Xisbiga Ramas PPP, Puntland waxay ka dhimatay madax iyo majo labadaba.


waxaa muuqta in xaalada Puntland ka sii darayso hadaan shacabku is daba qaban, waayo madaxna malaha oo waa kuwa cadaawada iyo nacaybka ka kala dhex abuuray umadii isjeclayd ee Reer Puntland majana ma lahan oo waxaa lugaha haya dad gaar ah.

Xisbiga Ramas hadafkiisa guud waa in ay ilaaliyaan jiritaanka dhulka loo yaqaan Puntland si aan loo sii kala qayb-san, sidoo kale waxaa Ramas PPP, ay markasta ka hadlaan waa cadaalad darada iyo musuq-maasuqa ama boobka lagu hayo hantida umadda.

Ninkasta wuxuu gatay 3 gaari oo ah nooca loo yaqaan Layla Calaawi, Qasri weyn oo uu dhistay iyo 50 malayshiyo beeleedkiisa ah oo uu suuqa ku xaragoodo isagoo aanba xataa geyin in il xun lagu eego iskaba daa in la dilo ama la handado .

Hatida Shacabka Reer Puntland waxaa kala goosta shaqsiyaad aad u baahnaa oo ay iminka ugu horaysay xarafka taabso ama maxaa cuntaa iyo musuq-maasuq.

Magaalada Garoowe ee Caasuumada u ah Puntland ayaa xaafadihii waxay iminka ku talo jiraan in ay samaystaan ciidamo madani ah oo ilaaliya naftooda iyo maalkooda, ka dib markii Booliiskii gudan waayeen hawshoodii shidaal ay baabuurta ku shubtaan awgeed, mushahaar iskaba daa oo awalba waxay ku shaqayn jireen tabarucaad iyadoo ay sidaasi jirto shacabka hadana canshuur kuma baaqato, wxaa sidoo kale muuqata in Cadde Muuse markuu Cali Cabdi Awaare oo ay isku hayb yihiin uu u buurayey wasaaradiisa ugu daray gobolada taasina waxay meesha ka saartay wada shaqayntii barasaabada iyo gudoomiyaasha degmooyinka ama maayarada.

Iminka waLi waxaa muuqata in Cadde Muuse uusan wax isbedel ah ku samayn golihiisii wasiirada waayo dhamaantood wuu soo celiyey isagoo u magacaabay boosas kale taasina waxay meesha ka saartay xoogey aaminaad ah oo uu Cadde Muuse ka helay shacabka ka dib isku shaandayn aan lagu qanac-sanayn, wuxuu sidoo kale ka wareejiyey wasiirkii ugu shaqada badnaa wasaarada waxbarashada oo uu ka tuuray halkii Siciid Maxamed Raage ka caal-waayey.

Waxyaalaha loo aanaynayo bedelada Axmed Siciid Awnuur ayaa shacabku aad u danaynayaan.

Ugu damayn Xisbiga Ramaas wuxuu canbaaraynayaa dadka amni-xumada ka wada guud ahaan Puntland wuxuuna ugu baaqayaa in shacabku aysan danta guud u baa bi'in mid shaqsiyadeed.

Ramas wuxuu ugu baaqayaa dhalinyarada af-duubka ku haysata gabdhihii u shaqaynayey umada ee hay'ada MSF in ay si degdeg ah ku sii dayaan oo shuruud la'aan ah, waxaana ugu baqaynaa dhamaan waxgaradka, hogaanka dhaqanka, culuma u diinka iyo dhalinyaraduba in ay ka qayb-qaataan arintaan foosha xun ee aan cidna raali ka noqon karin.

Hay'adaha waxaan ugu baaqaynaa in ay ilaaliyaan shuruucda dalka u degsan aysana siday doonaan ka yeeli karin dadka iyo dalka waxaana u sheegaynaa in hadii hay'aduhu isku haleeyaan dowladaan musuq-maasuqa iyo maamul xumada ka bixi weyday oo ku daydaan ay iyana tubta ay martay la marsiinayo.

Maxamuud Cumar Bille

Agaasimaha Warfaafinta Xisiga Ramas PPP.

kala xiriir: +252-90-794242
mcbille@gmail.com

Shaqaalahii MSF ee Afduubka Loogu Haystey Boosaaso oo la sii daayey....
Labadii dumarka ahaa ee Bosaso loogu afduubay ayaa maanta la sii daayey... Akhri...