Madaxweynaw yaad Madaxweyne u tahay?
Cabdiqani
makhtal Maxamed
Cabdiqanimakhtal@hotmail.com
Doorashadii Madaxtinimadda Soomaaliya ee ka socotay Wadanka Jabuui ayaa waxa
ay Guushii ku raacday Shiikh Shariif Shiikh Axmed oo ahaa Hugaamiyaha Ururka Dib
u xoraynta Soomaaliya balse maalinimadii shalay ahayd Burburay sida uu
Madaxweyne Shariif ku sheegay Khudbadii Caleema saarkiisa, Guushan ayaa kolkii
horeba la saadaalinayey iyadda oo xubnaha Baarlamaanka qayb ka mid ahi ay
ahaayeen ARS-ta uuna hugaamiye u ahaa Shariifku hase-yeeshee Maslax Maxamed
Siyaas Barre ayaa laga filayn marnaba in uu gaadho kaalinka labaad waxase ay ku
tusaysaa in shacabka Soomaaliyeed ay wali qalbiga ku siihayaan Madaxweyne Siyaad
Barre
Shiikh Sariif Shiikh Axmed waa nin dhalinyaro da'diisuna waa 42 sano jir waana
madaxweynihii ugu yaraa ee Soo mara Soomaaliya, Shariifku waa nin aan lahayn
Aqoon Maamul oo durugsan, waana Nin Aftahan ah sidoo kalana is Rogrog
siyaasadeed oo badan laga arkay intii uu MaslaxaSiyaasadda soo fuulay 2004
Madaxweyne Shiikh Shariif waxa uu Guulo badan ka soo hooyey Muddo lix bilood ah
oo uu Maamulayey inta badan Gobaladda Soomaaliya wakhtigaas oo uu Gudoomiye u
ahaa Midawgii Maxkamadaha Islaamka waxana Shariifka waagaas laga bartay in uu
yahay Gees Dagaal yahan ah waxana uu waagaas dhiiri galin weyn siin jiray
Dhalinyaradii u dagaalami jirtay oo uu Dagaaladda qaar la gali jiray markii ay
is hayeen Ururka Argagaxiso la Dirirka
Inta Badan Gobaladii ay Xukumi jirteen Maxkamaduhu una badnaa Koonfurta
Soomaaliya oo ay la dageen Dagaalo Sokeeye iyo Burcad qawlaysato ah ayaa ay
Nabad ku soo dabaaleen waxana dib u soo noqday isku socodka Gobaladda ay
xukumeen Maxkamaduhu uuna hugaan u ahaa Madaxweyne Shariif Shiikh Axmed,
shacabka Soomaaliyeed ayaa waxa ay lixdaa bilood ee Maxkamaduhu jireen ku
sheegaan in ay u dhigan tahay 60 sano
Nabadii iyo Xasiloonidii kaliya kuma aysan ee kayn balse waxaa ay bilaameen Wada
hadal iyo dib u heshiisiin beelaha Somaaliyeed ee Koonfurta degan iyo waliba
Dhaq dhaqaaq Ganacsi oo xor ah oo ka bilawday K.Soomaaliya inta badana Dibadd
jooga Soomaaliyeed ayaa dib ugu soo laabtay Muqdisho si ay u maalgashadaan oo
kala horarsanayey Suuqyadda Muqdisho
Ka dib Dagaalkii aan geed ku gabadka lahayn ee ay Itoobiya ku soo qaaday
Maxkamadaha sidoo kalena ay ku qabsatay inta badan Soomaaliya ayaa sababtay in
Shiikh Shariif iyo Saaxiibadiisaa markaas galaan Duurka Gobaladda Jubooyinka
balse balse Shariifku kuma uusan waarin sida Abu Maansoor iyo Xasan Turi oo
kale, waxaana jirtay talo aan la isla ogayn in uu Wajeer ku tagay dawladaha
Maraykanka iyo Kenyana isku dhiibay taasina waxa ay sababtay kala shaki iyo kala
fogaansho Urur Diimeedyadii Maxkamadaha ku bahoobay
Madaxtinimadda Shariifka iyo Xoogaga ka soo hor Jeeda
Xoogagii la soo hooyey Guulaha aynu kor ku soo sheegnay maanta waa isku dab iyo
baasiin midna midka kale bixin maayo, Shiikh Xasan Daahir Aweys oo ay isku
dhawaayeena waa qofkii ugu horeeyey ee Mucaaradda, Shiikh Maxamed Cabdi Umal oo
ka mid ah Culimadda Soomaaliyeed kuwa ugu Cilmiga badana ayaa dhawaan Magaaladda
Nairobi waxa uu si kulul u dhaliilay Culimadda Joogta jabuuti uuna ka mid yahay
Madaxweyne Shiikh Shariif , Culimadda Soomaaliyeed badan kooda ayaa Shiikh
Shariif u arka in uu yahay Mujrib weyn oo ku gabanayey Markii hore Diinta
Islaamka
Mucaaradda Shariifku kuma koobna oo kaliya Culimadda Soomaaliyeed ee waxaa kala
oo jira Ururadda Hubaysan ee Diinta sida Alshabaab, Jabiso, Raaskabooniyiin IWM
in ay ka soo horjeedaan Dawladda Shariifka ayna khatar tahay in uu dagaal culus
oo diimeed ay xaaladda Soomaaliyeed isku rogto, waxaana Guul daraystay Culimadii
dhex dhexaadinta oo aantalo faro ugu jirin sidoo kalana inta badan koonfurta
Soomaaliyana iyaga ayaa gacanta ku haya Xildhibaanadda iyo Madaxweyne Sharifna
sida ay u tagaan baaba adag
Puntland iyo Somaliland
Labadan Maamul ee is xiga waxa ay ku dhawaaqeen in aysan taageersanayn waxa ka
soo baxa Shirka Jabuuti sidoo kalana aysan Cidba u dirsanayn, Puntland waxaa ka
soo jeeday Madaxweynihii iscasiley Cabdilaahi Yuusuf Axmed sababihii uu isku
casiley ee ay Nuur Cadde isku maan dhaafeena waxaa ka mid ahaa Shirka Jabuuti oo
uu u arkayey hal Beeli in ay wadato, waxaana adag sida Maamulka Cusub ee
Puntland oo uu dardaar adag uga tagay Madaxweyne Yuusuf ay u hugaansaaan
Madaxtinimadda Shiikh Shariif
Somaliland waxa ay sheegatay mar hore in ay ka go'day Soomaaliya inteeda kale
sidoo kalan waxa ka socda Koonfurta iyo Puntland aysan u oolin mar Madaxweyne
Riyaale la weydiiyey Shirka Jabuutina iyo mas'uuliyiinta jooga in uu la kulmay,
waxa uu sheegay hadii Somaliya yeela to hal Madaxweyne oo ay u wada dhantahay in
ay la hadlayaan balse inta isbarbaryaaca dhibaatadda badan jirto aysan
shirarkooda iyo wada hadalkoodaba u oolin
Siyaasadda Dibadda ee Madaxweyne Shiikh Shariif
Siyaadda Arimaha Gudaha ee Madaxweynaha Cusub waa taas aynu ka soo sheegaynay
balse Siyaasadiisa Dibadda ayaa ah mid uu taageero balaadhan ka haysto ka dib
tanaasulaad badan oo uu beesha Caalamka u sameeyey ayna ka mid tahay balse waa
Madaxweynihii ugu horeeyey Aduunka oo aan Caleema saarkii hal madaxweynana uusan
ka soo qayb galin abid,Madaxweyne Shiikh Shariif waa nin ay beesha Caalamka ku
kalsoon tahay ahna qunyar socod laakiin Gudaha dalka Soomaaliya taageeradiisu
waa ay sii tirtirmaysaa, sida uu ula dhaqmo Wadamadda Dariska ahna waxa ku
xidhan kalsoonida uu ka helo Kooxaha Hubaysan
Dawladda Itoobiya oo ah Dalkii ku soo duulay Soomaaliya, shacabka soomaaliyeedna
ay aaminsan yihiin Xukuumadda Melez aysan Diyaar u ahay Dawladda Soomaaliyeed oo
dhalata, Dawladda Masar iyo Eleteriya oo markii horeba taageero balaadhansiiyey
Shariifka ayaa waxa ay taageeradoodu ku xidhan tahay sida uu Itoobiya u la
dhaqmo
Siyaasadii Arimaha Dibadda ee Shiikh Shariif waa mid aad u waangsan hadii uusan
wax xidhiidh sokeeya ah la yeelan Dawladda Itoobiya waxaana macquul ah in uu
Taageero balaadhan ka helo Xoogaga hubaysan qudhooda balse Cadaadiska Melez iyo
soo dhaweynta uu durba muujiyey waxa ay tahay Qar iska xoor
Maxaaa La gudbon Madaxweyne Shiikh Shariif
Madaxweyne Shiikh Shariif Shiikh Axmed waxaa horyaal Amuro Adag oo waa weyn una
baahan in sida ugu dhakhsiyaha badan loo taabo galiyo, Shiikh Shariif Shiikh
Axmed waxaa loo doortay in uu dalka Soomaaliya oo ay ka taagan yihiin
Dhibaatooyin Bini Aadaminimo iyo waliba Amaan daro, Kooxaysi in uu Mideeyo hal
dalna ka soo saaro oo xasiloon
Xoog iyo is maquunis hadii la isku qabsan karo Itoobiya ayaa Cabdilaahi Yuusuf
Dalka u qaban lahayd balse Talaabadda ugu Haboon waxa ay tahay in uu Tanaasulaad
iyo is qancin la yimaado si qolyaha ka soo horjeeda ay soo dhaweyn uga helaan,
Magacaabista Raysulwasaare Soomaaliyeed oo bulshadda kalsooni ku leh, sida uu ku
sheegay Khudbadiisii Caleemasaarka Mr Shariif waxa uu ku tilmaamay Raysulwaasare
Tayo leh in uu soo magacaabi doono, Raysulwasaaraha iyo Xukuumadda uu soo dhisi
dooni sida ay shacabka Soomaaliyeed ugu dhadhamaan aysana noqon kuwa hore ugu
cusbaa amase aan wax qabad hore lahayn
Aabuuridda Ciidamado Soomaaliyeed oo tayo leh sugana Amniga Soomaaliya sidoo
kalena hela Baahiyaha ay u baahnaayeen ayaa looga bixi karaa dhibka jira,
Soomaaliya maanta uma baahna Ciimadami shisheeya waxana ay Abuurayaan Dagaaloa
iyo Mashaakilaad hore waana in uu Madaxweynuhu ka saaraa kuwa hadeer jooga si uu
taageero uga helo shacabka Soomaaliyeed
W/Q
Cabdiqani Makhtal Maxamed
Cabdiqanimakhtal@hotmail.com
cmkahtal@hotmail.com
Faafin: SomaliTalk.com | Feb 2, 2009
Daabaco
Boggan | Print
