Sheekh Shariif Sheekh Axmed iyo Noolashii awoowgiis Sheekh Maxamuud Sheekh
Muuse.
Madaxwayne Sheekh Shariif Sheekh Axmed marka aad maqasho magiciisa ama aad
akhriso noolashiisa waxaa kugu dhalanayo dareen ah in uu yahay shakhsi mudan
qadarin ixtiraam mudnaana ku dhax leh bulsha waynta Soomaaliyeed dhaxdeeda.
Hadaba marka aad la kulanto qof aqoon uleh madaxwayne Sheekh Shariif lana soo
noolaaday arinta macno dheeraad ah ayay yeelanaysaa. Akhristayaasha
Soomaaliyeedeey meelwalba oo aad joogtaan idinka oo mudan sharf waxaan jecelahay
in aan idin lawadaago ama aan idin baro shakhsi la soonoolaaday Sheekh Shariif
ilaa yaraantiisii asaga oo diraar u ah si amaano ay kujirto in uu diyaar uyahay
in uu umada Soomaaliyeed meelwalba ay joogto baro qofka uu yahay Madaxwaynaha ay
doorteen.
Maalindhawayto doorasahdii madaxwayne Sheekh Shariif kabacdi ayaa ilaahay wuxuu
qadaray in aan lakulmo muwaadin Soomaaliyeed haystana dhalashada wadanka
Newzland magiciisana layiraahdo Yusuf Macoow. Aniga iyo dhoowr ruux oo kale ayuu
Yusuf Macoow nooga sheekeeyay noolasha iyo shaqsiga uu yahay Madaxwayne Sheekh
Shariif Sheekh Axmed. Hadaba umada Soomaaliyeedeey gaar ahaan akhristayaasha
boga SomaliTalk.com Online waatan Yusuf Macoow tilmaantii uu kabixiyay
madaxwayne Shekh Shariif ee akhris wacan...
"Hadaan kuhormaro Sheekh Shariif awoowgiis oo layiraahdo Sheekh Maxamuud Sheekh
Muuse, Sheekh Maxamuud sida aan kawariyay Culimadadii iyo Mashaayikhdii lasoo
noolaatay waxay ii sheegeen in Sheekh Maxamuud oo ah Sheekh Shariif awoowgiis uu
ahaa "Sheekh lagu yaqaanay fidinta diinta Islaamka, sdioo kalane uu ahaa Sheekh
waqtigiisa oo dhan kubixiya dib uheshiisiinta, iyo kaalmada inta baahan ee
tabarta daran ". Yusuf Macoow wuxuu kudaray hadalkiisa "Aniga abtigay oo Sheekh
Maxamuud uu sheekh u ahaa ayaa ii sheegay "In uu Sheekh Maxamuud uu ahaa Sheekh
dadkii markaas lanoolaa ay jecelyihiin marwalbana uadeegi jiray dadka uu
lanoolaa".
Yusuf Macoow mar uu ka sheekeenayay kaalinta uu kaga jiray Sheekh Shariif
awoowgiis u adeegida bulshada asaga oo dhinaca kalana ahaa Sheekh diintana baro
dadka ayaa hadana uu ahaa Sheekh xaliyo khilaafaadka iyo mashaakilka ka
dhaxtaagan bulshada. Yusuf Macoow wuxuu tilmaamay "Abtigay wuxuu ii sheegay in
Sheekh Maxamuud dhamaan Shabeelada Dhexe laga yaqaanay, xiligaas uu noolaa
Sheekh Maxamuud Yusuf Macoow wuxuu tilmaamay "Abtigay wuxuu ii sheegay Xiligaas
uu noolaa Sheekh Maxamuud waxaa ka jiray Shabeelada Dhexe dagaalo ba'an oo
markaas udhaxeeyay labo beelood oo kamid ahaa beelaha dagaan ahaan dego
Shabeelada Dhaxe.
Yusuf Macoow waxaan waydiinay yay ahaayeen beelaha uu markaas dagaalka
udhaxeeyay ee Sheekh Maxamuud uu heshiisiiyay? Yusuf Macoow wuxuu sheegay asaga
oo yidhi "Abtigay wuxuu ii sheegay xiligaas asaga ah waxaa dagaalamayay oo jiray
dagaalo udhaxeeyay Beelaha Xawaadle iyo Beelaha Abgaal oo ku dagaalamayay
magaalooyin kamid ama xadka laba beeloow ay kawadaagaan Shabeelada Dhexe ayuu
yidhi Yusuf abtigiis.
Yusuf Macoow wuxuu noosheegay asaga oo kasheekaynayo Sheekh Maxamuud kaalinta uu
kaqaatay u adeegida bulshada ayaa Yusuf Macoow wuxuu nala wadaagay "Abtigay
wuxuu iisheegay "Haweeneey ayaa utimid maalin Sheekh Maxamuud asaga oo akhrinayo
cashar diini ah way sugtay ilaa uu casharkii kadhameynayay markii dhameeyay
caharkii ayay tiri "Sheekh Maxamuudoow dan ayaan kaaleeyahay, Waayayahay ayuu
ugu jawaabay gabarteey,. "Haweenaydii Sheekh Maxamuud waxay uga sheegatay
ninkeeda oo uu hada kahor kumehriyay Sheekh maxamuud, "Intii ay eeda
Sheeganaysay haweenayda Sheekh Maxamuud waa uu dhageeysanayay si uu ufahmo
haweenayda waxa ay kasheeganayso ninkeeda, Sheekh maxamuud wuxuu fahmay in
haweenayda ay kasheeganayso in ninkeeda ragnimadiisii ay yaraatay oo ay ragnimo
ku haysan, Sheekh Maxamuud Wuxuu kuyishi haweenaydii "Aan kuu deceeyee soo
ilaahay kaama siinin ilmo ayada oo haweenayda ay sadex ilmo udhashay ninkaas
asaga ah ee ay kadacwoonayso, "haa ayay tiri haweenaydii laakiin "Sedexdaas in
kabadan ayaan rabaa Sheekh Maxamuudoow ee ninkan iga fur wax rag nimo ah kuma
qabo ayay kutiri haweenaydii Sheekh Maxamuud.
Sheekh Maxamuud waa fikiray asaga oo kacodsaday haweenaydii iyo haween kale oo
magaalada joogo in loo soo aruuriyo, haweenkii ayaa loo soo aruuriyay Sheekh
Maxamuud, markuu uyimid haweenkii kubilaabay hadalkisa "Yaan uduceeyaa,
hadalkaas markii ay maqleen haweenkii ayaa inta ayna kajawaabin ayaa waxaa
gacanta taagtay haweenaydii udacwootay Sheekh Maxamuud oo tir "Sheekh
Maxamuudoow anaa ducadaada Qaadanayo ee iiducee". Kabacdi Sheekh maxamuud
haweenkii wuxuu amray in ay guryahooda iska aadaan asaga oo usheegay "Haweenaydaas
ayaa ducada maanta qaadatay". Yusuf wuxuu noo sheegay in asaga oo kawarinayo
abtigiis "Waxaa ilaahay uu siiyay ilmo farabadan haweenaydii asaga oo kasiiyay
ninkeedii ay kadacwoonaysay.
Sheekh Maxamuud Sheekh Shriif awoowgiis dowladii Aadan Cade Xiligeedii ayaa
wuxuu arkay in lagu tartamayo oo booska nin walbo uu rabo in kugaadho dan gooni
ah, dadkii kutartamay oo isla qooys ahaa ayuu isu gu yeedhay oo uu kuyidhi "Inta
idinka oo walaalo ah aad kutartamaysaan isku hal qooysna ah maad adeeryaaloow
isu tanaasushaan, way kagoows qabsadeen kabacdi Sheekh Maxamuud wuxuu sameeyay
qorti tuur in qofkii kusoobaxaa qortuurkaas uu kamid noqonayo doowlada. Ysuf
Macoow wuxuu noosheegay "Qori tuurkii uu markaas ameeyay Sheekh maxamuud waxaa
kusoobaxay Cali Mahdi asaga oo kacodsaday intii kale in ay uga haraan walaalkood.
Yusuf Macoow wuxuu tilmaamay "In uu ahaa Sheekh Maxamuud qof Muxsin ah oo wanaag
jecel, Qof Sheekh ah oo Diinta dadka baro, Qof nabadgalyada iyo dib
uheshiisiinta jecel ayuu yidhi Yusuf sida uu kasheegay Abtigiis.
YUSUF MACOOW IYO SHEEK SHARIIF.
Yusuf Macoow wuxuu tilmaamay in uu aqoon dheer uleeyahay madaxwayne Sheekh
Shariif. "Shariif meel ayaan kusoo wada barbaarnay, isku da'a ayaan nahay,
dagaalkii sokeeye kabacdi waxaan wada biloownay 'Ganacsi, Markaan aragnay
xaalada dalka uu marayo iyo dagaalada markaas jiray iyo in ay umada is qalanayso
ayaan Shaadooyin udirsanay wadanka Suudaan saan waxbarasho uga helno oo aan uga
baxno wadanka". "Ilaahay mahadii anoo maalin marayo Suuqa Bakaaraha waa 1992
ayaa nin igaranayay igu yidhi "war nin yahoow nin baa sacuudiga kayimd, waraaq
ayuu wadaa, waraaqdaana magacyo ayaa kuqoran oo ah arday laga soo aqbalay
wadanka Suudaan in ay wax kabartaan ee in aad kujirto ayaa laga yaabaa ee nakeen
anaa aqaano ninka meesha uu joogo aan utagnee". Yusuf wuxuu sheegay ninka in uu
kayimid wadana Sacuudiga laakiin waraaqda nin katagay Suudaan oo sacuudiga tagay
ayaa usoo dhiibay. "Ninkii ayaan utaganay waraaqdii ayuu natusay, magacayga iyo
Sheekh shariif ayaan kagartay, ninkii intii uu iidhabay waraaqdii ayuu igu yidhi
"Adeer adaa iga firaaqo roonee raadi ardadan si ay uga faa iidaystaan fursada".
Yusuf wuxuu yidhi "Halkii ayaan kabilaabay in aan raadiyo ardadii markaas ayada
ah majirin taleefano iyo meel laga wada xariiro."
"Lix arday ayaan helnay oo aniga iyo Sheekh Shariif aan kujirno, halkii ayaan
kasoobaxnay anaga oo soo marnay dhulka ilaa aan kagaarno Itoobiya oo aan uga sii
gudubnay wadanaka Suudaan. Yusuf Macoow ilmo ayaa kasoo daadatay marka uu
kasheekaynayay safarkii dheree ee ay kumareen xadka Soomaaliya iyo kii dheeree
ee xadka Itoobiya iyo Suudaan. "Maqsadkaanagu ama ujeedadaanadu waxay ahayd in
aan helno waxbarasho, wadankana aan kusoo laabanao marka aan waxbarashadaanada
dhamaysano." Yusuf tilmaan ayuu kabixiyay Sheekh Shariif oo safarka kula
wehliyay. "Sheekh Shariif waa shakhsi sabir badan nin ka adkaysi badan ma arag,
maalmo dhan oo aan wax cunin intaan jidka kusii jirnay wuxuu marwalba nagu lahaa
"Aan sabarno waa dhawnahaye, quraanka ayuu marwalba akhrisan jiray asaga aya
salada natujin jiray, ilaa aan Suudaan kagaadhno.
Yusuf Macoow Wuxuu tilmaamay "Nasiib wanaag Sheekh Shariif isla markiiba wuxuu
ugudbay Gobol oo markaas ay degnaayeen qooysas soomaaliyeed." "Mudo bilo ah
anaga oo Suudaan Joogno ayaa taleefan laga soo diray Kenaya Nayroobi ayada oo ay
noo sheegeen dadka soo hadlay in ay si dag deg ah loo gu baahan yahay Sheekh
Shariif. waxay noo sheegeen "In Sheekh Shariif uu yimaado nayroobi boos bixitaan
ah ama dhoofid ah ayaa loo hayaa ee si dad dag ah haku yimaado ayay nafareen
dadkaas ayaga ah ayuu yidhi Yusuf. "Anaga markaas waxaan joognaa Khartuum,
asagana Gobol fog oo layiraahdo "KURDUFAAN" "Fariintii waan gaar siinay anaga oo
kuboorinay in uu fursadan kafaaiidaysto maanta waana fursad qaali ah. "Yusuf
wuxuu yidhi "Sheekh Shariif wuxuu nagu yidhi war idhaafa dhoof marabee
waxbarashadayda ayaan iska sii wadanayaa". Yusuf marka uu noo sheekaynayay wuxuu
nagu yidhi "ilaahay miyuu adoomadiisa latashan ilaahay midan ayuu soo waday".
Yusuf Macoow wuxuu sheegay "Sheekh Shariif in uu kuxanuunsaday gobalkii oo ay
kaneeco kucuntay, kabacdi waa uu noo yimid asaga oo nooga soo gudbay wadanka
Liibiya oo halkaas uu waxbarashadiisii uu marwalba ku hami waynaa uu
kudhameeystay, Wadankiisii uu ku raja waynaa in uu wax u qabtana uu kulaabtay,
hadee intaas inta kadanbeeyso idinka ayaan idiin daynayaa maxaa yeelay "Markuu
wadanka tagay iyo dadaalkii uu bilaabay iyo maanta meesha uu joogo waan wada
aragnaa".
Yusuf Macoow waxaan waydiiyay rajada uu kaqabo in Sheekh Shariif kasoo baxo
xilka loo dhiibay Yusuf wuxuu yidhi "Sheekh shariif kaliye ma'aha inaga oo dhan
ayaa maanta waajib nawada saaran yahay, in aan garab istaagno, unaseexayno,
latanino, waa walaakaan, . "Shakhsi uga haboon in Soomaaliya ay maanta hogaanka
uqabto oo umada isku keeni karo majiro oo uga haboon Shariif ayuu yidhi Yusuf. 'Waxaan
si walaaltinimo ah uga codsanayaa qalbi furan walaaladay kasoo horjeestay
Shariif in ay sugaan, markuu yimaado ay uyimadaan ay lafadhiistaan ay
waydiistaan waxwalba oo ay tabanayaan. maxaa yeelay aqoon ayaan uleeyahay Sheekh
Shariif "markaad wax ushagaysid wuu ku dhagaysan, wuuna kugu soo jawaab celin".
"Umada Soomaalieed labaantankii sane ee lasoo dhaafay rajadii uga wanaagsanayd
ayaa aan haysanaa maanta, ilaahayoow rajadaanada ha seejin ayuu yidhi Yusuf oo
ay kamuuqatay dareen ah in uu naxdin kaqabo walaalkiis uu garanayay oo maanta
qabtay xilkii uga sareeyay in uu gudan waayo xilkaas. Yusuf Macoow wuxuu yidhi "Waxaan
soo xasuustay markuu Rasuulka NNKH kuyidhi ABUUDAR ALQAFAARI "Abuu dariyoow
waxaad tahay qof tabar daran, masuuliyadana waa amaano, maalinta qiyaamana waa
lagu waydiin" Yusuf wuxuu yidhi :Sheekh Shariif waxaan udardaarmayaa "Walaaoow
qofwalba oo kaa soo horjeesta, kumucaarado, utag, lafadhiiso, hub kawanaagsan oo
la adeegsado maanta majiro in aad tiraahdid qofwalba "Walaaloow". ayuu yiri
Yusuf Macoow
Akhristayaal kaasi wuxuu aha Yusfuf Macoow oo tilmaan kabixinayay Sheekh Sahriif
iyo noolashiisii awoowgiis Sheekh Maxamuud.
Xiish Cadaawe,
Australia.
xiish3@hotmail.com
Faafin: SomaliTalk.com | Feb 6, 2009
|