- Jaaliyada beesha Habargidir ee Barriga iyo Bartamaha Afrika
oo taageertay madaxweyne Shariif
- Golaha Wadatashiga iyo Midnimada Beelaha Isirwadaagta
Jaberji.
Jaaliyada beesha Habargidir ee Barriga iyo Bartamaha Afrika
oo taageertay madaxweyne Shariif
Jaaliyada beesha habargidir ee bariga iyo bartamaha Afrika ayaa
maanta kulan ay ku yeesheen magaalada Nayroobi ku taageeray
madaxweynaha cusub ee dowladda KMG Soomaaliya Sheekh Shariif
Sheekh Axmed.
Gudoomiyaha Jaaliyada Axmed Salaad Caynte oo bayaanka ay soo
saareen u aqriyey warfidiyeenada, iyadoo bayaankuna uu u qornaa
sida tan:-
BAYAAN AY SOO SAAREEN JAALIYADA BEESHA HABARGIDIR EE BARIGA IYO
BARTAMAHA AFRIKA
Anagoo ah Jaaliyada Habargidir ee Bariga iyo Bartamaha Afrika
waxaan la socod siinaynaa Beesha Caalamka, Qaramada Midoobay iyo
dhamaan umadda Soomaliyeed meel kasta ay joogaan inaan si buuxda
u taageersanahay dowladda uu madaxda ka yahay Sheekh Shariif
Sheekh Axmed taasoo ah mirihii ka dhashay shirkii Jabuuti ee
mudada dheer socday waxaana rajaynaynaa dowladda inay gudato
waajibaadka ka saran Diinta, Dadka iyo dalkaba kuna soo dabaasho
dalka Soomaaliya nabad iyo xasilooni waarta soona celisa magacii
ay Soomaalida ku lahayd caalamka.
Waxaan ka codsanaynaa wiilashayada, walaalahayada, muqaawmada
iyo dhamaan inta kasoo qayb qaadatay halgankii dib u xoraynta
dalka inay dhigaan hubka una soo jeestaan sidii ay u fulin
lahaayeen ujeedooyinkii halgankooda oo ahaa sida tan:-
In la helo sinaan iyo cadaalad ku salaysan diinta Isaamka.
In la helo nabad waarta.
In dib loogu soo celiyo dadkii ka barakacay guryahoodi.
Waxaan ka codsanaynaa beesha Caalamka, Qaramada Midoobay,
Jaamacada Islaamka, Midawga Afrika, Midawga Yurub iyo dhamaan
hay'adaha dawliga ah iyo kuwa aan dawliga ahayn in taageero dhab
ah lala garab istaago dowladda iyo dadka Soomaaliyeed.
Kulankaan ayaa waxaa goob jog ka ahaa odoyaal dhaqameed,
culumaa'udiin, waxgarada, ganacsato iyo siyaasiyiin kasoo jeeda
Jaaliyada Barriga iyo Bartamaha Afrika ee Beesha Habargidir.
Abdulkarim Mohamed Jimale (Muhsin)
Muxsin55@gmail.com
Tel: +254-727965067
Nairobi - Kenya
Golaha Wadatashiga iyo Midnimada Beelaha Isirwadaagta
Jaberji.
Annagoo ah Golaha wadatashiga iyo midnimadda Beelaha Jabarji oo
wakiil ka ah Bulshada deggan degaanada Puntland, Jubba land,
Geddo, G/galgaduud sare, iyo degmooyin ka mid ah gobolka bakool
( Yeed iyo Ceel berde ).
Ku: Ergeyga Qaramada Midoobey u qaabilsan Soomaaliya.
Ku: Urur Goboleedyada IGAD, Arab legue, Islamic Organization,
AU, and EU.
Ku: Safaaradda mareykanka ee Jabbuuti
Ku: Madaxweynaha dawladda Jabbuti
Ku: dhammaan Diblamaasiyiinta Dawladaha ee joogo shirka dib-u-hishiinta
Ee Jabuuti.
Og: Maamul Goboleedka Puntland
Og:Isimada Isirwadaagta Beelaha Jaberti
Ujeeddo: BAAQ
Annagoo ah Golaha wadatashiga iyo midnimadda Beelaha Jabarji oo
wakiil ka ah Bulshada deggan degaanada Puntland, Jubba land,
Geddo, G/galgaduud sare, iyo degmooyin ka mid ah gobolka bakool
( Yeed iyo Ceel berde ).
Ka dib shir ay yeesheen golahaasi oo lagu falan qeeyey xaaladda
guud ee wadanka soomaaliya iyo shirka dib u heshiisiinta
somaaliyeed ee ka socda dalka Jabbuuti is markaana aan dib u
dheehaney hannaanka geeddi socodka nabadda ee somaaliyeed
iyaddoo aannu soo qaadaney waxyaabihii tariihkiga ahaa ee ay soo
martey arrita nabadda iyo dawladnimadda soomaaliyeed ilaa
xilligii gobonimadoonka soomaaliyeed waxaa noo soo baxey
arimahaan.
· Markaan dib u eegney laga soo bilaabo xilliyaddii kala duwanaa
ee gobonimodoonka soomaaliya iyo dhammaan shirarkii kala
duwannaa ee xilligii burburka sida shirarkii ( Jabbuut 1,2,3,
Imbigaati/eldoret ) waxaa noosoo baxdey in dadka deggan
degaanadan kor xusani aaney aheyn dad ka ay wax ka socon waayeen,
is la markaana markastaba danaynaayey Midnimadda, Madaxbanaanada,
Qaranimada iyo xal u helidda arrimaha soomaaliya, kana
tanaasulayey xuquuqda beeleed si loo gaadho midnimo qaran oo
huwan kalsooni. Tusaale waxaan u qaadan karaa : 1) Beelahani
waxey sharraxeen laddii Madaxweynihii ee ugu horeeyey ee
xilligii daakhiliga iyo xorriyaddii (c/laahi ciise iyo Aden C/dulle
Osman ) oo ka mid ah beelaha soomaaliyeed, sidoo kale beelahani
waxay aqbaleen caasimadda kowaad iyo labaad inaaney noqon
dagaankooda.
· Waxaad wada ogtihiin 1991dii burburkii qaranka soomaliya waxey
beelahani ahaayeen beelaha sida khaaska ah ay ugu dhacayeen
barakaca iyo isir xasuuq oo ay u geysteen beelaha soomaaliyeed
oo aan u kal hadhin xiligaas oo aaney ka hadlin beesha caalamku
iyo cidkaletoona, hadana beeshu ay hayd beelaha ugu xasiloon
degaankooduna uu marti geliyey beelihii dhibaatada u geestey oo
si takoor laa’aan ah ugu noolyihiin illaa iyo hadda, taasina ay
tusaale u tahey midnimo jaceylka beesha .
· Marka dib loo Milicsado taariikhda shirarka xal u helidda
dhibaatada soomaaliya meesha ay beelahani ka taagnaayeen waxaa
marag ma doonto ah in beelahan hadafkoodu uu ahaa midnimo qarran
oo Soomaaliyeed sidii loo heli lahaa, una doorteen shirarkii
Jabuuti1iyo Jabuuti 2 Madaxweynayaashii Cali Mahdi iyo C/qaasin
salad, iskana reebtey in ay u tartamaan Madaxweynanimadda
Soomaaliya xiligaa.
· Waxaa kaloo xusid mudan suurta galnimada iyo mira dhalinta
shirkii imbigaati ee lagu soo dhisey dawladda federalka ay
beelahani ahaayeen beelaha u dhabar adeygey gogoshii nabadda
soomaliyeed una hurtey waqtigoodii iyo maalkooddiiba si
soomaaliya u soo ceshato sharafteedii iyo karaamadeedii.
· Halbeegga soomaaliya wax ku qaybsato 4.5 ma aheyn mid xaq ku
ah beelahan hase yeeshee beelahani waxey u aqbaleen sidii xal
loogu heli lahaa is maan dhaafka siyaasadeed.
Hadaba, iyaddoo beelahani tariikhdaa u leh midnimo jaceylka
soomaaliya, oo ah kuwo aan la dafiri karin, Golaha wada tashigu
markuu dhageystey go’aanka dawlad goboleedka Puntland ee ku
wajahan shirka Jabbuti, markii ay la teshadeen hogaamiyaasha
dhaqanka iyo maamulada kala gedisan ee Gobollada iyo Degmooyinka
kor ku xusan, markii uu tixgeliyey talooyinka Jaliyadda debadda,
markuu tixgeliyey talooyinkii xubnaha baarlamaanka iyo
siyaasisiinta beelaha, islamarkaana dhegeystey dareenka ururada
bulshada ee isirwadaagta ah waxuu go’aan ku gaadhey arrimahan
soo socda
:
1. In shirkaasu yahey mid aan ka tarjumeyn dareenka iyo
maslaxadda soomaaliya isla markaas u muuqdo maamul loo dhisayo
beelo khaas ah, oo aan lagu tilmaami karin mid soomaalidu
wadaagto, haddii aan wax laga bedelin qaabka uu hadda u socdo ay
Masuuliyadiisa qaadi doonto Cidii soo Abaabushay Shirkaan
2. In xilka Madaxweynaha ee soomaaliya ee xilligan uu yahey
saamigii ay beelahan ka heleen shirkii imbigaati laguna soo
doorankaro sidii ay usu dhaxleen labaddii guddomiye ee
baarlamaanka iyo labadii raysal wasaare.
3. In xubnaha baarlabaanka lagu kordhinaayo aanney noqon kuwa
loo soo xulo beelahan, aneyna u aqoonsaneyn beehani kuwa iyaga
metela.
4. Waxaan cambaaraynaynaa wax laga naxo oo laga xumaadna ah in
Ergayga Qaramada Midoobay Axmed Walad Cabdala uu jeclaystay in
Ummada Soomaaliyeed aysan ka bixin dhibaatada ay hadda ku
jirto,rabana Dagaal Sokeeye oo danbe inay ku noqoto Isagoo
Eegayo Danihiisa Qaaska ah
5. Waxaan Beesha Caalamka u sheegaynaa inaan la inkiri karin
talada ay beesha ku leedahay Madal kasto oo ay Soomaali
aayaheeda uga tashanayso
6. Ugu danbeyn waxaan usoo jeeedineynaa xubnaha baarlamaanka ee
Dawladda federalka ah eek u meel gaadhka ah, haddii aaney la
fulin taladda beeleha jabarti, iney ka soo baxaan shirka dib u
heshsiinta ee Jabbuuti.
7. Waxaan Ummada Soomaaliyeed kula dardaarmeynaa inay Gacmaha is
qabsadaan oo Midoobaan kana fiijignaadaan Fidnada iyo isku dirka
cusub ee lagu soo dhex wado Umadda Soomaaliyeed.
Sidaadarteed, waxaan beesha caalamka la socodsiineynaa haddii
aan la tixgelin dareenka iyo soo jeedinta Beelahan kor ku xusan
iyo maamuladooda sida Puntland inaan wixii halkaas ka soo baxa
laga aqoonsan doonin dagaannada ay lee dahey beelahani, isla
markaasna halkaa ay ku afjarantey waxii Imbigaati ay Soomaalidu
ku heshiisey, muqdishana aysan aheyn caasimadda Soomaliya, ayna
noqon doonto magaala madaxda Soomaaliya meesha ay soomaali ku
heshiiso waqtiga ay habboonaato.
WABILAAHI TOWFIIQ
GUDDOOMIYAHA GUDDIGA FULINTA GOLAHA WADATASHIGA ISIRWADAAGTA
JABARTI
DR. C/QAADIR GEELLE KANEEC
golahawadatashigajabarti@yahoo.co.uk