QALINJABINTII JAAMACADA BARIGA AFRIKA QAYBTA GAALKACYO (EAST AFRICA
UNIVERSITY-GALKAIO CAMPUS).
SAWIRRO:
Sawirada Qalinjebinta Halkaan ka daawo....
Taariikhdu markay ahayd 29/01/2009 waxaa magaalada Gaakacyo ee xarunta Gobolka
Mudug kadhacday xaflad balaaran oo looguqabtay arday ka qalinjabisay Jaamacada
Bariga Afrika (EAST AFRICA UNIVERSITY) qaybteeda Gaalkacyo. Munaasibadaan waxay
ahayd mid si gaar ah loo xasuusandoono ama taariikhi u noqondoonta umada
Somaaliyeed gaar ahaan Gobolka Mudug, taasoo noqotay munaasibadii ugu horaysay
ee Jaamacad Gobolka Mudug ama Gaalkacyo kutaala oo arday ka qalinjabisay
looqabto.
Xafladaan waxaa kasoo qaybgalay dadwayne aad iyo aad ufarabadan oo iskugujiray
Maamulka D. G.P., aqoonyahano, Ganacsato, Isimo iyo dadwayne aad ufarabadan.
Dhamaan dadkaas waxaa wajiyadooda kamuuqday farxad aad iyo aad looga akhrisanayo
in ay kufaraxsanyihiin xafladaan taariikhiga ah, waxaa sigaar ah farxadi uga
muuqatay ardaydii qalinjabisay, waaridiintoodii iyo waliba eheladoodii.
Jaamacada Bariga Afrika waxaa magaalada Gaalkacyo laga aas aasay sanadkii 2006.
Jaamacada hadda waxaa si toos ah ushaqeeya 4 qaybood oo kala ah, Caafimaadka,
Computer Science , Luuqadaha, iyo kuliyada shareecada iyo Daraasaadka Islaamka.
Qaybta Caafimaadku waxay ukalabaxdaa labo qaybood oo kala ah: Nursing iyo
Medical Laboratory Technology, muddada waxbarashada Caafimaadku wuu ahaan jiray
labosano, laakiin hadda sanadka 2008/2009 waxaa laga dhigay sadex sano. Computer
Science wuxuu ukala baxaa asna labo qaybood: Diploma halsano ah iyo Degree 3
sano ah (Bachelor of Computer Science). Ardayda hadda qalinjabisay waxay kakala
yimaadeen qaybta Caafimaad iyo kuliyada Computer Science, caddadooduna waa 40
arday, 20 Computer Science ah iyo 20 Caafimaad ah.
farxaan yaasiin mire <isqootax@hotmail.com>
Faafin: SomaliTalk.com | Feb 2, 2009
Daabaco
Boggan | Print
