Reer-galbeedku waxay ay ka qoreen kiinya
http://www.timesonline.co.uk/
FAAHFAAHIN KOOBAN
horta anigu hadda waxaan nasiib u yeeshay inuu Ilaahay iga badbaadiyo
wixii nairobi ka socday waxaana hadda joogaa magaalada gaarisa ee
gobolka soomaalidu degto, waxaana halkaas korsaar ku ahay dad saaxiibo
aannu ahayn oo aan wakhti dheer macruuf wada ahayn (ceeshoo milix).
waxaa kaloo magaalada yimid soomaali badan oo ka soo qaxaya
magaalooyinka mombasa iyo nairobi kuwaas oo hadda ku sugan gaarisa,
waxaana idiinka soo qaadi doonaa sawiro iyo wareysiyo aan doonayo inaan
ka soo diyaariyo dhibkii ay kala kulmeen dagaalka ka bilowday khilaafkii
ka yimid doorashooyinkii sanadkii hore dhacay oo illaa hadda aan la
xalin.
haddaba maxaa soo kordhay tan iyo intii dagaalkan hadda socdaa bilowdeen
muddo 12 cisho ah ka hor??
ninka mucaaradka hogaamiya ee la yiraahdo odhinga oo ka dhashay beesha
luo wuxuu soo gudbiyey labo sharuud oo adag oo uu yiri baa samatabixin
kara kiinya
1. inuu kibaki oo ah madaxweynaha hadda joogaa kursiga ka dago walibana
qirto inuu doorashooyinkii ku shubtay
iyo
2. in doorashooyin cusub la qabto
labada sharuud waxay muujinayaan kalsoonida ay qabaan mucaaradku waana
adag tahay sida xal uga iman karo jawiga cusub ee dalka kiinya la soo
darsay maadaama dagaalka hadda fiday yahay mid adag sida loo istaajin
karo walibana weheliso aarsi xoogan oo hadda ka socda galbeedka kiinya
halkaas oo ay kikuyadu ka aarsaneyso gumaadka loogu geystay boqolaal
dadkooda ah oo kaniisadaha lagu gubay oo ay ka mid ahaayeen caruur
badan.
marka walow ay jiraan wada-hadal socdaa, waxaa hubaal ah in labadaas
sharuud ee uu odhinga hor dhigay xukuumadda kibaki tahay mid wakhti
dheer qaadan doonta in la aqbalo, inta ka horeysana dilka iyo dhacu sii
fidi doono.
dadka qaarkiis waxayba leeyihiin, haddii uu meesha kibaki joogo iyo
haddii kaleba micno weyn oo ay suubin doontaa ma jirto waayo waxaa socda
dagaal qowmiyadeed oo hadda u gudbay waji cusub kaasoo xawaaraha uu ku
socda dadajineyso burburka kiinya.
maanta waxaa guryaha lagala baxayey dad badan oo la laayey, dadkaasina
waxaa ay ku kala nool yihiin meelaha loo yaqaano nakuru, naivasha,
nanyuki, narok iyo waliba kitale halkaas oo lagu ugaadhsanayo odhinga
beesha uu ka dhashay.
waxaa intaas weheliya oo hadda taagan arin cusub oo soo baxay oo la
leeyahay waxaaba ka dambeeyey dowladda kiinya kuna suubin jirtay
maalgalin ka hor intii aaneysan doorashooyinku dhicin waana
miliishiyaadka loogu yeero mungiki kuwaas oo ahaa kooxo guryaha kala
bixi jirey odhinga taageerayaashiisa laguna eedeeyo inay masuul ka
yihiin dilalkii nayroobi ka dhacay bilihii u dhexeeyey june illaa
diseembar.
si ay taas uga jawaab bixiyaan ayaa luwaduna waxay suubsadeen
maliishiyaad cusub oo iyaguna lagu magacaabo TALIBAN ayaa waxay si aan
caadi ahayn oo xawli ku socdo u dileen tan iyo doraato 30 ka tirsan
nimanka ugu caansan ee kikuyu ka dhashay ee nairobi degan waxaana ka mid
ah ninka la yiraahdo mudegu kiarie.
jamaal caateeye
jamaal.caateeye@gmail.com
wariye madaxbanaan
gaarisa, soomaaliyaFaafin: SomaliTalk.com | Jan 9, 2008