Madaxweynaha Soomaaliyeed Oo Meerto Noqon Doona Armaad Mooday
Maal Aad Dhaqdoo Lagugu Maagaayo - Waraysi Maxamed Saleebaan
Bootaan (gaadh-haye )Yaasiin maxamed faytin
yaasiinfaytin@hotmail.com
Waxaa waraysi
dheer oo dhinacyo badan taabanaya aan la yeelanay siyaasiga
soomaaliyeed ee Maxamed Saleebaan Bootaan (gaadh-haye ) waxuuna
u dhacay sidan
S/ Sidee u aragtaa Isku darka Parlamaanka Tfgda iyo Isbaysiga ee
Madaxweynaha u doortay Sheekh Shariif Sheekh Axmed.
J/ waxaan ka rajaynaynaa khayr saadaal badana kama bixin karo
waayo arimo badan ayaa jira, Waxaana ka mid ah Feragelinta
Caalamku sida ay ka yeesho Dhismahan, Raʼislwasaraha uu soo
magacaabo iyo Xukumadda uu soo dhiso iyo sida Soomaalidu ula
shaqayso Dhismahan Cusub.
S/ Ma waxay kula tahay Dhibaatada ugu wayn ee Dowlad
Soomaaliyeed ka u dhismi wayday in ay ugu horayso Fara gelinta
Caalamka?
J/ Haa sidaas ayaan u arkaa in ay ugu horayso iyo dadka
Soomaaliyeed oo weli ka daba wareegaya wixii ay ku baʼeen oo aan
waxba u soo kordhinayn oo aanay wax horumara samaynayn .
Su/ Dowladaha aad is leedahay way ugu horeeyaan Faragelinta
Soomaaliya kuwee ayaad ka tilmaami kartaa ama ugu horeeya.
J/ arintaasi tilmaamis uma baahna dadka soomaaliyeedna waa xog
ogaal waqtigan oo waa ka dheregsan yihiin in ay ugu muhiimsan
tahay Dowlad laʼaanta iyo dhibaatada dalka ka dhacaysa in ay
inta badan Faragelinta Dibadda iyo siday ugu kala horeeyaan.
Su/ Caalamku illaa 15 ayey u qabteen Soomaalida waxayna
leeyihiin Soomaalida iyadaan waxba Qabsanayn marka eedda aad u
soo jeedinaysaa maxay tahay?
J/ Dadka Soomaaliyeed waqtigan waa ka dhereg san yahay waxa
Caalamku taray iyo waxa uu yeelay arintaas aad sheegtayna waxay
u arkaan Murtidii ahayd Baadida Ninbaa kula daydaya daala kaa
badane oo aan doonahayn inaad heshana daayin abidkaaye.
Su/ Caqabada ugu waaweyn ee aad is leedahay waxay ka hor
imanayaan dhismahan cusub ee Djbuti lagu soo dhisay maxaa ugu
waaweyn?
J/ Waa badan yihiin waayo dhulka soomaalidu wuxuu ku fadhiyaa
637.657 Km2 marka
27.6 km2 waxaa ka taliya Somaaliland 32.46 km2 waxaa ka taliya
ururka Alshabaab 24.15 km2 waxaa ka taliya Puntland iyo Maamulka
Galmudug 15.79 km waxaa ka taliya Maxakamadaha oo ah qaybo meelo
kala gaar ah kala Taageersan. Iyo faragelinta dibadda hadii aan
wax iska bedelin arimaas oo dhami waa caqabado waaweyn, tusaale
ahaan Shirkii Carta waxaa ka qaybgalay Bulshada Soomaaliyeed oo
dhan siyaasiin, Culimo, Aqoon yano madax dhaqameedka
Soomaaliyeed oo dhan waxayna ka socon wayday ka hor imaadkii
Maamulada Puntland, Somaliland iyo Hogaamiye Kooxeedyadii Xamar
kala gobo goobaystay. Shirkii Kenya wixii ka soo baxay 2004kii
waxay ahayeen wax 24 hoggaamiye Kooxeed iyo baalashoodii soo
samaysteen Bulshada Soomaliyeedna raali kama ahayn mana soo
dhowayn sababahaas ayeyna u shaqayn wayday.
S/ Sidee u aragtaa Barlamaanka tiradiisa laga dhigay 550 xubnood
iyada o Barlamaankii TFG o ahaa 275 uu waqtigiisii ku dhamayey
muran iyo is qabqabsi oo ay ku kala taageersanaayeen
khilaafyadii Joogtada ahaa ee madaxdii TFGda.
J/. Waa arin dhib badan soomaaliya oo dadkeeda lagu qiyaaso 7-8
milyan ahna dalka adduunka manta ugu faqrisan in barlamaan
intaas leʼeg loo sameeyo iyada oo 550 xubnoodna ay u badan
yihiin ama la oran karo 95% maha dad u bisil shaqada ama Xilka
barlamaanimo marka ma aha arin caawinaysa soo nolaynta
Dowladnim,adii Soomaaliyeed waxaanna u malaynayaa inay ka
khilaaf badan doonaan kii TFGda.
Su/ miyanay u muuqanayn Dadka soomaaliyeed oo aad ugu suxul
duubayey helitaanka kuraasida Barlamaanka arimahan aad sheegtay?
J/ Waxaan u malaynayaa in ay garan karaan oo ay u muqato marka
duruufona waa iska jiraan dadka soomaaliyeedna waxay ku
qamaamayaan helid kursi aan loo sahamin meeshii lagu fadhiisan
lahaa iyo sidii ummadda loogu shaqayn lahaa uuna u noqon lahaa
kursi sharaf leh.
Su/ Dhowaan maamulka Puntland wuxuu Doortay Madaxweyne Cusub iyo
Madaxweyne ku Xigeen ma kula tahay in ay wax ka bedelayaan wixii
ka jiray maamulka Puntland iyo sidii ay u maamulayeen madaxdii
ay Bedeleen?
J/ ma filayo in ay qoladan cusubi wax is bedel ah keenayaan oo
awalba ka mid bay ahaan jireen Mamulkaas soo jiray meeshaasina
waa meel Musuq maasuq, Cadaalad daro Maamul xumi,Burcad
Badeed,dad intii halkaas laga qaado badaha lagu daadiyo iyo wax
u qabad laʼaan bulshada ku can baxday marka ma garanayo sida ay
wax isaga bedalayaan.
Su/Maamulka Puntland Waxay sheegeen in haddii ayna iyagu qorin
Xubnaha ka gelaya Isbahaysiga Barlamaanka ee deegaankooda ka soo
jeeda ayna aqoon sanayn wixii halkaas ka soo baxa arinkaasi ma
yahay mid Puntland xaq u leedahay?
J/ maya wax xaqa uma laha Puntland waxay tiraahdaa waxaanu nahay
Dowlad Goboleed ka tirsan Dowladda Federalka markaas iyaguna
dowlad goboled ma aha ee waa Maamul ay ku heshiiyeen Beelaha
halkaas dega Dowlad federal ah oo Soomaaliyeedna ma jirto ee
Hoggaamiye Kooxeedyadii Hoggaaminayey Shirkii Embagathi Axdigii
ay soo dhigteen ayaa wuxuu sheegayaa in Soomaaliya lagu dhaqi
doono Nidaamka Federaalka Markii Dastuur la sameeyo dadkana Cod
laga qaado intii Dowlad goboleed isla ogolaataana is raacdo
taasina ma dhicin,Maamulka Puntlandna Dowladdii Carta lagu soo
dhisay oo ay ka qayb galeen Isimada reer Puntland iyo dhammaan
Bulshada Puntland waxaa ka hor yimid Maamulkii oo uu markaas
Madax ka ahaa Cabdillahi Yuusuf Axmed heshiiskii Beelahaasi ku
heshiiyeena wuxuu ahaa in uu Maamulku yahay in Dowlad
Soomaaliyeed lagu sugo.Shirkii Dalka Kenya lagu qaybtay 2004
lagu soo dhisay TFG waxaa aan si aan kala har lahayn ugu
ololaynayey Maamulkii Puntland ee uu Cabdillaahi Madaxda ka ahaa
Puntlandna Burbur ayey ku sigatay Maadaama dhaqaalhii ka soo
baxayey loo xawili jiray Kenya, Markaas haddalada hadda ka soo
yeedhaya Maamulka Puntland wuxuu u eg yahay Gabay abwaan
Soomaaliyeed tiriyey oo ay ku jirtay Madaxweynaha Soomaaliyeed
oo Meerto noqon doona armada mooday Maal aad dhaqdoo lagugu
magaayo.marka haddii ay dhisanto dowlad Soomaaliyeed
Puntland,Soomaaliland iyo cidii kale ee wax sheeganaysaaba waxay
ka mid noqon doonaan Jamhuuriyada Soomaaliya haddii taa la
waayana iyaga iyo kuwo kaleba maamulo ayey samaysan.
S/ Ma kula tahay haddii nin ka soo jeeda Puntland Raʼiisal
wasaare lagu magacaabo waa ka noqonayaan hadalkaas ka soo baxay?
J/Horta Somaliland iyo Puntland wuxuu ku dhow yahay kala badh
dhulka soomaaliya dadka tirade Soomaalidana waxaa lagu qiyaasa
in ay ku nooshahay 44% markaas ma qurux badnaanayso in Sadexda
kursi ee ugu sareeya Dalka laga qadiyo Soomaliland iyo
Puntlandba.
Su/ Ugu Dambayntii Sidee u aragtaa Codayntii doorashada
Madawaynaha ee 30 Bishan ka dhacday Dalka Jabuti ee uu ku
guulaystay Sheekh Shariif Sheekh Axmed?
J/ Hadii aan soo qaato labadii isku soo haray waxay iigu
muuqatay in Shekh Shariif Sheekh Axmed ay ahayd arintiisu mid
laga soo shaqeeyey, ninka kale oo Maslax maxamed Siyaad waxay
ahayd mid ku timid qiimayn ay u arkeen Mudanayashii Codka
Bixinayey,
Yaasiin maxamed faytin
yaasiinfaytin@hotmail.com