Nuur Cadde oo ay garoonka Muqdisho kusoo Dhoweeyeen Saraakiil
Itoobiyaan ah, Markii uu tegey Villa Somaliyana lagu garaacay
Madaafiic...
- Waddooyinka magaalada Muqdisho oo la xiray ka hor intii uusan
Col. Nuur Cadde iman Muqdisho...
Maanta (Axad Jan 20, 2008) waxa garoonka magaalada Muqdisho ka degey
ra'iisul wasaaraha DFKMG, col. Nuur Cadde, xilli ammaanka aad loo
adkeeyey. Waxaana garoonka kusoo dhoweeyey saraakiil Itoobiyaan ah oo ay
weheliyeen Maxamed Dheere, Cabdi Qaybdiid iyo Warsame Darwiish.
Col. Nuur Cadde waxaa safarka ku weheliyey qaar ka mid ah golihiisa
wasiirada. Waana markii ugu horeysey oo uu tago Muqdisho tan iyo markii
loo magacaabay ra'iisul wasaaraha, isagoo ka soo duulay Baydhabo.
Col. Nuur Cadde oo saraakiil soo dhoweyneyso:
Muqdisho, Jan 20, 2008. Sawirka Reuters
Col. Nuur Cadde markii uu tegey Muqdisho waxa uu sheegay in uu wax ka
qaban doono xaaladda ammaanka ee Muqdisho.
Isla galabnimadii maanta (Jan 20, 2008) ayaa madaafiic lagu garaacay
xarunta Villa Soomaaliya oo uu ku sugan yahay Col. Nuur Cadde, xilli
halkaas ay ka socdeen xaflado soo dhoweyn ah. Lama oga khasaaraha ay
geysteen madaafiicdaasi ay soo ridayeen kooxaha iska caabintu.
Canug dhaawac ah oo lagu wado gaari-dameer, Jan 17,
2008, Muqdisho. Sawirka: reuters
Muqdisho waxaa toddobaadyadan ka socdey xasuuq ay ciidamada Itoobiya
ku hayaan dadka shacabka ah. Dadka Soomaaliyeedna waxay rumaysan yihiin
in DFKMG in ay tahay maqaar saar aan waxba ka qaban karin dhibaatooyinka
ay Itoobiyaanku kuhayaan dadka shacabka ah. Maarka la weydiiyo su'aalo
la xiriira xilliga ay Itoobiyaanku dalka ka baxayaana madaxda DFKMG waa
ka warwareegaan jawaabtaas maadaama ay magan dalkooda ugu yihiin
Itoobiyaanka.
Wiil Soomaaliyeed oo ku dhex lugaynaay waddo
lafaaruqiyey
Wadadaas oo mar ahaan jirtey wadooyinka ugu camiran Muqdisho.
Jan 10, 2008. Sawirka: Reuters
Booqo Bogga
DoodFuran ee Ra'yiga Dadweynaha...
Wararkii saakay hoos ka akhri:
Ciidamada dowlada federalka KMG oo saakey xiray qaar ka mid ah
wadooyinka magalada Muqdisho.
Ciidamada dowlada federaalka KMG ah ayaa saakay xayiraad ku soo rogey
qaar ka mid ah wadooyinka magaalada muqdisho, xilli la hadal hayey in
wafdi uu hogaaminaayo R/wasaare Nuur Cadde ay soo gaarayaan magaalada
Muqdisho.
Wadooyinka saakay la xiray aayaa waxaa kamid ah wadada Makka
Al-Mukarama, wadada isku xirta Airporitiga ilaa KM-4 iyo kuwo kale.
Wadooyinka la xiray ayaa halbowle u ahaa dhanka waxbarshaa iyo ganacsga
magaalada Muqdisho, iyadoo dhamaan ardeydadii wax ka baran jirtey
dugsiyada ku yaala agagaarka KM-4 aysan aadin goobihii waxnbarashada.
Saakay ayaa waxaa howl gab ah wadooyinkani, hase ahaatee waxaa jira
gawaaridii istimaali jirtey wadooyinkaasi oo bilabay inay maraan
wadooyin qardo jeex ah, inkastoo dadka rakabaabka ah ee raacayey
gawaaridaasi ay cabsi iyo walwal ka qabeen maritaanka wadooyinkaasi
qardo jeexa ahi.
Si kastaba ha ahaatee wararka qaarkood ayaa sheegaya sababaha loo xiray
wadooyinkaasi inay tahay in la filayao wafdi uu hogaaminaayo raisul
wsaare Nuur cadde oo dhawaan ku soo food leeyihiin magaalada Muqdisho.
Abdulkarim Mohamed Jim'ale
Mail:muxsin55@hotmail.com
Daabaco
Boggan | Print
