Dowlada Jabuuti Maxay Haadaanta Uga Tuurtaa Soomaaliya Mar Walba?
Asalaamu Caleekum
Bacda salaan
Walaalayaal waxaan rabaa hadii alle ii kaso inaan ummada Soomaaliyeed wax yar
xasuusiyo taas oo ah su'aashayda kor ku xusan .
sida aan la wada socono xorayntii dalka Jabuuti sanadkii 70kii(todobaanaadkii)
waxaa qayb libaax ah ka qaatay dowladii Soomaaliya oo markaa jirtay maanta
waxaan aragnaa inay noogu abaal guday dhibaatooyin iyo qasaaro aan mar walba
lakala saarin oo ah dhibaato ceel ka tuurta Soomaaliya ayadoo mar walba aysan
garan qaar ka mid ah bulshada Soomaaliyeed.
waxaa ah su'aal mudan muwaadin kasta oo Soomaaliyeed inuu is waydiiyo dowlada
jabuuti maxaan u dhinay.
marka aan ka hadlaya arimahaan yaan loo qaadan inaan ka hadlayo shacabka
walaalaheen ah ee reer jabuuti ee waxaan ka hadlayaa dowladii hore ee jabuuti
iyo mida maanta jirta.
1-waxaan la soconaa in wadankeenii dagaal sokeeya ka dhacay 1991tii markaa oo ah
bilowgii qabyaalada iyo dhibaatada ayaa allaha u naxariistee madaxwaynihii
waqtigaa jabuuti Xasan Guuleed Abtidoon waxa uu sameeyay shir ku qabtay
wadankiisa asagoo koox ka mid ah kooxihii markaa ku bilowday dagaalka wadanka ah
u qabtay shir.
a-kooxdaa oo ahayd tii cali mahdi hogaaminayay uuna u doortay Madaxweyne
Soomaaliya.
markaa waxay tahay su'aasha ah in la is waydiiyo maxuu xaqiray xasan guuleed
jawaabtu waxay tahay waxa uu xaqiray laba ilaa sedex waxyaabood oo markaa jiray
oo muhiim ah.
1-waxaa jira awood ciidan oon la qarin karin oo uu hogaaminayay Allaha u
Naxariistee Janaral Caydiid oo koonfurta awood buuxda ku lahaa kaas oo uu xasan
guuleed ka soo qaaday wax aan waxba ka jirin.
2-waxa kale oo uu qariyayay oo uu yiri lagumaba soo dari karo wadahadalka
Qabiilkii uu ka dhashay Alaha u naxariistee Madaxweynihii hore ee Soomaaliya
Maxamed Siyaad Barre kaas ooba ahaa kii asaga Xoreeyayay wadankiisa una dhiibay
xukunka.
3-Dad lagu yiri waxaad tihiin beelaha aan hubaysnayn ayaa ayagana shirka loo
diiday sida Allaha U naxariistee Dr. Raajis oo asagoo jabuuti jooga matalayayna
beelaha banaadiriga ah.
markii dowladii jabuuti oo markaa jirtay ay xaqirtay labadaa awoodood waxay
kaliftay in magaalada muqdisho ay ka dhacdo waxii la arkay oo maanta halkaa na
soo gaarsiiyay.
Taa kadib waxaa madaxweyne noqday Ismaaciil Cumar Geelle ayadoo Dowlad
Goboleedka Somaliland madaxweynaheedii Alaha u Naxariistee Maxamed Ibraahim
Cigaal uu qorsheenayo inuu walaalihiis koonfureed u qabto shirwayne la mid ah
kay ayaga ku heshiiyeen ayaa Ismaaciil afduubay oo UN uga dhawaaqay in
Soomaaliya uu shir u qabanayo taas oo aan saan aaminsanahay uu kala lahaa dano
dhaqaale iyo mid siyaasadeed.
maxaa ka soo baxay marka shirkaa uu qabtay Madaxweyne Ismaaciil.
1-waxaa ka soo baxay cilada ugu xumayd oo abid Soomaali soo marin taas oo ah
mida aanan waligeen ka faa'iidi doonin oo dhaxalkana noo ah waa 4.5
maxaa lagu xaqiray marka waxaa uu asana sidii adeerkiis xaqiray waqtigaa awoodii
nimankii hubka haystay waqtigaa oo loo yaqaanay Warlord oo ay ka mid ahaayeen
sida Cabdulaahi yuusuf,muuse suudi,Qanyare, Caato iyo rag badan oo noocaas ah.
marka taasna waxaan ka dhaxalnay dhibaatadii dhacday intii ka danbaysay dowladii
Cabdi qaasim oo samaysay SRRC kadib Embaghati ilaa wadanka lagu qabsado.
hadaba hada maxay sameeyeen tani Soomaaliyeey qaylo dheer ayaan waxaan ku
leeyahay waatii sedexaad.
maxaa laga faa'iiday tana sidii tii carta looga faa'iiday in tiro isla'eg in
laisugu daro taa oo 275+275=550 taas oo keeni doonta koox walba oo lala
heshiisiiyo in tiro is la'eg laga dhigo.
maxaa lagu xaqiray waxaa la xaqiray Mujaahadiintii Soomaaliyeed oo naftooda iyo
maalkooda u huray dalka iyo diinta intaba.
waxaa la xaqiray oo laga tagay rag ay ugu waawayn yihiin oo mudnaana ku leh
bulshada dhexdeeda sida Shiiq Muqtaar Roobow iyo Shiiq Xasan daahir.
tana Allaa Og oo qayb magaranayo balse saansaantu waxay leedahay jabuuti waxay
noo wadaa 6 sano oo danbe oo dib u dhac ah marka ummada Soomaaliyeed waxaan u
sheegayaa inay iska ilowda iskana ilaaliso Shirqoolada Jabuuti.
Wabilaahi towfiiq
Maxamed Xaashi
hashi66@hotmail.com
Afeef: Aragtida qoraalkan waxaa leh qoraaga ku saxiixan
Faafin: SomaliTalk.com | Feb 17, 2009
Daabaco
Boggan | Print
