Qaraxyo Ismiidaamin Ah Oo Axadii Lala Beegsaday Ciidamada AMISOM Ee
Fariisinka Ku Lahaa Ex -Jaamacdii Hore Ee Muqdisho
Qaraxyo ismiidaamin ah ayaa maanta ka dhacay xaruntii hore ee jaamacada umada ee
magaalada muqdisho halkaasoo fariisin u ah ciidamada Burundi ee ka tirsan
ciidamada nabad ilaalinta ee AMISOM .
Qaraxyadan oo ka koobnaa labo qarax ayaa la sheegay inay isku miidaamiyeen
naftii hurayaal islamrkaana ay sheegteen xoogaga ka dagaalama gudaha wadanka
soomaaliya ee Al-shabaab kuwaasoo ku weeraray ciidamada AMISOM .
Sidoo kale Afhayeenka Ururka Al -Shabaab Sh, Muqtaar Roobow Cali Abuu -Mansuur
ayaa saxaafada u xaqiijiyey in qaar ka tirsan ciidamadiisa ay weerar is
miidaamin ah ku qaadeen fariisin ka tirsan kuwa ay ciidamada AMISOM ku lahaayeen
xaruntii hore ee jaamacada umada .
Sh, Muqtaar Roobow Abuu Mansuur ayaa waxaa uu intaa ku daray in qaraxyadaasi ay
fuliyeen labo Mujaahid oo ka tirsan Xoogaga Al -Shabaab xili uu sheegay Sheekhu
in ciidamada Burundi ay ku guda jireen caabudida kaniisad Macmal ah oo gudaha
Jaamacadda ugu taala sida uu hadalka u dhigay.
“Labada qarax oo dhacay ayaa waxaa fuliyey mujaahidiinta dalka Soomaaliya oo
lagu fuliyay ilaahey Cadowgiisa ee ahaa niminkii dalka ku soo duulay taasoo ka
dhacday Jaamacadda Umadda,halkaasina illaahey cadowgiisa ayaa ku hoogay guulna
wey gaareen mujaahidiinta”Ayuu yiri sh,muqtaar rooboow .
Afhayeenka al-shabaab sh, Muqtaar ayaa kaloo shaaciyey magacyada ragga qaraxyada
gaystay islamrkaana tilmaamay inay ahaayeen mujaahidiin isagoo ku kala sheegay
magacyada Axmed Sh, Doon Wahaliye Siidow oo uu sheegay in uu galay meel
ciidamada AMISOM ay kaniisad ku caabadi jireen,iyadoo xiligaasi kadib uu ku
xigsaday Mursal C/nuur Max’ed Cali oo Shikshigaaye ku magac Dheeraa kaas oo
watey gaari walxaha qarxa laga soo buuxiyay islamarkaana la galay afafaafka hore
ee Jaamacadda Umadda.
Dhinaca kale Afhayeenka Ururka Al- Shabaab Sh, Muqtaar Roobow ayaa waxaa uu
carabka ku adkeeyey inay sii wadi doonaan weerarada is qarxinta iyo kuwa ay sida
tooska ahba ugu weerarayaan ciidamada AMISOM inta ay dalka soomaaliya isakaga
baxayaan .
Si kastaba ha ahaatee lama oga khasaaraha dhabta ah ee ka dhashay qaraxyadan
isadaba jooga ahaa ee ismiidaaminta ahaa ee lala beegsaday ciidamada Burundi ee
fariisinka ku leh ex-jaamacadii hore ee umada kuwaasoo gil giley agagaarka
deegaankaasi iyadoo uuro iyo qiiqna laga arkayey gudaha jaamacada ee ay degan
yihiin ciidamadaasi
yaasiin maxamed faytin
yaasiinfaytin@hotmail.com
Faafin: SomaliTalk.com | Feb 23, 2009