Boosaso College oo ay Maalgelinayso Hay'adda Muslim Aid oo Boosaso lagu dhagax dhigay.

Munaasabada dhagax dhiga Boosaso College oo ka dhacday Boosaso ayaa waxa ka soo qaybgalay Masuuliyiin ka socota Dowlada Puntland,Hay'adda Muslim Aid iyo Marti sharaf kale.

Gudoomiyaha Golaha Degaanka ahna Duqa Boosaso C/risaaq Xareed Ismaciil oo dhagax dhiga sameeyay ayaa kadib hadalo uu halkaasi ka soo jeediyay u Mahadceliyay Muslim Aid iyo Dadaalka Waxbarasho ee ay ka wado Magaalada Boosaso.

Duqa Boosaso waxa uu sheegay inay taagersanyihiin cid walba oo Waxbarashada Degaanka hormarineysa balse uu codsanyo in Dadweynaha loo khafiifiyo qiimaha lacageed ee laga qaado.

Maxamed Cali Faarax oo ka socday Muslim Aid oo hadalo kooban ka soo jediyay Munaasabada dhagax dhiga ayaa ka warbixiyay Boosaso College iyo qaybaha kala duwan ee uu ka kooban yahay.

Mr: Maxamed Cali Faraax waxa uu hoosta ka xariiqay in Musilm Aid ay gacan ka siineyso Reer Boosaso sidii waxbarashadooda kor loogu qaadi lahaa.

Munaasabada dhagax dhigay oo ay ka soo qaybgaleen Dadweyne badan ayaa dhamaantoodba waxay u riyaqeen dhismaha Boosaso College ee la bilaabayo.