prime minister Nuur cadde hadal wanaagsan wax ma kuu wehliyaan ?
Ilaah baa awood iska leh , nabigeenii suubanaa muxamed csw nabadgalyo
iyo naxariisi korkiisa ha ahaato aamiin aamiin aamiin .
Akhiyareey asalaamu calaykum .
Afka hadal ka soo baxay aduunyada dhamaanteed kama bi'iyo oonkee
oksoonoow, runta lagama hiishee asaageen ma raacnaa , ereyadaa oo runtii
aan ka soo minguuriyey hees aad u wanaagsanayd oo berisamaadkii ay ku
luqayn jirtay fanaanaddii xaliima magool naxariistii janno alaha siiyee
, waxeey heestu tilmaamaysay sida aysan bulsho baahideeda wax qabad
hadal wanaagsan oo lays yiraah aanu tacabkeeda wax soo saar ama
nabadgalyo waxba ugu biirinayn, oo ay tahay waxa loo baahan yahay wax
qabad ficil leh , arimahaa weeye dulcda hadalkayga aan doonayo inaan pm
Nuur cadde ku weydiiyo aragnay inaad tahay shaqsi aad u hadal wanaagsan
aad u miisaaman ,og baaxadda dhibaatada umadda gaartay ,waxaad u
muuqataa mas'uul barnaamij qorshaysan wata waana middaa rajada yar ee
igu tiri hadalka wanaagsan nuur cadde tolow wax ma ' u whehliyaan .
Nuur cadde mr brime minister dadka intiisa badan waxeey leeyahiin inkaar
oo idil waa dhimo , waxaa ku macne noqonaya dhibaatada somaliya haysata
oo idil waa ETHIOPIA (tigree) oo duliga jiraa oo idil aabaha u ah, sidee
marka rabtaa in duligaa oo socda oo xamar yuurura inaad noqoto shaqsi
hadaladiisa wanaagsa la sii aamino ?...
Koleey hadal wanaagsan in uu wax daweeyo mooyee marna fidno ma biiriyo ,
runtii marka nuur cadde laga faloonayo shaqsiyadiisa dadku kuma qaybsana
in uu yahay shaqsi aad u wanaagsan ,laakiin waxaa durba kugu soo
dhacaysa sidee shaqsi fiican loo soo xushay? , maxeey ka wadaan ?.
miyaa nala wareerinayaa ?, mase waxuu noqonayaa sifihii waa hore la oran
jiray dhurwaaga ciya iyo kan aamusan kee daran .?
Su'aalahaa jawaabtooda waxeeey ka soo baxayaan safarkiisaan cusub ee uu
pm nuur cadde xamar ku yimid , waxaana si weyn isha loogu hayaa go'aanka
uu ka qaadan doono warloryada xamar weli ku haray oo saxiibadoodii hore
laga faaruqiyey dawladda , waxaa mr nuur cadde lagu qiimaynayaa sida uu
awood ugu yeesho in uu xoriyadiisii u soo celiyo Axmed diiriye cali
afhayeenkii odayaasha dhaqanka beesha hawiye.
Dadka qaar baa oranaya maxaa nuur cadde durba mortarka loola dhacay oo
maa odayga hadalkiisaa wanaagsan waxa uu xanbaarsan yahay laga warsugo ,
oo xaata la baxnaaniyo safarkiisaan cusub oo ah markii ugu horeeysay
xamar intii xilkaan uu qabtay , laakiin fakradaas waxaa si weyn uga xoog
badan kuwa qaba awalan xabad joojin ma dhicin , xasuuqii shacabkuna
maalmahaan ayuuba ugu darnaa , oo anaga iyo vila somalia asxaan nama
dhax-yaalo , waana xaruunta uu fadhiyo jeneral gabre iyo odayga
dhaqtarka jira ay isku taleefoon warsadaan sidii xasuuqa , bara kicinta
iyo dhaca intaa looga sii badin lahaa .
Runtii waxaan si leeyahay shaqsiyadda nuur cadde hadii aan isla garanay
in uu yahay shaqsi ilaa xad wanaagsan waxaa suurtagal ah in uu haysto
damaanad ku tiri sidaa u shaqee , asaguna koleey markii la soo xulanayey
wuu iska eegay barnaamijka loo soo dhiibay waana taa rajada aan ka qabo
mr nuur cadde in uu daaqad yar inoo furay .
Waxaa muuqata in saaxiibo badan oo arimaha somalia wax ka qori jiray ay
ka gaabsadeen faalada mr nuur cadde oo dadka qaar waxeey is leeyahaan
yaan lagu dag-degin ninkaa faaladiisa ,qaarna waa reer buthland oo
waxeey u arkaan ninkaan nin khatar ku ah taladii socotay iyo hawlahii
ayaga iyo xabashida ka dhaxeeyey ,kuwa kalana waxeey weli la jiraan
warloryada xamar dadka ku gumaada oo waxeey u cabsi qabaan in uu xilka
ka qaado waxeeyna isku qanciyan xilkaan waxaa naga qaadi kara maraykanka
oo anaga waxaa na magacaabay la dagalanka argagixisada .
Ilaaheey uun weeye midka garan kara xalka somaliya iyo goorta uu
saldhigan doono , waxaana hubaa hadaan la xoojin dagaalka lagula jiro
cadawga xabashida oo aan cadawga dharbaaxyo xoog leh loo gaysan in aan
xalka somalia marna ku imaanayn si sahlan ama hadal layska yiraahdo ,
xataa hadalka waxuu cadawgu ogolaanayaa marka la xanuujiyo , waxaan
qoraalkayga ku soo xirayaa hadalka wanaagsan ee mar nuur cadde waa hadal
u baahan in lagu daro sida wqtiga dhaw u noqonayo mid fula (bractical)
,waxaana hubaa in asaga iyo mr yuusuf aysan wada joogi karin ,geedina
loo darsan maayo wabilaahi tawfiikh Afeef: Aragtida qoraalkan waxaa leh
qoraaga ku saxiixan
Bashir Dirie | bdirie@hotmail.com
Afeef: Aragtida qoraalkan waxaa leh qoraaga ku saxiixan