadaynaya inuu gumaystaha  doonayo inuu ka baxo dalkayaga balse waxaa cad oo marag ma doonta ah inuu doonaya inuu nakala qaybiyo ood aragtaan umadii Soomaaliyeed inuu qabiil qabiil markuu dhameeyay hadana uu doonayo inuu naku kala saaro dariiqooyin iyo firqooyin. 
 

Marka waxaan marnaba la qarin Karin dhibaatooyinka ka jira maanta wadankeena oo haysta shacabkeena oo ay ugu danbaysay xasuuqii uu shalay iyo doraad ka gaystay magaalada muqdisho waliba ayada oo nasiib daro tahay oo maanta dhinaca madaafiicda ka soo dhacayaan ay joogaan dadkii shalay dagaalka nagula jiray qaar ka mid ah. 
 

Intaa ka dib waxaan soo jeedinaynaa baaqaan. 
 

1-waxaan cadaynaynaynaa in inta maamulka embaghati la soo shaqaysay oo dhan isku kaaya mid yihiin iyo waxii la shaqeeyay oo dhan una sheegayno inay ku fashilmeen siyaasada Soomaliya ee ay iskaga hor wareegaan dadka.

2-waxaan ugu baaqaynaa walaalaha Soomaaliyeed ee isku dagaalaya gobolada dhexe inay joojiyaan xabada waayo gumaystaha ayaa raba inuu isku kaaya adeegsado waxaana ka codsanaynaa inay odayaasha ogaadana wiilasha dhalinyarada oo loo adeegsanayo waa kuwii cadowga naga difaacayay .

3-waxaan ugu baaqaynaa dadwaynaha ku dhaqan magaalooyinka uu gumaystaha ka dhigtay saldhigyada sida  Balanbal iyo Luuq inay ka dhiidhiyaan cadowga oo la dagaalaan gumaystaha iskana celiyaan makala jecla cadowga dhulka iyo dadka Soomaaliyeed ee waa inaad xanuujisaan.

3-waxaan cadaynaynaa inuu sharuud la ‘aan uga baxo dalkeena ciidamada Ethiopia iyo kuwa la socdaba noona daayaan Danaheena anaga ayaa isku filane.

5-waxaan ugu baaqaynaa kooxda jabuuti inay arkaan meesha ay u socdaan iskagana soo noqdaan inta ay goori goor tahay ayna bilaabin maanta in laisku adeegsado wiilashii shalay isku dhinaca ka soo wada jeeday.

6- waxaan alle casaawajale uga baryaynaa umada Soomaaliyeed sanadkaan 1430 ama 2009 inuu ilaahay ka dul qaado gumaysiga iyo dhibaatada ku habsatay. 
 

Waxaan cadaynaynaa in Isbahaysiga Dibuxoraynta Soomaaliyeed uu u dhashay in uu badbaadiyo dadka dalka iyo diinta Soomaaliyeed. Uuna u dhashay qodabadan 1- in uu waddanka qaaliga ah ka xoreeyo caddowga. 2-Wuxuu u dhashay in uu ummadda Soomaaliyeed gaarsiiyo xorriyad, horumar iyo caddaalad. Uuna ka harayn kana tanaasulayn inta uu ka xaqiijinayo hadafkaa. 
 

Kuxigeenka Xoghayaha Warfaafinta Asmara
Maxamed Xaashi Abdi
hashi66@hotmail.com

31/12/2008