Bulshada Soomaaliyeed Iyo Paltalk.
(Soomaalida Qaahira)

Waayahaan danmbe Waxaa soo ifbaxaayay aalado kala duwan oo Internetka ah oo ay Soomalida ku wada sheekeystaan iyadoo siyaabo kala duwan loo adeegsado,
Hadaba Paltalk ayaa dhalinta soomalidu sida aadka ugu waalantahay isticmaalkiisa

Magaalada Qaahira waxey ka mid tahay meelaha sida aadka ah looga galo paltalk waxeyna isugu jiraan dadka galo dhalinyaro odayaal iyo kuwa lugu magacaabo wadaadda paltalka.

Dhalinyarada paltalk.

Dhalinyarada Ayaa waxey inta badan galaan paltalka ayidoo taasi sabab looga dhigi karo maadama aysan heyn wax kale oo ay ku mashquulaan hadii ay ahaan laheed wax barasho ama shaqo, Qololka dhalinyaradu u badanyahiin waxaa ka mid kuwa leesku barto luguna wada sheekeesto Sida kuwa Loo yaqaano Qolalka SHukaansiga iyo isbarashada iyo kuwa leesku caayo inta badan
wax yaabaha ugu yaabka badan ee magaalada Qaahiro aaan ku arkey waxaa ka mid ah in gabar joogto Canada oo kale ay lacag usoo dirto dhalinyarada inta badan paltalka ka caytama ee jooga Qaahira kana codsato in ay shaqsi markaasi asigana reer paltalk ah loo caayo, waxaana arkee mararka qaar dhalinayaradaas oo fadhiyo Goobaha soomaalidu u badantahay isna weydiinaayo( maxaa cay cusub oo aan Caawa o Qof hebel ama qof heblo ku caynaa) waxaa dhacda mararka qaar in laamiga kugu qabtaan dhalinyaradaas kuna weydiiyaan in aad cayda Qatar ku tahay hadii aad Qatar ku tahayna kooxdooda lugu daro ama cayda lacag laga gato.
Soomaaliya waxey aheed lacag qaado ee wax soo dil lakiin Qaahiro waa lacag qaado ee wax soo caay, inkastoo arinkaan yahay mid la yaableh hadane dad badan oo Soomaali ah ayaa waxey u arkaan horumar hadii qorigii laga gudbay oo cay kaliya sheekadu taagantahay waxeyna dad badan aaminsanyahiin hadii ay helaan dhalinyarada wax bedela fadhiga iyo shaqo la,aantaka in ay iska dhaafayaan waxyaabahan oo idil.

Odayaasha paltalk.

Magaalada Qaahira dadka paltalka gala odoyaasha kama marna marka aad joogto goobaha lugu shaaho waxaad arkee odayaal ku murmaaayo arimo ku saabsan paltalka lakiin ayigo waxey kaga duwan yahiin dhaliyarada waxey u badanyahiin Qolalka siyaasada inta badan looga hadlo Lakiin Waxaa Jiro Hal iyo labo oday oo guur la,aan ku duqoobay oo u wareega qololka shukaansiga Mid ka mid nabadoonada magaalada Qaahira si aad ah looga yaqaano ayaa sameeyay qiso la yaableh kadib markii islaan uu ka bartay paltalka ugu sheekeeyay in uu masar dalxiis ku joogo kana yimid dalka mareykanka markii islaanta sidaas ku waday dhowr bilaado ayey islaantii masar timaaday waxeyna aragtay Nabadoonkii dalxiiska masar u joogay oo Kaar Qaxooti heesto meeshey ka sugeysay Passpor mareykan ah dhacdadan ayaa waxey aheed dhacdo bulshada ku nool dalka masar aad u ala yaabeen waxeyna gaartay in labadii beelooda ee islaanta iyo nabadoonka kasoo wada jeedaan wada fadhiistaan lagana taliyo nabadoonkii tali jiray arintiina la xaliyo oo islaantii loo celiyo lacag badan oo ay usoo diri jirtay intii nabadoonku beenta ku weday..

Wadaadda paltalka.

Wadaadda paltalka ama culimada casriga waxey ka mid yahiin dadka sida aadka ah uga gala paltalka magaalada qaahira wadaadda ayaa waxey galaan inta badan qololka islaamiyiinta ayigoo muxaadarooyin Diini ah kasoo jeediya Lakiin su’aashu waxey tahay wadaadda Diinta kuwa garanaayo ma yahiin mida dan ayaa ku raaceyso?

Wadaadda inta badan paltalka ka muxaadareeyo lama dhihi karo waa wadaaddo gaar ahan kuwa joogo magaalada Qaahiro, waxaa arkee nin maalintii shiishad cabaayo habeenkii muxaadaro diini ah akhrinaayo markaad weydiiso sababta ku kalifeyso in uu sidaas sameeyo waxuu kugu jawaabaa maxaan sameyaa dumarka soomaaliyeed waxey jecelyahiin diinta looga sheekaayo iyo rag diin leh hadii aan ka helo midoo waan iska dhaafayaa ilaahna ha iga cafiyo beentaan, waxaa sidoo kale arkee kuwa raadinaayo waxey muxaadareyn jeedi lahaayeen caawa waxeyna gaarta mararka qaar in ay kuwa kale siiyaan lacag si ay ugu soo diyaariyaan muxaadaro,

waxaa jiray rag caan ahaa oo ka mid ahaa kuwa wadaadda sheegta ee magaalada qaahiro ka geli jiray Qolalka Diiniga Lugu Sheego ee Paltalka waxaana ugu danbeysay muxaadaro ay paltalka ka akhriyaan markii ay guursadeen haween ka mid ahaa kuwa paltalka muxaadaraadiisa ku tixnaa ,
markaad fiiriso arimahan oo dhan waxaa kuu soo baxaayo kuwa wadaadda sheegta ee ka muxaadariya qolalka islaamiyiinta gaar kuwa masar joogo in aysan aheen dad diin yaqaano lakiin ay yahiin kuwa danta ku kaliftay in ay sidaan wanaagsaneyn diinta u isticmaalaan ayigoo ka faa’ideyso jaceelka dadka soomaalida badankooda u qabaan diinta islaamka waxaa dhacday xitaa in Dalka masar laga waayay macalimiin soomaaliyeed oo ilmaha soomaaliya laga keeno kuwa dibadaha laga keeno Qur’aanka u dhiga waxaan taas sabab u ah ayidoo habeenkii oo dhan macalimiintu baadi goob dumar ugu jiraan Qolalka Diiniga kuwa Isku sheega subaxdiina jiifa waxeyna Soomaalida ka fursan waayeen in ay macalimiin masaari ah keensadaan.

Dhacdooyinka la yaabka leh ee paltalka ka dhaca.

Paltalka waxaa ka dhaca dhacdooyin la yaableh waxaana sabab u ah taas dadka soomaaliyeed oo caado ka dhigtay in ay isticmaalaan wax walba qaabkii loogu tala galay qaab ka duwan,
waxaan ku arkay mid ka mid ah wiilasha Qisooyinka la yaabkaleh ee paltalka ku jiro wiilkaan waa wiil 15 jir waxuuna ugu horeyn I tusay sawir haweeyn kor u dhaafeyso 40 markaan weydiiyay waxey haweeneydaan waxuu ii sheegay in uu shukaansado, waxaan weydiiyay sida ay ugu suura gashay in uu haweenay 40 jir ah shukaansado iyo halka uu ka keenay markiii hore waxuu wiilkaasi ii sheegay in uu markii hore ka bartay haweeneydan paltalka asigoo ii sheegay in uu dhib badan kala kulmay sida uu ugu qanci lahaa in uu nin weynyahay lakiin markii danbe uu mid saxiibkiisa oo sidaan oo kale ku dhacday uu kula taliyay in uu sawir qof weyn google ka raadiyo una diro Markey soo wacdana qof weyn u dhiibo waxuuna sameeyay wiilkaan sidaas waxuuna ii sheegay in sidaas kuwa wada socdaan ilaa iyo hada sidaan Wiilkan waxaan weydiiyay hadii qaahiro kugu timaado maxaad sameynee waxuu si fudud igu yiri” maxaan sameyn lahaa waa ka dhuuman lahaa sida dad badan aniga iga hor sameeyeen”

Dhacdadda Wiilkaan iiga sheekeeyay waxey ka mid tahay boqolaal dhacdooyin oo ku saabsan paltalka oo ka dhaca dalka masar,
waxaana Nasiib daro ah haween 40 jir ah xiligey cibaadeysan lahaayeen in ay waqtigooda ku dhameeyaan paltalka waxaa arkee kuwa shukaansaayo dhalinyaro la mid ah caruurtooda oo kale waxaa ku arkee maqaayadaha qaar wiila yariis oo habar dhali karto la socdo markaad weydiiso ma habartiisaa waxaa lugu jawaaba( maya waa naag uu paltalka ka keenay)
Waxaa kaloo la yaableh in aad aragtid haween soomaaliyeed oo caruurtoodii caruur dhashay iyo gabadho hada soo baxaayo webcam shidaayo ayigoo wax dhar ah anan gashaan arinkaas oo ah wax dhaqanka soomaaliyeed iyo diinta islaamka kasoo horjeedo
Run ahantii wiilasha dhalinyarada ah waxaa ku kalifaayo in ay guursadaan ama shukaansadaan haween dhali kara waa ha idin geysa Dalalka Reer Galbeedka Maahane Majiro rabitaan ku kalifaayo in ay wax la wadaagaan haween hooyooyinkooda ka weyn

Ugu danbeyntii waxaan jeclahay in aan u sheego dumarka afartan jirka ah ama kuwa kasii weyn intaas in anan anigu u diidaneen in ay rag guursaan waana wax ay xaq u leeyihiin Lakiin waxaa wanaagsan in ay jiilkooda raadsadaan oo aysan dhaliyarada soo baxeyso kaga faa’iideysan faqriga iyo yurub jaceelka Ragana Waxaa loo baahanyahay in aysan gabadhaha soo koreeyo passpor ku gadan

Khaalid saciid muuse (codka Bulshada Xurta Ah)
lebrali@hotmail.com
Qaahira-Masar

Fadeexada Paltalkga: iyo Dulmiga Walaasha Muslimada ah

Faafin: SomaliTalk.com | Jan 3, 2008