INKA BADAN 60 SOOMAALI AH OO HABEENKII LABAAD KU HOYANAYA
SALDHIG POLICE-KA K/AFRIKA.KADIB MARKII DAD CARAYSAN EEY BOOBEEN ILLAA 40 TUKAAN OO EEY KU
GANACSANAYEEN AYAA RAG SOOMAALI AH OO 60 KOR U DHAAFAYA EEY
MAALINTII LABAAD SI MAGANGALYO AH UGU HOYONAYAAN SALDHIG
POLICE-KA OO KU YAALA TUULADA JEFFREY'S BAY, K/AFRIKA. IYAGOO
HOY LA'AAN AH.
Arrintani ayaa ka dambeeysay kadib markii nin soomaali ah uu
toogasho ku diley ilmo 15 jir ah isku dayay in uu hilbo bacaysan
kala cararo tukaankiisa, dhimashadii wiilkana eey sababtay in
kumanaan dadweyne caraysan eey cagta mariyaan dhamaan
ganacsiyadii soomaalidu tuulada Jaffrey's Bay ee loo fasax tago,
gobolka eastern cape , K/Afrika. ugu yaraan illaa 40 tukaan ayaa
lagu boobey falka dadweyne oo eey saraakiisha ku tilmaameen (mob
justice), sida uu ii xaqiijiyey gudoomiyaha jaaliyada soomaalida
gobolkaasi Qaasim Boosh, ku dhawaad R1.5 milyan lacagta dalkani
hanti gaareysa eey ku baaba'dey.
"dadka deegaanka waxay kula taliyeen soomaalida ineeysan soo
laaban,hadii eey soo laabtaane wixii kasoo gaara iyaga ayaa
mas'uul ka ah" ayuu yiri Priscilla Naidu oo ka tirsan police-ka
dalkani oo saxaafada la hadlay, ugu yaraan labbo qof oo soomali
ah oo ninkii falka geystay uu ka midyahay ayaa xabsiga ku jira,
maxkamadna la keeni rabaa maalinta jimcaha ah, hey'ada xaquuqda
aadanaha u dooda ayaa cambaareysay dhacdadani, kuna sheegtay fal
midab takoor ah, balse la daandaansaday.
C/nasir saxansoxo. somalitalk.com, johansburg
GANACSIYO ILLAA 50 GAARAYA OO EEY SOOMAALIDA LEEDAHAY OO
DADWEYNE CARAYSAN EEY CAGTA MARIYEEN DALKA K/AFRIKA.
DALKA K/AFRIKA DAD CARAYSAN AYAA CAGTA MARIYAY ILLAA 50
GANACSIYO SOOMAALI LEEDAHAY, KADIB MARKII NIN SOOMAALI AH UU
TOOGASHO KU DILEY NIN DADKA DEEGAANKA AH OO TUKAAN UU JOOGEY KA
DAFAY 2 BAC OO HILIBKA DIGAAGA AH.
Arbaca: Jan 16, 2008: Abaaro 4:30 galabnimo ayaa nin dadka deegaanka u dhashay uu
tukaan nin soomali ah leeyahay kala caracaray labbo bac oo ah
hilibka digaaga dalkani si weyn looga cuno, hase yeeshee inta
uusanba dhowr talaabo la dhaqaqin ayaa ninkii soomaliga ahaa oo
bastoolad ku hubeysnaa uu toogasho labbo xabadood ku diley
ninkii hilibka dafay, isla markiiba waxa goobta yimid ciidamada
nabad sugida iyo gawariga gargaarka degdega ah ee Dhuudhaada loo
yaqano oo meydka ninkii meesha ka qadey, halka police-ka eey
guda galeen baaritaano arrinta ku saabsan, balse sida uu qadka
taleefoonka iigu sheegey gudoomiyaha jaaliyada soomalida dalkani
SASA qeybteeda gobolka Eastern cape mudane Qaasim boosh cali oo
goobta markiiba tagay, police-ka oo tiro ahaan dhanaa 25 xubnood
ayaa xakamayn waayay kumanaan dadka deegaanka ah oo eey carradu
eey madax martay, abaaro 2dii fiidnimana cagta mariyay dhamaan
tukaamadii eey soomaalida tuuladasi ku lahayd si rabshado iyo
mudaharadyo wadata, tirada tukamada la boobey ayuu iigu sheegey
illaa 50 tukaan oo ahaa dhamaan kuwii meesha eey soomaalidu ku
lahayd, ma jirto wax dhaawac iyo dhimasho ah oo soomaalidu soo
gaaray, illaa 60 soomaalida tukaamada laga boobey ah ayaa si
magangalyo doonimo ah xalayto ugu hoyday saldhiga police-ka
kadib markii eey lafahooda u baqeen, Qaasim ayaa intasi ku daray
in qasaaraha maliyad ahaan ka dhashay meesha eey ku qayaaseen
illaa R1.5 milyan lacagta dalkani ah.
Qaasim Boosh Cali, oo sii hadlayay ayaa yiri 'markii aan meesha
qeylo dhaan iiga timid ugu tagay, oo aan damcay in aan xaalada
galo oo aan dhexdhexaadiyo, nafteydii ayaa halis gasahy, oo
dadweyne caraysan ayaa igu soo xoomeu soomaali ahaan oo damcay
ineey burburiyaan muraayadihii gaarigii aan ku joogey, police-ka
ayaa illaah ii bixiyay oo iga badbaadaiyey meesha", wuxuu
intaasi ku daray in police-ku eey xabsiga u taxaabeen illaa 2
qof soomaali ah oo midkood uu uu yahay ninkii dilka geystay, oo
usaan magaciisa ii sheegin, halka ninka kale eey police-ku
xireen isagoo tacshiirad ku ridaya dadweynihii caraysnaa ee
damacsanaa in eey tukaankiisa boobaan, magaciisan wuxuu iigu
sheegey jibriil maxamed adoon. , Qaasim Boosh ayaa balan qaadey
in eey xaalad gali donan oo isla maantaba eey soo damiinan
doonan raga xiran, kana shaqayn doonan sidii dib u dajin loogu
samayn lahaa dadka soomalida ee bara kacay, oo ugu yaraan dib
eey ganacsiyadooda u bilaabi lahaayeen.
Waa dhacdaddii 5aad oo dad soomaali ah lagu boobo ganacsiyo
tiradan leh mudoo 2 sanno gudahood ah, tii ugu dambeysay ee isla
gobolkani ka dhacday, waxay dhacday qudha hal sanno ka hor
maanta, waxayna ka dhacday tuulo aan taniba ka fogeyn oo lagu
magacaabo Matherwell, sababtuna waxay aheyd wiil arday 15 jir ah
oo dadka deegaanka ah oo ku dhintey tacshiirad eey is
weeydaarsanayeen dad ganacsato soomaaliyeed ah iyo burcad
hubeysan oo rabtay ineey tukaanka dhacdo, isla gobolkaasi
tuulada Nasna aya sidaasi kaale sanad iyo billo ka hor eey dad
caraysani boobeen, sidoo kale dad caraysan ayaa tiro tukaamo
soomaali eey leedahay boobey magaalada Khutson oo ka tirsan
gobolka barwaaqo sooranka ee Gauteng, balse markani rabshaduhu
waxay ahaayeen kuwo dowlada looga soo horjeeday, sidoo kale
bishii august 2006dii magaalada cape town tuulo ku taala oo la
yiraahdo Masipuleli, oo dhacda Marajal-baxreynka ayay dad
caraysani boobeen 70 ganacsi oo eey soomali leedahay. sidoo kale
tan iyo intii eey bishani sanadka cusub bilaabatay dhowr dhacdo
oo dad ajaaniib ah ganacsiyadooda lagu boobey ayaa dalka ka
dhacday oo eey saxaafadu tabisey, dadkani ayaa u kala dhasahy
dalalka Muzambique iyo Zimbabwe laguna eedeeyey in eey si qaldan
u dileen dad deegaanka u dhasahy iyagoo tuugonimo ku eedeynaya.
Sikastaba ha ahaatee ururada iyo jaaliyadaha soomaalida sida
SASA oo kale ayaa inta baddan ku guuleysta in eey xaliyaan
arrimaha noocan oo kale ah, iyagoo kaashana dowlada iyo
hey'adaha an dowliga aheyn , balse sida uu leeyahay Axmed dowlo
oo xog-haye guud ka ah SASA waxaa sii kordhaya walwalka ey ka
qabaan badqabka dadka soomaalida ah ee dalkani ku nool, oo uu
yiri maalin kasta dalka xuduudihiisa ayay soo talaabayaan,
iyagoon talo bixin wanaagsan ka qaadan xaalada meelaha eey
galayaan ayay galaan meelo halis ah oo xittaa police-ka eeysan
ka howl galin ayuu yirri dawlo, wuxuu sheegey in dadka eey heyso
wacyi la'aan iyo meel wax looga sheego, sidaasi darteedna eey
iminka hawada galiyeen website lagu magacaabo SOMALIA.CO.ZA oo
uu yiri howl ayaa ku socota, ujeedkun uu yahay in dadka
soomaalida ah lagala hadlo oo laga wacyi galiyo .
DoodFuran:
Jawaabaha Dadweynaha..... Guji...
C/nasir Axmed sh. (saxansoxo), Email:
saxansoxo1@hotmail.com
, Tell: +27767059384.